قصة ولادتي بطفله من متلازمة داون (الطفل المنغولي)

ياريت تكملي ياام هدويه الحلوه والله يخليها لج ....وتشوفيها من احسن الناس ....وانتي ماخليتينا نوسوس بالعكس عن ..نفسي انا استفدت اكثر ....من رحلة تعليمج لبنتج انا عندي ولد عمره سنه و6اشهر...بحاول اني اعلمه اكثر وازيد من ذكائه ...والله يوفقج..... ورجاء حار لا توقفين كتابه....

ذكرت الاختal 3ionأن بنت خالتها عندها طفل داون عمره سنه وثمان شهور ما يمشي ويطلع السانه على برع والسبب شفايف صغيره والسانه عريض وان الدكاتره قالو هشي
وانا انصح كل وحده عندها داون انا لو اهملت هدويه يمكن كانت تمشي 3سنين لان الداون لوكم يكمل اخرتها بيمشي بس بيكون وايد متأخر والله العالم لوشفتوني وانا ادربها على المشي بتحزنون عليه بديت وياها من عمر سبع شهور وتعبت وايد ما كان شي سهل مع انه فالمركز قالولي لاتبدين وياها ولو أم ثانيه بتقول هم يعرفون اكثر مني وليش اتعب نفسي من الحين وايد امهات اتصادفت وياهم ويفكرون بهالمنطق وكنت اسمع المعلمين يقولون حق بعض الامهات انتي هالهدف عندج من شهر اكيد ما بدربيه فالبيت والله اني كنت اطالع عيالهم وارحمهم اقول شو ذنبه اكيد بعد هو يبا يكون نفس الاطفال بس ما في ام تعلمه والله يشهد عليه ان في ام وقت تدريب ولدها ما تكون منتبهه كانت تكلمنا وتقول عندي بضاعه الي تبا تشتري براويكم بعد تدريب ولدي ولدها عمره فوق السنه ولا حتى يجلب وكل هذا اهمال وانا ما امدح نفسي اني كنت اييب افكار من عندي بس عسب اخليها تمشي والطفل الداون اول ما يبدا يمشي ما ادري كيف اوصفلكم بس يكون معتمد على يديه وريوله مثبتنهم على الارض وجسمه كامل فوق حتى فالمركز كنت اسمعهم يشبهون هذي المشيه بحيون ما اذكر شو اسمه وقبل لاتمشي هدويه سالتهم ليش يمشون بهطريقه قالولي ان الداون هذي بدايتهم فالمشي وبعد شهور يمشون عادي وقلتلهم وهدويه جذيه بتمشي فالبدايه وقالولي طبعا وصاربيني وبين نفسي التحدي ان مستحيل اخلي بنتي مضحكه بهالمشيه والله انها ما مشتها وكله توفيج من رب العالمين
وعن موضوع السان حتى في اطفال طبيعين اذا كان سرحان يطلع لسانه ويبدا يرون فما بالك الداون وهو لسان عريض لازم بيطلع لسانه بس هو ما يعرف الي يضره وين دور الام هنيه اولا الفم مفتوح والسان برع يتلوث الفم بكل شي موجود فالجو وتبدا الامراض ثانيا كشكل مش حلو لسانه برع وثيابه كلهن روان
وانا اقوللكم شكل الداون ابدا مش حلو وهو مطلع لسانه وشفت وايد امهات هاملين هالموضوع حتى من الاطفال الطبعيين وانا ام وهدويه كانت اصغيره ولما شفت منظرهم بهطريقه ما هانت هدويه عليه قلت مستحيل اشوفها بهطريقه والحمدلله هدويه ما اطلع لسانه والطريقه سهله وما يبالها تعب بس يبالها من البدايه كنت بس ادخللها لسانها داخل وقوللها عيب وأكون منتبهه اول ما اطلع لسانها اكرر نفس الشي ما اسويها مره فاليوم واقول ما اطيع تتجاوب ويايه شو اسويبها لاني شفت من الداون الي مكمل 10 سنوات مطلع لسانه وانا بقوللكم وبكل صراحه الداون الي يطلع لسانه وهو بدا يمشي مثل الاهبل الي مش عارف شي فهدنيا وهذا كله يرجع للام

يعطيج العافيه اختي والله والله لو اطولج كان بستج انتي تستاهلين اكثر الله يبارك فيج

ننتظر تكملة القصة ..... الصراحه ما شاء الله ع هدوية الله يحفظها أحسن من الاطفال الطبيعين .. اقري عليها


استفدت واايد من قصتج و قررت أعلم ولدي الاشياء اللي تسوينها حق هدويه هو عمره 10 شهور


أحس اني مقصره وياه بس بعد قصتج لازم ما أهمله أبد ...

حبيبتي حب الحياه دايم ذوق وما تقصرين ومرورج يسعدني

الغاليه طير السلام اي شي يصعب عليج قولليلي

سفوريه الله يوفقج فتعليم ولدج وطمنيني

ما شاء الله

ام هدى صباحوووووووووووووووووووووووووووووووووووووا و كيفها هدويه ......................................يلاااااااااااااااااااااا كملي القصة متشوقين

ما شاء الله على هدى

الله يحميها ويخليها لكم

الي تسويه وايد امهات ما يقدرون يسونه

الله يوفقك ويحميلك هدى ويرزقك اخوه واخوات لها

حبايبي كل الي مرو وما تقصرون واي استفسار من عيوني

قبل لا اكمل قصة هدويه بقوللكم شي وانشالله اتساعدوني
اليوم رحنا انا وحبيبتي هدويه المركز عسب يشوفون شو تعلمت ويعطونا اهداف يديده وطبعا ما خلت حد ما سلمت عليه بالخشم وبدأ تقيمها فالاهداف الجديمه والحمدلله كل شي عرفته وعطونا الاهداف اليديده اولا نباها تتعود انها ترمي الاوساخ فزباله وتودي الصحون فالمغسله قلتلها هالهدف انا بديته من عمرها سنه ونص من دون ما اتقولولي وانا دايم افاجاهم باهداف انا اعلمها هدويه قبل لايعطوني اياها فينحذف الهدف لانها تعرفه
ثانيا قالولي لازم تعرف اتقول بالنطق اجزاء الجسم فقلت بالاشاره تعرف كل اجزاء الجسم بس بنطق مش كل شي وهذا بنسبالي عادي انشالله بتقدر لاني بديت اعلمها نطق الحروف من دون ما يطلبون مني
ثالثا ولي صدمني واباكم اتساعدوني فيه واخاف اني ما اقدر اعلمها اياه اول ما بدا اتقيم كانت تسالها هدويه حبيبتي وين المربع وهدويه ترفع وين الدائره وهدويه ترفع وبعدين يابت دفتر وقلم وهدويه بدت اتشخبط فسالتها هذي اهداف جديمه تقريبا من سبع شهور البنت عندها مراجعة دروس وهنيه الصدمه قالتلي ما دام البنت شاطره لهدرجه انا بعطيكم هدف يديد الي هو رسم دائره انا هنيه انصدمت قلتلها يمكن انتي ناسيه كم عمر هدويه سنتين وشهرين قالت ما دام انتو تخلصون الاهداف اول باول بنعطيكم حتى مال السنه اليايه لان ما نعتمد
على العمر على الذكاء قلتلها مستحيل ما بتعرف قالتلي هدويه شاطره ومدام انتي امها بتعرف ويوم قلت حق ريلي عن الهدف قالي صدقيني انتي قده وبتعلمينها وانا احس اني ما اقدر البنت وايد صغيره والصراحه اباكم اتساعدوني كيف اعلمها بديت اليوم ارسم جدامها ومن ارسم الدائره تفرح وتقولي دايره وحاولت امسكها القلم بس ما ضغط عليها لاني دايم اختار الوقت الي يناسبها فتعليم مش يناسبني انا وطبعا هي توها واصله من المركز ومالها خاطر
وبنصح اي ام تبدا اتعلم ولدها تختار الوقت مايكون وقت رقاده اووقت يحب يلعب فيه ولا تضغط عليه ولا تعصب واول ما اتشوفينه مل خليه وحاولي دايم تغيرين عسب ما يمل حتى لو ما كان عارف يسوي الهدف ارجعيله بعدين
ولا تنسوني اباكم اتساعدوني:confused::confused::confused:

ام هدى ربي يقر عينك بصلاح بنتك الان عمر بنتك نفس عمر ولدي

وماشاء الله عليها كل اللي تقولين عنها نفس ولدي ولاهي متاخره بشي 000ربي يتمم لك بخير

الغاليه تسبيحات مشكوره على مرورج والحمدلله على كل شي

ام هدوي

الله يخليلج هدوي ويحفضها ربي من كل عين

انتي ام مثاليه مااااااااشاء الله عليج بارك الله فيج على صبرج وهتمامج بنتج الله يخليها لج يارب

مااااااااشاء الله تبارك الرحمن الي سوته هدوي ماسووه اطفال عاديين

انا اقول هدووي مافيها شي مافيها الى العافيه ان شاء الله وعقبال ماتشوفيها عروسه يارب


وان شاء الله البنات ينفعونج في الدروس الي تقولين عنها صدقيني لو اعرف مابخلت عليج

جزاج الله الف خير والله يجعلها في ميزان اعمالج يارب

احب اهني زوجك عليج ماشاء الله الله يخليكم لبعض يارب وتحملين وتجيبين اخ واخت الهدوي

بوسيليها قولي لها هاذي البوسه من خاله ام شهد عساالله يحميها ياااااااااارب

حبيبتي ام شهد كلامج وسام على صدري و الانسان مش محتاج الاهالكلام الطيب الي يطلع من القلب ويدخل القلب واحلى بوسه لهدويه من خالتها ام شهد
والصراحه الاخوات ما قصرن فرفع معنوياتي كلامهم احلى من العسل
وانا ادري لوعندج خلفيه ما بتقصرين وانشالله الاخوات يساعدوني

بسم الله ما شاء الله عليكي يا ام هدى الله يخلي لك هدى يالغالية وتشوفينها عروس

اسأل المولى تعالى يبارك لك في بنتك قرة عينك ويرزقك الذرية الصالحة ويسعدك ويهنيك

عزيزتي اهنيك على شجاعتك وحماسك الغير طبيعي وامومتك المثالية اللي ممكن تعد قدوة لكل امرأة حريصة على مصلحة اطفالها ..

غاليتي اختي الكبيرة الله رزقها بطفلة منغولية وعمرها حاليا ست سنوات ونصف جعل ربي يحفظها ما شاء الله عليها ذكية وحبوبة والحنان اللي فيها مو طبيعي ابدا .. كانت ولادتها لها بعد ثلاث ولادات طبيعية لولدين وبنت طبيعين ما شاء الله عليهم ..

بعد ولادتها مباشرة عرفت من الدكاتره انها من متلازمة داون ما صدقت وانتكست حالتها النفسية لولا اننا كلنا وقفنا معاها وزوجها له الدور الاكبر لانه وقف معاها في المحنه هذي وكان يحاول يهديها الى ان هدت واقتنعت ورضت بانها عطية رب العالمين .. وقدر الله انها تستعيد قوتها وصبرها بقربها من رب العباد ويقينها انه ابتلاء من رب العالمين ولها الاجر بتربيتها ان شاء الله ..

كانت نازلة ووزنها كيلوين ونصف مع انها مكمله التاسع وعندها فتحه بالقلب بالاضافة الى مشاكل بالتنفس وصفار شديد لدرجه انهم خلوها بالمستشفى لاكثر من عشر ايام ..

