تجمع حوامل وامهات دار الزين ( مملكه البحرين ) لشهر ربيع الاول1431ه

nooral9ba7;11352182:
وي انا عبالي عيالنا ويانا والي ما عندها احد ايود البيبي لها ما تجي؟

ليش ما تجيبينها نستانس مع عيالنا كلهم يسوون قروب معارضي الطعام خخخخخخخخخخخخخخخخ

سنفونية حب;11352221:
مرحبا .. شلونكم وشخباركم امهات و حوامل البحرين

وياكم سنفونية حب << حامل في بكري و توني داخله الشهر ال6

ودعواتكم لي الله يتمم لي على خير و اقوم انا و مولودي بالسلامة

وان شا ءالله استفيد من تجاربكم وخبراتكم

فراولــــه ملكيــــة;11352223:
هلا والله صديقتي مسو شخبارج وشخبا ر احمدي ؟؟

انا خاطري اعرف ليش يقولون الدكاترة ابتدى اكلي الطفل من عمر 6 شهور ؟؟

شروووق;11352238:
سويت سيرج عن المطاعم العائلية وده الي شفته

جمعت لكم من كل الردود كل اسماء المطاعم اللي ذكروها الاخوه والاخوات
الله يجازيهم كل خير ،، بصراحه ماقصروا وجوعونا

