قصة ولادتي بطفله من متلازمة داون (الطفل المنغولي)

يا ربيييي

ماشاء الله عليج و على صبرج...الله يقويج و يثبت قلبج و يخليلج ريلج..ويحفظلكم هدويه و يرزقكم اخوان و اخوات لها ...قصتج وايد اثرت فيني...

طمنينا عليها دايما...وان شالله بجهدج وياها وباراده رب العالمين تستوي شرات الاطفال الطبيعيين

اختي الغاليه قصتج اثرت فيني وصبرج وطولت بالج حسستني ان احنا يالنسوان نقدر نسوي المستحيل واللي يقول عنا ان احنا ضعاف يكون مليون غلطان ادعي من كل قلبي لج ويزيد صبرج وادعي لبنتج ان الله يكون معاها مادام الله رازقها بام مثلج ان شاء الله ماعليها خوف ..الله يحفظها ويحفظك امين ثم امين... بوسي بنتج مني لها والله يخليها لج وتكبر وتشوفينها عروس وتعزمينا على عرسها ان شاء الله

فدييتج والله
الحمدلله على سلامتج وسلامه البنوته الحلوه فديتها ياربي
وهذي هديه حلوه من رب العالمين لا تفرطين بها
وانشالله نسبه متلازمة داون فيها تكون خفيفه وايد وانشالله تعرفين تتعاملين وياها وتكون طفله طبيعيه ..
بس انتي لا تيأسين والله كريم

يابعد عمري الله يصبرج وتكون لج من الذريه الصالحه وتفتخرين فيها وترفع راسج فوق
فديتها خلي ايمانج بالله قوي وانتي تبارك الله ام فاهمه عسى الله يهنيها فيج
والله يحفظكم

صراحه يا هديه في البدايه قصتج وايد عورت قلبي و خلتني أصيح..أنا أحين حامل و حطيت نفسي بدالج فحسيت بشيء من الغصه بس لما سمعت تقدم بنتج و اصرارج على أنها ما تكون مثل الأطفال المغوليين والله غمرتني فرحه و داخليا أحس أن بنتج مش من الأطفال المغوليين و هي بس يمكن إيدها جي..بس الزمن كفيل أن يثبت هذا الشيء..والله يعطيج الصبر يا رب و يجزيج على تعبج و يسعدج و يفرحج فيها امييييييين

الله يخليها ويفرحش فيها يارب

عفية لا تطولين علينا

ما تدرين شكثر اغبط هدية على الام اللي عندها

الله يخليكم لبعض و ما يحرمكم

و يضيع تعبكم على الفاضي

بس عندي ملاحظة لو اعرف الدكتورة اللي قالتلك ايسي منها كان رحت خنقتها شنو هالتخلف؟؟؟؟؟؟!!!!!!!!!

الحمدالله رب العالمين هذه كتبت الله:)

والله يخليلج هدويه الحلوه ماشاءالله عليها الحمدالله وان شاءالله تكون نسبة المرض خفيييفه وماتاثر عليها :)

وهذا من كلمج ومن تطورتها واضح انها بسيطه:)

الله يخليها لكم وتتربى بعزكم

وخلي ايمانج قوي بالله

أول شي ألف مبروك يالغاليه وتتربى بعزج يارب وبعز أبوها وبصراحه شوقتيني على شوووووفت القمر وأهنيج على الاسم اللي أخترتيه لها واااااايد حلو ..
حبوووووووبه اللي انتي قاعد تمرين فيه هذا أبتلاء من ربج وماتدرين لو أنه خيره لج بس سبحان الله ربج يأخذ ويعطي وانتي ماتدرين شنو الموهبه اللي ربج رزقها وأنا تخصصي بالجامعه رياض أطفال وأخذت وايد مواد عن الدوان ورحت لمركزهم وبصراحه وايد طبيعيين ولا تنسين الحين في نظام دمج أطفال الداون مع الاطفال العاديين وهذا شنو معناته انهم عاديين ..
ولا تخلين الشيطان يلعب فيج وتفكرين بالطلاق وبعدين راح تدمرين اسره المفرووووض ان هدوووويه تتربى بينكم ..


