رابطه عرايس مصر المسافرون للسعوديه

ازيك يا حبيبة بصي يا ستي
خلي بالك انك تاخدي متعلقاتك الشخصيه عشان انتي عروسه وهتحبي تحسي بدا يعني
خدي مثلا 3 انواع برفنات و2 كريم جسم و2 كريم النهار والليل خدي نظارتك الشمس والصن بلووك عشان لو نزلتي في الشمس الشمس رهييييييييييييييييييييييبه خدي الليفه وفرشه اسنانك وفرشه شعرك وكريم شعرك وزيت عطري ولو بتستخدمي حمام كريم خديه ضررررررررروري لاحسن المايه هناك بتنشف الشعر خدي شامبو وبلسمم متنسيش البلسم يا حبيبة لو جبتي السيشوار او الفير خديهم لو مجبتيش اشتريهم من هناك احسن بس لازم يكون معاكي خدي ماكنه الشعر ضررررررررررروري واشتري علبه سويت لو مبتعرفيش تعمليها خدي مزيلات العرق بتعتك وطبعا دهبك متنسهوش بتاع شبكتك هتحبي تلبسيه قدام الجيران او مراتت اصاحبه اللي هيجو يزروكي كل او معظم متعلقاتك الشخصيه خديها عشان لو ف الاول اتكسفتي تقوليله انزل اجيب تبقي عمله حسابك ع الاقل ع شهر مثلا عشان طبعا انتي مش هتنزلي لوحدك

الهدوم بقي
انتي تقريبا هتسافري شهر 4 صح؟؟ هو هناك بيبقي الجو حلو بس بداء يحرر حبه يعني مش برد فاللبس الشتوي الشتوي بتاع الجواكيت والكلام دا هيكون مش لطيف ولو انتي رايحه الرياض فالحر حر هناك والبرد برد ع حق يعني فخدي هدومك الدلع كلهااااااااااااا عشان هتحتاجيها في البيت وخدي قطنياتك كلها وخدي بنطلون جينز وبطلون اسود وبنطلون بني او بيج عشان تبدلي من فوق ع طول بلاش جيبه جينز خدي لو عندك جيبه سوده وخلاص بس القطنيات ولبس الدلع والبديهات اهم حاجه خدي عبايه الاستقبال بتاعتك وخدي اسدال الصلاه وع فكره مهم اسدال الصلاه لو فتحتي الباب لوحده جاره او نزلتي عند جاره خدي كمان
معاكي 3 مليات وكوفرته او 2 عشان هناك جوزك ف الاول مش هيعرف يتشتري الكلام دا ولو عرف ممكن يتخم زي كل الرجاله ههههههههههه ولو انتي في الرياض انا ممكن لما انزل مصر اخت تلفونك واقولك بالتفصيل وبالعناوين اماكن تشتري منها ملايات واكياس مخدات ومستلزمات مطبخ رخيصه وعمليه وتسعف

ايه كمان اه لو هتقعدي لغايه شهر 12 او 1 ومش هتنزلي مصر ف الفتره دي خدي معاكي 2 ترنج شتوي وروبك الشتوي وخلاص متكتريش ف الشتوي قوووي لانك ع شهر 5 هتشوفي الحر بقي مش هيخليكي طايقه هدومك

كمان انا بقترح عليكم اقتراح معظمكم ازواجهم هتسافر معاهم او قبلهم ممكن تبعتو معاهم الملايات والكفرتات وممكن كمان شوك ومعلاق ع اساس انكم تخفو من الوزن عليكم شويه بلاش سكاكين انا بقول شوك ومعالق عشان ممكن زوجك مش يعرف يتشريهم من فين ويجيب حاجه غاليه ماشي يا قمرات

ولو افتكرت حاجه هقولك تاني يا حبيبتي........ هقولكم معلش رغايه موووت انا

بنوووته كلامك زى العسللللل بالعكس ده انتى سكرررر خالص وبجد بتفيدنا كلنا بخبرتك وابقى قوليلى على الاماكن الحلوه اللى اسعارها حلوه ومش مبالغه انا مش عارفه فعلا فى حاجات الجهاز والخلاط والحلل والحاجات دى هنعمل ايه هيبقى فيه هناك ولا ايه يعنى هنجيب هنا ونرجع نشترى هناك كمان وبالنسبه للعبايات السوده بتبقى فى حدود كام انا هشترى واحده من هنا هو احنا نلبسها واحنا مسافرين ولا ايه يعنى لازم ندخل مطار السعوديه لابسنها ولا عادى

