قولي لنا كيف خبرتي زوجج بأول حمل لج

عشقي الوحيد
فكره بسيطه وحلوه :) الله يعوضج بحمل ثاني ويتممه على خير يارب :)




أحلى ملح
الحين انتي اللي تحملين وهو اللي يبشرج؟ ههههههه الله يخليكم لبعض يارب :)





حنان الكون
هههههههههه مسكين تم ينتظر ليما عرف النتيجه.. الله يحفظكم لبعض ان شاء الله :)




انكساري شموخ
وانتي بعد ريلج خبرج؟؟ يا بنات انتوا تحملون وريايلكم اللي يبشرونكم؟ هههههههههههههههههه بس حلوه يقول لج جفتي مب حامل وعقب يبارك لج :) الله يخليكم يارب :)





عروس حبيبها
الله فكره جديده :) وحلوه بنفس الوقت :) الله يخليكم لبعض يارب :)





ملاك قلبي
كان خاطرج تشوفين فرحته بعيونج.. بس عادي هو اللي شاف فرحتج بعيونه :) وان شاء الله البيبي الثاني انتي اللي تخبرينه :) الله يخليكم لبعض :)





دلوعة زوجها
الله يعينج يارب... شكله وحامج ثقيل شوي.. الله يتمم لج على خير ويقومج انتي والبيبي بالسلامه ان شاء الله :)

بعد الزواج جتني الدورة مرتين بس و الشهر الثالث قبل موعد الدورة حسيت بأعراضها و قلت في نفسي هالشهر بعد شكله ماكو حمل و كنت واابد مضايقة:( و مرة كنا تونا طالعين من عزومة و قالي زوجي بنمر الصيدلية بنشتري تحليل منزلي للحمل و انا اقوله لااا اني متأكدة مو حامل هالشهر أحس بأعراضها و بعدين باقي خمسة أيام عالموعدها و يقولي عاادي اذا في حمل بيبين :Dو سويت التحليل و طلع ليي خطين غامق و اني مو مصدقة:eek:و اقول شكله و مو دقيق و طلعت من الحمام و دخل عقب زوجي و شافة و استانس و قالي يعني شو خطين يبى يتأكد و انا اقولة لاا مو دقيق التحليل المنزلي و قال انزين بننطر و بنشوف،و ظل طول الاسبوع عقب ما يرجع يسألني ها صلتيين؟و مرة من قهري علية قلت له لاااااااااا ما صلييت و مسكين يقول لي لييش خخ كسر خاطري قلت لا صليت و احسة فررح عدل و عقب ما تاخرت عليي اسبوعين تاكدت اني حاامل:o

يحليلكم :) الله يخليكم لبعض ياااااااارب ويحفظ لكم بيبياتكم :)

هلا بنات شحالكن

انا تيننت يوم عرفت اني حامل ريلي كان في الدوام وريلي دوامه اسبوع عندي واسبوع في الدوام
يوم فحصت وتأكدت اني حامل على طول اتصلت فيه وخبرته فديته تخبل بس ما شفت الأكشنات في وجهه لأنه كان في الدوام مع انه كان خاطري اشوف ردة فعله فيس تو فيس

وايد استانس حليله
ادعولي بنات الله يقومني ويقوم باقي الحوامل بالسلامة انشاالله

بسمة أطفالي
هههههههههههه دور راسج،، الله يخليكم لبعض يارب :)


ترنيمة شاعر
ما شاء الله.. الله يهنيكم يارب :)



kindah
أكيد ما قدرتي تقاومين لين ما يرجع.. الله يسهل عليج ويقومج بالسلامه ان شاء الله :)

والله ان عيني دمعت من الفرحه لكم ...

يارررررررررررررررررررررررب ياكريم عقبالي وعقبال الجميع...

وان شاء الله اذا حملت قلت لكم؟؟؟

لاتنسوني من دعواتكم....

ان شاء الله يااااااااااااااااااااااااااارب تحملين وتيين تبشرينا وتخبرينا قصتج :)

انا قريت المووووضوووع كله واللحين بقولكم ...

بعد زواجي 4أيام شرفت الدورة طبعاً بشهر العسل ... وبعد هااا زوجي ماشاءالله عليه متذكر تاريخ دورتي

وقبل يوم من الدورة شرى تيست حمل وقااالي بكررة نسويه قلت له بكرة بتشرف ماتأخرت قال خذت جهاز الي يبين الحمل من أول يوم للدورة... وسويته وطلع لنااا خطين .. فعرفت معاه بنفس الوقت بس ربي ماأراد يتم الحمل الشهر السابع مات الجنين ببطني ..

بعدهاا أتفقت مع زوجي اني ارتاح 3 شهور عشان أرتاح ومن تركنا الموانع الطبيعيه كناا متأملين أحمل على طول
وسوى فيني نفس الحركة اللي قبل أشترى لي التحليل وحلفني قبل لاأسويه اني ماأشوف النتيجه فحللت وتركت التست بدورة المياه هو دخل وقفل على نفسه ...

وجلس تقر يباً نص ساعه انا اترجاه يفتح الباب وهو مو راااضي ولا يرد علي بعدهاا طلع وقال ماصار حمل وانسدح على السرير يبي ينام .. فما دخلت بعده وجلست أصيح أقوله ليه أنت زعلان ربي هو الي يرزق وان شاءالله يرزقنا الشهر اللي بعده ...

وبعدهاااااااااااااااااااا قال لي مبروووووووووووووووووك بس كنااا خاااايفين كثير من التجربة اللي مرينا فيهااا قبل بس كااان املنا بربي كبير ..

واللحين انا انتظر فرررررج ربي وأدعوا لي ربي يسهل علي ولادتي وييسرهااا

انا خذت تحليل الحمل وطلع لي حامل بس ماقلت له كان بالليل وينام وهو مستجل يبي يعرف شنو النتيجة بس قلت له تعبانه وماسويت التحليل ..

ولما جينا انام طرشت له مسج اني حامل وهو مات من الفرحه وخنقته العبرة .. فديته كان مستانس ..

joojoo.sweet
الحمدلله الله عوضج،، الله يتمم لج على خير وتقومين انتي والبيبي بالسلامه :)



مشاعر قطر
يحليلج :) الله يخليكم لبعض ان شاء الله ويحفظ لكم عيالكم :)

بنسبه لي
سويت تحليل في البيت وزوجي في العمل وتصل لي علي قلبي وقال لي شنو طلع التحليل قلت له كالعاده
قال لي يعني مافي حمل قلت اليه ااي
وسكر السماعه وحسيت انها زعلاااان ورسلت اليه مسج وقلت اليه اني حااااامل والف مبروك

وتصل لي هو مستانس مره وجا من العمل بدري ورحنه سوا المستشفي وطلعت حامل

بس الى الاسف زوجي توفي وبنته بت 8 شهورر
والحين عمرها الله يخليها لي سنه

اسيرة الدمعه

الحمدلله على كل حال.. الله كاتب.. والحمدلله ان شافها.. الله يخلي لج بنتج يارب :)

يؤ يؤ :qaq: وينكم يا أمهات؟

انا سويت التحليل الصباح وعلمته وطار من الفرحة..
واتمنى ربي هالمره يتمم علي بالحمال وافرح قلبه مره ثانية ويعوضني بالحمل الثابت يارب

اما انا فبعد زواجي بشهر تعبت جاتني سخونه الحمدلله على العافيه قلتله ابغا اروح المستشفى وهناك شكت الدكتوره اني حامل عشان كنا عرسان تصدقو وقالتلي لازم نعمل تحليل وعملت وكانت النتيجه اني حامل ولا كان ببالنا اصلا طبعا اناوزجي جلسنا خمس دقايق نستوعب الخبر هدا غير كلام الدكتوره ونصايحها الله يدكرها بالخير جلست تهرج نص ساعه وانابغيبوبه هههه من الفرحه الحمدلله على كل حال

يالله رجعتني لورا 100سنه هههههه

دريم ويب;8155523:
انا سويت التحليل الصباح وعلمته وطار من الفرحة..
واتمنى ربي هالمره يتمم علي بالحمال وافرح قلبه مره ثانية ويعوضني بالحمل الثابت يارب

الله يعوضج ياااااااارب بالحمل الثابت ويسهل عليج :)

مادليين;8155640:
اما انا فبعد زواجي بشهر تعبت جاتني سخونه الحمدلله على العافيه قلتله ابغا اروح المستشفى وهناك شكت الدكتوره اني حامل عشان كنا عرسان تصدقو وقالتلي لازم نعمل تحليل وعملت وكانت النتيجه اني حامل ولا كان ببالنا اصلا طبعا اناوزجي جلسنا خمس دقايق نستوعب الخبر هدا غير كلام الدكتوره ونصايحها الله يدكرها بالخير جلست تهرج نص ساعه وانابغيبوبه هههه من الفرحه الحمدلله على كل حال

يالله رجعتني لورا 100سنه هههههه

هههههههههههههههههه يعني صارت مفاجئه غير متوقعه بس حلوه :)
الله يخليكم لبعض يارب ويحفظ لكم عيالكم :)