قصة ولادتي بطفله من متلازمة داون (الطفل المنغولي)

الغاليه دموع العراق والله انا خاطري احمل لأن هدويه الحين كملت السنتين وشهرين وكلمت مره ثانيه ريلي بعد ما كملت السنتين اني احمل وهو رافض الموضوع وانا مركبه لولب وما اقدر اشله الا بشوره والله يعلم اني اقول انشالله احمل والصراحه حصلت وحده تقول انها اتزوجت ولد عمها وهي عمرها 17 واول مولود داون وثاني مولود بعد داون وانا ابدا مش خايفه اني اييب داون مره ثانيه لان قليل الي يجيبون ثنين بس انا حصلت كذا وحده
ملاحظه
اول سؤال للام الي جايبه داون زوجج يقربلج ثانيا كم عمرج ثالثا اخذتي اي ادويه وانتي حامل
اي دكتور اروحله يسألني هالاسأله

الله يحفظ لك البنوته يارب


وربي يتمم عليها شفاءها ويكللها بالعافية




وصار لازم تورينا اياها هالاموره الحلوه


انا من كلامك عنها حسيت انها اروع مايكون واجمل من ان توصف



اعذريني لهالطلب بس حبيت اشوف هالبنوته المحظوظه بأم مكافحه ومجاهده مثلك



ربي يساعدك ويوفقك لتربيتها وتجيبي لها اخوه واخوات أصحاء


وعندي سؤال حبيبتي

اللي فهمته منك ان سبب متلازمة داون انك تشربين ادويه اثناء الحمل ؟؟؟


هل كلامي صحيح ولا في اسباب ثانيه



الله يحفظ هدويـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــه

الغاليه ام جود القمر الصراحه الدكتور الي قالي هالكلام والله العالم
وعن صورة حبيبتي هدويه والله اني ما اكذب عليج شوفي الصوره الشخصيه لملاك الرحمان وايد تشبه هدويه وقبل لاتسالين كنت بقول هالموضوع بس هدويه مش بيضه لهدرجه وخشم هدويه شوي غير على احلى ولا الشكل ككل هدويه الثانيه بس هذي ما شالله وايد بيضه ونفس خدودها وشعرها ناعم ناعم انعم شعر فالعائله شعر هدويه واذا قدرت بحط صورتها بس لازم استاذن ريلي وبتقولون اختها بس اسمر شويه وانا يوم شفت الصوره انصدمت حسيت اني اشوف بنتي هدويه

اول مره موضوع يشدني كدا انا توني صاحيه من النوم وعلى طوال فتحت على موضوعك الله يحميها ويشفيها وتشوفيها احلى البنات بجد اختي عندك قيام الليل مره مفيد وادعي ربك واحاولي تقنعي زوجك ان تحملي طيب ليش ما تاخذي عمره وتغسلها بموية زمزم وتشربها بنية الشفاء وتاخذي معكي مويه زمزم لما تروحي لبلدك وتشربها عل طوال نصيحة اذ قدرتي تاخذي عمره ولا تنسي قيام الليل والدعاء فكري في الموضوع واعرضي على زوجك
لي عوده

الله يخليها لج ان شاء الله وتفرحين بيوم عرسها ان شاء الله ....

افتخر ان في اناس مثلج ياختي الغاليه قليل الا نشوفهم اول مايعرفون ان في البيبي شي على طول يرمونه المستشفى للان ماعندهم ايمان ولا صبر بس انا اشكرج على شجاعتج وان شاء الله اللي تسوينه فيها اللحين بيساعدج لما تكبرين وبتتذكرين ان انت ربيتي وعلمتي صح الله يعطيج العافيه وانا اعطيج الوسام الذهبي روحي والله وياج دائما يحرسج ويحرس بنتك الغاليه

سبحانك يارب

والله قصتج للناس الي يبون عيال اول ما ينولدون يقولووون هذا اسمر وهذا ابيض وهذا خشمه كبير وهذا عيونه صغيره .....الخ

الواحد يقول الحمدالله علة كل حال...وانا يا اختي والله اعتبر الاطفال المنغولين جدا عادين وطبيعين واعرف انهم اذكياء ماشاء الله عليهم,,,

لان انشوفهم حاولينا فالمجتمع يسوون كل الي احنا انسويه....بس الطب يحكم على الشكل..

