أهلا وسهلا بالسوريات الحلوات بتجمعنا لشهر ذو القعدة

شامية ......... صحة وهنا على البيتزا وناطرين النتائج
وتسلمي على الكلام الحلو

نسيت قول اني اليوم ان شاء الله عاملة مخلوطة بلهجتنا وكواج بلهجة بقية المحافظات هههههههه

ارجعتلكن مع إنكن أكيد مشيتوا بس شو بدي أعمل مو معودة ضل بلا شغل فإسمي اليوم بالبيت طلعت الشتوي وضبيت الصيفي والله هالشغلة هم على قلبي بس خلصت منها
دمشقية ايه ليش لا بيجي بس بقى كبري الكمية لإنه جاي أنا وبناتي وشغالتي لك ريتوا دايمه يا رب سفرتك ويخليلك زوجك وولادك
شاميه شايفة حبيبتي شو بدي أعمل مافي حدا حطوا بحضني من غير شر بقى بحط اللاب توب
مونو بتعرفي المخلوطة شو بيقصدوا فيها ببيروت اللي هي النقرشة عنا هني بيقولولها مخلوطة وريتوا صحتين على الكواج والله أكلة مع بصل أخضر وجرجير

دمشقية عم نستنى صورة اليبرء ان شالله ما تنسي

لأنو مشتهيتها بقى بركة بالصورة بشبع

صباحووووووووووو

شفتوا المنتدى كيف علق امبارحة :(

شكله انعدا من الشبكة عندي هههههههههه


المهم كيفكم اليوم وشو اخباركم ؟؟؟

لولية;10553369:
ارجعتلكن مع إنكن أكيد مشيتوا بس شو بدي أعمل مو معودة ضل بلا شغل فإسمي اليوم بالبيت طلعت الشتوي وضبيت الصيفي والله هالشغلة هم على قلبي بس خلصت منها

مونو بتعرفي المخلوطة شو بيقصدوا فيها ببيروت اللي هي النقرشة عنا هني بيقولولها مخلوطة وريتوا صحتين على الكواج والله أكلة مع بصل أخضر وجرجير

ما شاء الله الله يعطيك العافية على فكرة انا بحس الحركة سوسة هههههه
يعني في ناس الا بدهم يتحركوا ويشتغلوا ما فينهم على فكرة انا هيك كمان
بفيق من صبايح الله زوجي بيقلي كفي النومة بقول له مابرتاح اذا علي شغل
وعلى قلبك يارب وعن جد فرقت المخلوطة عندكم هههه انا لاحظت انه بس باللادقية
بيقولولها هيك والا بغير محافظات اسمها الرسمي كواج
ما قلتيلنا اجت رفيقتك بعدين وشو عملتي على الغدا

شامية للعظم;10557725:

اي صبايا هي البيتزا تبعي وطلعت طعمتها كتير طيبة

وزوجي دايما بيقلي أطيب من تبع السوق ووين ماراح ما بتعجبو الا البيتية

اتفضلو أمانة

هي قبل ماحط الجبنة والهوت دوغ

وهي قطعة بعد ما قطعتها

ما شاء الله بتشهي يسلموا هالايدين والله يخليك زوجك مشجع المواهب
وعن جد البيتزا برا طيبة ما اختلفنا بس تبعت البيت لها نكهة غير
ومرة كنت عم شوف ريتشل ري على ام بي سي 4 كانت حاطة حلقة
عن البيتزا الله وكيلك في محلات ما بيحطوا لها الا صوص البندورة وريحان :ss:
يعني حتى من دون جبنة او اللذي منه ما متل عنا اكلة قومية ههههههههه

اتفضلوا

بسعد صباااحكم يارب
كيفك مونو وحشتيني شكلك بعتي جماعتك للمنتدى مبارح مو خخخخخ.... علئ مااشتغل للساعة 12 بالليل يمكن .... بالعافية عليكي المخلوطة ههه قصدي الكواج واللع الطبخ زنخ وبملل

*********

لولية يسعدوووو الله يعطيكي العافية يااارب والله ملابس الشتوية غير شكل بتبقى حلوة ومرتبة بتعطي فخامة مو متل الصيفية ههههه مو ؟؟؟
مبارح ماما قالتلي مطر ماعم توقف عندهم ماشالله نيالهم ورعد كمان نيالهم انا الحمد لله شفتهم لمنامي بس مبارح شفت الدنيا عم تتلج يالله مالي قلب فيق من النوم ههههه

*********

شامية ماشالله شوهالبيتزا الطيبة هي يسلم الايادي يااارب بالعافية على قلوبكم
وسامحيني والله من جوعي وقت اليبرء حطيتوا على طول على الطاولة واكلنا ماصدقت بس طلع بيجنن حامض وعلى كيفكم ... وبووديت صحن لسورية خطية عم تتوحم !!!!!!!!!!!! خخخخخخ

بس انا زمان منزلة موضوع عن اليبرء هاد هو شوفي شامو اذا بتحبي
http://www.forums.3roos.com/t478060.html

صحيح مونو يسلمو على البانكيك او الكريب اعتقد بسموه كمان مو ؟
من يومين عملتو وحطيت على وجهو شوكولا كرسبي ونستلة طلع بيجنن دورت على القرفة مالقيت عندي مطحونة .... مع القرفة بتطلع لذييذة متل السينابون

شو ناوية تطبخي اليوم مونو

يالله شامية تعالي عم نستناكي
وياريت لو بيرل ولولية وبنوتة وسمووورة يجو كمان ولولو وشامة زماان عنهم .... المهم تكونو بخير اكيييد

الدمشقية;10561413:
بسعد صباااحكم يارب
كيفك مونو وحشتيني شكلك بعتي جماعتك للمنتدى مبارح مو خخخخخ.... علئ مااشتغل للساعة 12 بالليل يمكن .... بالعافية عليكي المخلوطة ههه قصدي الكواج واللع الطبخ زنخ وبملل

شامية ماشالله شوهالبيتزا الطيبة هي يسلم الايادي يااارب بالعافية على قلوبكم
وسامحيني والله من جوعي وقت اليبرء حطيتوا على طول على الطاولة واكلنا ماصدقت بس طلع بيجنن حامض وعلى كيفكم ... وبووديت صحن لسورية خطية عم تتوحم !!!!!!!!!!!! خخخخخخ

بس انا زمان منزلة موضوع عن اليبرء هاد هو شوفي شامو اذا بتحبي
http://www.forums.3roos.com/t478060.html

يسعد هالصباح يا زينة الملاح وقسم يا ولد ههههههههههههههه
شايفة جماعتي ما شاء الله ايدهم طايلة بسم الله :ss:

وعلى قلبك مشان المخلوطة واليوم ما بعرف عندي شغلات بقيانة بالبراد
متل فطاير وشوية سمك بالاغلب ان شاء الله ناكلهم يعني البراد عازمنا
وانت شو عاملة اكل ؟؟؟ ويسلموا على اليبرق بيشهي وعن جد على الجوع
لا بتوعي تصوري ولا شي وبيشتغل الضرب بالخمسة هههههههه
وشو اخر جملة قرأتها سورية عم تتوحم شو سبق صحفي ولا اشاعة:cool:

الدمشقية;10561437:
صحيح مونو يسلمو على البانكيك او الكريب اعتقد بسموه كمان مو ؟
من يومين عملتو وحطيت على وجهو شوكولا كرسبي ونستلة طلع بيجنن دورت على القرفة مالقيت عندي مطحونة .... مع القرفة بتطلع لذييذة متل السينابون

شو ناوية تطبخي اليوم مونو

يالله شامية تعالي عم نستناكي
وياريت لو بيرل ولولية وبنوتة وسمووورة يجو كمان ولولو وشامة زماان عنهم .... المهم تكونو بخير اكيييد

والله طيب كتييييير انا بحبه مع شوكولا اكتر بس والله فكرة حلووووة تبعت السينابون
للتجربة الاكيدة ان شاء الله
هو بان كيك اذا سميك والرقيق كتير بيسموه كريب هلأ حاولت دور بالمقادير عن شي يفرهم ما لقيت ما شفت الا شغلة السماكة

