دريم كيك او كيك الاحلام هي كيكة دنماركية واسمها بالدنماركي Drommekage
طعمها مميز وجديد ونكهة جوز الهند فيها لذيذة
لمن كنت بالدنمارك:L: كنا نشتريها جاهزة ... بس الحين صارلي فترة حابة اسويها بنفسي
دورت بالمواقع عن مقاديرها والحمدلله لقيتها وجربتها وطلعت مضبوطة :thumbs_up:
وطبعا صورتلكم المقادير والطريقة يالله نبدأ فيها ...
اول شي احب اذكر ان المقياس اللي مستخدمته هو الديسيلتر :)
4 دسيلتر طحين منخول مع ملعقة طعام بيكينغ باودر
50 غرام زبدة طرية
3 دسيلتر سكر
4 بيضات
2 ديسيلتر حليب
ملعقة صغيرة فانيليا
هذي صورتها هيه والبيكينغ باودر والسكر البني اللي راح نستخدمه بعدين:o
الطريقة ...
نخفق البيض والفانيليا والسكر بالخلاط وبعد مايمتزجون نضيف الزبدة ونخفق زين
نضيف الحليب والطحين على دفعات بعدين نكون مجهزين قالب كيك مدهون ونكون مخلين ورق زبدة قاصينها على قياس القالب نضعها بقاع القالب
نضع الخليط بالقالب ونضعهم بالفرن اللي نكون مشغلينه على حرارة 160 ولمدة 45 دقيقة او حسب الافضل بس تمر 30 دقيقة تجيكون الكيكة اذا مستوية او لا بهالاثناء نسوي الخليط الثاني اللي هو السر فيه;) المقادير
100 غرام جوز هند ناعم
2 ونص ديسيلتر سكر بني
نص ديسيلتر حليب
125 غرام زبدة مذوبة بالميكرويف ~ المعذرة نفس الصورة بس للتوضيح اضفتها :o
نخلط جميع المقادير مع بعض
بهالاثناء الكيكة استوت وطلعتها من الفرن شوفوا شلون منفوخة ماشاء الله :D
نجيب الخلطة اللي جهزناها ونوزعها على الكيكة
ندخلها مرة ثانية للفرن على درجة 200 ولمدة 5 دقايق بسس وتمتعوا بريحة جوز الهند اللي راح تملي المطبخ يمي يمي ..... هنا طلعتها من الفرن وطلعتها من القالب ولازم تطلعونها بحذز
هذا شكلها على جنب
زوووم
وهذي قطعة لكل وحدة ترد على الموضوع
وبس انصحكم تجربونها لانها فعلا لذيذة وطعمها جديد ومو تقليدي
واتمنى اذا يعجبكم الموضوع تدعولي دعوة حلوة ان الله يحفظنا انا وزوجي لبعض العمر كله
ويرزقنا بالحمل الثابت الصحيح السليم وبالذرية الصالحة...
طبعا هذي ثاني مرة انزل الموضوع لان اول مرة صار فيه غلط :thumbs_down:
واذكر مااحلل اللي تنقل موضوعي لاي مكان الموضوع خاص وحصري لمنتدى عروس وبس:L: