رابطه عرايس مصر المسافرون للسعوديه

متشكره جدا ياايمان والف مبروك وان شاء الله تسافري بالسلامه ونحصلك كلنا باذن الل

اللهم امين يارب العالمين ييسرلنا جميعا يارب للسفر ويسعدنا جميعا

بنات بليز
انا خلاص اعصابى تعبت

هو احنا لازم نعمل الباسبور الجديد دة ولا ينفع اعمل القديم؟

انا مش عندى باسبور خالص لسة

الى يعرف ميبخلش عليا بالاجابة

طلاما معندكيش بسبور اعمليه وهوه مفيش القديم خلاص كله الجديد دلوقتي وب 110ج

ايمان ربنا يكرمك يارب ويحقق لك الى فى بالك

الباسبور ب 110ج بس

اصل انا سمعت انة غالى قوى قوى

انتى عرفتى منين انة با لمبلغ دة؟
ياريت تطمنينى
ربنا يجمعك انتى وزوجك يارب ويسعدكوا

اللهم امين يارب العالمين انا واياكم يارب العالمين

اختي لسه عملاه اما انا عامله القديم من سنه كده

جزاكى الله خيرا يا ايمان

بجد طمنتى قلبى انا كنت مرعوبة والله

لا يا جميل ولا قلق ولا حاجه واي سؤال انا موجوده

شوفوا يا بنات انا لقيت دة فى احد المواقع المصرية






























امال اية يا ايمان موضوع 65 ج و75 ج دة؟

ولا بتختلف بقى من مكان لمكان

باللهة عليكى معلش انا عارفة انى رخمة بس قوليلى با لضبط الورق الى اخدة معايا وانا رايحة اقدم للجواز عشان خطيبى مستعجلنى قوى

وكنت عاوزة كمان اسالك انا مكتوب فى البطاقة بتاعتى انسة وطالبة وانا مكتوب كتابى وحاصلة على مؤهل عالى .. هل لازم اروح اغير البطاقة الاول عشان البيانات دية مش حينفع تتكب فى جواز السفر

ارجوكى افيدينى

لا دي تلاقيها معلومات قديمه لان القديم انا عملاه ب 60ج من سنه اختي لسه عملاه من 4 ايام وب 110

]


دة الباسبور الجديد يا بنات..شكلة صغير ومحترم كدة





دي صورة جواز السفر المصري الجديد (مبروك يا ولاد)

الخلاف الخارجي أبعاده 9x12 سم






بياناتك بقت مطبوعة بالعرض زي الدول المحترمة خلف الغلاف مباشرة، طبعا بالكمبيوتر وعليها علامات مائية كتيرة منعا للتزوير وبقى بيتقري بجهاز خاص بيبقى عند ضابط الجوازات مجرد ما الجواز يمر على الجهاز ده بيجيب بياناتك كلها وممكن مستقبلا اضافة بصمة قزحية العين لبيانات المشفرة على الباسبور، عملية استخراجه فقط بالبطاقة الشخصية وشهادة الميلاد وشهادة التجنيد وأربع صور بخلفية بيضاء بشرط الوجه يكون مواجه للكاميرا

ايوه فعلا الصغير احلي من القديم انا بقي بتاعي القديم

ده القديم بتاعي

انا برضوا عامله القديم السنه اللي فاتت هابقي غيره بقي ان شاء الله لما القديم يجي يتلغي
دا حتي مالي مركزه كده

هى التحاليل بتاعتة السفر دية لازم تتعمل فى القاهرة ولا ينفع من المحافظة الى انا موجودة فيها؟

ياريت الى يعرف يرد عليا

طب ولو لازم نعملها من القاهرة اروح فين با لضبط

الي اعرفه انه لازم في القاهره كان معايا بنات من المنصوره ومن الصعيد وقالوا لازم من القاهره انتي روحي مكتب مضمون فلقاهره وهوه هيقولك هتعملي ايه بضبط

مكتب اية يا ايمان؟ يا ريت توضحى

قصدك مثلا مكتب سفريات؟

حبيبه مادو;8434874:
بنوووته كلامك زى العسللللل بالعكس ده انتى سكرررر خالص وبجد بتفيدنا كلنا بخبرتك وابقى قوليلى على الاماكن الحلوه اللى اسعارها حلوه ومش مبالغه انا مش عارفه فعلا فى حاجات الجهاز والخلاط والحلل والحاجات دى هنعمل ايه هيبقى فيه هناك ولا ايه يعنى هنجيب هنا ونرجع نشترى هناك كمان وبالنسبه للعبايات السوده بتبقى فى حدود كام انا هشترى واحده من هنا هو احنا نلبسها واحنا مسافرين ولا ايه يعنى لازم ندخل مطار السعوديه لابسنها ولا عادى

انا فرحى فى شهر 9 وهسافر على شهر 10 من شهر 10:شهر 12

هو الجو هناااك ايه سمعت ناس بتقول مش ناخد لبس شتوى وكده انا خطيبى دلوقتى فى ابها

بس هو مهندس مش عارفه بقى لما يخلص المشروع اللى فى ابها هيبقى هنروح فين فى جده ولا الرياض ولا ايه مش عارفه هنروح على فين بالظبط؟

بصي يا حبيبه انتي مسافره برضو في الجو الكويس بس ع 12 و1 هتبرد قووووووووووووووي فزي ما قوتلك وازني بقي خدي شويه لبس صيفي زي ماقوتلك بس برضو خدي كام بلوفر قصيرين كدا شتوي و 3 ترنجات وروب وكفايه ع كدا وربنا يوفقك اصل الشتا ف السعوديه وف الرياض خصوصا من 12 ل اول 3 وخلاص مش كتير يعني
العبايه هنا في الرياض العبايات تحفه واسعارها معقوله في ب70 ريال و100 ريال و120 ريال وفي اغلي لكن تحفه الصراحه وانتي ف المطار مش مهم قوي العبايه بس لو خرجتي وجوزك شافك من غيرهاااا بره ممكن يضايق فاتي خديها معاكي ف شنطه كدا والبسيها ف المطار السعودي عشان جوزك ميضايقش

moon_eyes;8437271:
بنات بليز
انا خلاص اعصابى تعبت

هو احنا لازم نعمل الباسبور الجديد دة ولا ينفع اعمل القديم؟

انا مش عندى باسبور خالص لسة

الى يعرف ميبخلش عليا بالاجابة

حبيبتي اعملي الجديد ومش غالي قوي اعتقد مش هيزيد عن 200 ج يعني يمكن اقل

moon_eyes;8437394:
شوفوا يا بنات انا لقيت دة فى احد المواقع المصرية

المستندات المطلوبة لإصدار جواز سفر لأول مرة

1- شهادة الميلاد المصرية لمن هم أقل من 16 عام

2- البطاقة الشخصية لمن هم أكثر من 16 عام

3- المتزوجات يقدمن عقد الزواج المصري، المطلقات يقدمن شهادة الطلاق، والأرملة تقدم شهادة وفاة الزوج.

4- الآنسات يقدمن إقراراً بأنهن لم يسبق لهن الزواج

5- شهادة القيد الدراسي للطلبة أو عقد العمل للعاملين من جهة العمل

6- مستند التجنيد لمن بلغوا 18 عاماً (يطبق ذلك على كل المولودين منذ 18/3/1941)

7- عدد 4 صور فوتوغرافية حديثة ذات خلفية بيضاء

8- لا يجوز إضافة أبناء الأم المطلقة أو الأرملة بل يتم استخراج جواز سفر مستقل لكل منهم

9- رسم جواز السفر تقريبا65 جنية مصري للعادي ويتم استلامه بعد يومين و 75 جنيه مصري للمستعجل والعادي يتم استلامه في نفس اليوم

امال اية يا ايمان موضوع 65 ج و75 ج دة؟

ولا بتختلف بقى من مكان لمكان

باللهة عليكى معلش انا عارفة انى رخمة بس قوليلى با لضبط الورق الى اخدة معايا وانا رايحة اقدم للجواز عشان خطيبى مستعجلنى قوى

وكنت عاوزة كمان اسالك انا مكتوب فى البطاقة بتاعتى انسة وطالبة وانا مكتوب كتابى وحاصلة على مؤهل عالى .. هل لازم اروح اغير البطاقة الاول عشان البيانات دية مش حينفع تتكب فى جواز السفر

ارجوكى افيدينى

بصي الاحسن تغيري البطاقه وتغير البطاقه سهل جدااا روحي القسم اللي انتي تبعه ف السكن ف شقتك الجديده او لو مش هينفع روحي جنب بيتك المهم تاخدي معاكي صوره المؤهل بتاعك لو مش بتشتغلي او ورقه من شغلك مختومه وقسيمه جوازك والحكايه تقريبا 10 ايام وتتطلع الجديده مش حكايه يعني ابدائي من دلوقتي احسن وربنا معاكي

لازم من القاهره ياقمر ده مكنش حد غلب
بصي المكتب بيبقي مكتب شركه سياحه عادي لو انتي مش من القاهره ممكن تروحي لمكتب عندكوا مضمون وكويس او تروحي مكتب فهد اللي جنب السفاره
وهما زي ماايمان قالت بيخدو رقم الاستقدام والباسبور وبيجبولك رقم كده ع النت هو ده اللي بتروحي تعملي بيه تحليل الفيروس في معامل وزاره الصحه وبتروحي جامكا بيحولوكي ع مستشفي وبعد كده بتستلمي الورق بتاع التحليلين وبتدوديهم المكتب وهو بيقدم لك الورق وبيجيبلك التاشيره

اتفضلي ياsofy استفسري عن ايه حاجه واحنا ان شاء الله نفيدك ومش لازم تكوني عروسه احنا معانا بنوتات متجوزين زي ايمان السيد
يابنات قولولي نسافر من هنا بعبايه ولا بلبس عادي مش بنطلون يعني