رابطه عرايس مصر المسافرون للسعوديه
mitcy
11-01-2009
505 رد
53,070 مشاهدة
السلام عليكم ورحمه الله وبركاته
ازيكم يا عرايس
انا متزوجه بس عن قريب ان شاء الله مسافره لزوجى فى الرياض انا بدات فى الاجراءات
وعملت جواز السفر
انا معايا طفله عمرها 6 شهور عملت لها جواز سفر خاص بيها لانه خلاص مبأش فى اضافه
رسوم اصدار الجواز 120 للجواز الواحد الجديد المميكن
وبعدين رحت علشان اعمل التحاليل وهناك طلبوا منى حاجه اسمها رقم النت
طبعا انا مش عارفه هو ايه رقم النت ده
فرحت للقنصليه السعوديه فى جاردن ستى
وهناك وجدت لوحه معلقه على الحائط خارج القنصليه مكتوب عليها المسندات المطلوبه فى حاله طلب الاقامه اللى هو (الاستقدام)
وهى الاتى
1.احضار رقم التأشيره من وزاره الخارجيه
2.تعبئه طلب التأشيره وارفاق صورتين شخصيتين
3.أدخال بينات جواز السفر على الانترنت
4.احضار شهادات صحيه من المعامل المركزيه التابعه لوزاره الصحه ومستشفى خاص معتمد
وبالنسبه للاطفال اقل من عمر 16
احضار شهاده تطعيم ضد مرض شلل الاطفال
هى دى التعلمات اللى مكتوبه على باب القنصليه
بعدها سألت احد السماسره المتواجدين امام باب القنصليه
عن الاوراق المطلوبه وازاى امشى فى الاجراءت
طلب منى السمسار ان زوجى يرسل لى طلب الاستقدام وبعدها اتوجه الى احد مكاتب السفريات علشان الحصول على رقم النت مثل مكتب فهد الموجود بجوار القنصليه وهو الاشهر
لكن انا مش عاوزة اتعامل مع اى مكاتب لان عمولتهم كبييييييييييييييييييره
وطلب منى عموله على كل جواز 500 جنيه يعنى انا 500 وبنوتى 500
وده كتير
رجعت على البيت وفضلت ادور على النت على ارشادات السفر من خلال موقع وزاره الخارجيه المصريه
ووجدت من ضمن التنبهات عدم التعامل مع اى سمسار وضروره التعامل مع القنصليه مباشره
ووجدت ايضا رقم لتلقى الشكاوى واستفسارت وهو رقم خاص ب مكتب المستشار المناوب بوزاره الخارجيه واتصلت فعلا للاستفسار عن ضروره التعامل مع مكاتب السفريات خصوصا ان بمجرد وصولك لمكان القنصليه هتلاقيهم وقفين حوليكى وبيقولوالك ان ممنوع الدخول للقنصليه بنفسك طبعا ده علشان هما يعملوا شغل على الناس ويخدوا عمولات
وضحت شكوتى فى التليفون لمكتب المستشار المناوب
وابلغنى ان اول ما تجيلى اوراق الاستقدام المرسل من الزوج اتوجه بيها للقنصليه
لاتمام باقى الاجراءات
انا طبعا لسه ما تسلمتش الاستقدام من زوجى لانه ارسله امبارح بس عن طريق البريد يعنى المفروض يوصلنى خلال يومين تقريبا
مش عارفه ياترى فعلا هقدر اخلص كل حاجه من غير ما اتعامل مع مكاتب السفريات دى ولا لأ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا اسف انى طولت عليكم
انا كمان تحت امركم فى اى استفسار
ربنا يخليكى يا طمنت
كلك ذوق
ولله موضوع العبايه ده سالت زوجى فيه
بس هو قالى ان لبسى فى مصر مش هينفع فى الرياض خالص وطلب منى اشترى عبايه علشان اسافر بيها مؤقتا لحد ما اروح الرياض وهناك طبعا هشترى عبايات تانى لزوم الخروج والزيارات
بصي ياجميل بيتهيالي ان المكتب غير السماسره لان ايمان هنا معانا عملت الكلام ده ومش سمعنا حكايه 500 جنيه دي خالص
بصي استني لما الاستقدام يوصل وروحي اقدمي زي مااتقلك في التليفون وشوفي هل فعلا هتعرفي تتعاملي مباشره مع السفاره ولا لا بس الاجراءات دلوقتي انك تتعاملي مع مكتب ومظنش ان المكتب هياخد كله ده بياخد تقريبا 180 جنيه انما سماسره لا هياخدوا منك فلوس كتير وبرضوا ايمان اول ماتدخل هتفيدك اكتر وخاصه انها معها ولد صغنون وهي ان شاء الله هتقولك دفعت كام
متشكره اوى يا طمنت على ردك
نسيت اوضح ان السمسار قالى ان هو تبع مكتب فهد وان كل سمسار من اللى واقفين هناك تبع مكتب من مكاتب السفريات اللى موجوده حولين القنصليه
اما موضوع ال500 جنيه دى انا قلت للسمسار ان ده كتير اوى
فقالى لما حضرتك تشرفينا فى المكتب هيكون فى كلام تانى
بس تفتكرى من 500 ممكن اوصلهم ل180 زى ما انتى بتقولى؟؟؟
على العموم ياريت ايمان تفيدنا فى الموضوع ده
بس انا مستغربه يعنى ايه مينفعش نتعامل مع القنصليه ؟
انا هستنى واجرب زى ما انتى بتقولى
وربنا يسهل
يا بناااات انا اسكندرانية ومجوزة فى الرياض من سنة تقريبا ومعايا بيبى
مين عايزة اى معلومة عن اى حاجة هنا عنيه ليكم
بصوا بقي موضوع اللبس والعبايه طبعا افضل بكتير وانا اصلا لبسي كله عبايات
اما عن البنوته الي بتقول علي المكاتب او التعامل مع القنصليه مباشره لا ده كان نظام قديم اما دلوقتي لازم تبقي تبع مكتب سفريات وانا رحت لمكتب اسمه العويضه في شارع قصر النيل العويضه مش العوض
اما الفلوس ففعلا المكتب بياخد 180ج والقنصليه عشان تحطلك التاشيره علي الجواز بياخدوا 300ج والفلوس دي يعني ال480ج او ال500 بتديهم للشركه وكمه بيخلصولك كل شئ بس كده
اما عن ابني فانا كنت عامله الجواز القديم وضيفاه عليه من سنه عشان كده التكلفه مش هتبقي الضعف فهمتوا واي سوال انا موجوده
بس الازم التعامل عن طريق مكتب واي حد يقولك غير كده يبقي بيدحك عليكي
اما عن الجواز والورق معلش والله مش فاكره لان ساعتها جوزي هوه الي عملهولي معلش والله اسفه
متشكره اوى يا ايمان على التوضيح
يعنى الى فهمته من كلامك ان المكتب كده كده بياخد 180 +300 للسفاره علشان التاشيره صح ولا انا فاهمه غلط؟؟؟؟؟؟؟؟
يعنى الراجل لما قالى 500 كان يقصد اجمالى المبلغ مش عموله المكتب بس صح؟
على العموم انا لسه هستنى الاستقدام لما زوجى يبعته وهروح للمكتب اللى انتى قولتى عليه (عويضه)
بس ليه ياخدوا على جواز الطفله المفروض التأشيره واحده لان زوجى باعت استفدام للزوجه وطفله
بردوا المكتب كده بيعمل شغل !!!
ولله خايفه التحاليل يطلع فيها حاجه وسعتها تكون تكاليف كتير وفلوس اترمت فى الارض من غير لازمه
المفروض كانوا يخلوا الخطو ه بتاعت التحاليل دى اول خطوه
علشان سمعت ان لاقدر الله اللى التحليل بتاعته بيكون ايجابى مش بينفع ياخد التاشيره
صح ولا انا غلطانه؟؟؟؟
جوزك كده ان شاء الله المفروض يبعت تاشيرتين لان كده بنتك مش مرافق دي ليها جواز خاص
اما عن التحاليل يستحسن تروحي دلوقتي اي معمل وتعملي تحليل فيرس سي عشا تطمني علي نفسك وان شاء الله خير وهوه ب 80ج
واه صح القنصليه ناخد 300 المكتب الي هيوصل الفلوس دي وهوه هياخد الباقي اما موضوع بنتك عشان جواز تاني معرفش والله اسالي وان شاء الله كله خير وربنا يكتبلك كل الي فيه الخير يارب وتروحي لجوزك بسلامه يارب عاجلا غير اجل
متشكره أوى يا ايمان
انا فعلا كنت فاهمه غلط ........كنت فاهمه انها تأشيره واحده ليه انا وبنتى
اما بالنسبه للتحاليل انا فكرت فعلا انى اروح احلل فى مكان الاول علشان اطمن بس كنت عاوزة اعرف منك هو المطلوب تحليل فيرس سى بس ولا C,B؟؟؟؟؟؟؟
لان زوجى لما كان مسافر عمل تحليل B.C
مش C بس؟؟؟؟؟؟؟؟؟
انا عارفه انى وجعت دماغك بالاسئله بس سمحينى انا اول مره اخرج من مصر ومش عارفه حاجه خالص
انا زيك بضبط اول مره اخرج بره مصر بس انتي اعملي بره تحليل فيرس سي اهم حاجه وان شاء الله خير
وهمه عملولي سي بس
بنات ازيكم كلكم
انا روحت النهاردة غيرت البطاقة
وحستلمها بعد 15 يوم..كتير قولى
وبعد كدة روحت الجوازات عشان اسال عن الورق المطلوب
وهنا كانت المفاجاءة ان الجواز الاليكترونى دة بيتعمل فى القاهرة وبعض المحافظات بس لانة لسة فى مرحلة تجريبية ..وبما انى فى طنطا هنا محافظة الغربية يعنى مش حعملة وحعمل الجواز العادى الى ب 65 ج دة
وطلبوا منى بس البطاقة واربع صور شخصية بخلفية بيضة
وكدة يكون موضوع الجواز عرفت حعمل فية اية
عقبال يارب موضوع التحاليل دة لانى شايلة همة قوى قوى قوى ومش فاهمة فية اى حاجة وكنت عاوزة اسال يا بنات هو فيرس سى دة مش مرض وحش قوى؟ يعنى لا قدر الله الى عندة المرض دة بيبقى عارف وبيظهر علية اعراض
ربنا طبعا يعافينا كلنا من اى مرض
بس انا قلقت لان فى ناس بتخاف يعنى تعمل التحليل ويطلع فية حاجة؟؟
ياريت الى يعرف اى حاجة عن موضوع التحاليل دة يفدنا لانى حبدا فية ان شاء الله
مون بصي هقولك تاني التحاليل رغم اني كتبتها قبل كده المهم بصي
انتي اول ما جوزك هيديكي او يبعتلك ورقه صفرا مكتوب فيها طلب الاستقدام بتصوريها
وتروحي بيها لمكتب مضمون بتاع سفريات والحاق العماله للخارج
هيعملك حاجه اسمها رقم النت واتصور 8 صور شخصيه خلفيه بيضا هياخد منك صوره وصوره الجواز
هتروحي برقم النت ده والجواز لمكتب اسمه جاماكا جنب قسم قصر النيل هيحولوكي بورقه تحويل حسب عنوانك علي مستشفي قريبه منك انا ودوني السلام الدولي وعملولي هناك بعد ما دفعت 180ج تحليلين دم صوره دم كامله وظايف كبد وكله وتحليل بول اشعه صدريه
دول تستلميهم تاني يوم
وتروحي معامل وزاره الصحه في شارع اسمه الشيخ ريحان هتدفعي 120ج وتديهم رقم النت
وهيخدوا منك عينه دم تستلميها بعد 3 ايام تاخدي بقي التحاليل دي وتروحي بيها المكتب وصوره قسيمه الجواز وطلب الاستقدام الي بعته جوزك والجواز
وهيقولك هتصل عليكي لما ياخدلك التاشيره
ايمان سيد;8444527:
بصوا بقي موضوع اللبس والعبايه طبعا افضل بكتير وانا اصلا لبسي كله عبايات
اما عن البنوته الي بتقول علي المكاتب او التعامل مع القنصليه مباشره لا ده كان نظام قديم اما دلوقتي لازم تبقي تبع مكتب سفريات وانا رحت لمكتب اسمه العويضه في شارع قصر النيل العويضه مش العوض
اما الفلوس ففعلا المكتب بياخد 180ج والقنصليه عشان تحطلك التاشيره علي الجواز بياخدوا 300ج والفلوس دي يعني ال480ج او ال500 بتديهم للشركه وكمه بيخلصولك كل شئ بس كده
اما عن ابني فانا كنت عامله الجواز القديم وضيفاه عليه من سنه عشان كده التكلفه مش هتبقي الضعف فهمتوا واي سوال انا موجوده
بس الازم التعامل عن طريق مكتب واي حد يقولك غير كده يبقي بيدحك عليكي
اما عن الجواز والورق معلش والله مش فاكره لان ساعتها جوزي هوه الي عملهولي معلش والله اسفه
ايمان بعد اذنك كنت عاوزة اسالك هل لازم نتعامل مع مكتب سفريات فى القاهرة زى فهد والعويضة دة ولا ينفع مكتب سفريات من البلد الى انا فيها؟
والله معرفش بس اسهلك واحد فقاهره عشان لما تعملي كله ده دهومله علي طول بدل الشحطته
ميرسي يا ايميان علي افادتك لينا.......
وميرسي ليكي يل sofyومنورانا
بنات اانا عاوزه اعرف بالنسبه للتحاليل بتاعت كتب الكتاب..انا خطيبي حاليا
بالسعووديه.والمفروض انه هينزل علي كتب الكتاب علي طول.هل ينفع يعملها هناك ويبعتهالي
واخلص انا الورق دا عبال ماهو ييجي......ولا لازم هنا في مصر......
ولو اتعملت في مصر بتاخد وقت اد ايه علشان تطلع
انا كنت عاوزه اعررف حاجه يا حبيبى اللى هيرروح يعمل دلوقتى باسبور يعنى مبقاااش فيه خلاص القديم
كله لازم يعمل الجديد ولا عادى اللى عاوز يعمل قديم يعمل ولا عاوز جديد يعمل ؟؟
حبيبه مادو;8448605:
انا كنت عاوزه اعررف حاجه يا حبيبى اللى هيرروح يعمل دلوقتى باسبور يعنى مبقاااش فيه خلاص القديم
كله لازم يعمل الجديد ولا عادى اللى عاوز يعمل قديم يعمل ولا عاوز جديد يعمل ؟؟
بصى يا حبيبتى انا عرفت الموضوع دة النهاردة اما روحت الجوازات
انتى لو من القاهرة اكيد حتعملية وقالوا النظام دة لسة مش اطبق فى المحافظات
انامن طنطا محافظة الغربية وقالوا لى انى حعمل الباسبور القديم عادى والناس كلها واقفة تعملة
واى سؤال انا تحت امرك
ليه كده يا بنوتات لم اتوقع ان تتجاهلونى كده
عموما شكرا جزيلا ولازلت مستعدة للمساعدة اى وقت
دموع اشتياقى
متشكرررررررررررررررررررررررررررررررررررره اوى اوى اوووووووووووووووووووووووووووووووى على الرد
تقاحايه
منوره يا حبيبتى
انا عاوزة اسالك على حاجات كتيررررررررررررررر اوى بس خايفه تزهقى منى
بس هسأل ورزقى على الله
كنت عاوزة اسألك هو ممكن اخذ معايا حاجات مجمده ولا تبوظ منى لان زوجى عاوز حمام وبيقولى ان فى الرياض مش بيدبحوا الحمام ؟؟؟
ينفع اجمد حاجات فى الفريزر كام يوم واخذها معايا ولا هتبوظ ايه رأيك
يعنى ممكن اخذ معايا ايس بوكس فى حاجات من دى ولا هيكون فى مشكله فى الوزن خصوصا ان الايس بوكس لوحده وهو فاضى تقيل ؟؟؟ولله مش عارفه افكر اصل انا اول مره اسافر
بالنسبه لمستلزمات المطبخ الادوات يعنى اخذها من مصر ولا من هناك احسن ؟؟؟؟؟
والملايات والفوط اشترى من هناك ولا من هنا ؟؟؟؟
معلش مش عارفه اسأل زوجى اصل انتى عارفه الرجال مش بيفيدوا اوى فى المواضيع دى