التجمع الثالث لأمهات شهر (6)يونيو 2012 لشهر شوال

الشر مايجيك حبابه
ويسعد صباحك ومساك

جوفان انتي عندك بنت؟ كم عمرها ؟
ظنيت ماعندك عيال ،،،الله يخليها يارب ويرزقك بإخوان لها

هههه ام عزوز
ايوه عندي بنت عمرها ٨ سنوات

أم عزوز001;16322888:
هلا فيك

فعلا اكثر شي تسرب لما يكون ع جنب وصرت مااحب انومه ع جنبه مااشيله الا ثيابه رطبه


ثياب الشتا لسى والله ماشريت غير جاكيت مع اغراض العيد يبي لي انزل واخذ له ،،واما الكبار بفتح الشنطه واجرد اللي فيها قبل
الله يعين
خلصنا من العيد جينا نتقضى للشتا


سوسو ،،، تعبااان مره ،صدره وكحه وزكام وكتمه الله يعينه والحلق تسكر ماينسمع صياحه
وديته طوارئ فجر الجمعه وماشفت الا دكتور عام عطاه بخار وصرف له مضاد وتحاميل للحراره وقال لازم اوديه السبت طبيب اطفال ،بس المضاد والتحاميل سببو له اسهال ،بوديه اليوم طبيب اطفال وعلما عنده تطعيم اكيد بيأجلونها

الله يستر

طمنيني عنكم

كلنا و لله الحمد بخير عساكم بخير ان شاء الله...

أنا غير التسريب مضايقتني سالفة العرق! علوي يعرق بشكل مو طبيعي تقولين كان احد كاب عليه ماي او ساعات اشك انه مسرب من كثر البلل... و لازم اغير له ملابسه مرتين او ثلاث و هو نايم مع ان غرفتنا برودتها معتدلة! مدري شسالفته!


ياا عمري سوسو سلامته إن شاء الله ما له إلا العافية... التطعيمة أكيد بيأجلونها اذا فيه حرارة... صبري عليه لا تستعجلين عالتطعيمة لأنها متعبة بعد، طعمت علي يوم الخميس و تعب منها مسكين حرارته مرتفعة و اعطيه خافض شراب بالتناوب مع التحاميل و يالله تنزل ساعة و ترجع ترتفع و اعبي له البانيو و احطه فيه لين تنزل بس اليوم الحمد لله خلاص ما جاته...

جوفان;16322913:
ام رشود
انا شريت ربيعي لبنتي ،، واخذت جاكيت لها للمدرسه بس
يبي لنا نزله للسوق

ام عزوز
مايشوف شر سوسو
<<<< دايماً ادخل عرض وانسى مااصبح عليكم ههه

صباح الروقان والهواء العليل

هلا جوفان و صباحج سعادة و هنا...

هالسوق ما نخلص منه عيد و مدارس و الحين شتا الله يعين رجالنا خخخ
و ملبوس العافية على بنتج F:

صباح الخير

جوفان ،،،تبلغين ببنوتك يارب وتشوفينها عروسه


ام رشود
الف سلامه على علاوي ،، انا طعمت سوسو لان الدكتور قال مافيه حراراه عادي ياخذ التطعيم بس تحسفت اني طعمته ،هو تعبان وماله مزاج والتطعيمه زادت الطين بلّه ،ومثل ماقلتي جاته حراره وصلت &#1635;&#1640; ونص الله يعين ويشفيه يارب

ولدك تفوق ع ولدي بقصة العرق ،، جد بسرعه يعرق ويحمى جسمه مع الحر وانا يا اسكر يا اشغل بالمكيف ،بس مو لدرجة تغيير ملابسه
غيري مكان سريره يمكن مايجيه هوا ومكتوم مكانه او حاطه ستاره ع السرير شيليها

الله يسلمج من كل شر ام عبد العزيز...

شلون سوسة الحين طمنيني عنه...

