رابطة امهات واطفال مصر لشهر رمضان المعظم"كل عام وانتم الى الله اقرب وعلى طاعته ادوم"

ماشاء الله الاطقم شيك اوي ياشهيده وخصوصا الطقم الابيض والطقم اللي فوقه اللي هو البنتاكور و التي شيرت الاورانج شكله حلو اوي ماشاء الله ..

هوبي
اين انتى؟

ربنا يكرمك يا هوبي ده من ذوقك يا قمر

شهيدة;10281378:
با عم عالناس اللى بتكلم في التلفزيون
وعلى كده بقا عرفتى تتصلي بسهوله وملطعوكيش؟
هوا فين فيرست مول؟

شفتي بقى اشتهرنا خلااص :D ..لا لطعوني طبعا بس دي مش اول مره اكلمه كلمته من فتره برضه كنت بسأله على البي بي بتاع محمد كان لونه غريب كده

فيرست مول ده المول اللي تبع الفورسيزونز اللي في الجيزه ..على فكره المول ده في حاجات شيك اوي وشوزات لينا مش اطفال يعني بس حلوة اوي اوي والسورايهات وهم بس نااار ..عارفه المولات الهاديه الشيك دي ..اهو ده كده بس اغلب محلاته غاليه بهبل يعني لو رحتي لفي كويس وهتلاقي لقط

ممممممممممم
مش عارفه مول الفور سيزون فين؟

طيب في فروع تانيه لنكست وويف ناحيه مدينة نصر مش كده؟ للاسف مش فاكرة الاماكن اوى انا بشفهم بس كمنى مش بركز اوى في حاجات الرجالى فمش فاكرة الاماكن

على فكرة اعرف ان في مول في العاشر من ومضان اسمه عرفه بيعملو فيه دايما في اخر الموسم اوكازيون عالماركات كلها بيوصل ل70% وكلها ماركات زى ويف ونكست

عارفه يا هوبي انا مرة اشتركت في مسابقه على قناة اقرا وفزت
مكنتش مصدقه نفسي بس متكلمتش في التلفزيون ده كان انى بس ارد عالسؤال في الكنترول روم

شهيده انتي ازاي مش عارفه الفورسيزونز اللي في الجيزه اللي عند قدام المديريه ووراه النايل بولينج ..بصي نكست اعتقد فيه في سيتي ستارز

الله انا عمري ما اشتركت في مسابقات مره واحده اشتركت في الجامعه مسابقه تبع التيار الاسلامي وكسبت اسدال صلاة

hoobie;10281421:
شهيده انتي ازاي مش عارفه الفورسيزونز اللي في الجيزه اللي عند قدام المديريه ووراه النايل بولينج ..بصي نكست اعتقد فيه في سيتي ستارز

عايزة اقلك انى معرفش في الجيزة غير الميدان بس
انا حتى معرفش الممهندسين لازم لو رحت اروح مع حد عارفها والشوارع عندى شبه بعض
اعرف في الدقي شوية واعرف صلاح سالم انما الجيزة وفيصل والهرم يدوب اعرف الاساسي جدا فيهم

انا نفسي اشارك في برنامج فور بنات بتاع منى عبد الغنى بس اكسف اتكلم كده في التلفزيون قدام الناس
هههههههههههههه

شهيدة;10281440:
انا نفسي اشارك في برنامج فور بنات بتاع منى عبد الغنى بس اكسف اتكلم كده في التلفزيون قدام الناس
هههههههههههههه

ههههههههه على فكره انا كمان كنت بتكسف بس زمااااان ..لاني مره برضه اتصلت زمان ببرنامج سخيف كده وهايف على الاوربيت مش فاكره اسمه كان بيقدمه عمرو اديب ونيرفانا وكان في رمضان (مش عارفه ايه الهيافه اللي انا كنت فيها) ..ومن ساعتها خلاص قلبي جمد وعايشه دور وللا المذيييعه ههههههههه ..طيب والله تعرفي انا نفسي جدا اشتغل مذيعه :D

hoobie;10281446:
ههههههههه على فكره انا كمان كنت بتكسف بس زمااااان ..لاني مره برضه اتصلت زمان ببرنامج سخيف كده وهايف على الاوربيت مش فاكره اسمه كان بيقدمه عمرو اديب ونيرفانا وكان في رمضان (مش عارفه ايه الهيافه اللي انا كنت فيها) ..ومن ساعتها خلاص قلبي جمد وعايشه دور وللا المذيييعه ههههههههه ..طيب والله تعرفي انا نفسي جدا اشتغل مذيعه :D

طيب ما تخلي جوزو يشغلك
ههههههههه
انا فعلا بتكسف جدا مع ان كل اللى حواليا بيفتكرو انى جامده كده وبواجه اى حاجه بس فعلا بكون مكسوفه وبواجه بس علشان الضرورة
ده غير بقا انى من ساعت ما اتجوزت وجوزى مش بيحبنى اتكلم مع حد غريب ابدا وبيتضايق جدا
هوا الموضوع هدى عن الاول بس برضو بيتضايق
ههههههههههههه