انا فرحى فى شهر 9 وهسافر على شهر 10 من شهر 10:شهر 12

هو الجو هناااك ايه سمعت ناس بتقول مش ناخد لبس شتوى وكده انا خطيبى دلوقتى فى ابها

بس هو مهندس مش عارفه بقى لما يخلص المشروع اللى فى ابها هيبقى هنروح فين فى جده ولا الرياض ولا ايه مش عارفه هنروح على فين بالظبط؟

يتصفح الموضوع حالياً: 3 (3 عضو و 0 ضيف) ‏LOLAAAAA1985, ‏حبيبه مادو, ‏طمنت ازيكم وحشتوني ومعلش عايزيينن يا بنات نعمل لسته بالحاجات اللي هنخدها لحسن انا محتاسه خاااااااااللص ومش عارفه اخد ائيه واسيب ائيه وبالذات الحاجات الشخصيه

ايمان سيد;8432847:
بنات الحمد له جبت التحليل الفايرس والحمد لله سليم ووديت كل الورق للمكتب عشان يدخلوه القنصليه

دعواتكم بقي تطلع بسرعه

الحمد لله ياايمان عقيال التاشيره والسفر باذن الله بس فوليلي انتي عرفتي منين يايمان مش المفروض ان الظرف مش بيتفتح غير بمعرفه السفاره

حبيبه مادو;8434617:
ده موضوع الاستقدام والورق والتحاليل ده طلع حاجه كببيييره اوى ومشوره وتكاليف هههههههه ايه ده انا مش عارفه هعمل ايه ولا ايه

بصوا يا بنات انا عاوزه اعرف حاجه بس دلوقتى انا مفيش حاجه بتتعمل من ده كله غير بعد كتب الكتاااب تمام

طيب حااااجه بقى نفسى افهمها دلوقتى انا عاوزه اعرف من اول ما اكتب الكتااااب لغايه ما اخلص كلللللل ده
القسميه تطلع والتحاليل والباسبور والكلااااااااام الكبيييير ده كله يأخد وقت قد ايه بالظبط عشانم عليها احدد نكتب الكتاب امتى
وبعد ما اخلص كلللللللل ده وابعته لخطيبى بقى عشان يعمل الاستقدااام يأخد وقت عنده قد اييييه ؟؟؟ وبعد ما يعملى اساااافر بعد قد ايه بالظبببط بقى من كل الحوارات دى

لانى انا اتلخبطتتتتتتت اوى من كتر الاجراءات دى ان كان قسميه ولا تحاليل ولا باسبور وتغيير البطاقه ولا تأشيره والوزن والحجز وشنطه السفر ايه ده كله هههههه مش كفايه عليها تجهيزاات الجواااز وخطيبى مش هنا انا زيييييييييك يا طمنت ايدك فى ايديا بقى انا اللى بعمل كل حاجه

بجد فعلا صعب اوي ان كل حاجه ع دماغك الحمد لله ربنا يتمملنا ع خير يارب
بصي ياقمر الموضوع بالترتيب كالاتي
تحاليل كتب الكتاب واسالي الماذون ع تحاليل خطيبك هو اكتر حد هيفيدك
كتب الكتاب وبتستلمي القسيمه بعدها باسبوعين
بتخدي القسيمه وتوثقيها من المحكمه والخارجيه والسفاره والموضوع ده مش هياخد اكتر من اسبوع
بتعملي الباسبور علشان يتكتب فيه انك زوجته
بعد ما بتوثقي القسيمه بتبعتيها لجوزك بريد سريع هتاخد 3 ايام او اربعه
هو بياخد القسيم وبيبتدي يظبط الورق عنده علشان يعملك الاستقدام وده ممكن ياخد من اسبوعين لتلاته
قبل كده يعني لما تكتبوا الكتاب يكون بدء يظبط شقه صغنونه كده
بعد مابيعمل ورقه الاستقدام بيبعتهالم سواء فاكس او في البريد اسريه او بيبعتلك الرقم بتااخديها ع طول اول ماتوصل وتبتدي اجراءاتك زي ماايمان قالت كده
وموضوع الاجراءات مبيخدش اكتر من 15 يوم
والتاشيره بيبقي صلاحيتها 3 شهور
واول ماتروحي هناك لازم يعملك الاقامه وهتعملي برده كشف وتحاليل هناك بس ابسط
واحسبي انتي بقي هياخد وقت قد ايه اصلي مش بعرف احسب
واي خدمه ياقمر