اول ما خرجت من المستشفى اهتمت برضاعتها رضاعة طبيعية بدون اي حليب صناعي وتغذيتها بكل ما يمد جسمها من فيتامينات واذكر انها كانت تعمل لها مساج مرتين يوميا بزيت الزيتون واحيانا بزيت النارجيل والكل يعرف اهمية المساج وفوائده للطفل من حيث تقوية البدن واثره على حالته النفسية وخصوصا لمن تكون الام بحنانها وتواصلها هي اللي تسويه له .. كملت سنه ومشت حبيبتنا عائشة:rolleyes:

وتسكرت الفتحة اللي كانت عندها بالقلب بارادة رب العالمين .. وما تأخرت في النطق لان اختي كانت مثلك تماما تدربها على النطق وتعاملها معاملة اطفالها الطبيعين واعتقد ان هذا كان له دور في الانجاز اللي وصلت له معاها لانها كانت لمن تشوف اخوانها يسوون شي تحاول انها تقلدهم وبتشجيع من الام والاب والاخوان كانت تنجز الحركة المطلوبة بفرحه ما تنوصف:)

بمساعدة مركز التأهيل لم تتوانى او تتقاعس لحظة عن همتها رغم ان المركز كان جديد وكل ما يقدم فيه كان تطوعي ومن باب التجارب لكنها لم تكتفي بالمركز بل دأبت على تدريها وتعليمها بالبيت وكانت تشجع اولادها على الاهتمام بأختهم وتشجيعها وكانت تذكرهم دائما بأنها محتاجة لمساعدة كل من هم حولها بالبيت لتصبح افضل ..

دخلتها الروضة مع الاطفال الطبيعين لانها لم تكن اقل عنهم في المستوى ومن ثم التمهيدي ولكنها ظلت في مرحلة التمهيدي لفترة اطول حتى تصبح بمستوى يؤهلها للدخول للصف الاول الاساسي وحاليا تم قبولها ولله الحمد في مدرسة خاصة بالصف الاول هي تأخرت سنه عن الدخول ولكن عسى ان تكرهوا شيئا وهو خيرا لكم

لا زال هنالك بعض الصعوبة في نطقها للحروف بشكل واضح لانها تستعجل احيانا في الكلام وعن تجربه يا غاليه اقول ان اطفال متلازمة داون بالفعل اطفال اذكياء جدا ويتعلمون بسرعة وهم حساسين جدا وعاطفيين جدا ومطيعين جدا خصوصا لمن يحبهم والله اني لمن اتعامل معاها احس اني اتعامل مع طفل تعدى العاشره من كثر ما هي عاقله ومؤدبه .. بعد ما كملت عائشة اربع سنوات حملت اختي وجابت ولد طبيعي الله يحفظه وكانت عائشة فرحانه كثير بأخوها وتساعد اختي بالاعتناء فيه وتربيته..

عقبالك يا الغالية ما شاء الله عليكي صبرتي وتعبتي ونلتي وان شاء الله حيكون لك الاجر والثواب العظيم على ما بذلتيه بالاخره ..

في المرحلة القادمه اهمس بأذنك واقول لا تنسي الاناشيد يالغاليه ركزي على الاناشيد واساليب التعليم البصرية والسمعية اقصد هناااا الكمبيوتر وجيبي لها الاسطوانات التعليمية المختلفة للاطفال كلا في مجاله اللغة والحساب ما يتخللها من صور ملونه للحيوانات وغيرها وصوت يشدهم ويجذبهم للتعلم وهي تساعدهم بشكل كبير على النطق

ولانك ام حقيقية فأنا متأكدة ان غريزة الامومة ستقودك لتقديم كل ما هو افضل لبنوتك الله يحفظها لك ويسعد قلبك بشوفتها عروس .. اذكر ان اختي اثناء لقائها بأحد الدكاتره الاجانب اخبرها ان ابنة احد من زملائة عندها متلازمة داون وهي طبيبة بالخارج كما انها تجيد ثلاث لغات .. لا شي مستحيل بالرغبة والارادة والحب ستتمكنين من اجتياز كل ما هو صعب

اسمحي لي على الاطالة بس قصتك واسلوب سردك شدني لانك كتبتي من قلبك فحبيت اقولك انك (y)

نسينا الدائرة .. الدائرة امممم ليش ما تسوين لها نقاط بالاول حبيبتي على شكل دائرة وبعدين تطلبين منها انها توصلهم لحد ما تقدر تمسك القلم وتميله بالطريقه الصحيحة وبعدها تطلبين منها انها ترسم لوحدها

دمتي بحفظ من لا تنام عينه:15:

مشكوره الغاليه فوضى الاحاسيس وكلامج ماشالله كله حكم والله يخليلكم عائشه ومشكوره على النصائح والله لا يحرمني من نصائح الاخوات

مرحبا أم هدووية

رايي من راي اختي فوضى الاحاسيس

و عندج مركز التعليم المبكر بتحصلين عندهم كتب و أشياء تعليميه

و في مكتبه في بوظبي في الخالديه مول اسمها ( book worm (

عندهم كتب أطفال روووعه و لكل الاعمار خذت كتابين من عندهم و ولدي واايد مستانس عليهم

و عندهم فرع في دبي في شارع الوصل في جميرا بس ما أعرف في اي مركز

و في كتاب اسمه 150 طريقة لتنمية ذكاء الطفل من الولادة حتى 6 سنوات

خذته من معرض الكتاب شوفي يمكن تحصلينه في المكتبه ...

و بعدين انتي ما شاء الله عليج ما قصرتي ويا بنوتج يت ع رسم الدائرة

انتي علمتيها أشياء أصعب من جي ،، انتي قدها لا تيأسين

و هدوية الله يحفظها ذكية و بتقدر ترسم الدائرة ان شاء الله

سوي اللي عليج و توكلي ع الله ...

الغاليه طير السلام مشكوره على النصائح وما اتقصرين وانا كل شي اخذه حق هدويه من مركز التعليم المبكر والصراحه عندهم اشياء روعه فادتني فتعليمها وانا كل فتره امر اشوف يديدهم لان هدويه يبالها شهريا ادوات تعليميه وعن المكتبه بدورها فجميرا والصراحه ما قصرتي

فوضى الاحاسيس;5592693:
بسم الله ما شاء الله عليكي يا ام هدى الله يخلي لك هدى يالغالية وتشوفينها عروس

اسأل المولى تعالى يبارك لك في بنتك قرة عينك ويرزقك الذرية الصالحة ويسعدك ويهنيك

عزيزتي اهنيك على شجاعتك وحماسك الغير طبيعي وامومتك المثالية اللي ممكن تعد قدوة لكل امرأة حريصة على مصلحة اطفالها ..

غاليتي اختي الكبيرة الله رزقها بطفلة منغولية وعمرها حاليا ست سنوات ونصف جعل ربي يحفظها ما شاء الله عليها ذكية وحبوبة والحنان اللي فيها مو طبيعي ابدا .. كانت ولادتها لها بعد ثلاث ولادات طبيعية لولدين وبنت طبيعين ما شاء الله عليهم ..

بعد ولادتها مباشرة عرفت من الدكاتره انها من متلازمة داون ما صدقت وانتكست حالتها النفسية لولا اننا كلنا وقفنا معاها وزوجها له الدور الاكبر لانه وقف معاها في المحنه هذي وكان يحاول يهديها الى ان هدت واقتنعت ورضت بانها عطية رب العالمين .. وقدر الله انها تستعيد قوتها وصبرها بقربها من رب العباد ويقينها انه ابتلاء من رب العالمين ولها الاجر بتربيتها ان شاء الله ..

كانت نازلة ووزنها كيلوين ونصف مع انها مكمله التاسع وعندها فتحه بالقلب بالاضافة الى مشاكل بالتنفس وصفار شديد لدرجه انهم خلوها بالمستشفى لاكثر من عشر ايام ..

اول ما خرجت من المستشفى اهتمت برضاعتها رضاعة طبيعية بدون اي حليب صناعي وتغذيتها بكل ما يمد جسمها من فيتامينات واذكر انها كانت تعمل لها مساج مرتين يوميا بزيت الزيتون واحيانا بزيت النارجيل والكل يعرف اهمية المساج وفوائده للطفل من حيث تقوية البدن واثره على حالته النفسية وخصوصا لمن تكون الام بحنانها وتواصلها هي اللي تسويه له .. كملت سنه ومشت حبيبتنا عائشة:rolleyes:

وتسكرت الفتحة اللي كانت عندها بالقلب بارادة رب العالمين .. وما تأخرت في النطق لان اختي كانت مثلك تماما تدربها على النطق وتعاملها معاملة اطفالها الطبيعين واعتقد ان هذا كان له دور في الانجاز اللي وصلت له معاها لانها كانت لمن تشوف اخوانها يسوون شي تحاول انها تقلدهم وبتشجيع من الام والاب والاخوان كانت تنجز الحركة المطلوبة بفرحه ما تنوصف:)

بمساعدة مركز التأهيل لم تتوانى او تتقاعس لحظة عن همتها رغم ان المركز كان جديد وكل ما يقدم فيه كان تطوعي ومن باب التجارب لكنها لم تكتفي بالمركز بل دأبت على تدريها وتعليمها بالبيت وكانت تشجع اولادها على الاهتمام بأختهم وتشجيعها وكانت تذكرهم دائما بأنها محتاجة لمساعدة كل من هم حولها بالبيت لتصبح افضل ..

دخلتها الروضة مع الاطفال الطبيعين لانها لم تكن اقل عنهم في المستوى ومن ثم التمهيدي ولكنها ظلت في مرحلة التمهيدي لفترة اطول حتى تصبح بمستوى يؤهلها للدخول للصف الاول الاساسي وحاليا تم قبولها ولله الحمد في مدرسة خاصة بالصف الاول هي تأخرت سنه عن الدخول ولكن عسى ان تكرهوا شيئا وهو خيرا لكم

لا زال هنالك بعض الصعوبة في نطقها للحروف بشكل واضح لانها تستعجل احيانا في الكلام وعن تجربه يا غاليه اقول ان اطفال متلازمة داون بالفعل اطفال اذكياء جدا ويتعلمون بسرعة وهم حساسين جدا وعاطفيين جدا ومطيعين جدا خصوصا لمن يحبهم والله اني لمن اتعامل معاها احس اني اتعامل مع طفل تعدى العاشره من كثر ما هي عاقله ومؤدبه .. بعد ما كملت عائشة اربع سنوات حملت اختي وجابت ولد طبيعي الله يحفظه وكانت عائشة فرحانه كثير بأخوها وتساعد اختي بالاعتناء فيه وتربيته..

عقبالك يا الغالية ما شاء الله عليكي صبرتي وتعبتي ونلتي وان شاء الله حيكون لك الاجر والثواب العظيم على ما بذلتيه بالاخره ..

في المرحلة القادمه اهمس بأذنك واقول لا تنسي الاناشيد يالغاليه ركزي على الاناشيد واساليب التعليم البصرية والسمعية اقصد هناااا الكمبيوتر وجيبي لها الاسطوانات التعليمية المختلفة للاطفال كلا في مجاله اللغة والحساب ما يتخللها من صور ملونه للحيوانات وغيرها وصوت يشدهم ويجذبهم للتعلم وهي تساعدهم بشكل كبير على النطق

ولانك ام حقيقية فأنا متأكدة ان غريزة الامومة ستقودك لتقديم كل ما هو افضل لبنوتك الله يحفظها لك ويسعد قلبك بشوفتها عروس .. اذكر ان اختي اثناء لقائها بأحد الدكاتره الاجانب اخبرها ان ابنة احد من زملائة عندها متلازمة داون وهي طبيبة بالخارج كما انها تجيد ثلاث لغات .. لا شي مستحيل بالرغبة والارادة والحب ستتمكنين من اجتياز كل ما هو صعب

اسمحي لي على الاطالة بس قصتك واسلوب سردك شدني لانك كتبتي من قلبك فحبيت اقولك انك (y)

نسينا الدائرة .. الدائرة امممم ليش ما تسوين لها نقاط بالاول حبيبتي على شكل دائرة وبعدين تطلبين منها انها توصلهم لحد ما تقدر تمسك القلم وتميله بالطريقه الصحيحة وبعدها تطلبين منها انها ترسم لوحدها

دمتي بحفظ من لا تنام عينه:15:

الغاليه بس ابي اسال اختج كانت تاخذ حبووب ولا تعرضت لاشعه ؟؟

والله ياام هدى ا ني متابعه قصه حبيبتي هدوي

الله يوفقج معاها ويسعدكم ويقويج ويعطيج على قد نيتج ويخلي لج هالحلوه