تصدقين مثل ما قلتي طلع العرق عشان مكان سريره صاد! أنا حاطته جهة رجولنا و انتي بكرامة عشان ما يلفحه هوا المكيف بس غرفتنا باردة فما جا في بالي ابد ان هذا السبب! لما نبهتيني جبت سريره جنبي و لا عرّق :D
بس خففت من برودة المكيف لان الدكتور يقول لازم الغرفة اللي ينام فيها انتي تعرقين فيها :|

بسألج سؤال خارج الموضوع :D
ناوية ان شاء الله على جوال جديد و محتارة بين سامسونج و الآي فون، بو رشود عنده سامسونج و يحاول فيني أخذ مثله!عاد قلت بسأل احد خبير بالموضوع انتي شتنصحيني فيه؟!

ويسلمك يارب

الحمدلله خفت حرارته ،،بس باقي الكحه الله يعينه تجيه كتمه ويصير يكح ويحمر وجهه

كويس عرفتي مشكلة علاوي ،اذا عرف السبب بطل العجب خخخخخ
اهم شي خلي الغرفه مفتوحه شوي عشان مايصير كتمه بعد

الموضوع اللي خارج الموضوع ههههههه
انصحك بالجالكسي لاني انا بعد افكر فيه ،،حلوه مميزاته طبعا اقصد اس &#1635; ،ويقولون بينزل منه الوردي وصار هاللون بخاطري
اما الايفون بالنسبه لي لان عندي ايباد ماافكر فيه
انتي شوفي جوال زوجك وطقطقي فيه وراح تقتنعين !!!

الحمد لله ماله شر ان شاء الله...
بالنسبة للكتمة اذا حسيتيها مضايقته مع الكحة عطيه بخاخ فينتولين بختين بس عند الضرورة، علوي عطوه البخاخ و اعطيه بالتناوب مع البخار حسب ما يحتاج... اسألي الدكتور عنه...

شلون سوسو مع الأكل! اشوف علي اسم الله عليه ما تشبعه وجبة باليوم و حتى كمية الوجبة زودتها صرت احط له &#1636; مكعبات... عادةً اعطيه وجبة وحدة اذا قام من النوم الضحى بس شكلي بعطيه وحدة ثانية قبل النوم، و الحين الليل صار طويل يجوع حبيبي... و لاحظته يحب الخضار أكثر من الفواكه عكس عيالي ههههههه
و الحين مجنني الله يهديه على سالفة الجلوس ما يبي جلاسته و لا يبي ينسدح بالحضن، جلسوني عدل و خلوني اتفرج، لو تشوفينه نتفة يضحك شكله و كل ما حاولت اسنده قام يتعصر و يرفع راسه بالغصب احسه يتعب بس ما يهمه ما يبي يفوته شي خخخخ

بالنسبة للجوال للحين مترددة يبي لي اشوفه و اجربه مثل ما قلتي...

الشر مايجيك يارب

الحمدلله خفت كحته ،،ع قولة الدكتور تجنبو العطور والبخور والدخان والمنظفات والحمدلله ماعندنا مدخنين والعطور والبخور تجنبتها عشانه والحمدلله خف

اخبار علاوي ؟؟؟؟

سوسو والاكل قصه خخخخ اغصبه ع رضعات العصير من يذوقه كش جسمه ،اخلط له تفاح وبرتقال
وع بلفيت بلس بعد بس مثل ماقلتي صرت احسه يجوع ومايكفيه وجبه وحده واحيانا اذا صرنا ناكل اشوف اي شي خفيف واذوقه عن خاطره وابوه يهاوش مايصلح له هههههههه
اما الخضار لسى للحين ماعطيته ابيه يكمل الخامس وابدا اعطيه ع نهاية هالاسبوع ان شاء الله
ولما كان مريض مزاجه متعكر فما حاولت معه خفت يرفض وتصير له عقده خخخخ

