قولي لنا كيف خبرتي زوجج بأول حمل لج

الموضوع عجبنى ,,, ورجعنى لسنتين وراااا....
بخبركم بالقصة الحلوة اللى صارت لى ,,,
ابصراحة انا كنت مكملة اربع سنوات ونص متزوجة وماحملت ,,,
وكنت اراجع عند دكتور ,,, وسالنى الدكتور وقلت لة الدورة نزلت يومين ووقفت .. قالى الدكتور مبروك انتى حامل ,,,
قلت للدكتور انت تستهبل قالى لا ,, وبتشوفين ,,,,
المهم طلب منى اسوي فحص .. سريع سويته وما انتظرت النتيجة ,,,
قلت لزوجي يالله انروح ,,, ما ابغى انصدم,,, المهم وانا طالعة من الباب ,,,
الا الممرضة شايلة الفحص في ايديها واتقولى مبروك مدام بوستف.. انهبلت ,, بوستف وما القى الا كل اللى بالمركز ايباركون لى ,,,
المهم زوجي كان بغرفة الانتظار ,, طلعت امشي وانا ارتجف واقولة وانا مبققة عيونى حبيبي انا حامل
ايقولى شو قلت انا حامل وارتجف من راسي لريولى
ما لقيتة الا حاضننى جدام الناس ومجلسنى على الكرسي وايقولى اهدي اهدي .. الناس اطالعنا,, الناس اطلعان لان الكل اللى يشتغلون بالمركز ايهنونا ,,,
وما اشوف الدكتور ياي من اخر الممر ,, وايقولى انا استهبل هاااااااااااااااااا,,,
والله ذاد اليوم كان مشهوووووووووووود...
وما انساااة مدام انا حية ,,,

وهذى قصتى يخوياتى ,,, وانت خبرنا بجديدكن..

خخخخخخخخخخ خساااره .. انا الدكتوره هي اللي خبرتني انا وهو سوا ...........


لكني كنت مصممه اسوي له مفاجأه وصرت كل شوي اقوله عندي مفاجأه انا حامل خخخخخخخخخخخخ

لحد ماطفش وراحت فرحته ههههههههههه :)

انا للاسف ما عندي ذكريات حلوة من هالناحية .. لان الحمل صار بدون اي رغبة واحنا نستخدم موانع بس الله كتب لي بالحمل وكنت في اول شهر من زواجي وما رحت حللت مباشرة خفت ان الدورة متخربطة ولا شي ( مع انها كانت منتظمة قبل الزواج ) وبعد اسبوعين يمكن من موعدها ظهرت اعراض الوحام وكانت مبتدية علي بصداع استمر 3 ايام وباليوم ال4 رحت المستشفى علشان اتعالج عنه والظاهر الدكتورة شكّت اني حامل وسألتني عن الدورة فقلت لها الصراحه هي متأخرة فقالت لي سوي تست اول وكنت خاااااااايفة وسويت التست والنتيجة ظهرت بسرررعه خلال 10 دقايق بس ولما شفتها بوستيف قعدت اصييييح :confused: وطبعا كان زوجي معاي ولا حطيت بالي لردة فعله وقتها بس هو يقول انه ما كان زعلان مع انه كان حاب ان نأجل الحمل فترررة ولكن قدر الله وما شاء الله فعل ..


ونفس الشي تكرر مع حملي الثاني ،، صار الحمل بدون رغبة :o بس كان عندي خبرة شوي يعني من تأخرت الدورة ابتدت التستات وما بيّن الحمل في البداية لكن كلما طافت الايام قمت اتأكد من الحمل اكثر وزوجي كان متابع الموضوع معاي اول بأول وفي اليوم اللي اخيرا ظهرت النتيجة بوستيف كنت مصدوووومة ( اتذكر اخذت ورقة التست من المختبر وشفتها وانصدمت وطلعت وكان زوجي ماسك ولدنا وينتظرني ولما وصلت له قلت والصدمه على وجهي بوستيف << وشوي واصيح بعد ههههههههههه ) وهو يقول بس شاف الصدمة على وجهي تأكد ان النتيجة بوستيف ..



