لكل الأمهات المتعبات ... شعار .. لا حفاضات بعد اليوم.

يااااااااااه يا رانيا للحين نفس المعاناة؟؟؟

ما ادري بأي طريقة عبود حاسبنها ، ليش يخاف يعملها هل هو خوف او استكراه او خجل؟؟؟

والله احسك تعبانة ، ليش ما تجربي تخليه في الحمام بروحه وتوقفي عند الباب بره يمكن يسويها؟

تصدقين ان نور كل ما تشوف طفل لابس حفاظ تضحك عليه وتسويه فرجه :dd: .

ازيكم يا أمهات اليوم

صباح الفل :gum:

امبارح نسيت اشتري الملصقات:sad: اليوم ان شاء الله افتكر واشتريها وطبعا لازم اجيب قاعدتين للحمام واحدة للبيت وواحدة للحضانة علشان يقعدوها عليها

عملتي ايه يا أسماء في العزومة يا رب تكون عدت على خير :ok:

ممكن أسمع لك اللي حفظته؟ :shy:
اولا اشتري الملصقات والبوتي او قاعدة التواليت
ثانيا ادرب ياسمينة بنتي اسبوع فترة الصبح فقط وبعدين اسبوع تاني الصبح وبالليل صح كده؟

معلش يا جماعة ح أموت تعب مش عارفة إزاي أروح الجامعة لكن لازم أروح دعواتكن ليّ ... طلعت من عزومة أمبارح خلصانة .. ونمت زي القتيل ولا قدرت أفطر ولا اتسحرنا ...

يعطيك العافية أختى أسماء وكان الله بعونك،، وأحنا عاذريناك،، كيف عزيمتك البارحة؟؟
أحنها ياأبله ولله الحمد ماشيين تمام في الدروس لا تفكرين فيها وايد إن شاء الله بعد العيد كلنا نبشرك بنجاحنا....

أكبر قلب،، لا تيأسيين ولا شي واصلي على المشوار.
وبخصوص الولد العنيد مادري شقصته معها ومع الحفاظة،، مايرضى مستحيل يقعد على المرحاض لو كان بيسوي الكبيرة،، هل هو خوف او كره للشي مادري الصراحة،، أمي تقول عطيه فرصة بعد شوي....

بنات،، قولوا لعبدالله مبروك ولأم عبدالله بعد ...
عمل الكبيرة في الحمام،، مادري شلون والله؟؟؟ بس الحين أكلم أمي تقول ولدج انفكت عقدته،، بس وقتها ماكانت معاه ، الخدامة هي اللي دخلته، لين رحت البيت باسألهم بالتفصيل،، الحين هالولد يستاهل هدية، بس عاد إن شاء الله مو بس اليوم ويغير رايه بكرة ويعملها بالحفاظة،، بنات مو مصدقة آبي آروح البيت بسرعة ألمه وأحضنه....

مبروك يا رانيا فرحت لك والله :clap: عقبال عندي :qaq: (قصدي عند ياسمينة بنتي وتنفك عقدتها في الكبيرة والصغيرة والرضاعة والنوم فوقهم:angry: )

:clap: :clap: :clap: :clap: :clap: :clap:

يستاهل عبود والله رجال.

وانت يا رانيا تستاهلين جائزة الام المثالية في هالحملة. :salam:

انا تقريبا خلاص خلصت وعديت كل المراحل. لحد الحين في النوم ما تسويها بس اليوم بجرب طول الليل ما تلبس واشوف النتايج.

يعني الحمد لله لا في البيت ولا في الطلعات الصغيرة ولا حتى الكبيرة ولا ان شاء الله في النوم.

وما كنت محبطة رانيا بس اقول لج انها تستهزئ في اي طفل تشوفه لابس حفاظة وتقول عنه عنه كأنه بيبي.

bridetobe يارب اليوم ياسمينة تتخلص من الحفاظة والرضاعة، جربي معاها بالويك أند وشوفي..
وأدعوا لي آنه بعد أفتك من الرضاعة،، هلكني هالولد معاها، يارب هالشهر مانشتري لا حفاظات و لاحليب...

