كم مهرك؟؟؟

حتى لو انها 1000000000 ماراح يكفي

ليش عاد مولهدرجه

أنا مهري كان عبارة عن ليرة ذهب فقط وباقي تجهيزات الفرح والذهب كانت على العريس مع أنه أخي دفع مهر لما تزوج لكني حبيت أراعي ظروف زوجي المادية عشان ربنا يباركلنا, وأنا كملت من عندي (أنا بشتغل) والوالد والوالدة ماقصروا وأكثر شي صرفت عليه هو قمصان النوم (جهازي كان من محل نعومي لأني كنت دايما بتابع موديلاتهم وبحبهم) أما المكياج من جيرلان والماسكارات والعطور من لانكوم وطقم عطر كامل من ديور (posion). أما الملابس فركزت على أطقم خروج ناعمة من الشيفون والحرير عشان أتميز عن الأطقم الي كنت ألبسها من قبل الزواج.

فستان الزفاف كان أكثر من رائع بشهادة الجميع لأنه ناعم (مشد مشكوك كريستال من أعلى وتنورة مع بروش على جنب من أسفل والطرحة أسبانية مع تسريحة كتيييير ناعمة وبسيطة والمكياج على يد خبيرة إيرانية).

[grade="FF1493 B22222 FF1493 B22222"]
السلام عليكم ورحمة الله وبركاته

الله يوفق الجميع يارب،ويسعدكم دنيا وآخرة...آمين يارب

بس حبيت أوضح شي للخوات اللي تكلموا عن المبالغة في المهر

عندنا عائلات كثيرة لما يصير الكلام عن المهر،مايكون هناك شروط

أو طلبات ،وأهل المعرس هم اللي ييبون اللي يريدونه،

لذلك المبالغة تكون من أهل المعرس،إما إنهم الله منعم عليهم فيبالغون

بهدايا العروس والمهر،وإما تكون المبالغة كنوع من المظاهر رغم المستوى المادي المتوسط..

ونحن عندنا في الامارات بعض القبائل إتييب هدايا مش بس حق الزوجة ،وإنما كذلك لأهل الزوجة،للأب والأم والأخوان

صح تشوفونها مبالغة لكن هذي طبيعة بعض القبائل،وهم متعودين على هالشي,,

وأنا معاكم بأن أهم شي معدن الولد،لأن كل شي يتعوض غير الزوج الصالح،والسعادة الحقيقة لما يكون الزوجين متفاهمين

يجمعهم بيت دافئ يملؤه الحب والمودة..

الله يوفق الجميع،ويرزق الخوات جميعا بالأزواج الصالحين اللهم آمين


في أمان الله[/grade]

انا كان مهري 80000 + دبله الماس+ساعه الماس+طقم الماس...والحمدالله المهر كفى وزياده بعد ..وباقي 1500 الحمدالله..

انا مش متجوزة بسى اشترطت على خطيبى ان مهرى يحفظنى القرآن واحج انا وهو وماما

ووافق


بس المهم عموما عندنا دا بالاتفاق

والشرع عندنا حدد ربع جنيه

بسسسسسس

صحيح كلامج يا اميرة البجع ......

واااااااااو ماشالله عليكم....الله يوفقكم ويهنيكم...والفال لي ولكل من لم تتزوج :)

ماتوقعت ان ترتيبات المهر تختلف لهالدرجه بدول الخليج...

احنا عندنا بالكويت في اشياء ثابته بس هم لكل قاعده شواذ يعني مثلا...