الحمدلله على كل حال .. كنت اتمنى ان احمل برغبة وافرح بخبر حمالي واسوي مفاجآت من هالنوع حقه لكن هذه ارادة الله ، وحاليا كلش مو في بالي الحمل ومكتفية بطفلين الله يخليهم لي ويبلغني فيهم .. بس اتمنى ان اذا الله كتب لي بحمل 3 يكتب لي قبل النفسية اللي يصير خاطرها في الحمل (a) علشان بعدين استانس بالخبر مو انصدم واصيح مثل كل مرة (w)

زهرة الجزائر
انتي الأحلى أختي :) الله يوفقج ويرزقج الزوج الصالح يارب :)

عطور الشوق
الله يخلي لج عيالج وزوجج ويحفظكم من كل شر :)

عيون الأفعى
والله تأثرت وااااااااااااايد بقصتج،، الله يخلي لج عيالج وزوجج يااااااارب :)

رغد
هههههههههههههههههههههههههههههههههههههههههههههههه يحليلج خفيفة دم الله يخلي لج زوجج وعيالج ان شاء الله :)

ماما حسون
ان شاء الله المره الثالثه تكون برغبة منج والنفسيه تكون تمام التمام عاد تعالي خبرينا شنو صار :) الله يخليكم لبعض يارب :)

[FRAME="11 70"]والله ما شاء الله عليكن اما انا فهذا اول حمل لي انا وزجي كنا ننتظره من زمااااااااااااااااااااااان والحمد لله اللي اكرمنا وحملت:B_wink:
فهذاك الوقت لما عرفت اني حااامل كنت طايره من:yahoo: الفرحه وحظنت الدكتوره صرت اصييييح ..:cry:. زوجي كان في الدوام ... رسلت له رساله اقوله فيها انه عندي خبر ومفاجئه حلووووووه كثييييييييير عشانه
بس ما عبرني :UP202:
فانتظرته يتصل وما اتصل وظليت انتظر لحد ما مليت واتصلت فيه وخبرته بالخبر الحلو مسكين .. هاهااهااها اول جمله قالي اياها
انتي ما تزوعي كيف انتي حاااااااامل اكيد انتي تمزحي علي جلس يقول :no:
لااه
صدق
لا تمزحي
اكيد
وكان معاه اثنين من اصحابه في السياره .....وكان كل ما يتكلم يقولو له ايش فيه ايش هناك وشلتنا.ايش صااااااار..:21_182::sm215::sad:
. لما حلفت له وصدق.... طاااااااااااااااار من الفرحه وحليله:happy1: وعزمهم علي الغداء .... ( مسكين كان هو المعزززززوم)
وبعدها رسل لي رساله كتب فيها الف الف الف مبرررررررررك العمر :21_149::21_207:
وهذه لحد الحين محتفظه فيها
يااااااااااااااااااااااااااااااااااااااااه اشكثر احبه والحين الوحاام طالع عليه احبه كثير وما اتحمل ابعد عنه شوي:21_207:[/FRAME]

ياحليلكم ياعرايس والله حلوة مواقفكم

أما عسولتنا عيون الأفعى خطييرة ييوم تقولين حق الدكتور تستهبل:D

المهم انا الحين الدورة متأخرة علي اسبوع تقريبا

بسوي التست بكرة وبقولكم شنو بيصير

ادعولي اكون حامل لأني زهقت وانا انتظر خخخخخخخخخ

مرحبااا

حلوو الموضووع^_^

انا عن نفسي توني حامل صارلي شهرين

البنات فالمنتدى ماقصرو نصحووني بأشيا حلووه عشان اقول حق ريلي(y)

المهم

رحت مع اختي احلل وماقلتله لأن خفت اقوله ويتم ينطر وآخرتها مافي شي

تدرون بشغف الزوج على اول مولود غيييييير

يوم شفت الدوره تأخرت علي قلت حق اختي وقالت امشي نروح عشان تحللين

ورحنا بوقتها

والحمدلله طلعت النتيجه اني حامل

ماتتوقعون فرحتي

والله اني انا واختي قمنا نصيح من الفرحه

مع ان اختي عندها 2 الله يخليهم لها..

