toty858;10192863:
كريزى وهدى مدخلوش انهاردة
يارب يطمنا عليهم
ربنا يفرحك بمايا ويباركلك فيها يارب
انا الحمد لله واناناسه بتسلم على مايا كتير :)
sweet_toota;10194130:
ميرسي لكل اللى ردوا عليا جزاكم الله خير و انا الحمدلله روحت المختبر امبارح عملت التحليل و النتيجة طلعت بوزيتيف الف حمد و الف شكر ليك يارب
انا بقى عندى وجع زى وجع البريود قالقنى اووووى حاسة كأنها جاية و خايفة يكون دة علامة لحاجة وحشة ولا انتوا كلكم جالكو الوجع دة فى الاول؟ و هيستمر لامتى؟
الف مبروك وبنا يتمم لك بخير يارب ويجعلها زريه صالحه يارب
انتى لسه فالاول يا بنتى وهتشوفى تغيرات كتير بس المهم لو فى حاجه استمرت وجامده تقولى للدكتور اللى هتروحيله علطول لكن لو فى حاجه حسيتى بيها ومستمرتش متقلقيش ومتحطيش فى دماغك لان الجسم بيتغير عشان البيبى وبيظبط نفسه ليه يعنى
وربنا مايجبش حاجه وحشه وتعدى عليكى فتره الحمل على خير ان شاء الله
ميرفى50;10194217:
دودى عامله ايه وايه اخبارك ادعيلى ماكنيش ينفع اعمل اى حاجه لانى لما عرفت فى الشغل ماكنيش ينفع افرج الناس عليا وماتخفيش دعيت عليه قولته حسبى الله ونعم الوكيل وقولتله انت انتهكت حرمت واحده متجوزة وربنا مش هيسيبك وقولتله اعمل اللى انت عايزة كما تدين تدان هو اللى عامله تبقى خيانه يا هويدا صح
يا ميرفى متكبريش الكلام وتقولى كلام كبير هو معملش غير انه اتكلم مع بنات وبس متصعبيش الموضوع عليكى سبيه خالص بمعنى اصح تجاهليه خالص روحى الشغل عادى واعملى روتينك اليومين عادى اكنه مش موجود اصلا ومتكلمهوش غير فى حاجات عاديه خالص هتاكل مثلا وخلاص وعيشى حياتك واتكلمى مع اصحابك واضحكى قدامه عادى جدا ويوم الولاده خاليه هو اخر واحد يعرف انك رايحه تولدى بجد ممكن ده ياثر فيه
وربنا يهديه ويكرمك ويفك عنك يارب
ميرفى50;10194317:
قولته يعنى هترضى انى اعمل حاجه غلط تعرفى قالى ايه هانصحك واقولك ان ده غلط وانت حره اعملى اللى انت عايزة تعملية وبعدين مش بنكلم بعض خالص ومش بينام فى بره الاوضه عارفه جوزى ده غريب اوى بيعقبنى وكانى مش من حقى انى ازعل لما يهزر مع حد او يكلم حد لا كمان هو اللى زعلان مش حاجه غريبه فعلا
ومامته دايما تقولى الراجل ممكن يغلط الست لا مش كل اللى هو يعمله انت تعمليه بس طبعا انا مش معها فى الكلام ده خالص انا الحمدلله عمرى ما غلط واعمل زيه ابدا مهما حصل انا بخاف ربنا
بصى سيبك من مامته لانها عمرها ماهتقولك غير كدا وتقولك اصبرى واستحملى لكن مش معنى انه راجل انه يعمل اللى هو عوزه لا طبعا انتم هتجيبوا بنوته وعوزين ربنا يكرمكم فيها واللى بيعمله ده ميرضيش حد وله ربنا حتى
وهو لو سمع الكلام ده هيتعوج اكتر اصلا هو ممكن يعمل اللى هو عوزه قبل الجواز لكن دلوقتى لا طبعا خلاص وهو لزم يفهم ان الوضع اتغير ولزم يتحمل مسؤليه تصرفاته
وياترى اخوه او باباه رايهم ايه او هما عارفين الكلام ده كله وله لا
قصة كبيرة;10194405:
الف مبروووك يا قمر ربنا يثبت حملك ويتمملك على خير ان شاء الله
انا الوجع ده كان بيجيلى برضه وبدأ يخف من نص التانى كده.. ولما سألت الدكتورة ادتنى دوا عشانه بس انا ماخدتوش وقولت استحمل شوية وخلاص وفعلا الالم راح لوحده.
