التجمع الثالث لأمهات شهر (6)يونيو 2012 لشهر شوال

ام راشد شغلتك الاجازه والاسواااق
وينك

هلاا و الله أم عبد العزيز... لا سلامتج لا الاجازة و لا السوق انا في المستشفى مع علوي.. من أمس احاول ادخل التجمع من جوالي بس الشبكة ضعيفة و يعلق! علي رجعت له نفس المشكلة اللي قبل كتمة بالصدر و بلغم و كحة و هالمرة مع حرارة.... صار لنا من السبت و شكلنا مطولين الله يكون في العون... شخبارج انتي و اخبار الكتاكيت مع استعدادات العيد عسى خلصتوا...

الف سلامه عليكم
ومايشوف شر علاوووي حبيبي
الله يشفيه ويعافيه وتطلعون بالسلامه

سوسو فيه كحه بس ماوديته حتى دكتور مااحب الادويه وخاصة بالهالسن

اي والله خلصنا الحمدلله
ربي يعيده علينا وعليكم بالخير والبركه

الله يسلمج من كل شر... اللي معاه طلع مو التهاب في الصدر! قال الدكتور هذا ارتجاع في المريء! يعني صمام المعدة مرتخي ما يسكر زين بعد الوجبة فيسمح للحليب انه يرجع يطلع للمريء و شوي منه يدخل في الحنجرة و الرئة عشان كذا يطلع في صدره هذا الصوت... طبعا" ما له علاج لانه يرجع الصمام يتسكر لحاله على عمر  شهور و بعضهم يطولون لين سنة.... الحل انو بس نرفع مرتبة السرير و منعني انومه بشكل افقي بتاتا" و حتى و هو صاحي قال حطيه في الجلاسة...و شجعني ااكله لان الاكل ثقيل و يثبت في المعدة و يصير صعب ارتجاعه... الحمد لله شي اهون من شي و الله يشافي مرضانا و مرضى المسلمين... ملبوس العافية عليكم و آآآميين ربي يسمع منج.... انا خلصت بس بقى تكرمين جزمة لعليا ان شاء الله يمديني اطلع قبل العيد و اروح ادور لها...

سلامته علوي مايشوف شر

ام راشد
بنت اخوي منومه من يوم الجمعه ونفس الكلام قايل لهم الدكتور ان الرئه فيها شي يمكن شرقه وراح الاكل فيها وهي عمرها ١١شهر
الله يشفيهم ويعافيهم ومايشوف شر يارب

وتطلعون بالسلامه قبل العيد
وعليا خلي عماتها ولا خالاتها يشترون لها اللي تبين ،لان بعد تعب المستشفى والعيد وركضته الله يعينك

جوفان;16307481:
سلامته علوي مايشوف شر

الله يسلمج من كل شر F:

أم عزوز001;16308350:
ام راشد
بنت اخوي منومه من يوم الجمعه ونفس الكلام قايل لهم الدكتور ان الرئه فيها شي يمكن شرقه وراح الاكل فيها وهي عمرها 11شهر
الله يشفيهم ويعافيهم ومايشوف شر يارب

وتطلعون بالسلامه قبل العيد
وعليا خلي عماتها ولا خالاتها يشترون لها اللي تبين ،لان بعد تعب المستشفى والعيد وركضته الله يعينك

مرحبا ام عبد العزيز...

كل عام و انتي و الأهل بالف خير ياا رب...
الله يعوده علينا و عليكم السنة و كل سنة :L:
شلونكم مع العيد ان شاء الله انبسطتوا...

و شلون سوسو مع الكحة عساها راحت عنه!

سلامتها بنت اخوج ما تشوف شر ان شاء الله... مساكين الاطفال لو هم يقدرون بس يقولون اللي يحسون فيه كان أهون شوي...

