أم الغاليين الثلاث;10759754:
يالا دع دع
أنا ناطرة البيق هاااق
ماقلتي لنا إخوانك الصغار شو سووا يوم شافوا امج؟
وأكيد هي صاااحت معاهم ههههههههههه
أمهاتنا على كل شي يصيحون فرحانين زعلانين بيصيحووون
الله يخليهم لنا ان شاءالله
:pيوم بتين دبي بنعطيج بق هاق ولا يهمج خخخخخخ بس لا تطلعين شرات بعض الناس اللي قالوا بيون ولا شفنا حتى خيالهم
والله يوم وصلنا واحد كان توه رايح المدرسة ما لحقنا عليه و الثاني كان واقف برع عند باب الصالة داق حزن لانه ما ودوه وياهم فالسيارة خخخخخخ و اول ما شافنا نازلين من السيارة سار و انخش ورا الباب و متمسك فالخدامة مب طايع ايي صوبنا يوم بغيت اشله تم يقرصني و يكفخني ما يباني و نفس الشي يوم بغت اماية تشله تم صاد عنها بس يوم شلته تم حاظننها و منخش عندها مب طايع يهدها و ما يبا حد غيرها خخخخخخ و هي مسوية فلم هندي وياه اقولها بسج هديه مب طايعة تخليه ولا هو طايع يخليها اخر شي سحبته بالقوة و حصلت لي كم كفخة بس عقب رضى عليه يوم قلتله خذتلك كاكاو خخخخخخخ
و الثاني اول ما رد من المدرسة انا كنت فوق فما شفت الفلم الهندي ويا اماية بس ياني و انا منسدحة كنت برقد و عفد عليه و تم لاوي عليه كسرلي عظامي فديته و تم يحببني هههههههه مب هاك الشرير بس عقب استوى طيب و لاصق فيني و طلعته وياية و اخر شي خمد فالسيارة بعد
و عاد من يينا و هم لاصقين فيها و يحنون مزعجين هههههههه بس يغمضوني ماقولهم شي
و اللهم آميييين يارب الله لا يحرمنا منهم
>> جني كتبت قصة حياتي