ايمان سيد;8432847:
بنات الحمد له جبت التحليل الفايرس والحمد لله سليم ووديت كل الورق للمكتب عشان يدخلوه القنصليه

دعواتكم بقي تطلع بسرعه

مبروك يا ايمان وعقبالنا كلنا يارب

حبيبه مادو;8434617:
ده موضوع الاستقدام والورق والتحاليل ده طلع حاجه كببيييره اوى ومشوره وتكاليف هههههههه ايه ده انا مش عارفه هعمل ايه ولا ايه

بصوا يا بنات انا عاوزه اعرف حاجه بس دلوقتى انا مفيش حاجه بتتعمل من ده كله غير بعد كتب الكتاااب تمام

طيب حااااجه بقى نفسى افهمها دلوقتى انا عاوزه اعرف من اول ما اكتب الكتااااب لغايه ما اخلص كلللللل ده
القسميه تطلع والتحاليل والباسبور والكلااااااااام الكبيييير ده كله يأخد وقت قد ايه بالظبط عشانم عليها احدد نكتب الكتاب امتى
وبعد ما اخلص كلللللللل ده وابعته لخطيبى بقى عشان يعمل الاستقدااام يأخد وقت عنده قد اييييه ؟؟؟ وبعد ما يعملى اساااافر بعد قد ايه بالظبببط بقى من كل الحوارات دى

لانى انا اتلخبطتتتتتتت اوى من كتر الاجراءات دى ان كان قسميه ولا تحاليل ولا باسبور وتغيير البطاقه ولا تأشيره والوزن والحجز وشنطه السفر ايه ده كله هههههه مش كفايه عليها تجهيزاات الجواااز وخطيبى مش هنا انا زيييييييييك يا طمنت ايدك فى ايديا بقى انا اللى بعمل كل حاجه

حبيبتى عاوزة انبهك لحاجة ان قسيمة الجواز لازم تتوثق..انا بعد ماكتبت الكتاب خطيبى اخد القسيمة ووثقها من مكتب بيوثق القسايم او انتى ممكن لو فى القاهرة توثيقيها بس معرفش فين با لضبط

انتى اهم حاجة بعد ما تكتبى الكتاب توثقة القسيمة وتبعتى النسخة الموثقة لجوزك ومتنسيش تبعتى كام صورة شخصية ليكى عشان ممكن يحتجها خطيبك فى الاجراءات عشان متقفش يعنى لازم تعملوا حسابكوا لكل حاجة

وموضوع الاستقدام بقى الى هو ان خطيبك بيعملة هناك بياخد حوالى شهر اجراءات

اما انتى هنا الخطوة الى مفروض تعمليها بعد كتب الكتاب موضوع التحاليل دة كمان تطلعى الباسبور ولما التحاليل ان شاء الله تعالى تطلع سليمة والباسبور يطلع تقدرى بعد كدة تاخدى التاشيرة على الباسبور ..هو الموضوع كبير بس حنعمل اية

انا برضة والله محتاسة جدا ومش عارفة ابدا منين ولا منين

moon eyes.......قوليلي يا جميله هو الاجراءات يعني كلها من ساعه ما زوج
يبدا لغايه ما خلاص اركب الطياره بتاخد وقت تقريبا اد ايه

mitcy;8435943:
moon eyes.......قوليلي يا جميله هو الاجراءات يعني كلها من ساعه ما زوج
يبدا لغايه ما خلاص اركب الطياره بتاخد وقت تقريبا اد ايه