تفضلوا ولا تنسوني ووالدي من دعاءكم

مطعم كارينوز الايطالي: مقابل مجمع السيف الجلسة فيه حلوة وهادئة والاكل الايطالي غني عن التعريف باستا ولا احلى والاسعار مقبولة والخدمة ماعليها كلام جيدة جدا
المطعم اللبناني (جنب كارينوز): جلسة حلوة والاكل طيب 4ستار الاسعار جيدة والجلسة تدكرني باجواء الشام
مطعم لنترنس الهندي: في البديع اكلهم رووووعه لايفوتكم
مطعم مونسون التايلندي: في العدليه .. ديكوره يجنن هو بيت على شكل كوخ وفيه سلم تحته ماء
مطعم الفش ماركت: في منه فرعين واحد في فندق شذى تاور في المنطقة الدبلوماسية والثاني في منتجع البندر بسترة، اكلاته بحريه غالي بس روعه
مطعم زيارة: في كرباباد مقابل مجمع السيف (التوسعه الجديده) قرب مصنع الجسر، منيو متنوع ويميزه أطباق السيزلينج وشوربة الروبيان روعة
مطعم مرمريز وتكة طهران الإيراني: مقابل مجمع البحرين (جيان)، عائلي , مينيو متنوع ولذيذ وشهي ونظيف , جلسات خاصة , ألعاب للأطفال , خدمة ممتازة.
مطعم الابراج: له عدة افرع في المجمعات والسهله ومدينة عيسى والعدلية والمحرق، عندهم شوربة هوت اند ساور او الكورن جدا رهيبه... سلطاتهم متميزه.... وعندهم سلطة الطماطم والفلفل اللي مضروبه بالخلاط رهيبه مع الرز الابيض، التشيلو كباب السلطانى مع الرز جدا حلو اللي هو رز مع مفروم كباب وشريحة ستيك تجى فى صحن واحد مع بصله وطماطم مشوي، الرز بالزعفران، الريش اللي هى اضلاع خروف لا يعلى عليها، اسعاره مقبوله.
وبفرع سند جنبه مقهى البنديرة، تقدر تروح المقهى وتطلب أكل من الأبراج، فيه كباين عليها ستاير وجلسه واسعه.
مطعم أصفهاني: السندويشات وليس أطباقه (الأطباق عادية حالها حال المطاعم الإيرانية الأخرى) والسندويتشات مثل الكباب سلطاني والدجاج وغيرها
مطعم شيليز: في الجفير
مطعم نينو:منطقة السيف خلف مجمع العالي ، إيطالي منوع , تجربة حلوة , اعمل مفاجأة لمن تحب بطلب إستعداد لحفلة ميلاد يحضرون لك كيكة ويشغلون أغنية هابي بيرثداي.
واتر ميلون: في منطقة السيف .. جنب مطعم نينو
مطعم كل أفشان الايراني: نهاية كورنيش الملك فيصل، بالقرب من المنطقة الدبلوماسية وقرب فندق الدبلومات .. بوفيه راااائع عالبحر
مطعم قيصر الهندي: في العدلية مطعم ممتاز جدا اكله طيب والخدمة ممتازة والاسعار عادية وهو في بناية مصنع البحرين للاثاث الهندي في العدلية بالدور الثاني
مطعم جوني روكت : جنب مجمع العالي الجهه الجنوبيه، ممتاز، وطريقة استقبالهم ومعاملتهم مضحكة
مطعم ديري كوين: فرع منطقة الزنج اللي عند الدوار
المطعم الايطالي: مجمع السيف الدور الارضي جنب زارا
مطعم تريدر فيكس: (يلزم الحجز قبل الذهاب، رقم هاتفهم: 17586555). يمدحونه كثير لكن حاسب من لحم الخنزيز والخمر يحطونه بالاكل ! والله العالم.
مطعم تياتروا: في مجمع الدانة له مدخل خاص عند المواقف مقابل بوابة رقم 3، فخم ورومانسي ونظيف نظام بوفيه مفتوح وفيه نظام مينيو سعر البوفيه لشخصين 18.200 دينار لشخصين مع المشروبات...وانت تختار إذا تبي البوفيه او تطلب طلبات خاصه.. رأي آخر: غالي جدا لايستحق الاسعار، سلطاتهم مستواها متوسط، الشوربه والحلو مستواها اقل من المتوسط .الاطباق الرئيسيه متوسط ولا يوجد فواكه،، والناس اذواق
مطعم ملح الزاد العراقي: في السيف الطابق الثاني ردهة المطاعم تقريبا اخر مطعم مقابل للألعاب
مطعم يم يم تري (مسترفنليز): له عدة فروع في المجمعات وبتوبلي وبسند وشارع المعارض، مشهور بالباستا الايطاليه اللذيييييييذه يطبخها قدامك وانت تختار المكونات، الترياكي، التشاومين، فاست فود، وجبات خليجية مثل البرياني، احب سلطتهم بالصلصه الايطاليه.
مطعم الفردوس:
المطعم الياباني: في فندق الخليج .. عندهم ربيان روعه اسمه ( تمبرا )
مطعم سنشري انترناشيونال: في العدلية عنده برياني عجيييييييييييب
مطعم ارض الاحلام: عند دوار ستره مأكولاته البحريه تجننن ، الربيان المشوي و باقي الاصناف البحريه يسويها بالبشمل والجبن بطريقه جدا رائعه
مطعم محمد نور للبخاري: مطعم شعبي في شارع المعارض مقابل صيدلية جعفر
مطعم حسين العرادي: المشهور بالحول بالرفاع الريوق عنده الصبح نواشف وباجة ووو مشالله علي التنوع والنظافه والسعر الشعبي
مطعم ابستيرز داون ستيرز : من طابقين
مطعم كاميلوت: علي شكل قلعة
مطعم مازالونا: شكلة بيت بحريني قديم
مطعم زوي ديكورة مودرن
مطعم هاش هاوس التايلندي: يفصخونكم احذيتكم قبل الدخول
مطعم ليلو كافي: في العدلية خلف فندق الخليج
مطعم لافونتين: في العوضية ما يتفوت وهو بيت علي رضا وهو من اغني التجار في البحرين في السبعينات وتم تجديد البيت علي يد بنتة واصبح مطعم
مطعم كوبر تشيمني: في ام الحصم هندي قديم شوي بس اكلة يلحس العقل.
مطعم روما الايطالي : في ام الحصم عندهم شوربة الماسترويانى وهى الهيليون والمشروم الفطر، سلطة الاوراق الخضراء، الرافيولي وذ كلامبز وهى المكرونه القصيره مع المحارولا تستغرب اذا جاب لك الاصداف فى الصحن وانت بنفسك تطلع السمكه من داخله ....عمليه ممتعه ولذيذه واختمها بايسكريم لاندروكى وهو ايس كريم ايطالي يرش عليه شكلاته ساخنه فيتجمد عليها من فوق وطعمها خطير
مطعم هونج كونج الصيني: في ام الحصم وهو اقدم مطعم صيني في البحرين واشهرها
مطعم هارد روك في المعارض حق اللي يحب الستيك والبرجر
مطعم سيزلر : في العدلية وهو من اقدم مطاعم الستيك في البحرين
مطعم بلو الفنت التايلندي: خطير وديكور رائع ويعتبر من ارقى مطاعم البحرين