المهم

رجعت البيت وهو حس ان فيني شي لأني كنت مرتبكه وحالتي حاله

سألني واااايد شفيييج؟؟؟ اقوله مافيني شي:o

وكنت ابي بكره يجي بسسسسسسسسسرعه عشان اقوله بأسلوب حلو وماينساه:15:


المهم

بعد صلاة المغرب كان بيطلع عند ربعه

قلتله اني بروح مع اختي السوق شوي

الصــــــــــــــــدمه:eek:

قالي انا ماعندي شي ومتملل من ربعي

بنروح انا وانتي تسوقي وبعدها بنتعشى برا:eek:

قلتله لاااااااااا:ss: وقام ويهي يتلون ازرق واحمر خخخخ

قلتله لا لا اختي تبيني معاها اختار لها فستان لأن عندها عرس صديقتها(6)

قال اوكي اللي يريحج:wink:

ورحنا انا واختي..... دخلنا مذر كير لأن اختي كانت تبي تشتري حق عيالها

شريت مصااصه ومرضاعه وبدله وحده وعلبه صغيييره عشان احط فييها الأغراض

ورحت ع طووووووووووووووول البيت

حطيت الأغراض فالعلبه

ورحت كتبت كلام وطبعتها بالكمبيووتر

(( هذي شوي من أغرااضي..بس علشان اقوولك اني جااي بعد 8 شهوورر
جهزلي المكاان وجيبلي أحلى الأغرااض
أحبــك ياأحلى بابا فالدنيا)):o

وحطيت الورقه فالعلبه مع الأغرااض وغلفتها نفس التغليف



وبعد ماخلصت خليتها عالسرير

ورحت بيت اختي

اتصلت بريلي وقلتله رووح البيت في لك هديه

قال هدية شنو؟ اليوم موعيد ميلادي...شفييج صايره كريمه اليوم ..اخبر انا اللي اجيبلج هدايا خخخ

قلتله لاتطول السالفه رووح ..قال انزين اول انتي تعالي :eek: قلتله لا والله رووح شووفها وقولي رايك

قال عليج حركاااااااااااات غرييبه خخ

المهم تم يكلمني ليييييييين وصل البيت وأووول ماسمعته يفتح باب الغرفه قلتله انا بسكر

قالي ليييييييش شفييج قلتله مافيني شي شوفها وقولي رايك

وسكرت في ويهه:tongue: خخخخ

المهم

شافهاا...وماتصل:eek: نطرته ساااعه مااتصل

قلت ليكووون مومستانس:confused:

شوي والا خدامة اختي جايه تقوولي ان ريلي برااا:eek:

طلعت ع طووول ... والله يابنات اول ماركبت السيااره كان ساااااااااااااااااااااكت

مشى شوي ووقف...مسك يدي وقام يصيح

كرهت نفسي ..اول مره اشوف دمعته

باس يدي وقالي ياشريره عليج افكار تذبح :o

وبس استانس وااااااااااااااااااااااااااااااااااااااايد وكانت الساعه 9 بالليل وداني نتعشا برا

ويوم رجعنا البيت كانت ليلة وااااااااااايد حلووه الحمدلله:15:

ولين الحييين موراضي اشيل الأغراض من العلبه ..قالي خلي العلبه مع ملابسي ولاتغيرين شي

حتى الشريطه والجلاد خلاهم فالعلبه:eek:

قال والله بخليها لين يكبر شووي بقووله هذي الطريقه اللي فيها امك قالتلي عنك :wink:


وبسسسسسسسسسسسس

واسمحووووووووووووووووووووووووووووووووولي هذرت عليكم وااايد:(

بس حبيت اقول كلشي بالتفصيل:o

انا كنت مستحيه اقول له طرشت له مسج وانا في بيت اهلي

عااااااااااااااد مافكني بعدها

وفي حملي الثاني بعد كنت مستحيه امي طرشت له مسج تبارك له

وطاااااااااااااااار من الفرحه مع اني كنت زعلانه والحمدالله على كل حاااااااال

B2forever
يحليييييييلج والله ههههههههههه خوش وحام أكيد ريلج مسانس الحين زوجته ماتقدر تفارقه :) ما شاء الله عليكم الله يحفظكم ويسهل عليج حملج يارب :)