شاطره يا بيبو اللى نقدر نستحمله نستحمله بدل ماناخد دواء لان كدا كدا الجسم لزم يحصله تغيرات والحمل ده حاجه جديده عالجسم ولزم نحس بحاجات جديده كل شويه بس المهم نستحمل وربنا يكملنا على خير وميجبش حاجه وحشه
صوت العيون;10194424:
على فكره سالتكم قبل كدا فين لفلى ومحدش جاوبنى ها
والله يا بنتى قولت عليه مرتين
هو عند تقاطع مكرم عبيد مع مصطفى النحاس وجمبه صيداليه وخده ناصيتين
boky2010;10194451:
اية دة مين
ممممممممممممممممممممم
انا كمان الوجع دة جالى فى اخر الرابع وكنت بامووووووووووووووووووت
بجدددددددد وروحت للدكتور ادانى دوا وقالى نامى على ظهرك وقعدت يومين معملش حاجة خالص
انا مش عارفة مالى لحد دلوقتى ظغطى بيوطى اوى وبرجعععععععع
وحاجات غريبة كدة بتحصلى
منورررررررررررررررررره يا بكبوكه ويارب نشوف هنا علطول مع انى عارفاكى وهتخلى الشات كله رغى :D زى التجهيزات كدا الله يرحمها
معلش يا بوكى مفيش حلاوه من غير نار ربنا معاكى ويخفف عنك يارب
بي انتى ريحى وخالى بالك من نفسك وربنا يكملك على خير يارب
عروسة نعومة;10194685:
سؤال تاني يا ريت كل واحدة تقول على اسم دكتورة النساء اللي بتتعامل معاها أنا أعرف دكتور شاطر أوي في مستشفى عبد القادر فهمي بس أنا مش عايزة دكتور
loveway;10194755:
انا في الشهر الخامس اخره خلاص والحركه اللي بحس بيها هي زي نبض القلب يعني لو حطه ايدي علي بطني بلاقي حاجه خبطت مره او مرتين ورا بعض ولو خبطلها تروح تخبط في مكان تاني وساعات بطني بتتكور في حته واحده تبقي عاليه عن باقي البطن
ياجماعه دي الحركه الطبيعيه للشهر الخامس ولا لا طمنوني علشان خطري
وقولولي كل واحده بتحس بايه
انا لسه معرفتش ولد ولا بنت
kato;10195895:
ازيكم يا حوامل اخباركم اية واخبار بيبيهاتكم اية ربنا يقومكم كلكم بالسلامة يارب وتفرحوا يارب بالذرية الصالحة انا يا بنوتات مضايقة من اول رمضان وانا بجد ماليش نفس للاكل خالص وحاسة انى مقصرة فى حقى البيبى وحاسة انى مش بحافظ على الرزق اللى ربنا رزقنى بية وباكل بالعافية وممكن افضل طول اليوم على سندوتش بس وكوباية عصير وبشرب الحليب بالعافية وبنسى الدوا مش عارفة لية كدا وطبعا تعبانة وعندى هبوط من قلة الاكل ودايما دايخة تفتكروا اقول للدكتور يقولى على فاتح شهية اخدة ولا يكون دة نتيجة حالة نفسية بصراحة حاسة انى عندى شبة اكتئاب ودايما بشوف احلام مزعجة جدا جدا وعندى قلق وتوتر كل ما احسن ان معاد الولادة بيقرب وبخاف الله المستعان
ميرفى ربنا يصلح الحال يارب وتولدى بالسلامة يارب والامور ترجع مع جوزك زى الاول واحسن كمان معلش استحملى جزاك الله عن صبرك علية خير ويصلح حالة يارب
هوبا كل سنة وندى طيبة وعقبال مليون سنة يارب وربنا يفرحك بيها وهى عروسة زى القمر يارب ويرزقك عن قريب بأذن الله بالذرية الصالحة يارب
هويدا اخبارك اية يا قمر يارب تكونى بخير
اناناسة فينك يا قمريارب نطمن عليكى انتى و رشا يارب وتكونوا دايمات بخير
هدى ازيك يا قمر واخبار لولى اية يارب تكونوا بخير يا قمر ممكن تحطينى فى الستة انا بأذن الله اذا ربنا اراد هولد يوم 28/11 ان شاء الله
وان شاء الله نولد كلنا بالسلامة يارب ونكون باحسن حال احنا وبيبيهاتنا يارب
Princess_miro;10195906:
[GLOW="990099"]
السلام عليكم يا احلى ماميهات
[/GLOW]
يارب كلكن تكونوا بخير ان شاء الله
حبيت اقولكم مفاجأة
الحمدلله و ماشاء الله و لا قوة الا بالله
انا حامل فى الشهر الثانى (الاسبوع السادس)
الحمدلله و ان شاء الرحمن اكون معاكم هنا