علي طلعوه يوم الاثنين و الحين هو احسن بكثير الحمد لله و عطاه الدكتور مضاد للحموضة :sick: مسكين شايبنا النتفة خخخخ

وانتي بألف خير ام رشووود وينعاد عليكم يارب

الحمدلله راحت عنه ويارب مايمرهم مايضرهم

والحمدلله ع سلامة علاوي. وربي يشفيه ويعينك يارب لاحظيه دوم وسووي كل شي قاللك الدكتور
بنت اخوي طلعت الاربعاء
ربي يشفيهم ويعافيهم

رجعنا للدوامات والروتين الممل خخخخخخ الله يعينا

ام عزوز
ام رشود
كل عام وانتو وبيباتكم بالف خير

جوفان;16313181:
ام عزوز
ام رشود
كل عام وانتو وبيباتكم بالف خير

وانتي بألف خير
طمنيني عنك اخبااارك

أم عزوز001;16313169:
وانتي بألف خير ام رشووود وينعاد عليكم يارب

الحمدلله راحت عنه ويارب مايمرهم مايضرهم

والحمدلله ع سلامة علاوي. وربي يشفيه ويعينك يارب لاحظيه دوم وسووي كل شي قاللك الدكتور
بنت اخوي طلعت الاربعاء
ربي يشفيهم ويعافيهم

رجعنا للدوامات والروتين الممل خخخخخخ الله يعينا

الله يسلمج من كل شر و تستاهلين سلامة بنت اخوج قدامها العافية...

الله يعينا حتى رشود مو متحمس يقول ابي أغيب وااااااجد :lol:

شآخر تطورات سوسو؟ علي الحين بدا يمد يده ياخذ اللي قدامه بس قولة ابوه للحين يبيله وزنيه خخخخ تشوفينه يمدها بس يضيع الاتجاه هههههههه و هو معجب بيده كثييير بس يطالعها و يحركها!

و من جا العيد و هو متعلم يمد لنا لسانه، أنا مبسوطة عالحركة طالع يجنن مع لسانه النتوف بس عمتي مو عاجبها كل ما شافته تقول يا ويلي شبلاه ولدنا خخخخ تقول اذا طلعه رديه لا يتعود... بس لما بحثت عنها طلع شي طبيعي يصير يكتشف اشياء جديده بجسمه...

و صاير بعد يصرخ مبسوط انه عرف هالحركة و يجرب طبقات صوته هههههههه

ياااا زينهم و يا زين حركاتهم الله يحفظهم F:

جوفان;16313181:
ام عزوز
ام رشود
كل عام وانتو وبيباتكم بالف خير

و انتي بخير و صحة و سلامة F:

الله يسلمك يارب

وعزوز بعد يحاول على اي سبب انه يغيب. الله يهديهم ويشرح صدورهم

هههههه حلوه الوزنيه ،،،،فعلا اشوف سوسو يحاول انه يمسك اللي قدامه بس تحوول عيونه مامسكه خخخخ
وحركة اللسان صار له فتره يسويها يقول عزوز انه هو اللي علمه لانه يمد لسانه قدامه ،ماحصل حركه افضل:lol:

احيانا ولدي يتحمس مع اللعب بيدينه وتعالي سمعي الصراخ ولا يحلا الا وقت النوم :-#
صرت اعطيه الخشخيشه اللي يقدر يمسكها وتكون خفيفه ،وصار كل شي يمسكه ع طول بفمه واخذت له امس بسكويت اطفال هو من عمر ست شهور بس الصيدلي قال اذا بنهاية الخامس عادي

امممم صار يدفع برجوله الارض ويميل بجسمه ع امل انه ينقلب واحاول اساعده بس يبي له وقت

ربي يهديهم ويصلحهم :adore:

اهليين و الله...

يا حلوه سوسو، تصدقين احياناً اقعد أمطخ علوي من حلاوة حركاته ودي آكله حتى أمي تقول هذا ولدج غير! خطف قلوبهم ههههههههه

علوي مسكين فقد مهارة التقلب لان الدكتور منعني انومه مسطح على ظهره او بطنه حتى هو احسه تعب ومل من الجلسة مسكين... ان شاء الله تعدي هالفترة على خير لين يكمل 6 شهور و نرتاح...

اما رشود سالفته سالفة، امس لما راح ابوه ياخذه قاله الاستاذ انه بس يضحك بالصف و اليوم لقيت الاستاذ كاتب بدفتر الواجبات انه مشاغب جداً :thumbs_down:

اقوله ليه كذا يقول أنا قاعد مكاني و لا أتحرك! بس اعرفه ما شاء الله عليه حركي و يحب يمزح واجد... الله يهديه و يعقله...