اما الجلاسه جد كرهوها يبيون الرزه صارو ينتبهون ويبون يشوفون حولهم
سوسو يفضل السدحه ولايجلس بالجلاسه مدري ليش

افكر اخذ له زي هذا

http://www.3roos.com/files/ups/2012/153836/01353214298.jpg


http://www.3roos.com/files/ups/2012/153836/11353214154.jpg

عجزت ادوره بقوقل طلع اسمه كرسي الاطفال السعودي خخخخخ
احس انه بيفك الازمه وحتى مستقبلا يكون كرسي للاكل
شرايك ؟
وجد ظهره وراسه ماشدو للحين احيانا اسند له ع الكنب شوي الا طايح ولا يعرف يرفع نفسه

مافي احد حولك معه الجوال ؟ شوفيه قبل لا تتسرعين

السلام عليكم أم عبد العزيز...

شلونكم عساكم طيبين إن شاء الله...

أنا غطيت و بقوة يختي تجيني فترات مقدر أدبر عمري، خصوصاً بعد ما درس راشد يروح وقتي بالمذاكرة له و الواجبات الله يعين...

و هالأسبوع رحت لأهلي علمي فيهم بالعيد، و لا شبعت منهم بعد حتى عيالي يقول راشد ماما قعدنا شوية بس نص نبي نقعد واااجد هههههه

بالنسبة للكحة ترى حتى روايح الطبخ مو زينه لصدره، أقصد حمسات البصل يعني... هذا علي مسكين على أقل شي ترجع له الكتمة و شغالين معاه عالبخار بس، و الحين بعد البرد جاي ربي يستر عليهم و يحفظهم...

إذا سوسو ما يحب العصير حرام لا تغصبينه، أنا علوي ما أعطيه عصيرات كلش مريحة نفسي ههههههه... جربي سوي له رضعة يانسون أو اشتري له شاي ميلوبا أحلى من العصير مسكين...

أمس في بيت أهلي أبوي جاب أفوكادو قلت خلني أجرب أعطي علوي، و هرست له شوي و خففته بالحليب حقه، و الله و عجبه حبيبي، قلت خلاص هذا بخليه ثابت بالمنيو حقه لأنه دسم و فيه سعرات حرارية كثيرة أبيه ينفخه شوي و يعطيه خديدات خخخخ
و ذاك اليوم في البقالة شفت بسكوت الأصابع و تذكرتج قلت باخذه و أجربه، و استانس عليه صار يسولف و هو يعضض فيه من حلاته هههههههه بس عاد تعالي شوفيه لما يخلص كل الدنيا متلغوصة...

أما هالكرسي عجيب شكله أول مرة أشوفه! و شمعنى سموه الكرسي السعودي، اختراع محلي يعني! ههههههه... طيب وين ألقاه؟
أفكر أجيب له مشاية، كان عندي مشاية راشد و استخدمتها عليا بعده و لما كبرت عليها قلت لزوجي طلعها ودها الجمعية و لا تصرف فيها لأنها كبيرة و مضايقة المكان، عاد سلفتي تضحك عليّ تقول ليه تقطينها بكرة بتحملين و تتحسفين! و يالله هذاني الحين، حسافتها لأنها كانت جودة و عدلة ما فيها شي... عاد في نوع اللي تكون ثابتة ما تمشي هذي تصلح لعمره الحين لأنه توه عالمشي...

هلا بك يالغاليه
حنا بخير ونعمه انتو اخباركم
اشوفك تختفين وترجعين. الله يعينا يارب ويهديهم ويصلحهم

العيال مايشبعون ودهم بالجمعات واللعب ،بس والله مايكون لك وقت كثير يسألوني ما تزهقين نهاية الاسبوع بالدمام ،بالعكس ااجل اشغالي لنهاية الاسبوع من غسيل وكوي وكذا ويمر اليومين مااحس خخخخ

انا احاول اخلي سوسو بالغرفه وقت مااطبخ ووقت القلي واهوي الشقه بعد الطبخ. واحين البرد جا والشقه مررره دافيه اخاف من الوضع برا ماادفيه واانصدم