مطعم لاشوكولا في منطقة السيف: اكله رائع وفيه جلسه خارجيه مقابل الشارع وفي الويكند قليل تلاقون طاولات فاضيه
مطعم فيرندا : الجديد علي شارع عذاري والقديم في العدلية
مطعم سينيور باكوس المكسيكي: في العدلية
مجمع مطالعم سيبرس جاردن: على شارع البديع فيه مجموعة مطاعم جيدة
مطعم لامرين: على شارع البديع وهو مطعم للاكلات البحريه نظام بوفيه
مطاعم فندق الخليج: مثل مطعم الواحه و زحلة اللبناني، والياباني ساتو، والتايلندي، وشورلوك هولمز،ومطعم ايطالي ممتاز. و فيه بوفيه المأكولات البحرية بالفندق يوم الخميس خيييييييييالي تختار السمك اللي تبغاه والربيان ويطبخه على مزاجك
مطعم Corel Beach Club: على كورنيش الفاتح اللي امامة النافورة قعدته حلو ومطل علي البحر اكله من مطعم الطربوش اللي جنبه
مطعم بانكوك: فى ام الحصم عند الدوار نصف شعبي، اكله تايلندى _هندي _ صينى ...وعنده غرف خاصه عندهم شوربة توم يام كون، وربع القبقب اللي يحطونه معاها لذيذ، وخبز النان الهندي طيب المذاق، بانست كانتون الصينى، افضل من السلطات والحلو. اسعارهم مقبوله جدا
مطعم رانديفو: في مجمع السيف بجانب صالات السينما B او 2 نظام البوفيه المفتوح فيه مكعبات خاصه وفيه طاولات، ويقدم مطبخ بحرينى ...هندى ...صينى ....واحيانا عالمى واكله مقبول ...ولكنهم لايبدعون فى اي شيئ.... يقدم فواكه.... وايس كريم ...وحلويات سعره ملفت للنظر.... ثلاثه دينار وستمئة فلس ...يعنى 36 ريال غير المشروبات
مطعم كوبر تشمنى الهندي: فى ام الحصم لايوجد به كيوبز او مكعبات خاصه للعائله الاسف ومطبخه هندى اى لايوجد اطباق عالميه اضافيه يقدمها ، لديه بشوربة العدس الهنديه دال والسلطه الخضرا،دجاج التندوري مع الرز الابيض ، حلو كرات الحليب مع الهيل، اسعاره معقوله
مطعم بيتزا ريا: في مجمع السيف الطابق السفلي قرب محلات الحواج، مطعم راقي جداً اكله لذيذ والمقبلات لذيذة وبالخصوص طبق الفطر بالثوم وجبنة الموزريلا ... والبيتزا شيء خيال خصوصا بيتزا الخضار
مطعم كاباتشينو: في مجمع الدانة الطابق السفلي أطباقه ممتازة وفريدة .... لا تفوتك شوربة البروكولي التي تقدم بداخل خبزة كبيرة طازجة محفورة ومحشوة بالشوربة الكريمية ...
وأيضاً طبق البطاطس المحشو بالفطر وكريمة الفطر ، مقبلات فطر رائعة ، اللزانيا الإيطالية التي يعدونها بشكل مميز ... اسعاره غاليه نسبيا
مطعم لاميزون دي كافيه: وجبات الافطار لذيذه نظام بوفيه مفتوح... وبالخصوص فرع الزنج ... أو فرع العدلية ... ولهم فرع بمجمع السيف. تعجبني سلطتهم .
مطعم البندروزا: مقابل الانتر كونتننتال هوتل الواجهه البحريه، مطعم عائلي نظام البوفيه المفتوح والستيكات ،عندهم مكينة ايسكريم .لاتفوتك شوربة المشروم والتى بون ستيك
بوفيه هندي: في مجمع مارينا مول الطابق الاول، اكلة الهندي ممتاز وتقدر تطلب الاطباق منفصلة اذا ما بغيت البوفية. الكبار 2.5 دينار والصغار 1.8 دينار.
مطعم جونى روكت للهمبرقر: عند مواقف مجمع العالي عند مدخل جاشنمال الخارجى، شغلهم خطير مليان مفاجات، وحتموت ضحك من طريقة تقديمهم الجديده والجذابه ، اسعاره غاليه بس يستاهل ضعفها.. تصميمة من فترة الخمسينات والاغاني بعد واكلة يشبة الفاست فود اول ما بدا في الخمسينات ، علي الطاولة فية JUKEBOX تختارين منة الاغنية اللي تريدينها وتضعين 100 فلس وممكن تطلبين من العاملين في المطعم اداء رقصة علي الاغنية. الاطفال يحبون هالحركات.
مطعم مراي (Marai): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند.
مطعم ميت كو (Meat Co): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند
مطعم Paul: في مجمع السيف التوسعة الجديدة، اكله ممتاز مالح وحلو ومخبز وديكورة حلو ....... يستحق الزيارة
مطعم الصواني: موقعة قبل النادي البحري علي كورنيش الفاتح
بالنسبه لفندق الشيراتون عندهم مطعم ايراني حلو بس اللي بالخليج احلا طبعا
مطعم المديترين: في فندق الريتز كارلتون جلسته حلوه على بركه السباحه واكلهم حلو بوفيه احيانا الاكل عالمي واحيانا بحري على حسب اليوم
مطعم كافيه ايطاليا cafe Italia: في العدليه بالضبط بجانب كاميلوت ومقابل اب سيترز داون ستيرز
مطعم الطربوش: في سيتي سنتر في المنامة
مطعم وكافيه دولسي : ممتاز ومشهور في البحرين يقع في الماحوز وتم افتتاح فرع جديد في التوسعة الجديدة في السيف الطابق الثاني
مطعم ومقهى اللمبي: خلف ستاندرد تشاترد بنك في المنامة ، شكله مايشجع من الخارج لكن من داخل جميل جدا ،، يحتوي على غرف مغلقة تقدر تاخذ راحتك فيهم وحتى تلفزيونات فيهم ،، وفي قسمين قسم للعائلات وهو الغرف المغلقة، وقسم العزاب جلسات عربية وفي طاولة بليارد
مطعم اصفهاني: له عدة فروع وبالمجمعات بعد، اذكره بمجمع البحرين
مطعم فرندز: في العدلية على شارع فندق الرمادا (نظام غرف )
مطعم جيس Chess : في العدليه على شارع فندق الرمادا ( نظام غرف) .
مطعم بتيت كافيه : في العدليه على شارع ( نظام غرف )
مطعم في عراد: في المحرق يقدم أكلات بأيدي بحرينية .. يقع خلف برجر لاند.
مطعم كباب امين: مطعم شعبي للمشويات قريب من شارع القصر حق شباب فقط ما ينفع عوائل
مطعم الزيتون: في فندق نوفوتيل جدا رايق ونظيف عندهم بوفيه فطور حلو والاحلى العشا
مطعم بحر الاحجار - Sea RoCK: بشارع المعارض
مطعم تبريز: يقع في عذاري جنب الجامعة العربية المفتوحه خلف منتزه عذاري بالضبط ، السمك والكبسه على اصولها

