تجمع حوامل و امهات البحرين لشهر الفضيل " رمضان" 1430ه

اي اهو من دشيت الثامن قلت الحركه وسمعت ان عادي تقل تهاني انتي فيج صبي بعد ؟؟

فراوله ملكية;10162076:
ام زينة لا تحاتين الله يهداج انا مثلج وايد احاتي قومي تمشي شوي ان شا ءالله يتحرك الحين لأن الثامن يصير المكان ضيق شوي يعني ما في مكان

صح كلام فراولة في الثامن يكون المكان ضيق ما يقدر يتحرك النونو

انا ولدي من الصبح قاعد مغربلني مو راضي ينام بطني يتكور ومتفشلة هني وياي موظفين هههههههههههه :tongue:

أم زينة;10162080:
اي اهو من دشيت الثامن قلت الحركه وسمعت ان عادي تقل تهاني انتي فيج صبي بعد ؟؟

اي حبيبتي فيني صبي

ههههههههههههههه اي ساعات يبين واضح انا يروح كله على صوب يصير بطني على صوب يضحكني بس في الدوام مايبين لاني دبه ماتبين الدبه عدل بقوم اتمشى بس مالي بارض الحين في عيني النوده ياحظهم الي اجازه :(

اي انا ابي اعرف شنو سالفت التكور معاهم انا من ارد البيت واريح تبتدي تعذبني يعور شوي

بس الحمدالله على كل حال ويسهل علينا ان شا ءالله

الله يحفظة لج تهاني اتذكر كنتي ويانا في تجمع عرايس البحرين حزت الي كنت انا بعرس بس مادري انتي او لا

انا هالايام من ايي حزت الفطور ايي الم تحت جنه برق او جنه حاطين فيج قلم من داخل يعورني والتكور يعور لانه يسمت البطن ويصير عظامه على صوب

اي والله ام زينة عن التكور صج يعور الله يسهل علينا ان شاء الله ترى كلنا في شهر واحد هههههههههه

أم زينة;10162093:
الله يحفظة لج تهاني اتذكر كنتي ويانا في تجمع عرايس البحرين حزت الي كنت انا بعرس بس مادري انتي او لا

هذي انا :D كل مكان ارز روحي له هههههههه

ههههههههههههههههه اي والله حلاته من تدشين التاسع سيده تولدين انا رفيجتي وياي في الشغل طاف موعدها وللحين ماولدت احسها حدها تعبانه

ههههههههههههههههههههههه انا اقول بس يوم جفت هذي الشريط الي حاطته قلت لا يمكن مو اهي بس بعدين قلت يمكن حاطه تاريخ الخطوبه عشان جذي صار سنتين

الله يسهل عليها ان شا ءالله بس خلها تمشي وايد زين المشي وتاكل رطب

فراوله ما حصلتها بالتجمع هناك مع ان عرسي وعرسها جنه في نفس الشهر عرسج في شهر 10 فراوله ؟؟

ماتمشي حدها ثقيله يعني صج صج تعبانه مافيها شده

صباح الخير بنات ..

بنات ابي انام .. من الصبح سويت فلم هندي ..

قعدت الصبح الا مافي ماي في البيت :(
لبست عبايتي وحطيت النظارة على ويهي ههههههه وقلت حق زوجي قوووم وصلني .. يقول لي روحي بروحج قلت لة لا .. مافي ماي وما غسلت ويهي ولا شيء واخاااف ارقد في السيارة ههههه ..

رحت بيت امي وسبحت ونعنشت ووصلني بعدها الدوام .. عاد طول الدرب اللي انا فية لايعة جبدي وابي ارجع خخخخخ يوم سبحت شووي خفت اللوعة .. وصلت الدوام توني بقعد على المكتب الا هندي يبي توقيع وريحتة يييييييييييييع .. قمت طقيت راسي بيدي بقووووووة واقول والله حرام .. كل اللي في الشركة يطالعوني ويضحكووون يقولون لي شفيج .. قلت لهم علموووة شلون يتسبح ههههههههههه

أم زينة;10162114:
ههههههههههههههههههههههه انا اقول بس يوم جفت هذي الشريط الي حاطته قلت لا يمكن مو اهي بس بعدين قلت يمكن حاطه تاريخ الخطوبه عشان جذي صار سنتين

اي حبيبتي تاريخ الخطوبة مو الزواج انا الي توني متزوجة تزوجت صوب وحملت صوب :tongue: رجعت من شهر العسل وانا حالتي حالة وكل عبالي وقت الدورة وكنت وايد اشرب دارسين عشان تنزل علي وعقب اسبوع من موعدها حللت وطلعت حامل :)

اي ام زينة انا زواجي نهاية 10 بس ما كنت ادخل التجمع العرايس كنت بس اقرا واطلع

ما تشوفين شر يتوووم الله يعينج على اللوعة

ويي تهاني اشوه انج عرفتي قبل لا تكثرين من الدارسين انا عرست صو وحملت صوب ولان دورتي مو منتظمه وفيني تكيس بالمبايض فماكنت حاطه في بالي اني حامل وقبلل لا اعرس الدوره ماياتي صارلها جم شهر ورجعت من شهر العسل وتمشيت ورحت السعوديه ومشيت ورجعت من السعوديه الا ينزل علي دم وتم يمكن 11 يوم قلت يمكن هذي الدوره من المشي نزل ووقف صارله اسبوع ورجع ينزل رحت المزكر الصحي وقالولي بنحلل لج ويوم حللو لي طلعت حامل ويافرحه ماتمت عقب التحليل باسبوع نزل البيبي :( وبس بعدها بشهر الله عوضني غيره ==== قالت قصه حياتها

انا يوم حق عرسي دخلت تجمه العرايس يوم حملت دخلت تجمع الحوامل ولي ولدت مادري وين اودي روحي خخخخخ

الل يعوضج خير ان شا ءالله ام زينة ويسهل عليج ان شا ءالله