من زمان بطلت اعطيه شاي ميلوبا مدري ليش خخخخخ ،بس بجرب معه اليانسون
احس الافوكادو دسم >>>>وحده ماتحبه خخخخ
وش نوعية البسكويت اللي اخذتيه؟ انا اللي اخذته اختيار الام بس امي قالت لي انه خشن مرره مايصلح الا اللي مسنن
والحوسه من بعده لاااازم ،لبسيه مريله ام اكمام وتشيلينها وترتاحين ،،


اذا ما عطيته عصيرات يعني اهرس له الاكل ؟ انتي تفرزنين الاكل صح؟ لاني ما قد جربت اجمده بس احين مافي وقت مع العيال اول متفررغه اكثر مع اخوانه

انا شايفه الكرسي عند محلات الاطفال اللي بنفس شارع الهرم ،بس ناسيه اسم المحل وع الاسم تقول امي هذي جلاسة العيال قديما بس طوروها خخخخخ

بدري ع المشايه احين ،يمكن ع الثامن افضل لما يشد ظهرهم، انا عندي وحده جاته هديه وخصوصا المشايه لازم كل واحد بوحده خخخ من بعد التفحيط والصدمات
،سوسو صار يتقلب ابشررررك
بس تعالي سمعي الصياح لانه مايعرف يرجع ولا يطلع ايديه من تحته

الله يبلغنا فيهم يارب ويحميهم

هلا بج أكثر...

كلنا و لله الحمد بخير...



صادقة العيال حياتهم اللعب، و تعرفين بالشقة محبوسين، أنا مشكلتي بيتوتية ما أحب أطلع إلا في الشديد القوي على قولتهم، و عيالي ماسكتهم معاي، يكسرون خاطري ساعات أقول لأبوهم يطلعهم الحديقة جنبنا أو يوديهم بيت جدهم... عشان كذا إذا رحت بيت أهلي يفلونها و طول وقتهم لعب بالحوش...

و على شغل البيت أنا عكسج، أشتغل الصبح بعد ما يروح راشد المدرسة كل يوم شي عشان الويك إند أبي بس اتسدح و اتبطح خخخخ



بالنسة للبسكوت شريت له هذا، هو خشن بس يذوب بسرعه و ما حسيته متضايق منه...








و الأكل أسلق الخضار كل نوع لحاله بعدين أطحنهم و أحطهم في صينية الثلج و إذا جمدوا فكيتهم في كيس، و إذا جيت أعطيه آخذ مكعبات الثلج على حسب ولدج كم ياكل و بعدين أذوبهم بالمايكروويف و أطبخه شوي لين يسخن و إذا فتر عطيته...
هالطريقة أوفر لج وقت و جهد...


بقول حق بو راشد يشوف لي هالكرسي حسيته مريح :D

و يااا زين سوسو ما شاالله... عالبركة التقلب و عقبال يحبي بعد... عطيع وقت و شوي شوي يصير متمرس ههههههه

علوي الحين صار يعرف يمد يده عدل و يمسك اللي نحطه قدامه، و اليوم أشوفه يبدل من يد ليد الثانية... عنده ملعقة الأكل هذي لعبته المفضلة لما تطيح منه يصيح عليها و بس أجيبها قدامه يقعد يفرفر من الوناسة ههههههههه

و آمييين ربي يحفظهم من كل شر F:

دريتي عن أم محمود ولدت! جابت شموخ شفتها كاتبة برسايل الزوار...