الله يحفظها يارب من كل عين..وينوور دربها يارب وحاولي تحفظينها القراءن شوي شوي من الحلين..


وقري عليها المعوذات ويارب تكون باره لكم يارب

ماشااااااااااااااء الله عليج والله اني قعدت اصيح وانا اقرا قصتج .... ماشاء الله لا اله الا الله والله يخليها لكم يارب
ماقدر اقول اكثر من جذي ويبعد عنها الحساد يارب

الغاليه ليمونه الصغيره انا فكرت فموضوع العمره واني اشلها ويايه بس ريلي قالي اصبري خليها تكبر شوي وبنروح
وانا شربتها ماي زمزم وهي صغيره لمدة سنه الله يعطيها الخير وحده عندها ولد داون نصحتني هالنصيحه وماشالله على ولدها جنان
وعلى الدعاء من يوم ولدتها فكل صلاه وفسفر ونزول المطر انا ادعي ربي انها تكون طبيعيه
اما الحمل خلاص ما اقدر اناقشه من أسبوع اتكلمنا عن الحمل وهو رافض يقول تدخل هدويه المدرسه وبعدين تحملين والصراحه انا ما ابا ااخر موضوع الحمل فدعولي احمل اذا فيه خير لي

الغاليه عروس الموج فكره حلوه و فبالي بس هي الحين بس تقول كلمات ما تتكلم وايد والحين باديه وياها فالاذان اخليها تردد ورا الاذان
حبي حب الحياه تسلملي ردودج ودايم تردين عليه بس ما طمنتيني عليج
واشكر اثير الروح وmeeeeraعلى الكلام الطيب

بصرااااااااااااااحة ياااااااااااااابختج في هدى ويا بخت هدى فيييييييج




أم رووووووووووعة بكل مال للكلمة من معنى عن جد جد رووووووووووووووووعة




الله مسخرنج لها وياااااااااااارب يخليها لك من خلال كلامك مبين ان النسبة ضئيلة




وان شاء الله ما تأثر والدليل على انها ماشاء الله قعدت عل على ستة شهور



ومشت سنة ممتااااااااااز هذا الطفل الطبيعي جدي واصلا ساعات



يتاخر على حسب عظامة جسمه وصلابته فانتي بنتج ماشاء الله عليها



شطورة ..والله ان الدكتورة اللي رحتي لها قهرتننننننننننني



ولو اني منج ان جان جاني احباط شديد انسي كلامها وعيشي احلى ايامج



مع هدوية ..بالنسة للحمل اتأخري عليها شوي



لما تكمل خمس تقريبا او اربع على الاقل لأنها صغيرة وتحتاج اهتمامج



ومو شرط انتي جبتي واحد داون تجيبي غيره هذا اذا كان عندكم وراثة يصير




اما اذا طفرة ما اعتقد تتكرر ويارب يرزقك بطفل سليم معافى




بالنسة للخلل اللي صار في الكروموزومات مو شرط ان بعد ما تم الحمل



صار الخلل احتمال قبل الحمل انتي كنتي ماخذة حبوب هذا اللي خلى



البويضة ما تتحد بالشكل الطبيعي ولو انها وراثة ان جان صارت النسبة قوية



والله اعلم ..عموما لا تحاتييين انتي عندج ملااااااااااك ويارب يهنيكِ فيها ..
تصدقين صار خاطري اشوووووووووفها ياربي الله يحميها من كل عين ..

