جمعتنا ولمتنا السورية من جديد لشهر سعبان ... اتفضلوا

كل عام وأنتو جميعا بألف خير وينعاد عليكم بظروف أحسن ان شالله ونحقق كل أمنياتنا
الظاهر الكل مشغول بالعيد الا نحنا لا منقدر نروح لعند حدا ولا حدا يجي لعنا الريف مسكر نهائيا لا طلعة ولا فوتة والمدينة نص الطرق مسكرة ومليانة حواجز شي مقرف

الدمشقية;16216821:
اهلين نينو ياعمري الف الحمد لله على سلامتك وسلامة اهلك وربي يعوضكم خير ان شالله ويهدي حالكم واحوالكم ... حسبي الله ونعم الوكيل على ولاد الحرام
الله ينتقم منهم ياااارب وربي يفرجها على هالبلد ,,,,
طيب هلأ وين رحتو وين قاعدين ... الله يحميكم

الله يسلمك يارب
والحمد لله على كل حال أهم شي
انو طلعنا من البيت بخير وسلامة
كلو بيتعوض وهلئ نحنا رجعنا ع البيت
بعد ماضلينا فترة منيحة من مكان لمكان
يعني ضبضبنا حالنا وصلحنا الي منقدر نصلحو
ورجعنا بيت مرقع ترقيع الله وكيلك ولسا الخطر موجود
بس شو بدنا نعمل يعني مو واردة نطلع عند عالم هنن عيلة ونحنا عيلة
ولسا بكون كم عيلتين تلاتة عندن والله مصيبة وحياتكـ عيشة بتقصر العمر .

شامية للعظم;16218831:
صباحكم خير كيفكم يا جماعة
نينو اذا هيك الوضع عنكم لا نحنا عايشين بالجنة الوضع عنا احسن شوي طبعا بمنطقتي بس لأنو بحرستا جوا يمكن متل ماعم تحكي عقاب جماعي ياربي دخيلك الفرج تعبنا والله

والله العظيم كلو اضرب من بعضو عندي ولا عندكـ
وين ماعم تروحي قصف وضرب ودمار وخليها لله
الله يفرجها احسن شي

شامية للعظم;16223232:
كل عام وأنتو جميعا بألف خير وينعاد عليكم بظروف أحسن ان شالله ونحقق كل أمنياتنا
الظاهر الكل مشغول بالعيد الا نحنا لا منقدر نروح لعند حدا ولا حدا يجي لعنا الريف مسكر نهائيا لا طلعة ولا فوتة والمدينة نص الطرق مسكرة ومليانة حواجز شي مقرف

وانتي بخير أختي
ينعاد عليكـِ وعلى احبابكـ بالصحة والسلامة
ان شاء الله العيد الجاي منكون خلصنا من كل هالخراب هاد

ع قولتكـ كلو مشغول بالعيد الظاهر مافي غير انا وانتي نفس الوضع
والله العظيم اليوم ع صلاة العيد صف والتاني ورا الامام وبسسس
ولسا يادوب خلصو بلشو قصف بالهاون عيدية قال يعني العين تسفقون الهي
ولسا لهلئ الضرب شغال عنا بشكل مو طبيعي البواب رح تنخلع علينا
وخصوصي المكان الي نحنا فيهـ خطررررر لابعد درجة الله يستر يارب
في شي عندكـ غير الهدوووء شامية ؟؟ ان شاء الله وضعكن منيح ؟
|.

اهلين صبايا الله يكون بعونكم يارب ويفرجها عليكم من اوسع ابوابه
شامية حبيبتي هنا وعوااافي يارب على المعمول كلوهم انتو وغيروا مرارة تمكم شوي اااه على الله.....
والله اهلي مبارح حكيتهم وطمنوني عنهم بس بعرف ان المطر نازلة عندهم بس هي حبت تطمني ... الله يحميكم ويحميهم يااارب
وحسبي الله على كل ظالم وابن حرام ....

اهلين نينو ياحبيبة قلبي اكيد كل شي بيتعوض المهم سلامتكم وحق معكم والله الجلسة عند الناس صعبة كتيييييييييير حتى لو كانو اهل وحباب
وجلستكم بالبيت اكيد صعبة وربي يحميكم ويكون الكم معين ياااارب
واما عن العيد فاااه والله حرقوا قلوبنا ..... صدقوني صبايا مو بس انتو اللي عم تعانوا صح معاناتكم صعبة .... بس والله انو قلوبنا محروئة وجالسين على اعصابنا
وكل شوي بدق لاهلي او حتى بضل برنلهم لحتى يرجعوا يعلمولي ... والله جالسين على اعصابنا

الله المستعان الا ماتفرج وربك يرحمنا

سلام يا جماعة كيفكم هي مضى اليوم التاني الحمد لله نينو الله يفرج عنا وعنكم وعن كل مهموم يارب بجاه هالأيام الفضيلة تريحنا تعبنا والله فوق طاقتنا يعني أنا لما بشوف أم عم تبكي على ابنها عنجد فوق طاقتي دغري بحط حالي محلها لأنو هي أم متلي وابنها غلاوتو نفس غلاوة ابني عليي ومابقدر اتحمل دموعي أنا بحمد ربي علشي يلي ضل أنو أهلي وابني وأخواتي بألف خير والحمد لله يلي عم يفقدو ولد وولدين وبيت وأهل لك ووطن هالمشردين مو عايشين عيشة ذل ؟؟
ظولي بالك ويلي بيشوف مصيبة غيرو بتهون عليه مصيبتو

