تجمع حوامل وامهات دار الزين ( مملكه البحرين ) لشهر ربيع الاول1431ه

اي نور معاج حق في الكلام اللي قلتي

دمعة حياج الله حبوبة

وانا في نقطة الاكل من الحين اعطيها اكل عشان ما تسوي لي مناحة لأنها الحين تمشي في الرابع لأن بعدين لي كبرت شوي بتبتدي اتفطن عدل فقلت ابتدى معاها الحين احسن ههههههههه

انا امي يوم كنت صغيرة ابتدت تأكلني وان عمري شهرين الحمدالله ولا صادني شي وكنت ياحليلي متكتكه هههههههههههه ما شا ءالله علي خخخخخخخ

صوت انا بعد روون تسوي الحركة تشرب عقب شوي تهده وتشوفني وتضحك حبوبة والله البنية الله يحفظها لي انشاء الله وابلغ فيها عروس

صوت واسورة ودمعه وخذيت وام عبود وكلللللللللل البنات ابي اسمع رايكم وباسهاب لو سمحتو على هالموضوع خاصة الي بدو يأكلون عيالهم

سلام عليكم

شخباركم بنات

يااي مللتني فاطمتي لين نامت وادري الحين بتقعد

ما شاء الله عليش نور خوش حجي صراحة واني مع ابوها نفس الشي في الاكل تسوي روحها بتزوع يقول ليي بس اقوله ما عليي منك مو من الحين تتدلع علينا في الاكل كفاية دلعها في الرضاعة اذكر دمووع الله يذكرها بالخير
صج صار هواش ولو انها ما تاخذ صدري من تحسه على خدها تصرخ صريخ فيني حرة الصراحة على الرضاعة

اسور وفراولة وصوت ونور وزهور وخذيتو اللي حاقرة وفاتي وام فوفو وام عبود ودموع ونايس وروحي وقنوت وعيون لها وحشة وانثى وام فروس وتهاني والكل الكل شخباركم

صوت عن الطلعة انا اقول ان يوم اجازة واتوقع زحمة فاي مكان ما بيكون هادئ بس المهم نتجمع ولازم نطرش لجميع البنات اللي في التجمع الحين او سابقا علشا نالكل يعرف طبعا عقب ما نقرر المكان والوقت واول شي لازم نشوف العدد علشان نحدد مكان يناسب او نروح مكان مفتوح اذا كان الجو اوكي طبعا ونقدر كل وحدة تسوي ليها حلاوة او تاخذ جاهز مافيه مشكلة او حتى اذا ما بتجيب شي حياها الله اهم شي تجي وقهوة بعد وجاي وجاي حليب تكون القعدة لا يعلى عليها الصراحة

بس صج ما شوف احد يتكلم او يعلق الاالقليل
وخذيتو انتين تعالي وما عليش من غيرش>>>متى بتحطين الصورة شكلش بتراوينا اياها على الطبيعة خخخخخخ

يلا من بيستلم مهمة الاعلامية يطرش رسايل خاصة

ممكن اني بس اول نتفق على المكان وتعالو اللي بينكم ايميلات طرشو ليي لا ازعل له

يلا امبي اشوف اتفاق بسرعه

هلا والله ام فطامي شخبارج وشخبار الحلوة الله يخليها لج

بطوط من زمان ما شفناها والله لها وحشة الحلوة

شروق: شنو أكلتي فطومه؟

مانبي مكان مفتوح اليهال بيمرضون من الهوا، وانا وحده يوعانه خخخخخ ابي مطعم او على الاقل كوفي شوب ههههههههههه

التفهي و ما يسوي خخخخ
توي أشوف كلامش نور
إي عدل جدي
مو بس الأكل ترا الجاهل لين تتركينه على كيفه خلاص يتعلم لش في كل شئ صرخ و صاح لأن يحس إن هالوسيلة بتنجح وياكم
وش بيصير إذا صاح الجاهل ما بموت
أني ما صادني هالمشكلة وية أولادي بس أحمد ولدي صادته فترة لما صار ثلاث سنوات ما يبي يآكل و كنت أغصبه و أبوه يتهاوش وياي و أني أقوله
يعني هو ولدي بقتله لو الأكل بيقتله و كنت أسكته

شروووق
خخخخخخخ جه في بالي عذاري نروح نلعب جم لعبة و انبسط ع الحشيش خخخخ<< أمزح ترا
فكرة كلش حليوة بس ما أعتقد الكل بيوافق
نروح مثلا ع الساحل و نقعد قعدة نواعم