نكمل
انا دايم احضر محاضرات لمتلازمة داون والصراحه وايد استفيد حتى الام الي عندها اطفال طبيعيين تستفيد فتربية عيالها لان في وايد اطفال طبيعيين ما يسمعون الكلام مزعجين اومحصلهم الدراسي ضعيف الخ تعلمج كيف تتعاملين ويا طفلج وتغيرينه مره حضرت محاضره دينيه عن متلازمة داون والله ان القشعريره ما تخوذ عنج وانتي تسمعين لشيخ عمر عبد الكافي والصراحه وايد امهات كانو موجودات وانا ولي حذالي من بدا الشيخ لين خلص ونحن نصيح الصراحه كنت اصيح من الفرحه ان ربي عطاني طفله من متلازمة داون يقول خاطرج تاكلين ملاك عندج فالبيت هم من المبشرين بالجنه تبين يكون مثل الخط الساخن بينج وبين ربج الخط عندج والسبب هذا الطفل تبين اتشوفين ملاك يمشي على الارض شوفي طفل متلازمة داون تبين الله يشفعلج احسني معاملتج لهطفل والاجر لأي حد يعامل هطفل بحنان يقول تبين شي يدخلج الجنه احسني تربيته تبين طفلج يكون في حنان الدنيا كلها موجود فهالطفل هذا الطفل كل الصفات الحميده فيه ما يعرف يكذب ولا يكره ولا ينافق كلام وايد يخليج تحمدين ربج ان الله عطاج هالطفل الحمد لله يارب هذي رحمه من رب العالمين

حبيبتي قطرات الندى كلامج وايد عيبني مشكوره فديتج

الف الف الف مبروك اختي
وحمدلله على كل شيء
وحمدلله على سلامتج

الله يقويك أختي هدويه
موفقه ياااااااااااااااااااااااااارب

[COLOR="RoyalBlue"][/COالف الف مبروك عالبنوته الجميله ويارب تكون باب لدخولكم الجنهLOR]

