حلوياتي الرمضانية..وبالصور من مطبخي..

ياعيني على حلى النسكافيه شكله لذيذ
تسلم الايادي :clap:

الله يعطيج العافية

ما شــــــــــــــــــــــــــــــــــــــــــاء الله ,,

ابدعتي هموسة ما شاء الله عليك كل اطباقك روعه ,,

الله يحفظك ويسعــــــــــــــــــــــــدك يــــــــــــارب على هذا الجهد الي تبذلينه ,,


ولا تحرمينا من كل شي جديد ,, مثل ما عودتينا على اطباقك الشهيه ’’

همسة شوق حزينه
الله يسلمج اختي:)
وهلا فيج:)

بحور _ الشعر
الله يعافيج ويسلمج أختي:)
وهلا فيج:)

^ السفيرة^
وعليكم السلام ورحمة الله وبركاتة:)
مرحبا والله بالغاليه:)
وتسلميلي على الدعوات الحلوة يارب:)

أم علي

سويتها من كم يوم وعلى فكرة أول مرة اسوي ام علي مع اني احبها بس مادري ليش ما اسويها وايد:cool2:
بس طلعت رهيييييبة وطعمها وايد حلو :)
والطريقة لمنال العالم لكن مع تغيرات منّي بسيطة:)

*المقادير:
باكيت بف باستري(اللي فيه 15 شريحة واستعملت قليلة الدسم)
علبة قشطة
4/3 ك سكر
4/1 اصبع زبدة
1 م ص فانيلا
مكسرات(اللي تحبونها)
4 ك حليب سائل..

*الطريقة:
- تحمرون شرائح البف باستري في الفرن..وبعدين تكسرونها (نص الكمية) في الصحن اللي بتحطون فيه أم علي(لازم صحن فرن مثل بايركس)

- تخلطون الحليب+السكر+الفانيلا+القشطة+الزبدة على النار حتى يسخن الخليط..

- تصبون نص خليط الحليب على نص كمية البف باستري..

- تضيفون بقية كمية البف باستري..بعدين تضيفون خليط الحليب المتبقي..

- زينو الطبق بأي نوع مكسرات تحبونها(استعملت الصنوبر+الفستق+الكاجو+جوز الهند) ودهنت الطبقية العلوية بشوية قشطة عشان تعطيها نكهة حلوة ولون حلو عند التحمير في الفرن ..

- دخلو الطبق الفرن حتى تحمر الطبقة العلوية..وتعرفون ام علي احلى شي تاكلونها وهي حارة..

# ملاحظة: التزمو بكمية البف باستري والحليب<<<<أول ما تصبون كمية الحليب بتشوفونها وايد وبتحسون أن البف باستري متشبع منها بس خلوها شوي بعدين البف باستري بيشرب الحليب وبيطلع احلى:)

وهذي الصور:)





>>>>>>>>>> تابع
وردات الجوري:)

والله تسلم ايديكي ،،،

وردات الجوري
هذا الحلى خذتة من منتدى ثاني وطلع واااااااايد حلو.. وتابعوني بالصور كل شي واضح:)

*المقادير:
- 1 كوب طحين ابيض(اضفت 3 م ك)
- 1/2 كوب سميد
- بيضة
- 3/4 علبة قشطة ( التاج او غيرها)
- 3/4 زبدة تقريبا 75جم ولازم تكون لينة يعني طلعيها من الفريزر قبل ماتبدين بوقت كافي
- ملعقة صغيرة بيكنج باودر
- رشة فانيلا
*الحشوة : جبن كيري وتقطع القطعة الواحدة الى قطع صغيرة تقريبا 9 مكعبات صغيرة .. او مكسرات
* الطريقة :
- اول شي نعجن المقادير كلها مع بعض باليد ونفردها ونقطعها دوائر قطر الدائرة تقريبا 6 او 7 سم يعني بحجم كوب الجبن .

هذا شكل العجينة..


بنات بحط الصور وهي تشرح نفسها..













- نصفها في صينية وندخلها الفرن على درجة حرارة متوسطة من اسفل وبعدها نحمرها من اعلى تحمير خفيف مره حتى ماتذوب الجبنة . ثم ترش بالشيرة ..


وهذا الشكل النهائي ..




طبعا مثل ماتشوفون بعضها حشيتها بجبن كيري وبعضها بالمكسرات:)

وأي سؤال أنا موجودة:)

واتمنى ان هذي الإضافات تعيبكم:)

وعليييييييكم بالعافيه:)

aboura:
والله تسلم ايديكي ،،،

الله يسلمج اختي:)
وهلا فيييييييييييييييييييييييج :)

همسه الشوق

عجبني حلا النسكافه وااااجد

يعطيج العافيه حبوبه

وتسلم الأيادي :)

تسلم ايدج همسه الشوق

ماشاء الله حلويات رائعه

ألف شكر لكِ

السلام عليكم الغاليه بغيت مقادير السكر المحروق

روووووووووووووووووووووعه

عنود الغيد
الله يسلمج اختي:)
وجربي الحلا وإن شاء الله يعيبج:)


فوانيس
اسعدني مرورج عزيزتي:)
والله يسلمج ويعافيج يارب:)

رووز_27
وعليكم السلام ورحمه الله وبركاتة:)
اختي السكر المحروق مالة مقادير هو بس سكر..تحطينة على نار خفييييييييفة لين ما يصير سائل..يعني مثل الكراميل..

شمبوعه
مرورج الأروع عزيزتي:)
وهلا فيج:)

((التيراميسو))

طبعا اكيد كلكم تعرفون التيراميسو أساسة جبة الماسكربون...لكن أكثر الأوقات صعب تلقونها في السوق..
فا جربت التيراميسو بطريقتين مرة بالفيلادلفيا وأكثر المرات بالماسكربون..
وصورت لكم الطريقتين.. (الطريقة الأساسية خذتها من اخت في منتدى ثاني)
أول شي ببدا بطريقة الفيلادلفيا

*مقادير الشراب:
نصف كوب اسبرسو(او نسكافيه) + ثلث كوب سكر + ربع كوب ماء(انا احط نص كوب) تسخن حتى يذوب السكر والاسبرسو وتترك حتى تبرد ..

*مقادير الكريمة:
4 صفار البيض
2/1 نصف كوب سكر
2 علبة جبنة فيلادلفيا(حجم الواحدة 200غ)+علبة قيمر كي دي دي
كوب ويبينج كريم

بسكويت ليدي فنجر..وهذي صورتة..

*الطريقة:
اولا نضع البيض والسكر بودرة في حمام مائي حتى يصبح صفار البيض متختر ويذوب السكر
يرفع بعدها من النار ونواصل التحريك حتى يبرد
اول الخطوات بعد ان جهزنا خليط البيض مع السكر
نقوم بخفق الجبن مع القيمر و مع كريمة الخفق بالخفاقة الكهربائية على سرعة متوسطة الى ان يصبح كريمي وممتزج
بعدها نضيف خليط البيض بالتدريج مع الخفق المستمر ونخلط بالملعقة الى ان يصبح الخليط ممتزجا وناعما

احين تغطسون البسكويت في الشراب........ولككككككن بسرعة غطسوة لأنة هذا البسكويت اسفنجي وحتى إذا شفتوة جامد ماعلية بعد ما تحطونة في الثلاجة بيستوي ليييييين ومثل الكيك..
بعدين صبو شوي من الكريم وبالتبادل بين البسكويت والكريم وفي النهاية رشو رشة خفيفه من الكاكاو البودرة ودخلوها الثلاجة حتى تبرد..وتتماسك..




هنية ما خليتها تبرد وايد عشان جية تشوفونها بعدها شوي سايحة..


تابع الطريقة الثانية..

**الطريقة الثانية نفس الأولى بس بدل(الفيلادلفيا+القيمر)نستعمل جبة الماسكربون وطبعا بهذي الجبنة أحلى بوااااايد من الأولى وألذذذذذذذذ
وهذي صورة الجبن..


وهذا البسكوت نفس الأول بس الشركة تختلف..


شوب غيرت الشكل في هذي المرة استعملت صينية القاعدة المتحركة..أول شي حطيت طبقة خفيفة من الكريمةبعدين صفيت البسكويت على شكل عمودي على أطراف الصينية مثل الصورة..


بعدين تصفون طبقة من البسكويت المشرب..


بعدين كريمة..

تكرر عملية صف البسكويت والكريمة..
بعدين ترشون كاكاو بودرة..
ودخلوها الثلاجة لييييييييييين ما تبرد زييييييييييييييييييين..بعدين قطعوها وقدموها..








اتمنى هذي الإضافه عيبتكم:)

ومع السلامة:)

تسلم ايدج حبيبتي وننتظر المزيد

تسلم الأيادي المبدعة :)
شغل مرتب ولا أروع ما شاء الله :)

تسلمين أختي

واااااااااااااايد روووووووووووعه

والله يعطيش العافيه

[move=left]تسلم أيدج الغالية

بس الكريم كراميل كم نخليه في الفرن؟؟[/move]

التيراميسو رووووعه تسلم ايدج يا همسه

بس بسأل عن جبة الماسكربون ,,وين بحصلها؟
في كارفور مثلا:)
لاني اول مره اعرفها