طبعا النهاردة ليله 27 والناس بتصلي وبتقوم
انا بقا مش عارفه اعمل ايه
واخده اجازة وعمر باشا مش سايبنى اعمل حاجه لو مسكت حاجه اقرا فيها بيشدها منى
اقترحى عليا حاجه غير الاذكار والاستغفار والادعيه؟

شهيدة;10281478:
طيب ما تخلي جوزو يشغلك
ههههههههه
انا فعلا بتكسف جدا مع ان كل اللى حواليا بيفتكرو انى جامده كده وبواجه اى حاجه بس فعلا بكون مكسوفه وبواجه بس علشان الضرورة
ده غير بقا انى من ساعت ما اتجوزت وجوزى مش بيحبنى اتكلم مع حد غريب ابدا وبيتضايق جدا
هوا الموضوع هدى عن الاول بس برضو بيتضايق
ههههههههههههه

ماهي قناة المجد مش بتشغل بنات وانا بقوله قلبي مش راضي عنها :D ..وهو ميعرفش حد في قنوات تانيه انا نفسي اشتغل في الرسالة بس معرفش ازاي .. بصي انا بقى عكسك انا شكلي يبان اني خجوله جدا ومعرفش اقول كلمتين على بعض ..بس انا مش كده بس يمكن عشان مبتكلمش كتير ولو في تجمعات متلاقينيش بقى افتح مواضيع وكده بس لاني مش ببقى واخده على اللي قدامي بس

شهيدة;10281486:
طبعا النهاردة ليله 27 والناس بتصلي وبتقوم
انا بقا مش عارفه اعمل ايه
واخده اجازة وعمر باشا مش سايبنى اعمل حاجه لو مسكت حاجه اقرا فيها بيشدها منى
اقترحى عليا حاجه غير الاذكار والاستغفار والادعيه؟

والله ماعارفه ياشهيده انا مش اجازه ولا حاجه بس مش بنزل المسجد عشان محمد ..بصي انتي ممكن تراجعي حاجه حافظاها من القران من على النت كده يعني افتحي السورة اللي حافظاها على النت وراجعيها انا دايما لما كنت ابقى مأجزه كنت بعمل كده

شهيدة;10281486:
طبعا النهاردة ليله 27 والناس بتصلي وبتقوم
انا بقا مش عارفه اعمل ايه
واخده اجازة وعمر باشا مش سايبنى اعمل حاجه لو مسكت حاجه اقرا فيها بيشدها منى
اقترحى عليا حاجه غير الاذكار والاستغفار والادعيه؟

السلاااام عليكم ورحمة الله وبركاته


معلش حتطفل عليكو.....
بس حبيت ارد عليكى يا شهيدة يمكن اخد فيكى ثواب ولا حاجة:):):)

انتى ممكن تسمعى اى درس دينى فى التليفزيون او من موقع الطريق الى الله....
بينزل تقريبا اغلب البرامج اللى بتيجى فى اقرا والرسالة والرحمة والناس...
عندك دروس محمود المصرى حلوة اوى.... اسمها قاطعو هذه المنتجات.....
وفيه نبيل العوضى....... برنامجه اسمه اروع القصص...حلو
وفيه برنامج الورد القرانى لناصر القطامى

بصى ادخلى واتفرجى ....دة يعتبر برضه مجلس ذكر ان شاء الله


اللهم تقبل منا ومنكم صالح الاعمال

شوشو لبس عمر حلو أوي ما شاء الله

أنا شكلي كده هاخد الواد ابني وأنزل أشتري له تي شيرتين للعيد وأحوش اللي بكم للعيد الكبير :(:(

مش عارفة بقى

السلام عليكم ازيكو

انا انهرده مبسوطة الحمدلله نزلت وجبت لمعاذ التيشيرت اللي كنت عاوزاه ونفس الاستايل ولقيت المقاس مظبوط وكل حاجة
:D

انا بتسحر لواحدي :
(
جوزي مسافر وقال لي مش هلحق هاكل اي حاجة في الطريق

اتفضلو معايا

ده لبس معاذ

ده اول طقم انا كنت عاملاه كده



بس جوزي قال لي لو بنطلون جينزل هيبقى احلى فاتحول وبقى كده هههههههههه



وطبعا غيرت الشوز لان التاني مش هيليق على جينز
بس رجل البنطلون مكشكشة شوية وده عشان احنا قصرناه ولسة هيتكوي هو كان بنطلون بس كان ضيق من تحت وماكنش لايق على الكوتشي عشان الكوتشي ضخم شوية فقصرناه وبقى بنتاكور :D

وده الطقم التاني



بس حاسة ان الشوز مش لايق
قولو لي رايكو بصراحة يا بنات بالله عليكو

وده بقى الطقم التالت بس كبير عليه ومش هيلبسه وطبعا مالوش شوز ولا شراب لانه هيتشال للسنة الجاية ان شاء الله