أكبر قلب،، مشكورة... عاد جائزة الأم المثالية مرة واحدة لا ماقدر أحرجتيني،، جربي الليلة بدون الحفاظة وهي أكيد بنحس ان ماعليها شي وماراح تسوي،،
عاد بنتك تضحك على الناس بعد قولي لها عيل انت بعد الناس بيضحكون عليك تخلصي منها ولك هدية...
آنه عبودي بعد الحين علشان اكرهه فيها ، كل مانقعد وينت خالي الصغيرة معاي آقول له وع شوفها لابسه حفاظة، عاد هو مايحبها ومتعقد منها ومن شطانتها فقام يكره الحفاظة...

انا الحمد لله الحين حتى الرضاعة ادا تسألني عنها الهيها بأي حاجة وتنساها يعني صار لها تقريبا اسبوع ما شربت.:ok:

تشوف بنت عمها عمرها شهر تشرب تكون تبغى تقلدها بس انا اقول لها الكبار اللي ما يلبسون حفاظ ما يشربون رضاعة واحسها تقتنع وعلى فكرة امس اخدت كيس البامبرز تبغى ترميه في الزبالة تقول لي خلاص ما نبغاه. انا كبيرة ماما لا تلبسيني.
:shy:
عن جد فخورة بهالتقدم وكله بضل تشجعيكم.:z_clap:

عقبال ما تفرحني بأكلها يا رب.(r)

الحمدلله أختى أكبر قلب تخلصتي من الرضاعة والعقبة عندنا يارب مع نهاية شهر رمضان يكون نعيد بدون رضاعة و لاحفاظة...
خلاص ننتظر النتيحة عن حفاظة الليل..
يعطيك العافية أم نور...

اني ما فهمت شي يعني نحاول نخلي الطفل بدون حفاض اهو صغير علي ترك الحفاض عمرة سنه و اربع شهور و لحين حتي المشي و الكلام ما مشي و لا تكلم و الكل اعيب علي

والله موضوع حلو ... وأحلى شي انه مثبت ... :clap:

أنا بديت مع أحمداني ولدي من الصيف كان باقيله شهر ويكمل ال 3 سنوات ..
والحمدلله تعلم بسرعه من أول يومين ... لكن لازم أنا اللي أذكره وأوديه .. وساعات كان يقولي ما قدر أمشي شليني ... لكن كله مضى على خير ... وكنا بروحنا وفي بيت أهلي ..

هالشهر هو 3 سنين و شهرين ... لكن ردينا نعلم من أول ويديد ..
لأني بيت ساكنه بيت عمي .. وعندنا يهال وايد ما شالله انشغل باللعب ..
وأهمل سالفة الحمام .. وساعات يسويها بعمره ولا يقولي ..
وصار يعصب .. ويصيح ومايرضى ..

الاسبوع اللي طاف فقدت اعصابي .. كل يوم لازم يسويها بعمره بالفراش والمشكله انه
ما يرقد بروحه لازم عدالنا أنا وأبوه .. هو الأول .. ولا عندي غيره .. وتعود .. وساعات يرقد على شبريته بس بالليل يقعد وايي عندي ...

والاسبوع اللي طاف بدع .. الكبيره دووم فثيابه ... وساعات يدخل يده وانتو بكرامه
ويلعب فيها ويوسخ المكان ..
ومره قاللي أنا سويتها .. وقتله اركض الحمام .. ويوم سرتله .. ولا مخيس الحمام كللله !!!
أف والله اني أرفت ..

صرت أعصب عليه .. وفديته ساعات كنت أضربه ... :sad: شريييره .. وقلت برد ألبسه البامبرز ...


لكن اليوم بديت معاه بالليين
والحمدلله ... تقبل مني واايد .. فديته قلبي والله .. وصار يغنيلي " ماما بسير حمااام ماما بسير حماام" ... طبعا يوم نسير ولا نصها فالثياب ونصها فالحمام .. بس الحمدلله أحس بوايد من قبل ..

:clap:
وان شالله بطبق سالفه الهديه والألعاب لأنه يمووووت على الألعاب اليديده .. !!

والله يصبرنا عالتعب ويجزينا ...