جودي
حبيبتي والله,, ياااااااااااااااااااارب تكونين حامل وتيين تخبرينا بقصتج :)

koketa
والله دمعت عيني وانا أقرأ قصتج،،، تصدقين طريقتج هي أحلى طريقه من الطرق اللي سمعتها :) واااااااااااااااااااااااااااااااااااايد حلوه وتينن :):):) اللااااااااااااااااااااااااااااااااااي والله اني اندمجت في القصه،،، ما شاء الله ما شاء الله،،، الله يتمم لج على خير وتقومين بالسلامه والله يحفظكم لبعض يارب :)

Qtr Girl
ههههههههههههههه طريقتج بسيطه وحلوه،، بس زين ما فز من مكانه لما قرا المسج هههههههههههه الله يحفظكم لبعض يارب

laleeta

آميين الله يسمع منج

قصة حملي عااااااااااااااااااااااااادية بس بعد بقوووووولها اممممممم كنا مقررين انا احنا مانحمل من البداااااااية لااااان كنت ادرس وكنت استخدم ماااااااانع وبعد 4 شهووووووووووور حنيت بصراحة لحمل وقلت لزووجي ابي احمل قااااال لي اوكي وتركنا الماااااااانع تقريبا نص الشهر وتاخرت علي يومين وقلتت حاااااااااااامل يمكن بعدين نزلت علي لان احتمال الحمل يكون صعب نص الشهر وبعدين الشهر الثااني حاولت احمل خططت للايام اللي يصير فيها حمل وجى موعد الدورة واتاخرت علي 5 ايااااااااااااام اقول لزوجي اكيد حااامل يقولي صبري حاااارسي شوي وكنت احس باعراااض الدورة عدل انزين رحت تكرمون انظف تحت بالمموس انزين ونزل دم واني حسبت نزلت علي الدورة وبعدين حارست لليل ماشفت شئ بعدين اتذكرت ان هذا الدم مال التنظيييف وبعدين يووم ثااااااني قلت لزجي جيب تيست واشترااه في الليل قلت بحااارس الصبح واني طول الليل مانمت احااااارس الصبح وقعدت اشرب مااي واجد علشان تيني تكرمون البولة ورحت حللت4 الصبح وطلع خط خفيييييييف عدل وقلت اني حااامل خلاااص واستانست ورحت خبرت امي وطرشت مسج لخواتي اما زوجي احس احساسه عااااااااااادي لان هو ماكان يبي عيااااااااااال يعني استانس شوي لحين لين اساله يقول ماكنت مستانس والحين عمر حماادي 3 سنوووووات ولين اساله تبي اعياااال يقوووووووووول لاااااااااااا

وردة الأحلام
عادي حبيبتي شاركينا حتى لو قصتج عاديه بعد نبي نسمعها :)
هههههههههههههههههههههههههههههههه مسكين شكله تعقد من اليهال ولويتهم ماشاء الله عليهم :)
الله يخليكم لبعض ويحفظ لكم ولدكم :)

:9_33: :9_33: :9_33: :9_33:

هلا بنات شخباركم

لاليتا عيوني مشكورة على هالموضوع المتميز :21_207: انا من زمان قايلة اني بكتب اشلون خبرت زوجي بس انسى

انا راح اقول كل اللي في جبدي وسامحوني إذا بطول >>>>>>>

المهم بعد ما كملت سنة زواج شهر 7 >>>> قررنا انا نجيب بيبي :21_95: هههههههه>>:21_207:

في الشهر الاول ما حصل حمل سويت فحص منزلي وفحص دم وطلعت النتيجة سلبية >>>> فزعلت وأصريت على زوجي انا نراجع دكتورة نسائية وهو طبعا ما رضى :confused:>>> وقال تو الناس خلنا ننتظر شوي >>>>الخت مستعيلة عبالها لعبة من اول مرة هههههههههههههههه

المهم في الشهر الثاني >>>من اول اسبوع عقب الدورة كنت أحس بلوعة ومرارة وبعض الاعراض >>>>بس ما خبرت اي مخلوق عن هذي الاعراض>>>> عشان يمكن اتوهم ومابي انحبط واحبط زوجي فديته >>>