(( ومشكـــــــــــــــــــــــــــــــــــــــــــــــــــوره ))

والله حبايبي كل الي مرو وايد رفعتو من معنوياتي وكلامكم وايد عجبني انشالله فميزان حسناتكم ويخليلكم عيالكم وانتو تعرفون اثر الكلمه الطيبه عند رب العالمين كلمة الشكر شويه ما ادري شو اقوللكم الحمد لله رب العالمين وانشالله يفرحني ويفرحكم دايم واي أستفسار ما ابا اي وحده تستحي مني اسألو على راحتكم يمكن في معلومات ابا اقولها ونسيتها

(¯`•.•´¯) (¯`•.•´¯)
*`•.¸(¯`•.•´¯)¸.•´

·.¸¸.·´¯`·.¸¸. السلام عليكم ورحمة الله وبركاته! ·.¸¸.·´¯`·.¸¸.



يا حبيبتي.. بنتج ما فيها شي باذن الله..
وهالخرابيط من كلام الدكاتره لا تحطينه في بالج..
تمي على خطاج وباذن الله بنتج طبيعيه شرات اي طفل طبيعي..
وربي يحفظج ويثبتج ويرزقج الخير من وراها.. البنات يجلبون الرزق ويغيرون واااااااااااايد في حياة الاهالي..
وما عليج من الي حواليج ان مر اي حد يحبطج.. تذكري الله وقوي نفسج اكثر واكثر..
وربي يحفظكم..

اذكر يوم ولدت بنتي الاولى سعيده قالولي ان ريولها مش طبيعيه وكبرو الموضوع عقو لي قلبي.. تميت اصيح انا وزوجي.. وعقبها عطوني نعال تكرمين خاص اونه لبسيها يوميا يوم تنام وانا كلما اشوف بنتي اصيح احس ان انا السبب لاني واااااااايد كنت اسوق وجلستيكلها غلط.. وتميت اسويلها مساج انا وامي وزوجي ونقرى عليها.. وعقب الاربعين كانت عندي مراجعه.. وحده من الدكاتره شافتها ف سالتني شو مشكلت بنتج قتلها ما ادري قالولي ريولها فتمت اتشيك قالت لي ابد ما فيها شي من قالج انه ريولها مش طبيعيه قتلها انتو.. حسيت انها انصدمت فقالت لا نحن مرات ناخذ الاحتياط نسوي شي علشان نتجنب شي وكلامها مش مقنع وتمت اتلف وادور.. وطلع كلامهم خرررررررررررررط..

وغير هالقصه مليون قصه ومش كل كلام من الي يقولونه صح..

الحمد لله على السلامة والف مبروك.....
والله يخلي لك هدويه ويخليك لها
وماعليك من كلام حد وبنتك مبين انها طبيعيه
الله يخليها لك

