حلوياتي الرمضانية..وبالصور من مطبخي..

يسلموا اختي

اخت بالله:)
هلا اختي والله يسلمج يارب:)

مشكوره حبيبتي نسايم اليل وهمسه شوق

الله يعطيكم العافيه على التوضيح











تـــجــــمع لبنات التقويم (اللي حاطين تقوووووويم اسنان)

طريقة السينامووووووون وبالصووور

هلا اختي اسيرة قلبة:)
العفو عزيزتي:) وهذا واجبنا :)

حلوياتج روعة وتسلم ايدج عليها انا اشتريت الجبنه من الكارفور هل استخدمها كلها لأني حسيت


كميتها كبيرة

وشو رايج شو احلى حلاوة تفضلينها من اللي كتبتيه يعني شيء اذا سويته يكون طعمه مميز و


يسألونج الناس عن طريقته............اعتبريني اسوي لقاء وياج:shy:

عروس دبي
هلا اختي:)
الله يسلمج يارب:)
والجبن استعملت علبتين من هذي لأن الودة 250 غ وفي الوصفة 500غ<<<<<لا تقولين وايد ترا الوصفه هي جية وشوي دسمة بس لذييييييييذة:)

عروس دبي
هههههههههههه حلوة هاي تسووين لقاء :)
ممممممممم والله مادري شو أقولج كل وحدة على حسب ذوقها اخاف اقولج جربي نوع بعدين ما يعيبج وتقولين همسه الشوق مدحتها ومادري شو ههههههههههههههشوفي اللي تعيبج وإن شاء الله تطلع حلوة:)

malak_one
تسلميييييييييييين اختي على المرور الطيب..
وعلى الدعوة الحلوة:)

تسلم ايدك اختي همسة الشوق على الحلويات الروعة
اموت في تشيز كيك الاوريو خليتيني اشتهيه من الصبح
بجرب طريقتك للتراميسو لاني اسويه بالطريقة الطويلة بس ( البيض والحمام المائي ) بس مع الماسكربوني
بجربه بالفيلادلفيا
بس بعد ما اجرب طريقة عطتني اياها السهر

بانتظار جديدك

الـــــــــــلــــــــــــــــه احــــــبـــــــ الاوووريــوووووووووووو
تتسلم ايدك

وااااااااو عجبني كثير شكل حلى وردات الجوري
بس عندي طلب صغير
ياليت لو تكتبي لي المقادير بالغرام
و علبة القشطة قديش وزنها
حثقل عليكي اكثر و اطلب انك تشرحي لي شو هي البيكنغ باودر لاني ما باعرف انجليزي
و مرسي جدا عيوني

نسيت اسالك اختي شو هي الشيرة

RoOoOmy
يا هلا ومرحبا والله:)
ههههههه عاد اشتهيتية الصبح مشكلة الناس صايمة..
وجربي التيراميسو وإن شاء الله تعيبج:)
وتسلمين على المرور الطيب والله:)

همسه شوق
الله يسلمج اختي:)
جربية وأكيد بيعيبج:)


دموع حزينة
هلا اختي:)بالعكس سألي على راحتج:)

بالنسبة للمقادير بالجرام سمحيلي اختي ما بقدر أعطيج اياهن لأني استعمل فقط الكوب على العموم الكوب المستعمل هو نفسة تقريبا 240 غرام (250 مل)

و وزن علبة القشطة بالضبط 170 غرام

البيكينج باودر اختي هو اسمة جية بالعربي والإنجليزي (على العموم هو نفسة اللي يساعد على انتفاخ الكيكة يعني خميرة حلويات.. أكيد انتي تعرفينها بس يمكن بإسم ثاني)

والشيرة هي نفسها القطر أو الشربات..

ليتك معي
الله يعافيج عزيزتي:)
وتسلميييييييين على المشاركة الطيبة..

((حلو الآيسكريم البارد بالنسكافيه))
طبعا هذي الطريقة لأميرة الشوق مثل ما كتبتهامع التغيرات اللي سويتها..

*المقادير:
1- بسكويت أولكر
2- علبة قشطة
3- نص علبة حليب مركز كبيرة
4- 2 ظرف دريم ويب
5- علبة كريم كراميل

6- عدد 2 ملعقة كبيرة نسكافيه + كوب ماء + ملعقه كبيرة سكر مخلوطين مع بعض .

*الطريقة:
- تخلط المقادير من 1إلى 5مع بعض
وتضرب بالمضرب إلى أن يغلظ القوام حوالــــي 3-4 دقائق وتتكون كريمة كثيفة ، ثم توضع بالثلاجة .
- تجهز صينية مستطيلة وتغمس قطعة بسكويتة في المقدار 7 وترص طبقة كاملة من البسكويت
ثم نضع طبقة كريمة ثم طبقة بسكويت والأخيرة تكون طبقة كريمة ويسوى السطح وتوضع بالفريزر مدة خمس ساعات على الأقل ثم تقطع وتقدم ..


بعدين زينتها بالتوفي مثل الصورة::

ما شاءا لله رووعه....

ان شاء الله بجرب أوريو تشيز كيك....

والله يعطيك العافيه اختي الغاليه....

مشكوره اختي انا جربت الكرم كراميل وطلع يهبل..
يعطيك الف عافيه..

نبع الزهور
الله يعافيج اختي:)
وجربية وإن شاء الله بيعيبج :)

*Hadoolah*
العفو اختي:)
والحمد الله انه ضبط معاج وعليكم بالعافيه:)

ماشاء الله شغلك وايد حلو

خالة سارة:
ماشاء الله شغلك وايد حلو

هلا اختي خالة سارة:)
اسعدني مرورج العطر..
والأحلى طلتج على موضوعي:)