تجمع حوامل وامهات دار الزين ( مملكه البحرين ) لشهر ربيع الاول1431ه

شرووق صح كلامج .. الفراند بعد عجيب حق عشا او ريووووق << انا جربت الاثنين فيه وبصراحة شي نايس

يا الله بنات صوتوا وين بتروحون :)

سنفونية حب;11352551:
صوت الحنان << تبين اكشن شنو ههههه


+

مشكوره فراوله .. و ما تقصرين قلبوو
انزين انتي وين ولدتي برواني بنوتج ؟؟ << اي مستشفى

انا اللحين ببدي تجهيزات حق البيبي
فاللي عندها افكار او اماكن ومحلات حق تجهيزات وتوزيعات والذي منو
لا تبخل علي

ومشكورين كلكم مقدما

+

اشوفكم تخططون وناوين على طلعه بعد هههه
عليكم بالعافيه
وترى كابتشينوو فري نايس هادئ ورومنسي ههه << يعجبني

انا الحمدالله تابعت عند دكتورة هدى شريدة في العسكري ولدت فيه الحمدالله ولادة طبيعية :02:

..نور الصباح اني عندي رد وش طوله بس يبي له قعدة,,
توني فاضية الحين,, مللني لما شرب حليبته ونام,, ماصليت الا الساعة وحدة الا>>>الله يعلم بالحال,,
وبعدين برد لش على موضوع الاكل.. الحين بقوم اسشور قصتي عشان اطلعها في المعهد
هههههههههههههههههههههههاي قوية لا

الله يوفقج دموع ان شاء الله

صايرة بزنس ومن ما نشوفج وايد هههههههههههه

خذيت الروح;11349401:
الي سألت عن شلون تهدأ بنتها في الكرسي كنت اعاني نفس المشكله الحين الحمدالله اللهم صلي على محمد وال محمد تحب تقعد

اول شي قبل لاتركبينها السياره رضعيها وشبعيها ، ثاني نقطه حطي لها فوق الكرسي لعبة تتحرك وتطلع صوت ، ثالث شي لازم الكرسي يكون مثبت عدل ومعاه قاعده اهم شي مو الي يجون مع الترولي ، رابع شي اذا سمعتيها تصيح اضغطي على نفسج وحقري لان اذا قمتي ورحتي لها مابتتعلم عالكرسي وبس بتشوفينها ان شاء الله شوي شوي ترتاح ان بننتي تسوي لي قيامه قبل حتى الصياح اصيح من القهر


نايس اخبارج واخبار القمر شوشي ان شاء الله يملي حياتكم نور وشموس

تسلمين حبيبتي ام علا احنا بخير الحمدلله بس انشغلنا هاليومين بالطلعات :040:

دلوعة زوجي RAR;11349544:
يا بختكم يا بنات ماشاء الله تبارك الله






تسوقون سيارات
حسره علينا:hysterical:

حبيبتي حلوة السياقة بس صج ماتمنى يخليكم تسوقون لانه صبيانا وقدرنا عليكم بس السياقة في السعودية والله سامحيني بس صعبه صعبه مستحيل اسوق فيها اخاااااااااااف

أم فوفو;11349963:
سلام بنوتات
شخباركم شمسووين ؟؟
وحشتوني وايد صار لي جم يوم ماقدرت ادش ..

انتي وحشتينا اكثر ننتظرج

nooral9ba7;11351339:
بروح اكمل شغلي لا يفنشوني خخخخخخخخخ اشوفكم اذا خلصت

ابي ردود سنعه خخخخخخخخخخخ تعبتوني صايره لكم الشيف نور الصباح من صباح الله خير

الله يعينج علينا عيل هههههههه

خذيت الروح;11351369:
لا بليز صوت احذفيها

زوجي مايرضى والله تصير في ذمتي

مو تزعلين : (

حتى انا زوجي مايحب احط صور ولدي في المنتدى ترى حاولت معاه يقول بس حق الاهل:040:
والله يحفظ اعيالكم