يالله أحين أتفقنا على اليوم و التاريخ باقي نتفق على المكان و نخبر الباقي

حراير خيو هلا بينا

نور الصباح أني ما بجيب بتي بخليها عند أمي !!!!
من بجيب بيبياته؟

هلا والله حراير حياج الله حبوبة

وي انا عبالي عيالنا ويانا والي ما عندها احد ايود البيبي لها ما تجي؟

ليش ما تجيبينها نستانس مع عيالنا كلهم يسوون قروب معارضي الطعام خخخخخخخخخخخخخخخخ

انا بديت اكله في السادس

مدري كنت اخاف لان طفل خديج

شخباركم امهات؟?

مرحبا .. شلونكم وشخباركم امهات و حوامل البحرين

وياكم سنفونية حب << حامل في بكري و توني داخله الشهر ال6

ودعواتكم لي الله يتمم لي على خير و اقوم انا و مولودي بالسلامة

وان شا ءالله استفيد من تجاربكم وخبراتكم

هلا والله صديقتي مسو شخبارج وشخبا ر احمدي ؟؟

انا خاطري اعرف ليش يقولون الدكاترة ابتدى اكلي الطفل من عمر 6 شهور ؟؟

سنفونية حب;11352221:
مرحبا .. شلونكم وشخباركم امهات و حوامل البحرين

وياكم سنفونية حب << حامل في بكري و توني داخله الشهر ال6

ودعواتكم لي الله يتمم لي على خير و اقوم انا و مولودي بالسلامة

وان شا ءالله استفيد من تجاربكم وخبراتكم

هلا حياج الله ويانا وتقومين بالسلامة ان شا ءالله وتستفيدين من تجاربنا ان شا ءالله

انا اتذكرج كنتي في تجمع بنات البحرين

هلا خيو فراولة احنا الحمدلله انتي شخبار ج وروون ان شاء الله خفت

ام حصيص اعطيها بستوك دايتربا مع حليبها اسويه غليظ شوي وااكلها بالكفشة

وجربت فوحت لها تفاحه عجبها واعطيها عصير برتقال ومنقوع تمر والحمدلله ما شاء الله يعجبها

وبس
ان شاء الله اجرب من الاشياء اللي قلتيها

المهم انا قلت مكان مفتوح لأن ما توقعت حد اييب عياله خصوصا اللي صغار مثلي وصوت وفراولة اللمهم حياج الله انتي وياها العين اوسع لكم من المكان يااااي يعني بنشوف حصوووص وناسة

انزين عجل وش رايكم في الابراج اوووو مرمريز معني ماحبه ماحسه شي اووووو

سويت سيرج عن المطاعم العائلية وده الي شفته

جمعت لكم من كل الردود كل اسماء المطاعم اللي ذكروها الاخوه والاخوات
الله يجازيهم كل خير ،، بصراحه ماقصروا وجوعونا