قبل الدورة بيومين حللت في البيت وطلع خط فاااااااااااتح

واليوم الثاني هم طلع لي خط فاااااااااااااتح بس شوي اغمق من القبلي >>>>> وهذا اليوم كان موعد الدورة >>>>>> والمهم ما قدرت انتظر والبنات في المنتدى بعضهم شجعوني اني اسوي فحص الدم مادام طلع لي خط فاتح >>>>>>>


طلعت من الدوام ورحت دييركت شخط :drive1: المختبر >>>بريحاتي >>>>
اتصلت في زوجي قلت له اني بتأخر بروح عند أمي >>> قال اوكي >>>>لان يومها كنا متزاعلين >>> وكل واحد يكلم الثاني بمسجات ههههههههههههههه

رحت المختبر وقعدت انتظر وانا حاطة في بالي النتيجة السلبية ومع آلام الظهر اللي كانت عندي لابسة كعب طوييييييييييييييل .... شوي ولا ينادون اسمي احس قلبي تم يرقع وكنت بصيح إلا شوي هههههههه

يقولي لي الهندي مادام هادي ناتيجة بووووسيتيف :21_95:>>>
طالعته وطالعت الورقة سرحت فيها قعدت اقرا اسمي مو متأكدة ولا نطقت ولا كلمة ومشيت للباب ورجعت وهو يطالعني قلت له ثانكيو بيااااا >>>>> يضحك علي الخبيث يقولي مادام ريلاكس ريلاكس :happy1:>>>>>اي ريلاكس وانا احس الارض مو شايلتني >>>>:21_207:

وطلعت من عند البيا الهندي >>>على طووووووول على محل الهدايا والحلويات وشريت تحفة على شكل بيبي وزينتها آخر زينة >>>> رحت البيت وابو الشباب ماد بوزه:wink: >>>>> ورحت خليت الهدية على السرير ويمها النتيجة مالت الفحص >>>وقلت له تعال الحجرة ابيك شوي >>>> دخل قبلي وشاف الهدية ويقول شنو هذي >>> لمن قرا وتم يطالع الورقة ومو مصدق وسرح فيها وانا واقفة انتظر ردة فعله >>>> طالعني ورد طالع الاسم والتاريخ >>>> مو مصدق الاخ >>>> استانس وااااااااااااااااااااااااايد وشق الحلج ويقولي عيل بتروحين حق امج ها ههههههه

باسني على راسي :21_148:>>>> وحظني يقول باصير ابو باصير ابو >>>> وشوي ويقول انا طالع >>>>>>اقوله ووووووووووووووين ؟؟؟؟؟؟؟؟؟؟؟

يقول ابي أفتر في السيارة شوي وبرجع :drive1::drive1: خخخخخخخخخخ وصج طلع نص ساعة ورد ومو عارف شنو يسوي ليلتها ما رقد >>>يقول مو عارف ارقد :21_162:>>>>> زوجي يموت بشي اسمه يهال >>>>

والحمد لله على كل حال :D

نياز
انتي الأحلى حبيبتي :)
هههههههههههههههه يحليلكم :)
تعالي بقول لج،، الحين انتي ظهرج يألمج وبعد لابسه كعب؟؟؟؟؟ هههههههههههه امزح معاج،، الله يوفقكم ويخليكم لبعض ويحفظكم :)

مشكوووووووور ة اختي نيااااااااااااز اي مايحب العيااال متعقد منهم خخخخخخخخخ

ومن بعد ماقالت لنا قصتها؟ :)


ننتظركمــ .....