صوت الحنان;11351419:
هلا هلا فراولة
لي تعقيب على قائمة نور الصباح << حشى برنامج خخخخ
البيض أفضل تعطين البيبي بعد الثمانية الأشهر لأنه ممكن يسبب حساسية

و حابة أضيف شئ لقائمة نور الصباح << فن كأن ع الهوا خخخ
المهم اللي بقوله إن تقدرون تذوبون خبز أو روتي في جاي حليب و تعطونه البيبي طبعا من خمس شهور
واااااااو يحبونه الجهال فن

صدقتي والله ولدي يحب روتي وجبن مغطس في شاي حليب وانا اموت عليه اكثثثثر:037:
اسويه لي وله

nooral9ba7;11351439:
بالنسبة للبيض عطوه اليهال في الشهر التاسع

صح كلامج

ولدي مب مخليني برقده وبلاجع ان شاء الله

يله حبوبات اشوفكم على خير باي

مرحباا

شخباركم حوامل وامهات البحرين ؟

اني مو حامل ولا ام ,, يصير اتليقف واتطفل عليكم ؟

يالله قدعوووني خخ

شفتوا اشلون رحت ورجعت وانا تقريبا اخر رد اقولكم انا كاشحه خخخخخخخخخخخ:02:

صوت الحنان;11351790:
خخخخخخخ
يوسف واجد خجول فديته ..... من أقوله بخطب لك فلانة يقعد يضحك و يخش وحه او يقول ما أمبااااا و هو يضحك خخخخخ

أني بعد كله يقولون لي توتة كوبي مني بس أني أقول هي أحلى دلوعتي

متعلمه لي أحين لما أرضعها تخليه في بوزها و تشيله و تتبسم لي كأنها تلعب عليه ههههههه

ويه حبيبتي لا تمزحين معاه جذيه عن الزواج والله الصبيان صايرين من يتخرجون نبي نعرس تعال الحياة صعبه يبي لها فلوس يبي لها شهاده والزواج يبي له طولة بال بصراحه ماشجع البنت تتزوج اقل من 21 والصبي 23 والله يهدي الجميع

دمـعـة;11351823:
..



..نايس اني يوميا عقب الغداء بنص ساعة اشرب شاي اخضر,, وساعات عقب العشاء,, اذا اخذ حمودي بيت ابوي واني طالعة من الصالة اصب لي ماي حار من الكولر واحمل وياي في شنطتي تي باق شاي اخضر ومكعب سكر صغير وقفشة وقلاص ورق.. ههههههه عشان عالسريع,, اصبح ماي واسوي الشاي واني في السيارة روحتي المعهد اشربه.. والتمارين سويتها مرتين وتخايبت:060:


..دوري في المحلات الكبيرة صوب الشاي,,لأن يوم اروح ادور شاي اخضر زين شفت في رامز انواع وش كثر من الشاي الاخضر,, شاي مع النعناع ومع الزنجبيل ومع الليمون,, يمكن تحصلينه الابيض


..

اي شاي الاخضر من مخططاتي لازم اتعامل معاه الحين ...ثانكس حياتي:087:

nooral9ba7;11352019:
هلا دموع تحياتي واحتراماتي في انتظار ردش على موضوع الاكل


صوت: كاباتشينو احسن من لاميزون ، لاميزون كله مقابلات سعوديين ويا بنات الله يعزكم ، غير ريحة الشيشة مب زين حق عيالنا

والله عني انا قبل ايام الشغل مع صديقاتي صرنا مدمنين على الريوق في ليلو يوم الجمعه او السبت يعني قبل لا تروحون بيت اهاليكم والصبح وناسة مافي زحمه

nooral9ba7;11352058:
صوت واسورة ودمعه وخذيت وام عبود وكلللللللللل البنات ابي اسمع رايكم وباسهاب لو سمحتو على هالموضوع خاصة الي بدو يأكلون عيالهم