الله يسعدكم يارب

وسط الاسبوع مافي مجال للطلعه ابد ،،مذاكره ومطبخ وحووسه الله يعين
احيانا نطلع نهاية الاسبوع خاصة يوم الجمعه عشان نغير للعيال جو مثل ماقلتي

البسكويت اللي اخذته يذوب بسرعه بس بجرب هذا ان شاء الله ،،بس هو مكتوب عليه للرضع ولا؟

بخصوص الخضار اليوم شريت علب بلاستيك صغيره وقلت بسوي مثلك واجمدهم ،اختصار وقت وجهد لان مافي وقت اصلا خخخخ

وبعد شريت الكرسي اليوم ،،من محلات الاطفال اللي مقابله الهرم بالشارع الثاني وقيمته &#1637;&#1632; للقماش الساده و &#1639;&#1632; للمشجر خخخخ
خذت ساده احلا عشانه ولد
ومبسوط فيه لما حطيته مرتز ويشوف الدنيا ،
ربي يصلحهم ،صارو ينتبهون ويبون يلعبون

الحمد ع سلامتها ،،زين قلتي لي اروح ابارك لها تستاهل كل خير

ام راشد
ماعندك برنامج نيمبوز او لاين او كيك؟

اخباااااركم
واخبار سوسو وعلووووي
لهم بوسااات كبيره
تسددحت ضحك على الكرسي السعودي

يسلموووو جووفان
طمنيني عنك


ههههه الكرسي اسمه كذا بس لما رحت المحل وسألت عنه ماعرفه صاحب المحل خخخخ

يا هلا و الله...

تصدقين توني انتبه للبسكويت لما قلتي، مو مكتوب عليه للرضع :-#
عاد العلبة خلصت الحين خخخخ ماله شر ان شاء الله...

بترتاحين مع العلب بتوفر عليج وقت و جهد :thumbs_up:

الله يجزيج خير عالكرسي، بس قلتي لي و وصيت زوجي يروح يجيبه بس جاب لي الوان يقول في ابيض بس يتوسخ بسرعة! بس اول ما فكيت الكيس انحشرنا بريحة الغرا! و علوي صدره ما يحتاج بعد فقلت لزوجي يحطه بالسطح تطقه الشمس و تروح الريحة و اشوا راحت و حطيت النتفة على قولتج بس للحين يرقل ما شد يميل ههههههههههه

عندي برنامج كيك و كأنج تدرين توني حملته :D

برسلج اليوزر حقي عالخاص!

اليوم رحت ريد تاغ و خذت ثياب الشتا للعيال، ثياب البنات شي و الله دلعت عليا و ما خليت بخاطرها شي خخخ اما علي ما لقيت له شي ما عجبوني شغلات الرضع، بشوف سيتي ماكس و ان ما لقيت بروح مذركير...

و انا اخذت لي بيجاما و ترنق و بلوزة وحدة و طلعت البيجاما صغيرة مع انها مقاسي! الله يعين بو رشود بكرة يبدلها لي...
طبعاً بقى شغلات للعيال و لي ما لقيتها هناك يبيلي انزل السوق اقضيها... و امس حمواتي يمدحون ارواب شتوية بسوق الدمام بس عد انا ما ادل شي فيه، قلت لهم يوم اللي اعزم اروح بمركم و دلوني :)

ما قلت لج رشود جاب ورقة التقييم و ماخذ بالقراءة &#1634; :(
كله عشان المشاركة يقول الاستاذ انه يشارك بكل المواد الا لغتي! مع اني اشوفه متحمس بالبيت و جبنا له سي دي خاص بالمنهج و طول الوقت مشغله و تحسن كثير عن اول الترم بس مدري شبلاه!

جوفان;16340276:
اخباااااركم
واخبار سوسو وعلووووي
لهم بوسااات كبيره
تسددحت ضحك على الكرسي السعودي

اهليين جوفان...
النونوات طيبين الحمد لله يسلمون عليج F:

السلام عليكم شخباركم
وينكم ام عزوز وام راشد
وجوفان والبقيه

وعليكم السلام
الحمدلله بخير
اخبارج احلام
واخبار ريماا

ام رشود وام عزوز مالهم حسس

اين انتن؟؟

هلا فيكن
احلام وجوفان
اخبااااركن
منورات والله