F:

تحلا ايامك يا ام رشووود

وربي يشفي علاوي ومايشوف شر ،،،،خاتمة الشر عنه يارب

الله يرحم زمان اول كنا هاديين ونخاف من طاري الاستاذه عكس عيال هالايام ،تخيلي عزوز مستأذن من المدرس انه يسولف مع صديقه علما بأنه مسكتهم ولايبيهم يتكلمون

الله يهديهم ويصلحهم

بسألك ،،وش تستخدمين لعلاوي حفاظات ؟
انا استخدم ل سوسو هجيز حشوتهم زينه وتمتص بس احيانا تسرب من عند الظهر ومرات تكوون نظيفه حتى ،واحاتي اذا جا الشتاء انه يبلل ملابسه ويبرررد ،ع قولة وحده هذا الاولاد لازم بولهم يسرب
خخخخخخ

ههههههههههه
عزوز توحفه
عيل يستأذن علشان يسولف

نسيت ماصبحت عليكم
صباح الفل والياسمين

يسعد صباحك جوفان

نووورتي
طمنيني عنك كيفك

أم عزوز001;16318836:
تحلا ايامك يا ام رشووود

وربي يشفي علاوي ومايشوف شر ،،،،خاتمة الشر عنه يارب

الله يرحم زمان اول كنا هاديين ونخاف من طاري الاستاذه عكس عيال هالايام ،تخيلي عزوز مستأذن من المدرس انه يسولف مع صديقه علما بأنه مسكتهم ولايبيهم يتكلمون

الله يهديهم ويصلحهم

بسألك ،،وش تستخدمين لعلاوي حفاظات ؟
انا استخدم ل سوسو هجيز حشوتهم زينه وتمتص بس احيانا تسرب من عند الظهر ومرات تكوون نظيفه حتى ،واحاتي اذا جا الشتاء انه يبلل ملابسه ويبرررد ،ع قولة وحده هذا الاولاد لازم بولهم يسرب
خخخخخخ

الله يسلمج من كل شر...
يا حليلك ياعزوز هههههههه بس ما عليه اسمه الولد مؤدب خخخ

بالنسبة للحفايظ استخدم بامبرز الجديد اللي لونه ابيض و ذهبي حبيته لانه خفيف لكن احيانا يسرب بعد... و كم مرة زوجي ما يلقى بامبرز و يجيب بيبي جوي و حتى هذي تسرب بعد احيانا... بس لاحظت انه يسرب اذا كان نايم على جنب اكثر شي!

جوفان;16318838:
ههههههههههه
عزوز توحفه
عيل يستأذن علشان يسولف

نسيت ماصبحت عليكم
صباح الفل والياسمين

صباح النور و السرور F:

بسألكم شريتوا ملابس للشتا؟!

اليوم بالراديو جايبين خبر ارصاد جوية يقول ان البرد بيدخل يوم الثلاثاء الجاي ان شاء الله... و طبعا هذا بس خريف على كلامه للحين ما دخل الشتا!

الله يكون في العون كل ثياب عيالي صغرت عليهم لازم اجهز من جد و جديد...

هلا فيك

فعلا اكثر شي تسرب لما يكون ع جنب وصرت مااحب انومه ع جنبه مااشيله الا ثيابه رطبه


ثياب الشتا لسى والله ماشريت غير جاكيت مع اغراض العيد يبي لي انزل واخذ له ،،واما الكبار بفتح الشنطه واجرد اللي فيها قبل
الله يعين
خلصنا من العيد جينا نتقضى للشتا


سوسو ،،، تعبااان مره ،صدره وكحه وزكام وكتمه الله يعينه والحلق تسكر ماينسمع صياحه
وديته طوارئ فجر الجمعه وماشفت الا دكتور عام عطاه بخار وصرف له مضاد وتحاميل للحراره وقال لازم اوديه السبت طبيب اطفال ،بس المضاد والتحاميل سببو له اسهال ،بوديه اليوم طبيب اطفال وعلما عنده تطعيم اكيد بيأجلونها

الله يستر

طمنيني عنكم

ام رشود
انا شريت ربيعي لبنتي ،، واخذت جاكيت لها للمدرسه بس
يبي لنا نزله للسوق

ام عزوز
مايشوف شر سوسو
<<<< دايماً ادخل عرض وانسى مااصبح عليكم ههه

صباح الروقان والهواء العليل