والله الوضع عنا متل كل يوم سئ وعم حاكيكي وشغال طبعا أنا عالتراس لأنو مافي تغطية غير فوق لأنو شايفة الطلقات فوق راسي شي يمنين شي شمال نزلت من عالكرسي عالأرص من خوفي لتجيني شي رصاصة

دمشقية بعرف يلي بعيد عم يعاني كمان بعرف من أختي الله يفرجها يارب بس والله وينك يلي بيشوف الشام واحكامن للسيطرة عليها بيتشاءم

دخيلك ياربي تمهل ولا تهمل

مشان الله شامية ديري بالك على حالك عندك ولد هدا برقبتك بعرف ان الاعمار بيد ربك بس كمان اعقل وتوكل

الله يحميكم ويفرجها عليكم .... ودخيلك العيد بكل مكان ماعاد اله لا طعم ولا لون الله يعفو عنا

كل عام وانتو بخيرجميعا
وان شاء الله العيد الجاية كلنا عم نعيد ب سوريا ومع اهالينا
الله مافي اكرم منو وان شاء الله رح تفرج المهم نحن لاننسى الدعاء
شامية ونينو االله يكون بعونكم وبعون الشعب السوري جميع
والله يهدي هالاوضاع وانشاءالله رح ترجع سوريا متل ما كانت ورح تصير احسن من قبل
والله قلوبنامعكم
ام محمود وام عبودي وام فيصل كيفكم وشو اخباركم وكيف كان العيد عندكم

الله يفرجها يا رب
كيفكم صبايا......................والله العظيم اشي محزن وين العالم عن سوريا

وانتي بالف خير ام سنا وام مصطفى ينعاد عليكم يارب وعلى سوريا بالخير والامان والسلام ياااارب

الله يصلح حالنا ويحنن قلوبنا على بعض ياااارب

دمشقيه شو أخر أخبارك؟؟؟
وكيف أختك؟؟

الحمد لله والله بخير وعافية واختي بخير الحمد لله
مافي شي جديد خلص العيد مثله مثل غيره وحاليا عم نتجهز للمدارس بعد اسبوع

انتي طمنيني عنك وعن احوالك

أنا الحمدلله بخير وما في شي جديد
أصلا كان في عيد والناس قاعده بتموت كل يوم

الصبر يا سوريا فأن موعدكم الجنه والنصر قريب بأذن الله

شو وين الصبايا غايبات عن المنتدى

السلام عليكم جميعا كيفكم صبايا ان شاء الله كل عام وانتوا بخير وسوريا بألف خير وان شاء العيد الجاية منعيد بسوريا ياااااااااااااااااااااارب ربنا كريم
معليش سامحوني معايدة متاخرة بس كان النت مفصول عندي
ان شاء الله الجميع يكونوا بخير واهليكم بخير وبإذن الله الفرج قريب ربنا رحيم بعباده :'(

مرحبا يا بنات كيفكم ان شالله تكونو بخير آسفة عالغيبة كل يوم بفتح التجمع بس ماعم يصيرلي مجال رد نحنا لحد الآن بخير والحمد لله طمنونا عنكم أنتو واذا حدا بيعرف رقم نينو أمانة وصلولي ياه لأنو والله بالي مشغول عليها الأوضاع عندن كتير كتير سيئة ياربي تحميهم وتحمي كل أهل سوريا

الله يفرجها علينا والله مل قلبنا وتعبت رووووحنا ... والبنات غايبات لانو مافي شي بسر ولا في شي بصبر غير رحمة الله

شامية الله يحميكم يارب ومعذووورة حبيبة قلبي .... بخصوص نينو الحمد لله بخير ماعندي رقمها والله بس اليوم بينت على الفيس بوك ويارب هي وانتو بخير دوووم

اهلين شامية ان شاء الله دوم تضلوا بخير الله يحميكم ويفرجها عليكم يارب
دمشقية ايه والله مل قلبنا واعصابنا تلفت حسبي الله ونعم الوكيل أحسن الشي
ان شاء الله يكونوا باقي البنات بخير

مسالخير

دمشقية طمنتيتي عليها الحمد لله والله الأوضاع سيئة لأبعد الحدود اليوم نزلونا علة الملاجأ نادو بالجوامع لأنو القصف عنيف ويوم من أسوء الأيام علينا

يارب يارب الفرج

اللهم لاحول ولا وقوة الا بك
حسبي الله ونعم الوكيل على كل ظالم .... شامية والله مالي عارفة شو قولك غير ربي من عالي سماه يفرجها عليكم ويكون الكم عون يااارب
حاولي انك تروحي لبيت اهلك خطية عشان الصغير ... الله المستعان احسن شي
والله اختي الكبيرة بعدها بالمدارس مو قادرة ترجع بيتها والتانية لما رجعت بيتها علقت بكفر بطنا والطرق مسكرة مو قادرة توصل لبيت اهلي وحااالة ونحنا هون متل المجانين
عم نلاطش ملاطشة انا وسورية وقلوبنا متل النار .... الله يفرجها ياااارب من عالي سماه رحمة منه

ياربي دخيلك رحمتك وفرجك الله يحميكم ياااااااااااااااااارب ويكون إلكم معين ومغيث