طبعا قبل كانوا يقولون تاكلين ولدج من الشهر الرابع اوكي بس الحين منظمة الصحة العالمية اقرت وبشده انا ماياكلون اليهال الا من الشهر السادس بتقولون امهاتكم اكلوكم عادي من الثاني والثالث وماصار فيكم شي الحمدلله حبايبي الحمدلله ماصار لكم شي بس العلم والطب يتطور اهم ماقالوا جذيه الا عرفوا شي يديد خلكم في السيف سايد احسن ماتدرون شنو بيصير باجر وبعدين توكم صغار احنا نتكلم عن اللي في الاربعينات والخمسينات وخبركم اشلون منشترة عندنا امراض الحصى والمرارة والكلى انا بديت مع ولدي من كمل خمس شهور اعطيه شي بسيط من الجزر والبطاطا والكوسا وسلامتكم

nooral9ba7;11352139:
شروق: شنو أكلتي فطومه؟

مانبي مكان مفتوح اليهال بيمرضون من الهوا، وانا وحده يوعانه خخخخخ ابي مطعم او على الاقل كوفي شوب ههههههههههه

مثل ماقلت ليلو حلو حق ريوق وانا مستحيل في طلعه اودي ولدي معااااااي ولا عرس ولا شي اذا السالفة فيها تجمع برى ابي استانس :014:

// حراير //;11352142:

سلاااام عليكم ...

شخباركم ؟؟؟

حلا اختي حراير حياج الله ويانا انتي متزوجة عدل ؟؟؟ شخبارج ؟؟

سنفونية حب;11352221:
مرحبا .. شلونكم وشخباركم امهات و حوامل البحرين

وياكم سنفونية حب << حامل في بكري و توني داخله الشهر ال6

ودعواتكم لي الله يتمم لي على خير و اقوم انا و مولودي بالسلامة

وان شا ءالله استفيد من تجاربكم وخبراتكم

هلا والله سنفونية نورتي تجمعنا والله واستانست يوم شفت مشاركتج ان شاءالله تستفيدين منا واي سؤال عندج سالينا وان شاءالله نساعدج على البيبي اليديد :025:

شروووق;11352238:
سويت سيرج عن المطاعم العائلية وده الي شفته

جمعت لكم من كل الردود كل اسماء المطاعم اللي ذكروها الاخوه والاخوات
الله يجازيهم كل خير ،، بصراحه ماقصروا وجوعونا

تفضلوا ولا تنسوني ووالدي من دعاءكم

مطعم كارينوز الايطالي: مقابل مجمع السيف الجلسة فيه حلوة وهادئة والاكل الايطالي غني عن التعريف باستا ولا احلى والاسعار مقبولة والخدمة ماعليها كلام جيدة جدا
المطعم اللبناني (جنب كارينوز): جلسة حلوة والاكل طيب 4ستار الاسعار جيدة والجلسة تدكرني باجواء الشام
مطعم لنترنس الهندي: في البديع اكلهم رووووعه لايفوتكم
مطعم مونسون التايلندي: في العدليه .. ديكوره يجنن هو بيت على شكل كوخ وفيه سلم تحته ماء
مطعم الفش ماركت: في منه فرعين واحد في فندق شذى تاور في المنطقة الدبلوماسية والثاني في منتجع البندر بسترة، اكلاته بحريه غالي بس روعه
مطعم زيارة: في كرباباد مقابل مجمع السيف (التوسعه الجديده) قرب مصنع الجسر، منيو متنوع ويميزه أطباق السيزلينج وشوربة الروبيان روعة
مطعم مرمريز وتكة طهران الإيراني: مقابل مجمع البحرين (جيان)، عائلي , مينيو متنوع ولذيذ وشهي ونظيف , جلسات خاصة , ألعاب للأطفال , خدمة ممتازة.
مطعم الابراج: له عدة افرع في المجمعات والسهله ومدينة عيسى والعدلية والمحرق، عندهم شوربة هوت اند ساور او الكورن جدا رهيبه... سلطاتهم متميزه.... وعندهم سلطة الطماطم والفلفل اللي مضروبه بالخلاط رهيبه مع الرز الابيض، التشيلو كباب السلطانى مع الرز جدا حلو اللي هو رز مع مفروم كباب وشريحة ستيك تجى فى صحن واحد مع بصله وطماطم مشوي، الرز بالزعفران، الريش اللي هى اضلاع خروف لا يعلى عليها، اسعاره مقبوله.
وبفرع سند جنبه مقهى البنديرة، تقدر تروح المقهى وتطلب أكل من الأبراج، فيه كباين عليها ستاير وجلسه واسعه.
مطعم أصفهاني: السندويشات وليس أطباقه (الأطباق عادية حالها حال المطاعم الإيرانية الأخرى) والسندويتشات مثل الكباب سلطاني والدجاج وغيرها
مطعم شيليز: في الجفير
مطعم نينو:منطقة السيف خلف مجمع العالي ، إيطالي منوع , تجربة حلوة , اعمل مفاجأة لمن تحب بطلب إستعداد لحفلة ميلاد يحضرون لك كيكة ويشغلون أغنية هابي بيرثداي.
واتر ميلون: في منطقة السيف .. جنب مطعم نينو
مطعم كل أفشان الايراني: نهاية كورنيش الملك فيصل، بالقرب من المنطقة الدبلوماسية وقرب فندق الدبلومات .. بوفيه راااائع عالبحر
مطعم قيصر الهندي: في العدلية مطعم ممتاز جدا اكله طيب والخدمة ممتازة والاسعار عادية وهو في بناية مصنع البحرين للاثاث الهندي في العدلية بالدور الثاني
مطعم جوني روكت : جنب مجمع العالي الجهه الجنوبيه، ممتاز، وطريقة استقبالهم ومعاملتهم مضحكة
مطعم ديري كوين: فرع منطقة الزنج اللي عند الدوار
المطعم الايطالي: مجمع السيف الدور الارضي جنب زارا
مطعم تريدر فيكس: (يلزم الحجز قبل الذهاب، رقم هاتفهم: 17586555). يمدحونه كثير لكن حاسب من لحم الخنزيز والخمر يحطونه بالاكل ! والله العالم.
مطعم تياتروا: في مجمع الدانة له مدخل خاص عند المواقف مقابل بوابة رقم 3، فخم ورومانسي ونظيف نظام بوفيه مفتوح وفيه نظام مينيو سعر البوفيه لشخصين 18.200 دينار لشخصين مع المشروبات...وانت تختار إذا تبي البوفيه او تطلب طلبات خاصه.. رأي آخر: غالي جدا لايستحق الاسعار، سلطاتهم مستواها متوسط، الشوربه والحلو مستواها اقل من المتوسط .الاطباق الرئيسيه متوسط ولا يوجد فواكه،، والناس اذواق
مطعم ملح الزاد العراقي: في السيف الطابق الثاني ردهة المطاعم تقريبا اخر مطعم مقابل للألعاب
مطعم يم يم تري (مسترفنليز): له عدة فروع في المجمعات وبتوبلي وبسند وشارع المعارض، مشهور بالباستا الايطاليه اللذيييييييذه يطبخها قدامك وانت تختار المكونات، الترياكي، التشاومين، فاست فود، وجبات خليجية مثل البرياني، احب سلطتهم بالصلصه الايطاليه.