تفضلوا ولا تنسوني ووالدي من دعاءكم

مطعم كارينوز الايطالي: مقابل مجمع السيف الجلسة فيه حلوة وهادئة والاكل الايطالي غني عن التعريف باستا ولا احلى والاسعار مقبولة والخدمة ماعليها كلام جيدة جدا
المطعم اللبناني (جنب كارينوز): جلسة حلوة والاكل طيب 4ستار الاسعار جيدة والجلسة تدكرني باجواء الشام
مطعم لنترنس الهندي: في البديع اكلهم رووووعه لايفوتكم
مطعم مونسون التايلندي: في العدليه .. ديكوره يجنن هو بيت على شكل كوخ وفيه سلم تحته ماء
مطعم الفش ماركت: في منه فرعين واحد في فندق شذى تاور في المنطقة الدبلوماسية والثاني في منتجع البندر بسترة، اكلاته بحريه غالي بس روعه
مطعم زيارة: في كرباباد مقابل مجمع السيف (التوسعه الجديده) قرب مصنع الجسر، منيو متنوع ويميزه أطباق السيزلينج وشوربة الروبيان روعة
مطعم مرمريز وتكة طهران الإيراني: مقابل مجمع البحرين (جيان)، عائلي , مينيو متنوع ولذيذ وشهي ونظيف , جلسات خاصة , ألعاب للأطفال , خدمة ممتازة.
مطعم الابراج: له عدة افرع في المجمعات والسهله ومدينة عيسى والعدلية والمحرق، عندهم شوربة هوت اند ساور او الكورن جدا رهيبه... سلطاتهم متميزه.... وعندهم سلطة الطماطم والفلفل اللي مضروبه بالخلاط رهيبه مع الرز الابيض، التشيلو كباب السلطانى مع الرز جدا حلو اللي هو رز مع مفروم كباب وشريحة ستيك تجى فى صحن واحد مع بصله وطماطم مشوي، الرز بالزعفران، الريش اللي هى اضلاع خروف لا يعلى عليها، اسعاره مقبوله.
وبفرع سند جنبه مقهى البنديرة، تقدر تروح المقهى وتطلب أكل من الأبراج، فيه كباين عليها ستاير وجلسه واسعه.
مطعم أصفهاني: السندويشات وليس أطباقه (الأطباق عادية حالها حال المطاعم الإيرانية الأخرى) والسندويتشات مثل الكباب سلطاني والدجاج وغيرها
مطعم شيليز: في الجفير
مطعم نينو:منطقة السيف خلف مجمع العالي ، إيطالي منوع , تجربة حلوة , اعمل مفاجأة لمن تحب بطلب إستعداد لحفلة ميلاد يحضرون لك كيكة ويشغلون أغنية هابي بيرثداي.
واتر ميلون: في منطقة السيف .. جنب مطعم نينو
مطعم كل أفشان الايراني: نهاية كورنيش الملك فيصل، بالقرب من المنطقة الدبلوماسية وقرب فندق الدبلومات .. بوفيه راااائع عالبحر
مطعم قيصر الهندي: في العدلية مطعم ممتاز جدا اكله طيب والخدمة ممتازة والاسعار عادية وهو في بناية مصنع البحرين للاثاث الهندي في العدلية بالدور الثاني
مطعم جوني روكت : جنب مجمع العالي الجهه الجنوبيه، ممتاز، وطريقة استقبالهم ومعاملتهم مضحكة
مطعم ديري كوين: فرع منطقة الزنج اللي عند الدوار
المطعم الايطالي: مجمع السيف الدور الارضي جنب زارا
مطعم تريدر فيكس: (يلزم الحجز قبل الذهاب، رقم هاتفهم: 17586555). يمدحونه كثير لكن حاسب من لحم الخنزيز والخمر يحطونه بالاكل ! والله العالم.
مطعم تياتروا: في مجمع الدانة له مدخل خاص عند المواقف مقابل بوابة رقم 3، فخم ورومانسي ونظيف نظام بوفيه مفتوح وفيه نظام مينيو سعر البوفيه لشخصين 18.200 دينار لشخصين مع المشروبات...وانت تختار إذا تبي البوفيه او تطلب طلبات خاصه.. رأي آخر: غالي جدا لايستحق الاسعار، سلطاتهم مستواها متوسط، الشوربه والحلو مستواها اقل من المتوسط .الاطباق الرئيسيه متوسط ولا يوجد فواكه،، والناس اذواق
مطعم ملح الزاد العراقي: في السيف الطابق الثاني ردهة المطاعم تقريبا اخر مطعم مقابل للألعاب
مطعم يم يم تري (مسترفنليز): له عدة فروع في المجمعات وبتوبلي وبسند وشارع المعارض، مشهور بالباستا الايطاليه اللذيييييييذه يطبخها قدامك وانت تختار المكونات، الترياكي، التشاومين، فاست فود، وجبات خليجية مثل البرياني، احب سلطتهم بالصلصه الايطاليه.
مطعم الفردوس:
المطعم الياباني: في فندق الخليج .. عندهم ربيان روعه اسمه ( تمبرا )
مطعم سنشري انترناشيونال: في العدلية عنده برياني عجيييييييييييب
مطعم ارض الاحلام: عند دوار ستره مأكولاته البحريه تجننن ، الربيان المشوي و باقي الاصناف البحريه يسويها بالبشمل والجبن بطريقه جدا رائعه
مطعم محمد نور للبخاري: مطعم شعبي في شارع المعارض مقابل صيدلية جعفر
مطعم حسين العرادي: المشهور بالحول بالرفاع الريوق عنده الصبح نواشف وباجة ووو مشالله علي التنوع والنظافه والسعر الشعبي
مطعم ابستيرز داون ستيرز : من طابقين
مطعم كاميلوت: علي شكل قلعة
مطعم مازالونا: شكلة بيت بحريني قديم
مطعم زوي ديكورة مودرن
مطعم هاش هاوس التايلندي: يفصخونكم احذيتكم قبل الدخول
مطعم ليلو كافي: في العدلية خلف فندق الخليج
مطعم لافونتين: في العوضية ما يتفوت وهو بيت علي رضا وهو من اغني التجار في البحرين في السبعينات وتم تجديد البيت علي يد بنتة واصبح مطعم
مطعم كوبر تشيمني: في ام الحصم هندي قديم شوي بس اكلة يلحس العقل.
مطعم روما الايطالي : في ام الحصم عندهم شوربة الماسترويانى وهى الهيليون والمشروم الفطر، سلطة الاوراق الخضراء، الرافيولي وذ كلامبز وهى المكرونه القصيره مع المحارولا تستغرب اذا جاب لك الاصداف فى الصحن وانت بنفسك تطلع السمكه من داخله ....عمليه ممتعه ولذيذه واختمها بايسكريم لاندروكى وهو ايس كريم ايطالي يرش عليه شكلاته ساخنه فيتجمد عليها من فوق وطعمها خطير
مطعم هونج كونج الصيني: في ام الحصم وهو اقدم مطعم صيني في البحرين واشهرها
مطعم هارد روك في المعارض حق اللي يحب الستيك والبرجر
مطعم سيزلر : في العدلية وهو من اقدم مطاعم الستيك في البحرين
مطعم بلو الفنت التايلندي: خطير وديكور رائع ويعتبر من ارقى مطاعم البحرين
مطعم لاشوكولا في منطقة السيف: اكله رائع وفيه جلسه خارجيه مقابل الشارع وفي الويكند قليل تلاقون طاولات فاضيه
مطعم فيرندا : الجديد علي شارع عذاري والقديم في العدلية
مطعم سينيور باكوس المكسيكي: في العدلية
مجمع مطالعم سيبرس جاردن: على شارع البديع فيه مجموعة مطاعم جيدة
مطعم لامرين: على شارع البديع وهو مطعم للاكلات البحريه نظام بوفيه
مطاعم فندق الخليج: مثل مطعم الواحه و زحلة اللبناني، والياباني ساتو، والتايلندي، وشورلوك هولمز،ومطعم ايطالي ممتاز. و فيه بوفيه المأكولات البحرية بالفندق يوم الخميس خيييييييييالي تختار السمك اللي تبغاه والربيان ويطبخه على مزاجك
مطعم Corel Beach Club: على كورنيش الفاتح اللي امامة النافورة قعدته حلو ومطل علي البحر اكله من مطعم الطربوش اللي جنبه
مطعم بانكوك: فى ام الحصم عند الدوار نصف شعبي، اكله تايلندى _هندي _ صينى ...وعنده غرف خاصه عندهم شوربة توم يام كون، وربع القبقب اللي يحطونه معاها لذيذ، وخبز النان الهندي طيب المذاق، بانست كانتون الصينى، افضل من السلطات والحلو. اسعارهم مقبوله جدا
مطعم رانديفو: في مجمع السيف بجانب صالات السينما B او 2 نظام البوفيه المفتوح فيه مكعبات خاصه وفيه طاولات، ويقدم مطبخ بحرينى ...هندى ...صينى ....واحيانا عالمى واكله مقبول ...ولكنهم لايبدعون فى اي شيئ.... يقدم فواكه.... وايس كريم ...وحلويات سعره ملفت للنظر.... ثلاثه دينار وستمئة فلس ...يعنى 36 ريال غير المشروبات
مطعم كوبر تشمنى الهندي: فى ام الحصم لايوجد به كيوبز او مكعبات خاصه للعائله الاسف ومطبخه هندى اى لايوجد اطباق عالميه اضافيه يقدمها ، لديه بشوربة العدس الهنديه دال والسلطه الخضرا،دجاج التندوري مع الرز الابيض ، حلو كرات الحليب مع الهيل، اسعاره معقوله