ايوا ودلع يارشيدي خخخخ على سيرة التقسيم ياولد .... مرة كنت عم عسل قام زوجي راح جبلي فحمة ههههه طلعت مني كلمة نارا ياولد بس وطيت صوتي والا كان حط النارا على راسي خخخخخ
الله يسلمك منشان اليبرء والله اكلة طيبة بس لفها بدو وقت واكلها على طووووول ضرب بالخمس ومابزيد لتاني يوم ههههه
اما بالنسبة عن الاشاعة او السبق الصحفي فهو .................................... حقيقة سورية حامل ياعمري
مسكينة لما عرفت من اسبوع صارت تبكي لان ابنها صغير بس قدر الله وماشاء فعل الله عينها دعواتكم
عقبالك مونو خخخخخخخخ انتي وشامية وبيرل واختي دعاء يااااارب

&&&&&&&
وحلوة المعلومة عن الكريب او البانكيك يعني طبعة الشغلة فلسفة بس وحيرة هههههه من هالطباخين
وجربيها مونو بالقرفة المطحونة وعلى الوجه نستلة وشوكولا هرشي مو كرسبي .... كتيير طيبة

خخخخخخخخ نارا يا ولد مرة وحدة كنت رحتي بخبر كان ومان
ومتل ما قلتي اليبرق لفه وشغله صعب واسهل من اكله مافي
يمكن اسهل شي ممكن تاكليه بالعالم هههههه وعن جد ان شاء الله بدي جرب
البانكيك بطريقتك بحب الاختراعات وزوجي بيحب هيك شغلات كتير


بنجي للموضوع الرئيسي الف الف مبرووووووووووووك للسورية الله يتمم معك على خير
وعقبال العايزين يا حبايب عقبال العايزين ههههههههههههه

ههههه اشوى مونو ربك ستر وقلتها بقلبي نارا نارا هههههههه يقبر قلبي زوزي ايه لو جنبي كنت قلتلو
قول بعيد الشر ماصدقت قولها خخخخخ
وجربي الاختراعات مونو يسلملي انا المخترع بس اوعك تعملي بوووووم متل كل مخترع يطيروا الشعرات ويوقفوا خخخخخ

وبالنسبة لسورية هههه اي والله عقبال العايزين ..... كانك شمتانة باختي اااه قري اعترفي

اتخيلت شكلي وانا عم اخترع كيف رح يكون فلللللللة خخخ
لا قولي الحمدلله ما بصير هيك بس انا من النوع الكركوب شوي انا وعم اطبخ
يعنى الا بدك تشوفي المطبخ انعجق هههههههههههههه
والله يخليلك زوزك ويدوم الالفة والمحبة ويخلي نارة الحب شغالة ههههههههههههه

لا والله حرام انا ما شمتانة بس بعدي عني هالفترة دخيلك والله يبعت لكل مشتهي
لانه ما شاء الله رورو طلعتلي قرن براسي من حركاتها بقى بتصور ان شاء الله
لحتى ارجع واقدر فكر بولد تاني بدها شوية وقت

يسعد صبحكن تحققت امنيتك دمشقية هي اجيت أنا بس مدري شوبو النت عندي اليوم كل ما بفتح صفحة بيفصل

وعطيتيني فكرة عن الكريب لأنو عندي بالفريزر كم وحدة أنا بحطلو موز وشوكولا هلق بجرب وصفتك عندي قرفة عيدان بطحنها بالمطحنة تبع الخلاط وعندي نستلة كمان وعندي هيرشي لندوق

سوريا مبروك عقبال العايزين والله لا يحرم حدا من هالنعمة يارب

مونو الكريب صورته بتجنن بالنسبة للبيتزا زوجي بيقلي عبيها شغلات أنا بحب عليها شغلات كتير بقى أنا بجرب كتير شي بيطلع طيب وشي لاء حتى رسيت آخر شي على الصوص يلي بعمله أنا وبندورة وفليفلة فريش وفطر ودرة وزيتون وجبنة وآخر شي الهوت دوغ أنا ما بحبو بس زوجي بيحبو

ايه الحمد لله مونو اطمنت على ابن عمك من البووووم ههههههه
وعلى الكركبة يييييييه انا هيك حدث ولا حرج بحاول مع اني على قولة ابني ابذل قصارى جهدي (( يقبرني طالع لامو مثقف خخخخ )) ايه بحاول اضبضب بس الا مااكرك ماااافي مجال