مطعم الفردوس:
المطعم الياباني: في فندق الخليج .. عندهم ربيان روعه اسمه ( تمبرا )
مطعم سنشري انترناشيونال: في العدلية عنده برياني عجيييييييييييب
مطعم ارض الاحلام: عند دوار ستره مأكولاته البحريه تجننن ، الربيان المشوي و باقي الاصناف البحريه يسويها بالبشمل والجبن بطريقه جدا رائعه
مطعم محمد نور للبخاري: مطعم شعبي في شارع المعارض مقابل صيدلية جعفر
مطعم حسين العرادي: المشهور بالحول بالرفاع الريوق عنده الصبح نواشف وباجة ووو مشالله علي التنوع والنظافه والسعر الشعبي
مطعم ابستيرز داون ستيرز : من طابقين
مطعم كاميلوت: علي شكل قلعة
مطعم مازالونا: شكلة بيت بحريني قديم
مطعم زوي ديكورة مودرن
مطعم هاش هاوس التايلندي: يفصخونكم احذيتكم قبل الدخول
مطعم ليلو كافي: في العدلية خلف فندق الخليج
مطعم لافونتين: في العوضية ما يتفوت وهو بيت علي رضا وهو من اغني التجار في البحرين في السبعينات وتم تجديد البيت علي يد بنتة واصبح مطعم
مطعم كوبر تشيمني: في ام الحصم هندي قديم شوي بس اكلة يلحس العقل.
مطعم روما الايطالي : في ام الحصم عندهم شوربة الماسترويانى وهى الهيليون والمشروم الفطر، سلطة الاوراق الخضراء، الرافيولي وذ كلامبز وهى المكرونه القصيره مع المحارولا تستغرب اذا جاب لك الاصداف فى الصحن وانت بنفسك تطلع السمكه من داخله ....عمليه ممتعه ولذيذه واختمها بايسكريم لاندروكى وهو ايس كريم ايطالي يرش عليه شكلاته ساخنه فيتجمد عليها من فوق وطعمها خطير
مطعم هونج كونج الصيني: في ام الحصم وهو اقدم مطعم صيني في البحرين واشهرها
مطعم هارد روك في المعارض حق اللي يحب الستيك والبرجر
مطعم سيزلر : في العدلية وهو من اقدم مطاعم الستيك في البحرين
مطعم بلو الفنت التايلندي: خطير وديكور رائع ويعتبر من ارقى مطاعم البحرين
مطعم لاشوكولا في منطقة السيف: اكله رائع وفيه جلسه خارجيه مقابل الشارع وفي الويكند قليل تلاقون طاولات فاضيه
مطعم فيرندا : الجديد علي شارع عذاري والقديم في العدلية
مطعم سينيور باكوس المكسيكي: في العدلية
مجمع مطالعم سيبرس جاردن: على شارع البديع فيه مجموعة مطاعم جيدة
مطعم لامرين: على شارع البديع وهو مطعم للاكلات البحريه نظام بوفيه
مطاعم فندق الخليج: مثل مطعم الواحه و زحلة اللبناني، والياباني ساتو، والتايلندي، وشورلوك هولمز،ومطعم ايطالي ممتاز. و فيه بوفيه المأكولات البحرية بالفندق يوم الخميس خيييييييييالي تختار السمك اللي تبغاه والربيان ويطبخه على مزاجك
مطعم Corel Beach Club: على كورنيش الفاتح اللي امامة النافورة قعدته حلو ومطل علي البحر اكله من مطعم الطربوش اللي جنبه
مطعم بانكوك: فى ام الحصم عند الدوار نصف شعبي، اكله تايلندى _هندي _ صينى ...وعنده غرف خاصه عندهم شوربة توم يام كون، وربع القبقب اللي يحطونه معاها لذيذ، وخبز النان الهندي طيب المذاق، بانست كانتون الصينى، افضل من السلطات والحلو. اسعارهم مقبوله جدا
مطعم رانديفو: في مجمع السيف بجانب صالات السينما B او 2 نظام البوفيه المفتوح فيه مكعبات خاصه وفيه طاولات، ويقدم مطبخ بحرينى ...هندى ...صينى ....واحيانا عالمى واكله مقبول ...ولكنهم لايبدعون فى اي شيئ.... يقدم فواكه.... وايس كريم ...وحلويات سعره ملفت للنظر.... ثلاثه دينار وستمئة فلس ...يعنى 36 ريال غير المشروبات
مطعم كوبر تشمنى الهندي: فى ام الحصم لايوجد به كيوبز او مكعبات خاصه للعائله الاسف ومطبخه هندى اى لايوجد اطباق عالميه اضافيه يقدمها ، لديه بشوربة العدس الهنديه دال والسلطه الخضرا،دجاج التندوري مع الرز الابيض ، حلو كرات الحليب مع الهيل، اسعاره معقوله