نكمل وانا بقوللكم الاشياء الي اتسويها وانتو قولولي الطفل الطبيعي يسويها فهسن
حبيبتي هدويه بعد ما كملت السنه ونصف صارت تعرف كل اجزاء الجسم ولو اتشوفونها يوم اسالها وين عيونج هدويه تبربش برموشها وبعدها طلبو مني اني اعلمها تغسل الويه واليدين قلتلهم وايد صغيره اذا طبيعي فهسن ما يعرف قلت بتوكل على الله يبتلها كرسي وحطيته عند المغسله لانها ما طول وانا اسوي وهي اتسوي ورايه ما شالله عليها من اول مره اتعلمت بعد ما خلصت يلست اتصفق وتقول شاطره انا علمتها انها اذا سوت شي اصفقلها واقوللها شاطره لا واول شي تغسل يدينها بعدين ترفع ايدها وتتغسل ويهها وصارت كل ما تاكل تروح عند المغسله بروحها تتغسل وتعرف تفتح الماي
اذا شافت اوراق مرميه فالصاله تقوم اتنظف البيت وترميهم فزباله وبعد كل وجبه اتودي الصحون المطبخ تييب الكرسي وتطلع عليه وتحطهم فالمغسله وانا كل ما اتسوي شي شغاله فهصياح وقت الاذان تيلس اتردد وياه ونص الكلام مش مفهوم بس اجنن وهي تردد اتسوي مثله بالضبط وانا يبتلها سياده صغيره اتيبها واتصلي فالبدايه كانت من تسجد ما اتقوم لين ما اخلص صلاه وكنت اموت عليها من الضحك بس بعد فتره فاجأتني اذان الاذان ورحت اصلي وهي بدت قبلي وكانت اتصلي بس من دون كلام وتقول الله واكبر وتركع وتقوم واتسوي مثلي بالضبط وانا اطالعها لاني ما بديت صلاتي مستغربه وصحت من قلبي من الفرحه وحمدت ربي وقلت لابوها تعال شوف بنتك تم يضحك من الفرحه وانا اصيح وكل هذا لاني فكل صلاه اخليها اتشوفني وبعد ماكملت سنه وسبعه شهور علمتها الاشكال الهندسيه وبديت معها فدائره والمربع وكنت متردده شوي اعرف اني بتعب وياها ويمكن ما تتعلم ورحت وشتريتلها الاشكال بالخشب وخذتلها العاب تعليميه والصراحه بعد شهر حبيبتي هدويه اتعرف الاشكال وتميزهم واذا سالتيها وين المربع تقدر اطلعه وحتى الدائره وعلمتها تبني برج مع التركيز انه ما يطيح وعلمتها تيبب خيط وخرز ونسويلها عقد وهذا يزيد من تركيزها وعندها دفتر وقلم بديت اعلمها اتشخبط ومن يومها وهيه شغاله فتشخبيط ويا ويله الي ياخذ دفترها وقلمها والحين ابا اعلمها ترسم علامات بالقلم مثل الزايد والناقص
وهدويه ما اطلع لسانها برع مثل الداون انا علمتها انه عيب لان شفايفهم صغيره والسانهم عريض
وهدويه حبيبتي كل صبح تقوم تبوسني انا وابوها عاد يعني صباح الخير وكل صبح وتودي ابوه لحد السياره اتودعه بيروح الدوام وهو تعود حتى اذا كانت نايمه نصحيها عشان توديه
هدويه اتحب الون الاحمر والاصفر وتبا كل اغراضها بهلونين
واذا طلعنا وما شلينها ويانا اول ما نرد تقول وين الهديه ولو تسمعونها وهي تقولها وتفتش فالاغراض ادور هديتها ونحن كل ما نطلع لازم هديه حق حبي هدويه
اتعرف الحيوانات وتقول اساميهم مثل الاسد والبطه والحمامه وتموت على البطه وتعرف تقلدها
واذا تحطيلها برامج اطفال اوعالم الحيوان فتلفزيون ماتحب احد يزعجها
الحين ابا اعرف الفرق بينها وبين الطفل الطبيعي هل الطفل الطبيعي يسوي اكثر من الي اتسويه حبيبتي هدويه فهلعمر وانشالله بكمل واتريا ردودكم

عسى ربي يحفظهاا ويسخرها لج ...

انا بنت خالتي عندها ولد كيوووووووووووت عمره سنه و8 شهور وهو داون بس فديته يحبي ومب مخلي علينا شي يحب يتعبث ب كل شي عسى ربي يحفظه وصدق تحسينه عفوي ويتكلم يقول بابا ومم (يعني اكل).. دادا واي حركه يشوفنا نسوي يسويها ... بس شكله يميل للداون بس انا احسه طبيعي ماشاء الله عليه

وانتي ماشاء الله عليج خليتيها تمشي من سنه ... هو فالمشايه يمشي بس يعاند لما نبي نمشيه مايرضى
بس بروحه يتعلق فالكراسي ويوقف ويحاول


فديت هدويه عسى ربي يحفظها لكم ويرزقج بالذريه الصالحه عسب يونسون اختهم

ماشاااااااااء الله عليها بنتج الله يبعد عنها الحساد

وصدقيني عندي احساس انها لما بتكبر بتصير شي ف المجتمع لان الداون اذكياااااااااااااااااااااء اكثر عننا وانتي مهتمه فيها وباديه من الصفر

فديتها عجبتيني لما علمتيها ان تدخل لسانها لان بنت خالتي كل ماقلنا لها خليه يدخله تقول شفايفه صغيره اقول لها حاولي معاه مب اي شي يقولونه الدكاتره تسوينه

الله يسـاعدج و يقدرج إنج تعطينهــا كل اللي تقدرين عليه