مطعم بيتزا ريا: في مجمع السيف الطابق السفلي قرب محلات الحواج، مطعم راقي جداً اكله لذيذ والمقبلات لذيذة وبالخصوص طبق الفطر بالثوم وجبنة الموزريلا ... والبيتزا شيء خيال خصوصا بيتزا الخضار
مطعم كاباتشينو: في مجمع الدانة الطابق السفلي أطباقه ممتازة وفريدة .... لا تفوتك شوربة البروكولي التي تقدم بداخل خبزة كبيرة طازجة محفورة ومحشوة بالشوربة الكريمية ...
وأيضاً طبق البطاطس المحشو بالفطر وكريمة الفطر ، مقبلات فطر رائعة ، اللزانيا الإيطالية التي يعدونها بشكل مميز ... اسعاره غاليه نسبيا
مطعم لاميزون دي كافيه: وجبات الافطار لذيذه نظام بوفيه مفتوح... وبالخصوص فرع الزنج ... أو فرع العدلية ... ولهم فرع بمجمع السيف. تعجبني سلطتهم .
مطعم البندروزا: مقابل الانتر كونتننتال هوتل الواجهه البحريه، مطعم عائلي نظام البوفيه المفتوح والستيكات ،عندهم مكينة ايسكريم .لاتفوتك شوربة المشروم والتى بون ستيك
بوفيه هندي: في مجمع مارينا مول الطابق الاول، اكلة الهندي ممتاز وتقدر تطلب الاطباق منفصلة اذا ما بغيت البوفية. الكبار 2.5 دينار والصغار 1.8 دينار.
مطعم جونى روكت للهمبرقر: عند مواقف مجمع العالي عند مدخل جاشنمال الخارجى، شغلهم خطير مليان مفاجات، وحتموت ضحك من طريقة تقديمهم الجديده والجذابه ، اسعاره غاليه بس يستاهل ضعفها.. تصميمة من فترة الخمسينات والاغاني بعد واكلة يشبة الفاست فود اول ما بدا في الخمسينات ، علي الطاولة فية JUKEBOX تختارين منة الاغنية اللي تريدينها وتضعين 100 فلس وممكن تطلبين من العاملين في المطعم اداء رقصة علي الاغنية. الاطفال يحبون هالحركات.
مطعم مراي (Marai): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند.
مطعم ميت كو (Meat Co): في العدلية خلف بيت السفير الكويتي لازم تحجز قبل عدة ايام ان بغيت تتعشى فيه بالويكند
مطعم Paul: في مجمع السيف التوسعة الجديدة، اكله ممتاز مالح وحلو ومخبز وديكورة حلو ....... يستحق الزيارة
مطعم الصواني: موقعة قبل النادي البحري علي كورنيش الفاتح
بالنسبه لفندق الشيراتون عندهم مطعم ايراني حلو بس اللي بالخليج احلا طبعا
مطعم المديترين: في فندق الريتز كارلتون جلسته حلوه على بركه السباحه واكلهم حلو بوفيه احيانا الاكل عالمي واحيانا بحري على حسب اليوم
مطعم كافيه ايطاليا cafe Italia: في العدليه بالضبط بجانب كاميلوت ومقابل اب سيترز داون ستيرز
مطعم الطربوش: في سيتي سنتر في المنامة
مطعم وكافيه دولسي : ممتاز ومشهور في البحرين يقع في الماحوز وتم افتتاح فرع جديد في التوسعة الجديدة في السيف الطابق الثاني
مطعم ومقهى اللمبي: خلف ستاندرد تشاترد بنك في المنامة ، شكله مايشجع من الخارج لكن من داخل جميل جدا ،، يحتوي على غرف مغلقة تقدر تاخذ راحتك فيهم وحتى تلفزيونات فيهم ،، وفي قسمين قسم للعائلات وهو الغرف المغلقة، وقسم العزاب جلسات عربية وفي طاولة بليارد
مطعم اصفهاني: له عدة فروع وبالمجمعات بعد، اذكره بمجمع البحرين
مطعم فرندز: في العدلية على شارع فندق الرمادا (نظام غرف )
مطعم جيس Chess : في العدليه على شارع فندق الرمادا ( نظام غرف) .
مطعم بتيت كافيه : في العدليه على شارع ( نظام غرف )
مطعم في عراد: في المحرق يقدم أكلات بأيدي بحرينية .. يقع خلف برجر لاند.
مطعم كباب امين: مطعم شعبي للمشويات قريب من شارع القصر حق شباب فقط ما ينفع عوائل
مطعم الزيتون: في فندق نوفوتيل جدا رايق ونظيف عندهم بوفيه فطور حلو والاحلى العشا
مطعم بحر الاحجار - Sea RoCK: بشارع المعارض
مطعم تبريز: يقع في عذاري جنب الجامعة العربية المفتوحه خلف منتزه عذاري بالضبط ، السمك والكبسه على اصولها

يلا قعدت توتتي

تحملو بروحكم وما اجي الا متفقين


بطوط لها خبرة بالمطاعم جان زين تطل علينا اتصلي لها صوت