نور الصباح
اليوم متمللة ما رحت البرادة خخخخ
أكلت خبز لبناني و جبن و حطيته في الشواية و طلع يمي يمي
صدق الرجال ما يعرفون عدل و ما لهم زاغر يعني الجاهل لو بس يقول ويئ اتبهدلو بس أني ما يهمني أخلي رجلي يشاركني المسئولية
لما كانو صغار و خصوصا إنهم صبيان كان يسبحهم و أني أجهز ثيابهم و ساعات أطلع و أخليهم وياه في البيت إذا كان عندنا مثلا عرس و خصوصا أولادي كانو ورا بعض يعني تعب إذا كله علي

أما توتة للحين ما سوى شئ يقول خليها تكبر شوي لأن ما يعرف عدل لهم و هم كلش صغار

هلا فراولة غناتي
صرت كل يوم الصبح أذكرش ... مشواري من الشقة في عالي لبيت ابوي في مدينة عيسى أذكر مشوارش الله يساعدش

نكته تضحكم شوي

[COLOR=magenta]سألوا من آطيب الناس عندك..؟ [/COLOR]






:037::037:

تسلمين صوت حبوبة عادي والله صار المشاور جنه رحلة هههههههههه

ههههه

فراولــــه ملكيــــة;11358936:
نكته تضحكم شوي

[COLOR=magenta]سألوا من آطيب الناس عندك..؟ [/COLOR]

:037::037:

قال : صالحه راعية الماي . لأنها كريمه و تسقى الناس الماي..

سألوهـ من صالحه هذي..؟؟؟



قال انا ما اعرفها شخصيا ..لكن


اقرا اسمها على التنكرات

" مياه صالحة للشرب"

الله يبيض وجهها

:085::085::085:

يااااااااااعلي قتلتيني :085:

الله يجعل أيامش كلها حليوة و ضحك

:03::03:

ما منكم فايدة
أول مرة أطلب منكم شئ و لا وحدة عطتني وجه ..... ما عليه :091:

شنو طلبتي صوت ؟؟

عيون لها وحشة الله يرددها بالسلامة ان شاء الله

عروس متفرغة;11352340:
صباح الخير بنات اشلونكم عساكم على القوة


بنات طالبتنكم ولا تردوني


اخوي اليوم بسون له عملية ومحتاجة الى دعائكم لا تبخلون على اخوي لصغير بالشفاء العاجل وما تصيدة مضاعفات في العملية


وشكرا

..ردي جاء متأخر بس الله يقومه بالسلامة,, طمنينا عليه شخباره بعد العملية؟!!

فراولــــه ملكيــــة;11352629:
الله يوفقج دموع ان شاء الله

صايرة بزنس ومن ما نشوفج وايد هههههههههههه

..ويوفقش حبيبتي,,ههههههههه اي والله بزنس:037:

سنفونية حب;11353515:
هلااا والله nice-girl
عاش من شافج

شلونج وشخبارج بعد ؟؟

ومشكوره ما تقصرين وان شا ءالله بلجأ لكم عشان استفيد من خبراتكم

و عن البيبي اي مفاجاة بخليها مثل ما قلتي احلى يكون .. الاسماء اخترنا حق بنت و ولد والعايلتين يدرون ان زوجي خاطره بهالاسماء حتى من قبل لا احمل ومن قبل لا يتزوجني ههههه << مستعجل الاخ

بس اقول خل كل شي مفاجأة لكم حق بعدين :)<< احلى لا

انزين عطونا من افكاركم حق تجهيزات البيبي والااكن اللي تبيع ثياب واغراض و سوالف اطفال
حلوة + توزيعات << وتجهيز الغرفه في المستشفى وجذي

شنو تنصحون .. و انا عن اغراضي بعد الولادة شنو احتاج ؟

..سنفونية اني ماانحد في هالسوالف.. بهذر لش واااااجد
بالنسبة حق اطقم الام والبيبي,, البنات قالوا لش كذا محل.. اني عجبني شغل "فارنا" محلهم في بوكوارة وفي سوق واقف وفي المحرق.. تقدريت تاخذين منهم السات كامل او بس الفراش والشنطة.. اني ماسويت لي سات كامل.. اشتريت من كل مكان حاجة,,
جلابيات النفاس تقدرين تاخذين لش اي موديل وتودينه خياط عادي.. لأن الصراحة محلات تجهيزات البيبي يسوونهم غالي على الفاضي,, واذا تبين موديلات بنصور لش جلابياتنا..

ثياب البيبي لاتكثرين لأن ماتدرين شلون حجمه بيكون.. اخذي نيوبورن بس جم قطعة.. يعني 3 قطع وبعدين اذا وصل الكتكوت بالسلامة شوفي مقاسهم مناسبن له او لا.. وبعدها تخلين اي احد ياخذ اكثر اذا قصروش..
0-3 اخذي أكثر,, ترى المقاسات تختلف من مكان لمكان
يعني مقاسات مذركير الاصلي تجي كبيرة.. ومقاسات سنتربوينت تجي شوي اصغر.. ومقاسات يبت التنزيلات اصغر شي,,ماعليش من المكتوب على الثياب.. بالنظر تقدرين تعرفين هذا مناسب للبيبي او لا..

التوزيعات يعتمد عليش تبين تسوين بروحش او تاخذين جاهز,, انصحش ماتخسرين خساير على التوزيعات.. خسرنا وش قد على قلة الفايدة,, سوي شي بسيط ولا متكلف ولو تسوين بروحش بيطلع لش ارخص.. في النت افكار وش كثر,, ومحلات طيور الجنة ماشاء الله عندهم كل شي وتقدرين تاخذين منهم وتسوين :025:
وراجعة لش بجم نصيحة :014:

صوت الحنان;11354435:

دمعو حسبي الله على ابليسش دبحتيني ضوووحك على سالفة قصتش .... يالله بلا رباشة و غطي قصتش اشوف خخخ

:085::085::085: ..هههههه تخيلي!! قلت لبنية جديه وصدقت.. قلت لها لازم اسشور شعري.. كل مااغسله اسشوره هرار بس اهم شي القصة.. مايصير بعد صوب الناس وشعري مو مرتب.. تقول لي ليييش؟؟ ماتغطين شعرش؟؟ قلت لها لا
تقول ماادري.. ههههههههه اقول لها لاتصدقين.. اسم الله علي,, متحجبة من صف الرابع وآخرتها اكبر واطلع لي كشة اجمع بها سيئات؟ خخخخخخخ :085::085:

روحي وليد;11354516:
السلام عليكم
شخباركم كلكم قريت الواجب على السريع وبرد عقب
دعواتكم بنات وايد احس بتعب هاليوميين وقلبي مقبوض وخايفه وايد الله يستر

..الله يطمن قلبش روحي.. طمنينا عليش الله يخليش

nooral9ba7;11355174:
بنات الي طلبو ايميلي

دمعه وخذيت واساير ونايس

طرشته لكم في نفس اليوم بس ما شوفكم ضفتوني

..اني من طرشينها لي دايركب سويت لش ربلاي وبعدين طرشت لش ايميلات.. ماضفتش.. بس ولا يهمش اليوم اضيفش,, قلت يمكن مو هذا اللي تكلمين فيه مسن

*فاتي*;11357719:

بنات خطوبة بنت عمتي بداية3 ابي صالون يسوي شعر ومكياج نااااعم وحلوو في نفس الوقت راقي ومو غالي اسعاره معقولة يعني وين تنصحوني؟!!

..اني على طول اروح اشرقت.. اسعارهم واااجد رخيصة بالنسبة لغيرهم,, شعر وميك اب على طول هناك.. اذا فكرتين تروحين خبريني وبقول لش عن شغل كل وحدة فيهم>>>خوب اني كستومر عندهم من سنتين لكن ماشاء الله عسل هم,, صاروا صديقاتي حتى الحفاف احف عندهم,, :014:

صوت الحنان;11358616:


دمعة
إي الصرامة الزايد ينفر منها الجاهل و تنعككس بشكل سلبي
و صح كلامش ويلي على الصبيان على إنهم حركيين بزيادة و فيهم دفاشة لكن حنونين و لصقة الأم
أني لما كنت بولد أولادي ما رضو يأكلون و لا يلبسون ثياب العيد و لا نامو راحو غرفة المستشفى و نامو شوي على قلبي
و لا يهمش بطرش لش
أني أطرش من الجيميل و إنتين مسيف إيميلش على الهوتميل لكن و لايهمش بطرش لش أم حمودي

فاتي
يعجبني مكياج أشرقت حليو و سعره معقول
و أزاليا روعة بس غالي و إنتين ما تبين غالي ... المكياج يبدأ ب 25 دينار بس روعة اللي تسوي ميساء القلاف

..اي اني قلت لها عن اشرقت..
اي الصبيان حنونين وقلبهم طيب,, البنات اكثرهم خبيثين ههههههههه
مو تهجمون علي امهات البنات,, بس ذاك اليوم كنا متجمعين في دولاب بيت خال زوجي وكان هذا موضوع النقاش,, يقولون ان اذا يربون بنت وولد في نفس العمر ,, دايما الولد يكون قلبه على البنت,, اما البنت تكون خبيثة,,
حتى حماتي عندها بنت وولد الحين.. لما يطلع الولد اي مكان دايم يذكر اخته,, ياخذ اكل له ولها,, هي تاخذ بس لها وماتخلي شي ماتشيله,, ولما ترجع تقعد تراويه وتحسره,,
ولو احد اشترى اشياء له ولها تجي تقسمهم ,, تقريبا الربع له والباقي لها ,, هههههه
وهي عمره بس 6 سنوات ,, واذا امها تقول لها اخذي لش ولأخوش تاخذ اثنين,, بس لما ترجع وبتعطيه اياه اول شي تذله وبعدين تعطيه تفتحه هي وتتاخذ منه وآخر تعطيه اياه عقب مايسيل ريريه هههههه

شطلبتي صوت؟ الاقتباسات؟ جاوبوج!

دمعه: ههههههههههه زين تسوين فيهم اكره ما عندي لين اهل الزوج قامو يتفلسفون

هلا والله دمعة حياج الله

من قال ان البنات خبيثين والله البنات اشحلوهم وبعد على التربية لازم على الام تعلم البنية انه ما تذل اخوها وتعلمها انه تحبة احسن

وعن سالفة انج تردين عليهم ردي عليهم بس بطريقة حلوة عشان يحبونج اكثر لأن لي صارت الوحده لسانها طويل عليهم ويكرهونها وحلات البنية مثل اول ما شافوج احسن

ام عبود: شلونج وشلون جودي ، يلله سدحي لنا صورتها حق اراويها حصيص حق تسوي لها نو
:034:

فراولة: انا من وجهة نظر دمعه، يمكن انتي الله عطاج اهل زوج حليوين ، بس ترا الغالبيه يكونون مب زينيين مع زوجه ولدهم، من جذي لازم تعطيهم العين الحمره :084: ، صدقيني هالشي جربته ونفع، الحين ما عادو يتدخلون في حياتي عقب ما أدبتهم :096:

هلا دموعة
إ‘ي سكتي ... أني أحين خبرة عندي نعمة و للحين كأني وحدة ما أعرف أو ما أحب بتي
يعني يوم الجمعة كان الجو دافي و بتي حرورة و بيت عمي دافي واجد
عاد لبستها ثياب أكمام طويلة بس قطنية مو شتوية واجد و داخل بيت عمي فصختها القحفية إلا وحدة منهم تقول لي (ياعلي حرام عليش مصيفتنها .... تحملي فيها) رديت عليها قلت لها اولا مو برد و ثانيا البيت دافي و بتي حرورة و هالشئ أصلا خطير كثرة الثياب في جو دافي مو زين و ثالثا محد تعب فيها كثري و هالبنية أني أحارسها من زمان يعني محد بيخاف عليها قدي و سكتت حماتي خخخخخ
كل واحد يربي اولاده بالشكل اللي يشوفه و اعتقد كل وحدة بعد تعرف حاجة ولدها لو بتها ..... زوجة حمي دابحة ولدها من الثياب حتى داخل البيت راجمه عليها الكبت كله خخخخخ حتى القحفية ما تفصخه هي تشوف هالشئ زين لولدها أني أشوف مو زين بس ما أدخل

و حتى لو بقولون ملاحظة المفروض بطريقة حليوة ما تحسس الوحدة إنها أم مهملة

ياااااااااعلي واجد هدرت خخخخ

ههههههههه اي الحمدالله رب العالمين بس يعني لازم مو تعاملينهم مثل ما يعاملونج لازم تصيرين احسن منهم والريل بعد إذا شافج تحبين اهله يحبج اكثر

نور الصباح
ان شاء الله بشوف ليها صورة جديده
وبخصوص الاكل
اني في جود ساعات اصير وياها شديده وبعض الاحيان ما اقدر حتى افتح بوزها فأتركها
بس اذا الاكل صدق اذا ماصخ ما تاكله

وزوجي من يشوفها تاكل وهي تصيح قال لي بس لا تأكلينها تبين تفطسينها
قلت ليه مو شغلك مو لهدرجه اني ما بشوف ولا بنتبه ليه
وعلى سالفة بيت العم خخخخخخخخخ
اني كله على قصاص شعرها
لكن اني ما اسكت ارد على راحه

صوت
بشوف وقت زوجي اذا يقدر يجيبني لو لا
وينه هذا يصير

خذيت
على الورق عنب وصفتي فيها دبس الرمان وتصير حلوه فيه
بس بشوف اسوي ليه متى
امي تبيني اسوي حق القراءة يوم وفاة الامام الحسن العسكري
تقول تبي غرشتين اسوي ليها
وبروح باخذه

فاتي إلا قلتين تبين تشوفينه

شخباركم فراولة واسور وزهور