مطعم بيتزا ريا: في مجمع السيف الطابق السفلي قرب محلات الحواج، مطعم راقي جداً اكله لذيذ والمقبلات لذيذة وبالخصوص طبق الفطر بالثوم وجبنة الموزريلا ... والبيتزا شيء خيال خصوصا بيتزا الخضار
مطعم كاباتشينو: في مجمع الدانة الطابق السفلي أطباقه ممتازة وفريدة .... لا تفوتك شوربة البروكولي التي تقدم بداخل خبزة كبيرة طازجة محفورة ومحشوة بالشوربة الكريمية ...
وأيضاً طبق البطاطس المحشو بالفطر وكريمة الفطر ، مقبلات فطر رائعة ، اللزانيا الإيطالية التي يعدونها بشكل مميز ... اسعاره غاليه نسبيا
مطعم لاميزون دي كافيه: وجبات الافطار لذيذه نظام بوفيه مفتوح... وبالخصوص فرع الزنج ... أو فرع العدلية ... ولهم فرع بمجمع السيف. تعجبني سلطتهم .
مطعم البندروزا: مقابل الانتر كونتننتال هوتل الواجهه البحريه، مطعم عائلي نظام البوفيه المفتوح والستيكات ،عندهم مكينة ايسكريم .لاتفوتك شوربة المشروم والتى بون ستيك
بوفيه هندي: في مجمع مارينا مول الطابق الاول، اكلة الهندي ممتاز وتقدر تطلب الاطباق منفصلة اذا ما بغيت البوفية. الكبار 2.5 دينار والصغار 1.8 دينار.
مطعم جونى روكت للهمبرقر: عند مواقف مجمع العالي عند مدخل جاشنمال الخارجى، شغلهم خطير مليان مفاجات، وحتموت ضحك من طريقة تقديمهم الجديده والجذابه ، اسعاره غاليه بس يستاهل ضعفها.. تصميمة من فترة الخمسينات والاغاني بعد واكلة يشبة الفاست فود اول ما بدا في الخمسينات ، علي الطاولة فية JUKEBOX تختارين منة الاغنية اللي تريدينها وتضعين 100 فلس وممكن تطلبين من العاملين في المطعم اداء رقصة علي الاغنية. الاطفال يحبون هالحركات.
مطعم مراي (Marai): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند.
مطعم ميت كو (Meat Co): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند
مطعم Paul: في مجمع السيف التوسعة الجديدة، اكله ممتاز مالح وحلو ومخبز وديكورة حلو ....... يستحق الزيارة
مطعم الصواني: موقعة قبل النادي البحري علي كورنيش الفاتح
بالنسبه لفندق الشيراتون عندهم مطعم ايراني حلو بس اللي بالخليج احلا طبعا
مطعم المديترين: في فندق الريتز كارلتون جلسته حلوه على بركه السباحه واكلهم حلو بوفيه احيانا الاكل عالمي واحيانا بحري على حسب اليوم
مطعم كافيه ايطاليا cafe Italia: في العدليه بالضبط بجانب كاميلوت ومقابل اب سيترز داون ستيرز
مطعم الطربوش: في سيتي سنتر في المنامة
مطعم وكافيه دولسي : ممتاز ومشهور في البحرين يقع في الماحوز وتم افتتاح فرع جديد في التوسعة الجديدة في السيف الطابق الثاني
مطعم ومقهى اللمبي: خلف ستاندرد تشاترد بنك في المنامة ، شكله مايشجع من الخارج لكن من داخل جميل جدا ،، يحتوي على غرف مغلقة تقدر تاخذ راحتك فيهم وحتى تلفزيونات فيهم ،، وفي قسمين قسم للعائلات وهو الغرف المغلقة، وقسم العزاب جلسات عربية وفي طاولة بليارد
مطعم اصفهاني: له عدة فروع وبالمجمعات بعد، اذكره بمجمع البحرين
مطعم فرندز: في العدلية على شارع فندق الرمادا (نظام غرف )
مطعم جيس Chess : في العدليه على شارع فندق الرمادا ( نظام غرف) .
مطعم بتيت كافيه : في العدليه على شارع ( نظام غرف )
مطعم في عراد: في المحرق يقدم أكلات بأيدي بحرينية .. يقع خلف برجر لاند.
مطعم كباب امين: مطعم شعبي للمشويات قريب من شارع القصر حق شباب فقط ما ينفع عوائل
مطعم الزيتون: في فندق نوفوتيل جدا رايق ونظيف عندهم بوفيه فطور حلو والاحلى العشا
مطعم بحر الاحجار - Sea RoCK: بشارع المعارض
مطعم تبريز: يقع في عذاري جنب الجامعة العربية المفتوحه خلف منتزه عذاري بالضبط ، السمك والكبسه على اصولها