ورجعنا لحبيبتي هدويه المشكله فمتلازمة داون لازم تعلمينهم كل شي كيف يمسك الاغراض كيف يقوم اذا كان يالس وبيوقف اذا كان نايم وبيلس وبعدين بيوقف الحار والبارد كيف يطلع الدرج كيف يلعب استغمايه كيف ياكل ويشرب كيف يفتح ويبند الشي كيف يقول ارفعوني فوق لازم يعرف يرفع ايده ويسوي مع السلامه ويكون عارف معناتها هذي امثله واشياء وايد غير ويبالها صبر من الام وما تتركه حتى يتعلمها لوتيلس شهر مع الهدف الي لازم يسويه يعرف اجزاء الجسم اتصورو اي حركه انسويها لازم نعلمه ما يكتسبها بنفسها حتى النطق
لكن هدويه ماشالله عليها شاطره وبعد ما كملت 7 شهور بديت وياها اعلمها المشي قلت ابدا وياها من الحين عسب ما تتاخر لانهم وايد يتاخرون وخبرتهم فالمركز اني ببدا اعلمها المشي قالولي غلط لانها بعدها ما وقفت وهذا بياثر على ريولها قلت بنتي طبيعيه وتقدر اتسوي كل شي وما سمعت كلامهم وفهذا الوقت بدت تقول بابا وايد فرحنا انا وابوها وكانت كل ما تسوي شي اصيح من الفرحه وبدت اتسوي اشياء وايد فهلفتره وانا كنت فرحانه انها تتقدم بسرعه وريلي كان دايم يقولي الفضل لله وبعدين انتي وايد مهتمه فيها والحمد لله مشت وعمرها سنه مثل الطفل الطبيعي وكانت فرحتي ما تنوصف الحمد لله كنت لما اتضايق بس اشوفها تروح عني الضيقه ابتسامتها كم تسوى تريح الاعصاب وابوهاوايد مهتم فيها ومش مقصر وياها فشي ودايم يقولي ان شوفتها تريحلي اعصابي وكل ما يطلع يشلها وياه وفعمرنا ما حاولنا نخبيها بالعكس اي حد يشوفها تلفت انتباهه ويقول بنتج وايد حلوه انا بروحي اقولهم بنتي داون وما يصدقون يقولون احنا نعرف الداون ابا اعرف كل الناس ان الداون نسب والكثير منهم مش متخلف عقليا فيوم فالمركز يبولي استماره اعبيها عن حبيبتي هدويه وكاتبين نوع الاعاقه تخلف عقلي والله انا الدنيا دارتبي اذكر اني صحت صياح يوم رديت البيت وريلي يهديني قلتله في الف كلمه يكتبونها بدل هالكلمه اذا بنتي مينونه ليش اعلمها خلاص اخليها فالبيت احسن وذيج الليله ما قدرت انام افكر فهالكلمه واتصل فالمركز من الصبح قلتلهم اذا انتو تقولون عنهم متخلفين عيل الناس الي ما يعرفون عنم شي شو يقولون وصحت وانا اكلمها هاذي بنتي ما ابا حد يقول عنها ولاكلمه وغيرولي المكتوب

اشكر كل الاخوات والله فديتكم ما تقصرون وكلامكم عسل على قلبي وانشالله بكمل

لرفع
كملي الله معي والله يحميها على فكره انا اسمي هدى وفرحت لما عرفت ان اسمها هدى

ألف الحمدلله على سلامتج و سلامة هدى
و تتربى بعزكم و ان شاء الله ما فيها الا كل خير
ننتظر بقية الكلام

يا حبيبتى ربنا يخليهالك وتفرحوا بيها انتى وابوها وتشوفوها احلى عروسة
وشيلى من راسك كل الافكار المحبطة لان البنت دى ان شاء اللة هتكون سبب دخولك انتى وابوها الجنة
انا كان حد من قرايبى رزقة اللة بابن عندة متلازمة داون بنسبة صغيرة يمكن بنتك احسن منة كمان لان الولد كان باين على شكلة لكن تصرفاتة متفرقش عن الطفل الطبيعى الابنسبة بسيطة جدا واتعلم كل حاجة فى معادها زى بنتك
وكبر الولد واتزوج بنت من المركز الى كان بيتابع فية
عقبال بنتك يارب لما تشوفيها عروسة

اسم ع مسمى .... هدية من الله هالبنت الله يحفظها لكم

أول مره أشوف أم باصرارج و صبرج الله يديم عليج هالنعمه و يخليلكم بنتكم القمر

متلازمه داون أطفال طبيعيين ... الاعاقة في الناس اللي ما تفهم

و هاي الدكتوره رافعه ضغطي هم اللي لازم يعالجون نفسهم أول

و نحن عنا في العائلة حاله وحده متلازمه داون و الحمدلله الام

ما أهملت البنت و الدكتور نفس الكلام قالتلها بس هي ما يئست

كانت تودي بنتها علاج طبيعي و الحين هي في عمر بنتج تمشي و تتكلم

ننتظر قصتج بفاااارغ الصبر ... و بوووووسه لهدوويه دخلت قلبي الله يحفظها

الله يخليها لك ان شاء الله

ياااقلبي الله يحفظها ويخليها لك
والله انك نعم الام ان شاء الله ربي يقويك وتقومي بالواجب معاها
كملي القصة واوعدك انو كل ما قريت زيادة راح ادعيلكم ,,,