قولي لنا كيف خبرتي زوجج بأول حمل لج

مدري انا للحين ماقلت له زوجي يحب الاطفال موت ولما اكلمه يقول مابي اجيب عيال اخاف اصير اب قاسي اخاف مقدر البي كل طلباتهم فاللحين انا حامل ومابعد قلت له مدري اقوله ولالا واخاف انصدم برده فعله

موضوع حلو
يسلمووووو

خبرته سيييييده من عرفت بالحمل اتصلت له خخخخ

زوجي يموت على شي اسمه يهال,, من اول ما تزوجنا وهو يبي عيال وعقب اول شهر من زواجنا تاخرت علي 11 يوم قالي لازم تسوين تحليل وكانت اخته تشتغل بالمستشفى الي بمنطقتنا قالي خلي عينه وانا بوديها لاختي قلت له اوك....وعقب اتصلت فيني اخته تقولي نيجاتيف مافي حمل:( تضايقت شوي لكن ما بينت لها قلت لها لاحقه توني متزوجه<<<يا زعم مب مهتمه

المهم الشهر الثاني بعد تاخرت علي لكن قلت اكيد مثل الشهر الي قبله فما اهتميت وكان زوجي بيسافر اسبوع الامارات وكان موعدها وانا كنت احس باعراضها وكل شوي اقول اكيد نزلت و اروح وانتو الكرامه الحمام ومافي شي وعقب ما رجع زوجي من السفر سالني خلصتي الدورة قلت له للحين ما نزلت علي متاخرة المهم عقب كم يوم رحنا لاخته الا تسالني حملتي؟ قلت لها لا والله لكنها ماخرتني الا تقولي من عيونج شكلج حامل :-oوهي ما شالله عليها تعرف في هالسوالف شوي الا بنتها جايه سلمت علي الا تسالني حامل؟ قلت لها مادري الا امها تقول لها انشالله.. الا تقول بنتها مع انها اصغر مني تقولي مادري ليش احس شكلج متغير كانج حامل.. وانا من داخلي مشككه ومن طلعنا من عندهم اكر كان الوقت وااااااااااايد متاخر قلت لزوجي الحين تمر الصيدليه وتاخذ لي جهاز تحليل وهو مادري ليش ماكان متشجع هالمرة وذيك الليله ما قدرت انام كنت ابي احلل بسرعه وكان ساكن معانا اخوه بالشقه من طلع اخوه للدوام قمت على طول الحمام وسويت التحليل و وعلى طول طلعت الصاله وخليت باب غرفتنا مفتوح ولما طلع الخطين تميت مدة منصدمه مب مستوعبه الموضوع ابدااااااااا ((انا حامل))
حس لي زوجي الا يقول شمقعدج هالحزةقومي رقدي وانا بعدي مصدومه دخلته له الغرفه الا اقوله حبيبي طلع لي خطين الا يقولي يعني شنو<<<مسكين ما عنده خبرة
الا اقوله يعني حامل:o والله من الفرحه قام من فراشه يرقص وقام حضني وباسني على راسي وبطني وكان يبي يتصل يخبر امي بس قلت له تو الناس تبي تخرعهم من الصبح عقب خبرهم :L:والحمد لله ربي رزقني باحلى بنوته

بقول لكم قصتي :)

أنا ماجاتني الدوره من لما تزوجت وبعد شهر ونص تقريبا كان بعد إجازة عيد رمضان ع ماأذكر لما رجعت لعملي قالت لي الدكتوره تعالي أعملي تست الحمل بس أنا ماكنت مقتنعه بالفكره كنت أقول بيني وبين نفسي عادي هي دائما تتأخر علي فسويت التست وطلع خطين تخيلوا الدكتوره فرحت وضمتني وباركت لي وأنا كنت للحين مو مقتنعه فقالت بشري زوجك قلت لها لا لما أسوي تحليل مختبر (وأنتو بكرامه ) وأتأكد فسويت التحليل وطلع إيجابي:D فوقتها والله خفت كثير ماكنت عارفه شسوي بس خبرت زوجي ونبسط حيييييييل فديته:086: بس أتفقت أنا وياه مانخبر أحد إلا لما أخلص الثلاث شهور الأولى بس أمي فديتها كشفتني قالت لي شكلج متغير ولازم تسوين تحليل فقلت لها سويت وماطلع شي بس هي حاسه وقالت لي إلا أنتي حامل فكشفتني لما كنا نرتب غرفتي شافت حمض الفوليك وسألتني وجاوبتها ففرحت كثير وزعلت علي بس خبرتها أنو هذا كان أتفقنا أنا وزوجي فقلت لزوجي أنكشفت خطتنا:oفخبر عمتي فراح زوجي وأشترى تورتتين وكتب عليهم ألف مبروووك الحمل يالغاليه وأعطى وحده لأهلو والثانيه لأهلي ففرحوا كثيررررررلما عرفو بالخبر وطبعا هلت علي الأتصالات ففرحت حيل بفكرتو الله يخليه لي وقدم لي بهالمناسبه هديه رمزيه:G: وبس الله يتمم لي ع خير :L:

الله يرزق كل محروم

موضوع جميل

انا رحت العياده اسوي تحليل الحمل وكان ريلي في دوامه ورحت انا وعمي وعمتي وطلبت تحليل حمل وعقب سويت التحليل وطلعت حامل وعمي وعمتي فرحو وايد لانا اول حفيد لهم وبعدها قالت بخبر زوجي اني مو بحامل بشوفه شو بيقول بس للاسفه عمي سبقني وخبره وزوجي ما تاخر في الدوام من الفرحه ورد البيت وهو وايد فرحنا وصارت حفله في البيت وريلي كانت عيونه طياره من الفرح الحمدلله

لما احمل بخبركم لاني خمس سنوات ماحملت دعواتكم لي بذريه الصالحه

اما انا زوجي فيه برود مو طبيعي

ما يعرف يعبر لا عن شعورة بالفرح ولا الحزن

يعني هو استانس في قلبة بدون ما يفرحني معاه

قريب اكمل ثلاث سنين وما حملت ادعولي احمل وبخبركم

انا ماخبرته يوم سرنا المستشفى عرف هه