البدو: لكل قبيله مهر معين معترف به ..ولكن ممكن يقل هذا المهر اذا كانت البنت تبي تاخذ ولد عمها او احد من العايله عشان مايكلفون على بعض
وممكن بالعكس يزيد لانهم يمونون على بعض ومايبون يخلون بخاطر البنت شي

انا شخصيا المهر الخاص بقبيلتنا سبعة الاف دينار

والبدو معروفين بطـــــــــــــــــــــــول فترة الخطوبه (الملجه) اللي قد توصل لسنوات كثيره لول

اما الحضر قد تتزوج البنت بعد اسبوع من الخطبه( تخيلو اول مايقولون نبي فلانه لفلان وتتم الموافقه يحدد العرس الاسبوع القادم)

لكن اذا تبون الصراحه نادرا ما اشوف جذيه...اغلب رفيجاتي يتزوجون بعد شهرين او ثلاثه ..ماشالله عليهم مو احنا قرن مايكفينا :)

ومهورهم تتراوح بين ثلاثة الاف وخمسة الاف اذا كثرو...

ومثل ماقلت لكل قاعده شواذ...
اعرف وحده تزوجت بمهر 12 الف +سياره اخر موديل (الله يهنيهم)

ووحده تزوجت بألفين ونص...

ادري طولت عليكم بس نصيحه....لا اتضيعون المهر على ماركااااااات وبلاوي زرقه ماتنلبس الا بحفلات واستقبالات راقيه...

انتي رايحه اتعيشين هناك..مو تكشخين وبس....اكيد الكشخه مطلوبه بس بعد لاتنسين تكونين عمليه بانتقائج للاشياء...

ولاتكثرين...جسمج+الموضه راح يتغيرون
واهم شي الزوج اللي راح تاخذينه لان كل شي مرده راح يخلص وتبقين بروحج مع واحد ماراح يفيدج غير شخصه واخلاقة وخوفه من ربه

والله يبارك للكل يارب

ادعو لـــــــــــي الله يرزقني بواحد طيب ويخاف ربه....مشتهيه افر بالسوقه واجهز للعرس لول

:)

الله يوفقج يا ريم و تتهنين ان شاء الله

في عمان العادات تختلف من قبيلة لاخرى ومن منطقة لمنطقة

وفي مسقط

معظم القبائل المهر عندهم بين 3 -5 الاف ريال عماني وتجهيزات العرس على المعرس

بس احنا قبيلتنا غير شوي

المهر غالبا يكون 400 ريال عماني وريال هذا الريال صدقة

ومن المعرس طقمين واحد شبكة الخطوبة والثاني للصباحية يا ذهب او الماس

والبنت عليها حفلة العرس من قاعة وكوشو وتصوير وعشاء وفستان ومسكة وصالون

والولد عليه البيت من اثاث وغيره

بصراحة امي شرت لي من المهر ذهب

وابوي ما قصر عطاني 5 الاف ريال عشان تجهيزاتي من ملابس وغيره

وعطى امي 5 الاف ثانية عشان تجهيزات العرس

وصرفنا 10 الالف ريال عماني على العرس والحمد لله على كل حال

نسيت امي وابوي اهدوني ذهب بحوالي 3 الاف ريال عماني

وسيارة ب 4.500 الاف ريال عماني


هذي هدايا اهلي

قولو ما شاء الله قبل لا تقرون لان يمكن عيونكم حارة هههههههههههه اتمصخر..........

السلام عليكم خواتي ................ انا معرسة من سنتين ومهري كان الحمدالله 450,000 الف درهم بس كان باقي 50,000 علشان اوصل نص مليون ... بس الحمدالله عل كل حال .................

بجانب المهر شرولي سيارة قيمة 120,000 الف + ساعة شوبارد قيمة 48,000 + دبلة الماس قيمة 27,000 + شبكة الماس قيمة 130,000 الف + 4 شنط متروسة اغراض
طبعا العرس عل اهل المعرس

واتصدقون بصراحة المهر ما كفاني وخليت ابوي يزيد 165,000 الف لاني سافرت باريس اشتريت اغراض الزهبة

مشكورين وعقبال المهور اللي اتوصل الملايين .......................... هذا رد ع بعض البنات اللي زادو بهارات عل مهورهم والسموحة

ولا تنسون شريت من باريس

:dd:

ماشاءالله اختي um noora

الله يزيدج ويبارك لج في مهرج

انا مهري كان 000 30 درهم ... بس الشيخ زايد الله يرحمه حدد المهر انه ما يزيد عن 20000

غير الزهبة 450000 والمير 15000 والكلام 20000 ... وحق الام 10000

غير يحليله تجهيزات العرس (قاعة الرياييل وقاعة الحريم) ... وليلة الحنا والخ ..............