ماشاءالله هذا كله عندنا في البحرين ولا ادري ههههههه بسيفه عندي لين رجعت والله انا وزوجي نحتار وين نروح .. لا انا ولا اهو نعرف اماكن عدلة ويديدة:014:

nooral9ba7;11352269:
آآآه مطعم نينو توني مسويه عيدميلادي فيه وعزمت عيون بن عون الله يذكرها بالخير فيه، اكله حلو بس مافيه برايفيسي

احلى شي فيه السلطة مالتهم عجبتني وايد وزوجي عجبه الميني برجرز

سنفونية حب;11352333:
الله والنبي يحيونج فراوله ومن ذوقج والله وطيبج

اي قالوا لي شفيني << سر بخليها مفاجاة للكل وقت الولاده ههه

و ولادتي بتكون شهر 6 ان شا ءالله

+


هلا والله صوت الحنان .. والله يسمع منج يارب ويتمم لي على خير

اي حلاتها مفاجاة انا بس اهلي واهل زوجي القراب يدرون اما خالاتي وعماتي مفاجاه بس الاسم كانوا يعرفون ..

ها شنو مفكرة في الاسامي ولا بعد مفاجاه؟؟:014:

عروس متفرغة;11352340:
صباح الخير بنات اشلونكم عساكم على القوة


بنات طالبتنكم ولا تردوني


اخوي اليوم بسون له عملية ومحتاجة الى دعائكم لا تبخلون على اخوي لصغير بالشفاء العاجل وما تصيدة مضاعفات في العملية


وشكرا

الله يشافيه ويارب عملية ناجحة وبدون مضاعفات
واسال الله العظيم رب العرش العظيم ان يشفيه ويشفي جميع المسلمين

ههه جزروووه .. حياج

تفضلي واقعدي وخذي راحتج البيت بيتج

<< انا بعد ضيفتهم اليوم الجيده لووول .. وقاعده اضيف على كيفي لووول

هلااا والله nice-girl
عاش من شافج

شلونج وشخبارج بعد ؟؟

ومشكوره ما تقصرين وان شا ءالله بلجأ لكم عشان استفيد من خبراتكم

و عن البيبي اي مفاجاة بخليها مثل ما قلتي احلى يكون .. الاسماء اخترنا حق بنت و ولد والعايلتين يدرون ان زوجي خاطره بهالاسماء حتى من قبل لا احمل ومن قبل لا يتزوجني ههههه << مستعجل الاخ

بس اقول خل كل شي مفاجأة لكم حق بعدين :)<< احلى لا

انزين عطونا من افكاركم حق تجهيزات البيبي والااكن اللي تبيع ثياب واغراض و سوالف اطفال
حلوة + توزيعات << وتجهيز الغرفه في المستشفى وجذي

شنو تنصحون .. و انا عن اغراضي بعد الولادة شنو احتاج ؟

سنفونية حب;11353515:
هلااا والله nice-girl
عاش من شافج

شلونج وشخبارج بعد ؟؟

ومشكوره ما تقصرين وان شا ءالله بلجأ لكم عشان استفيد من خبراتكم

و عن البيبي اي مفاجاة بخليها مثل ما قلتي احلى يكون .. الاسماء اخترنا حق بنت و ولد والعايلتين يدرون ان زوجي خاطره بهالاسماء حتى من قبل لا احمل ومن قبل لا يتزوجني ههههه << مستعجل الاخ

بس اقول خل كل شي مفاجأة لكم حق بعدين :)<< احلى لا

انزين عطونا من افكاركم حق تجهيزات البيبي والااكن اللي تبيع ثياب واغراض و سوالف اطفال
حلوة + توزيعات << وتجهيز الغرفه في المستشفى وجذي

شنو تنصحون .. و انا عن اغراضي بعد الولادة شنو احتاج ؟

مشكوووووووووووووووره نااايس ما قصرتي

بروح اشوف اللي قلتي عليهم ... و اذا عندج زود قولي بعد عشان كل مرة افتر على شوي منهم

و ان شا ءالله اكمل تجهيزاتي على خير

انا ابي افصل طقم يكون كامل حقي وحق البيبي حق يوم الولاده

يعني مهاد وقماط و ثياب لي وفراش حق السرير وجذي << في اماكن حلوة تسوي هالسوالف هني عندنا في البحرين
دلوني اذا تعرفون

مساء الخيرات
خذيت لا اني ما بجيب توتة

شروق فيرندا ... احب هالمكان
خذيت اوكي لاه؟

سنفونية .. ايام كنا اغلبيتنا حمل كنا كل يوم اكشن
وحدة والدة أو وحدة فيها طلق او وحدة ترجع من النساة يعني في أكشن
احين اغلبنا ولدنا و جيتين انتين و كسيرة و روحها وليد صار في شوي اكشن

هلا هلا بالكاروت المبشور خخخخخ
حياش الله بينا

نايس جيرل ... طبعا خيو اني دايم افهم اولادي ان الحياة مو بس العاب احين بس انتون جهال و ماما و بابا يوفرون لكم
و الشهادة العدلة اهم من كل شئ و ديرتنا للأجانب و لازم تثبتون روحكم ..... باااااااااااااااااااال ساعات احس اني اصعب عليهم مساكين

دمعو حسبي الله على ابليسش دبحتيني ضوووحك على سالفة قصتش .... يالله بلا رباشة و غطي قصتش اشوف خخخ

سنفونية حب;11353771:
مشكوووووووووووووووره نااايس ما قصرتي

بروح اشوف اللي قلتي عليهم ... و اذا عندج زود قولي بعد عشان كل مرة افتر على شوي منهم

و ان شا ءالله اكمل تجهيزاتي على خير

انا ابي افصل طقم يكون كامل حقي وحق البيبي حق يوم الولاده

يعني مهاد وقماط و ثياب لي وفراش حق السرير وجذي << في اماكن حلوة تسوي هالسوالف هني عندنا في البحرين
دلوني اذا تعرفون

سنفونية روحي ريام و الملائكة الصغار واااااااااااجد حلوين اطقمهم :083:

يالله بقوم اصلي توني مخلصة تنظيف الشقة
بآخذ شاور و بصلي الليلة بنطلع طلعة عائلية بمناسبة ذكرى زواجنا خخخخخ

نشوفكم باجر

نور الصباح .. ابيها تمتن مافي أمل

هذي صورة شوق توني امصورتها



صوت .. يارب تستانسون وكل سنة وأنتوا بصحة وسلامه والله لا يفرقكم

شخباركم ؟؟؟

السلام عليكم
شخباركم كلكم قريت الواجب على السريع وبرد عقب
دعواتكم بنات وايد احس بتعب هاليوميين وقلبي مقبوض وخايفه وايد الله يستر

روحي .. توكلي على الله ولا تفكرين بأي شي ودايماً أقري قرآن .. شغلي روحج على طول

عروس متفرغه: الله يطلع اخوج بالسلامه، ما عليه شر

صوت: الفرندا ما قط رحته ، بس بروحه على وصفج

مس روز: فديت روحها الحلوة، جم وزنها؟

روحي: ما عليج شر، مافيج شي لا تحاتين، واذا تحسين بشي روحي المستشفى وطمنينا