وعم امزح منشان الشماتة الله يقويها يارب ويعينها والله بزعل عليها هالبنت .... ان شالله أجر وعافية يارب
عم اتخيل مونو شكلك بالقرن ههههههه يبعتلك انا عندي قرنين ههههه مبارح طفشوني ولادي الله يحميهم بس ... ويكتبلك ماتتمني يارب

&&&&&
طل القمر شامية مبروك اللون الجديد صرتي متميزة بعروس الف مبرووووك

يسعد هالصباح شامية يا اهلين
شو شكله جماعتي راحت صوبكم هههههههههههههههه
انا حفت الصورة عندي تبعت اليوم مشان طريقة التقديم لانه متل ما قلت من قبل
بحب حط لكم صور مشان طرق التقديم لانه براي بتشهي اكتر من الطبق نفسه
ومشان البيتزا متل ما قلتي اغلب الرجال بيحبوها مليانة ومحشية اشكال والوان
انا بحط متلك صوص البندورة وفطر وزيتون والجبنة هيدول الاساسيات
ومرة بحط هوت دوغ ومرة بيبروني ومرة سجق ومرة مرتديلا ومرة كلهم مع بعض هههههههه
بالغالب بحط اكتر من نوع لحمة مشان زوجي

يسعد صباحك شامية يااارب معناها جماعة مونو العواطلية النت اجوكي اليوم ...... مون بعدي جماعتك لا تصييني انا كمان هههههه
جربي شامية هالطريقة رووووووووووعة طعمتها وكتري قرفة ونسلة وشوكولا وشوفي وادعيلي مو تنسي
اذا ماعجبتك لا تدعيلي مو مشكلة اهم ماتدعي علي
والله يبارك فيكي يارب عقبال العايزين على قولة مونو

شامية بالنسبة للبيتزا انا بعمل نوع وهي انو الصلصة انا بعملها متل ماقلتي
بحط بصلة ناعمة وبقليها مع صدر دجاج بكون مقطعتوا شقف صغيرة وبعدين بحط بندورة مقشرة ومقطعة ومكعب ماجي وكمان صلصة بندورة حتى تتقل اكتر وبهارات وملح وبمدها على العجينة وعلى الوجع بحط فليفلة خضرا شرائح وفطر وزيتون اسود دوائر وقبل اخر شي بحط شرائح البيبروني كتييير طيب
وعلى الفرن وبعدين الجبنة بتطلع رووووعة جربيها مابينسى طعمتها زوجك ... ان شالله ناوية اعملها يوم الخميس اتفضلوا

اي والله مونو التقديم الو عامل كبير والعين بتشتهي قبل التم
بتعرفي من مدة زوجي اشترى صحون صغيرة كتيير حلو على شكل قارب وبيضوي ومتوازي اضلاع
عن جد لما بحط العشا فيهم بتطلع النواشف او الحواضر غير شكل كانها مشاوي ومناسف من الشكل هههه

أهلين دمشقية بس أنو لون ما فهمت ؟؟

دمشقية ........ ههههههههههههههههههههههههههههههههههههههههه طقوا خواصيري
لكن قرنين مبروكين يتربوا بعزك بس فعلا يا اختي الاولاد ما شاء الله بدهم
شخص متفرغ ومتعدد المواهب واهم شي عنده صبر ايوب عليه السلام
اصلا بحس المتزوجة ما شاء الله صاحبة رقم غينس بالكارات ههههه
يعني ام و زوجة ودكتورة وطباخة ولفاية وزبالة احيانا و موظفة استقبال للضيوف
ومثقفة و متعلمة وعارضة ازياء و خبيرة مكياج وخبيرة مساج وطبيب نفسي
والقائمة تطول هههههههههههه وعن جد لازم تبذل قصارى جهدها على قولة محمود المثكف

ومنيح اللي طلع في حدا متلي بيكركب واصلا انا بحس هيك اصول الطبخ والا كيف بدك
تبيني انك تعبتي
والله يتمم لسورية على خير وعافية شو بدها تعمل نصيبها