حبيبتى بصى اجراءات الورق كلها تاخد لها شهر ونص او شهرين عقبال خطيبك ما يبعتلك التاشيرة وانتى كمان تخلصى ورقك هنا والتحاليل وكل دة

دة فى حالة انك لو كاتبة كتابك زيى كدة...ولو انتى مجهزة كل حاجتك من اللبس وكدة يبقى خلال 3 شهور تكونى عندة
اما بقى لو مش كتبة كتابك حتاخد وقت اطول شوية يعنى عقبال ما القسيمة تطلع وتتوثق وتبعتيها لخطيبك عشان يبدا اجراءات التاشيرة دية بصراحة حتاخد وقت شوية يعنى

حبيبه مادو;8434448:
خطيبى كان واخد 30كيلو وقالى ياريت اخدت زياده كان لغايه60 بس مش عارفه ايه 60ده تبع ايه حد يعرف

ازيك يا جميله...بلييييييز يا حبيبي اسالي خطيبك هو كان علي طيران ايه؟؟؟؟؟علشان نبقي عارفين يعني علشان الشيل اللي هتبقي معانا دي

يعني هو انا لو كاتبة الكتاب الوقت يكون اقل طيب لو مش كاتبة ياخد وقت اد اية في خلال قد اية يعني

اه كشف جاماكا قالولي لما استلمته متفتحهوش بس الي فلمكتب فتحه اما الفايرس طلاما ادوكي ورقه تحويل للقنصليه يبقي الحمد لله معندكيش حاجه بس كده

ازاي ياايمان مين االيفتح ومين اللي مفتحش مش فهمه
يعني اللي في المكتب اللي مقدملك فتحه وده مش غلط
وكشف جامكا ده اللي هوبتاع المستشفي اللي حولوكي ليها صح
وبتاع الفيروس ده ورفه ولا ظرف اصل اللي عرفته انهم الاتنين ظرف وميتفتحوش الا في السفاره

لا يا اطمنت الظرف ده بتاع مستشفي السلام وبتاع المكتب فتحه عشان يدبسهم فلجواز

اما الفايرس لا دي ورقه مكتةوب فيها انك تتحولي للسفاره عشان تكملي الاجرائات

طيب ياحبيبتي انا اسفه ع الاسئله الكتيره دي
بس انتي الوحيده اللي عملتي الكلام ده بالتفصيل قوليلي ايه الورقه بتاعه جامكا ده هما عمالولك كشف ولا ايه قبل مايحولوكي ع المستشقي وده غير جواب المستشفي
وجواب المستشفي ده قديمتيه مقفول صح
انا عارفه ان اسئلتي رخمه بس الموضوع ده رخم اوي وعايزه لما اروح المكتب ابقي فاهمه
وكامن انا من المنصوره فهتبقي مشوره

يا بنات خدوا بالكم


لازم نبعت صورة من جواز السفر بتاعك لخطيبك عشان ورق الاستقدام
انا خطيبى لسة مكلمنى وقال لى انة راح يقدم على الورق فى السفارة قالوا لة هات صوورة من باسبور الزوجة

moon_eyes;8436952:
يا بنات خدوا بالكم


لازم نبعت صورة من جواز السفر بتاعك لخطيبك عشان ورق الاستقدام
انا خطيبى لسة مكلمنى وقال لى انة راح يقدم على الورق فى السفارة قالوا لة هات صوورة من باسبور الزوجة

صح الكلام انا عملت كده وبعتهمله علي الايميل وعملهم برنت

ايه صوره الباسبور دي بقي ايمان انتي عملتي كده ولا ايه

كشف جاماكا ده بتاع مستشفي السلام وبيبقي ظرف مقفول فتحه بتاع المكتب

اما الفايرس ورقه عاديه صغيره كده مكتوب فيها كملي الاجرائات في القنصليه بس

طيب يبانات ان هاصورهوله وابعته بريد سريع بس اصور ااول صفحتين قصد بعض اللي هما فيهم الصور والبيانات بس ولا ايه

صوري كل صفحه مكتوب فيها فلجواز لو انتي اوه مره تسافري يعني صفحه الي فيها صورتك والصفحه الي فيها رقم الجواز والاصدار

والصفحه الي مكتوب فيها اسم الزوج