أم ماده:
اني ما فهمت شي يعني نحاول نخلي الطفل بدون حفاض اهو صغير علي ترك الحفاض عمرة سنه و اربع شهور و لحين حتي المشي و الكلام ما مشي و لا تكلم و الكل اعيب علي

ليش يعيبون عليج ... هذي قرات وتختلف من طفل لين الثاني ..... ماعليج من كلام أحد
المهم علاقتج انتي بطفلج الحلو ..... :gum:

السلام عليكن ورحمة الله وبركاته


ما شاء الله شايفة تقدمات رهيبة وعظيمة ... مبارك يا رانيا ومبارك أكبر قلب التقدم الذي تحقق ...


ما شاء الله شدوا الحيل العيد قرب ...


وسامحوني يظهر أخدت برد من وقفت المطبخ علشان العزيمة ... أو إجهاد ... المهم دعواتكن معايا ...

ماااااااااااااشاء الله

انا بقول لكم عن ولدي لان كان اكبر المجموعة الحمدلله مليون مرة لانه خلاص ترك التبول وصار يروح الحمام وبالليل بعد مايبلل فراشه

تدرون اشلون لاني صرت اقعد معاه قعدات مطولة اكلمه وافهمه ان النظافة من الايمان والله يحب الولد النظيف وكلام وايد


والحمدلله والشكر استجابوصار اوكي

[QUOTE=رانيا البحرينية]بنات،، قولوا لعبدالله مبروك ولأم عبدالله بعد ...
عمل الكبيرة في الحمام،، مادري شلون والله؟؟؟ بس الحين أكلم أمي تقول ولدج انفكت عقدته،، بس وقتها ماكانت معاه ، الخدامة هي اللي دخلته، لين رحت البيت باسألهم بالتفصيل،، الحين هالولد يستاهل هدية، بس عاد إن شاء الله مو بس اليوم ويغير رايه بكرة ويعملها بالحفاظة،، بنات مو مصدقة آبي آروح البيت بسرعة ألمه وأحضنه....[/QUOTE


مبروووووووووووووووك ياعبد الله شجعيه دايما وانشاالله يستمر

مشكوره اختي علا ردك انا حبيت تشرحيلي بالتفصيل عن سؤالي السابق والحمد لله جاوبتيني بشكل ممتاز واستفدت من خبرتك وانا طلعت الحين مرتين والحمند لله بكل مره كانت الامور تمام جزاكي الله كل خير

أسماء زكي الدين:
السلام عليكن ورحمة الله وبركاته


ما شاء الله شايفة تقدمات رهيبة وعظيمة ... مبارك يا رانيا ومبارك أكبر قلب التقدم الذي تحقق ...


ما شاء الله شدوا الحيل العيد قرب ...


وسامحوني يظهر أخدت برد من وقفت المطبخ علشان العزيمة ... أو إجهاد ... المهم دعواتكن معايا ...

يعطيكي العافيه اختي اسماء وانشا الله تكون عزيمتك كويسه ومشكوره اغختي علا تعبك معانا بمعلوماتك الحلوه

مبروك يا رانيا
عقبال باقي البنات

السلام عليكم ورحمة الله وبركاته
شخبارك يا ابله اسماء وكل الأمهات انشلء الله تكونو بخير ..................
بالنسبة لزايد الحمد لله ان بطل كل شي وخذته واشتريتله اغراض العيد وهو بدون حفاضة و حتى يوم يشوف المراضع في المحل ما يصيح ولا حتى يشوف بنت اخوي تشرب فيها حليب بعد هو ما يهمه خلص عيدنا عقبالكم وعيدكم مبارك وهذا الموضوع بتم ادخل عليه واشوف اخبار الامهات ولو ان انا انتهيت منها وبضيف شي ان مع الاصرار والمواصلة كل شي بيكون سهل طولته صح ما عليه متحمسه انا الامهات كلهم يصيرون فدائيات مثلي صح ابله اسماء :shy:

اما انا يا ابلة اسماء فما زلت مع الصرااع اليوم خليت شام تقريبا 3 ساعات من غير حفوضة وكل ربع
ساعة اخدها على النونو ومت عملت شي فيها ابدا وانا محمود يقبر قلبي عم نشجعها ونغنيلها ومافي فايدة اخر شي عملتها على الحفوضة ولان الوقت تاخر حفضتها ونامت

والله يسر اموري قولووو اميين ناوية باذن الله اشيلها الخفوضة بالنهار وبالليل ارجه الها صح ولا
انا غلطانة ؟؟؟؟؟؟
والله المستعان