هههه .. آووونه موضووع تووحفه من قلب لاآليتآآ

آنه الصرآآحه وحده من الملاآآقيف :o
بس آنشآلله آقترحآآت للفيووجر (المستقبل)

لوولز .. حآآدي آندمجت في القصص =)
وصحت حق قصه آم الجآدل :o

ولاآ الطقم الالمآآس آلا طلعت قصه ملفقه

هههه .. الله يسعدهآ ضحكتني ^_^

يآآآرب يرزززق كل محروومـ بالطفل الصآآلح .. وكل عآآزبه بالزووج الصآآلح

=)
=)

مشكوووره :)
عادي حبيبتي نرحب بالملاقيف عشان يستفيدون من قصص خواتهم
الله يوفقج بالزوج الصالح ان شاء الله :)

مرحبا كان ودي شاركون بس لللأسف ماحملت بس كل يوم بفكر بردة فعله يوم بحمل
الله يرزق كل البنات بالزوج الصالح أمين يارب

مرحبا اخواتي الموضوع واجد عجبني وقصص البنات فيه حلوة ولطيفة وهذي يابنات قصتي

انا تاخرت عن الحمل سنة و3 شهور وكنا نبي من البداية بس الله ما اراد فكنت بداية ماتزوجنا قبل حتى ماتتاخر الدورة اقوم اسوي التحليل المنزلي (صدق خبلة:cool:) ويطلع التحليل سلبي واقعد انصب العزية وزوجي كل مرة يحمق عليي ويمكن ضليت 3 شهور او اربعة شهور على هالحالة قام زوجي وحرم علي وقال ادا عرفت انش سويتي التحليل راح ازعل منش وبس من يومها ماسويت الى تاريخ 20/3/2008 انا ممرضة واعمل بنظام النوبات كنت يومها اول ليل فرجعت وتعشينا ونمنا قصدي زوجي نام لأني ليلتها ماغمضت عيوني من الم الظهر كأن في احد يقطعه بسكين وكل شوي اقعد زوجي واقول له قوم ظهري بموت يقعد شوي ويرد ينام (تغربل الفقير في عمره ما تسوى عليه مسكين ) وعلى هالحال للصبح وكنت يومها بعد دوام قال لي زوجي خل نروح العيادة ونطلع لش اجازة لاني مو قادرة بلا نوم وبعد ظهري يألمني وكان يصادف عيد الام المهم رحنا المستشفى العصر ودخلوني على وحدة مصرية اقول لزوجي شكلها ماتفهم يقول لي شعليش منها خل ندخل ونشوف ودخلنا الا تقول لي حامل؟ قلت لها مادري :eek: قامت تضحك علي قلت لها اني دورتي كلش مو منتظمة بس فعلا متاخرة علي 3 ايام بس قالت لي روحي المختبر سوي تحليل وردي ورحنا المختبر وانا بالطريق اقول لزوجي شفيها دي اقول لها ظهري تقول لي حامل ماابي اسوي قال يالله عجل خل نروح البيت قلت له لا خل نسوي بس جدي من زمان ماسويت قام يضحك وقعدنا نحارس النتيجة في قاعة الانتظار وانا وزوجي قاعدين نسولف الا تناديني اللي هناك عطتني الورقة حتى ماقالت مبروك المهم قريت النتيحة الاوهي بوزتف وقفت مكاني ومن مكاني اقول لزوجي حامل يقول لي شنو ؟؟؟؟؟؟؟؟؟؟ وكل علامات الاستفهام اللي بالدنيا كانت على وجهه اقول له اقول لك حامل قام وقف يقول لي بصوت قوي حبيبتي ابي احظنش :o :o والناس اللي هناك قاعدين يطالعون وانا اقول له مو هني هههههههههههه ورحنا عند الدكتورة جان ندخل حجرة بالغلط :wink: لما رحنا قالت لي ايوا ياستي دنتي حامل وطلعنا على الدرج زوجي المنزهق يقول لي لحظة لحظة شوي شوي حاسبي على روحش ورحنا السيارة قعدنا نصف ساعة بس نضحك جنه مخابيل الرايح والجاي يطالع ردينا البيت وصلينا اثنينا ركعتين شكر لله وعقب بدينه نخبر الاهل والحبايب وكانو اهل زوجي كلش مستانسين لان هدا اول حفيد وابو زوجي توه مكمل شهر من وفاته الله رحمه واحنا كلش ماكنا متوقعين الحمل يوم نسينا الله عطانا .

كانت فرحة لا توصف والحين انا بالثامن ادعو لي الله يقومني بالسلامة ويرزقني البيبي سليم ومعافى يارب

ونسالكم السموحة على الاطالة