اشيا وايدة ومصاريف كثيرة ... وفديته ريلي عمره 21 ... يعني مالحق ييمع حق العرس وايد ... بس ماشاء الله عليه يتدبر اموره ومايرد لي طلب... الله يحفظه

هلا بنات انا مهري كان 120 بس الكوشه علي قلت لهم بس 80 واهم يسون العرس وكل شي والكوشه + ساعه الماس يوم الملجه + ويوم الخطوبة جاب لي الشبكه وماقصرووووووووا هله معانا

الصراحة يا بنات أنا ما كملت قراءة الموضوع..بس أشوف إنه المهور وااااااااايد مبالغ فيها..وحليلهم الشباب..!!!

انا بعدني ما عرّست..بس دايما أسمع أبويه يقول إنه ما بيطلب على زوج المستقبل إلا مهر جليل حتى أقل من 30000 درهم..لأنه هو يبا ريّال يصوني ويحترمني ولو كان فقير..>>>> وأنا اقتنعت بفكرة أبويه..

وبعدين أصلا وحليلهم الشباب يتسلفون ويبهدلون عمارهم عسب العرس..وخلاف يتمون إلا يسددون الديون اللي عليهم..

وبعدين الرسول صلى الله عليه وسلم قال : (أقلهن مهورا أكثرهن بركة)

بنت جيراننا عرّست بدرهم واحد..وفي بنات من عايلتنا أبوهن طلب مهرهن 10000 درهم..بس بعدين ريايلهن عطوهم أكثر يمكن 120000 درهم ..يعني أبوهن ما بغى يكلف على الرياييل بس ما شاء الله رواحهم عطوا البنات ..

^
^
^
شكلي وايد رمست..السموحه..

:clap: :clap: :clap: :clap: :clap: :clap:

احنا صح عايشين في مجتمع مجبورين على المهور العالية والمصاريف والمظاهر

بس هذا مومعناته انه احنا نؤيد هالشي .. والمفروض كل وحده فينا تحاول قد ما تقدر انها ما تبالغ

واسمحولي تضايقت وايد من ردود البنات اللي تتفاخر بمهرها وزهبتها حتى لوكان الريال عنده .. بس حسيتها جنه عايبتنها السالفه وتتفشخر .. وين عايشين ؟ وين التواضع ؟

وناس غيرنا ماعندهم خبزه يااااكلوونها

والحمدلله انه الارزاق بيد رب العالمين موبيد ناس وناس

والسموحة منكم

بس والله تذكرت الفقارى اللي في بلادنا واللي ماعندهم بيوت.. مابقول اللي في دول اخرى .. لأن الأقربون أولى بالمعروف

والله يا بزنس غيرل..كفيتي ووفيتي...كلامج صح 100%

جنها السعاده بتكون بجيمه المهر...والله انه ابوي عصب يوم اهل ريلي قالوله كم بيدفعون وشو بييبون..قال ليش يعني؟؟ انا يالس ابيع بنتي....بس هذا اللي هم متعارفين عليه في عايلتهم...

الغاليه ها كل سوالف بنات عروس انتى ليش خذتى الموظوع جد مو معناته البنات ييوم كتبو كم مهرهم معناته افتخار بس هاى سوالف لان الاخت الى كتبت الموظوع سالت كم مهركم ف لو سمحتى لا تاخذين السالفه جد اوكى الغاليه مل ها سواف ولا تكبرون السالفه بعد


:clap: :clap: :clap: :clap: :clap: :clap: