تجمع حوامل قطر لشهر ذي الحجه من العام 1430 ه

دوحانيه

انا عبودي حبيبي قطع الحليب من عمره سنه وقبل السنه مكان يحبه

بس الحين عادي اعطيه المراعي فرش ويشربه الحمدلله

هي فتره وبتعدي ان شالله

صباح الخير


كل يوم متأخره عن الدوام .. استغفر الله .. مدري لين متى ؟!!!

شخباركم ؟

بنات بسألكم عن شغل ميرنا للشعر

شرايكم فيها

انا ماسمعت عنها الا عند وحده امدحتها ومتردده بصراحه

صباح الخير...........

ثباااح العثل :D

اخباركم

صباح الخير :)

اخبص وابي اشوف شنو طلع وياي :)

دح دح

أدوية ولدج بالضبط نفس أدويه بنتي

وقالي الدكتور لازم استمر عالادويه كم من شهر وعلى طول اعطيها هالادويه لين ماتخف حساسية صدرها ... هي فيها ربو فديتها

وأشوفها تحسنت من ادويه الدكتور خالد الشيخ احسن من مستشفى حمد ماخليت حد مارحت له ولا فيه فايده الا الدكتور خالد عرف لبنتي

السلام علييييييكم

يعطيكم العافيه جمييييييع

والله يهون على كل حااااااااامل

للي عندها فكره قولوا لنا اكلات والا الاعشاب مفيده للحامل

انا بصراحه بالغصب اكل كارهه الاكل

وودي على اقل اكل شي فيه فايده

صباح النور ياحلوين

ودي ادخل واشارك بس جهازي عطاكم عمره

ورجعت الدوام اهئ اهئ

ان شاءالله خلال اسبوع برجع مثل قبل

عندي سؤال

امي تقولي المفروض ابتدي اعطي ولدي أكل وانا مقتنعه اني انطر شوي

شرايكم في السيريلاك ابتدي معاه من 4 شهور اوكي ولا

هو عنده بداية اكزيما

سي يو ياعسل

صبااااااااااااح الخير

قطرية ماتهاب : حبيبتي اتوقع مافي اعشاب تنفع للحامل او اكلات معينة عليج بالفيتامينات والفواكة والعصاير الطازجة والاجباااان انتي الظاهر نساتج جاية ع الاكل

قصوبة;10780240:
صبااااااااااااح الخير

قطرية ماتهاب : حبيبتي اتوقع مافي اعشاب تنفع للحامل او اكلات معينة عليج بالفيتامينات والفواكة والعصاير الطازجة والاجباااان انتي الظاهر نساتج جاية ع الاكل

صادقه فديتج اصلا انا ادري اني حتى لو جبت اكل مب ماكلته

حتى وزني مازاد وايد يادوب كم كيلو

بس الدكتور مطمني الحمدلله

لكن ماعطاني حبوب حق الفيتامينات ماعندي الا الفولك اسيد

قطرية ما تهاب
حاولي تاكلين فواكه مو لازم اكل مطبوخ ..
اذا تحبين السلطات اكلي فتوش وتبولة مفيدة لج ..
اكلي موزة في اليوم لازم تعوضج الكالسيوم والحديد سوي لج باستابالكؤيمة البيضة وحطي فيها قطع صغيرة دجاج او ربيان مع مشروم وبروكلي تصير يمي يمي <<راح خاطري اسويها ..
والموعد الجاي اطلبي منه حبوب حديد مع الفولك اسيد اخذي واذا تحتاجين كالسيوم اخذي ..

اليجنت
ولدج صغنون
لاتجربين في الشهر الرابع تبين تجربين شوفي في الشهر الخامس وجربي نص قفشة مع الحليب في الرضعة عطيه بس مو وجبه ..وشوفي الاكزيما بتزيد والا لاااء ..وعطيه مثلا السيريلاك العادي بالقمح او العيش ..بس لا تجازفين تعطينه الحين ترى هالاجيال غير عن اجيال قبل ..بعد احتياط سالي دكتور اطفال مثلا لو بالتلفون ..

اليجنت

صبااح الخيرات وين هالغيبه واخباار الكتكووت

الاا مس مس مختفيه من زمان ما دخلت عسى المانع خير

صباحكم عسل
هاي الي بتدش عقب العياده خخخ
لا صج صايدني كسل مو طبيعي كلش كلش
ام الغالين وقصوووبة
تسلمون لي حبيباتي ع الاهتمام
الله يسلمكم رحت حق فهد الباكر عشان الحساسية الي طالعه حق ولدي
ذيك الفترة عطاني ادوية قالي اكزيما خففيفة ورحت امس هاي الموعد الثاني
عطاني ادوية غير قالي اذا طلع مكان الحساسية حطيله بس..
والمشكله طلعت له سالفه ثانية طالعتله حبوب صغيرة مكان الحفاظ قالي ماتخلينه يتهووى
انحرجت قلت لا قالي مغيرتله نوع البامبرز قلت لا عطاني كريم له وقالي ماعليه شر
عليج بالترطيب الدايم له لان في رقبته مكان الحساسية القبلية ابيض صاير اللون
قالي رطبي جلده وماعليه شر .. وبس

دحدح
ع طاري الحليب
تحيلي ولدي اليوم كلش ماشرب من الصبح سويت المرضاعه وقطيتها
كامله والحين سويت له شرب لين رقم 2 باليالله غاصبته وماسكته بقو ..
مادري شسوي فيه ..
بنات عندي سؤال
بدخل بكره بسكوت ميلوبا مال الشهر الرابع حق ولدي اولا شلون احفظ البسكوت
لانه لي فتحت قرطاسته شلون بسكرها مرة ثانية واحطها في الثلاجة ..
قلت بشتري له العلب البلاستيكية مالت اكل الي في الجمعيات وبحط البسكوت وبحطه في الثلاجة ..
والميلوبا رايس بعد اخزنه بنفس الطريقة ؟
وعادي اعطيه البسكوت الصبح والرايس الظهر ؟؟
ولا ابدى بشي واحد ..

جايني ايميل فيديو
ابو يقط بنته ف البركه عمرها سنه او سنه ونص مسكينه
تخيلوا يطلعها ويقطها مره ثانيه وهي تحافص كانها عصفور وتخيلوا يقلبها علشان ويهها يكون ف الماي استغفرالله صج حيوان وماعنده قلب
حرني
والله دمعت عيني
صج في ابهات وامهات خلو من الانسانيه الواحد قطوة مايسوي فيها جي اوشلون روح وانسانه من لحمي ودمي يااللي مافيه دم



ام الغاليين ارسلته لج شوفيه حسبي الله ونعم الوكيل النعمه زواله اللي مايخاف من ربه

:-#


:p

محترررررررررره على مواعيد حمد



الحين دخلت التاسع وفيني السكري ومخليني بدون موعد ويوم حجزت يطلع لي اخر الشهر

عذرهم مافي مواعيد كله محجوز

يعني اداوم التاسع كله اش دعوه

ومايلاحظون السكري ولا دروا عني وعن سكري وين الملاحظه اللي يقولون عنها

بكره بهد عليهم واللي فيها فيها .

هلا موغي

حبيبتي مرت حماااي فيها السكري من ثالث شهر كانت اتابع بالمركز الصحي حولوووها ع حمد ووهي الحين بالتاااسع ووكانوا يعطونها مواعيد بس عشان يتابعون سكريههااا ووهي كاكانت تقدر شووي اطق حمد لان بيتهم بالوكرة فقالت لهم يعطونها ورقة اتابع سكريها وجيك عليه بالمركز الصحي