كم مهرك؟؟؟

مشكووووووووووووورات خواتي وياريت تخبروني عن تقسيماتكم كيف كانت وثاني شي ...هني بعمان مو شرط التجهيز على العروس احنا عندنا كله على المعرس ما عدا الفستان والمكياج... وطبعا الهدايا والذهب من المعرس

انا شريت جهازي من الامارات السعوديه اما قطر فشوي لانها واجد غاليه بصراحه تفلس :down:

ومع ذالك خلص مهري :pain: وماقدرت اشتري كل الاغراض :D2 الله يخلي لي زوجي انقذني :shy:

انا بالبحرين المهر عادتا 1500 دينار

بس سبحان الله صج ما يكفى ولكن الرحمه مطلوبه ومب كل شى البدل والذهب لان احس مرات اللى بتعرس جنها اخر مرة تدخل السوووق


بالعكس الموضه تتجدد وحلات البنت كل فترة تروح السوق تغير اللوك والبس مب تشترى وايد وبعدين تحس ان اللبس عتج ولا المكياج


راحت موضته ،،،


اذا كل وحده فكرت بقناعه شوى راح تكون ملكه فى عين زوجها


وشكرا

مشكورات عى الردود خواتي...

ام الوله.....ما شالله عليج حبيبتي...احلى و اروع مهر....الله يسعدج ان شالله و يوفقج

ام فرح...الله يوفقج الغاليه

ريم البحرين....كلامج صح 100%

موضوع رائع

بس بعدني ماعرست
ومنكم نستفيد

ادعولي بالزوج الصالح

الله يوفقكم

بارك الله لكن في مهوركن


بنات بصراحة كم وحدة مقتنعة بمهرها ....كم حاسة انه وايد ...... و كم وحدة حست انها انظلمت لانه قليل ....

بسم الله الرحمن الرحيم
الحمد لله و الصلاة و السلام على شارف المرسلين سيدنا محمد و على ال محمد و صحبه اجمعين


انا مش متزوجه

بس مهر اختي

كان قراءن كريم

و طبعا فوق هذا هم جهزوها و اشترو كل شيء :smile:

هههههههههه ما شاء الله عليكن قصص والله

بالنسبة لي فضول ودخلت بعدني ما عرست

بسم الله الرحمن الرحيم
ام الوله

مهرك مثل مهر مهر اختي

لسا مابعد جا النصيب


اذا قبضته:D2راح اقولكم

:shy:أنا متزوجه من سبع سنوات ، مهري كان170 ألف درهم + سيارة قيمتها 65 ألف درهم + دبله ألماس + عقد ألماس وزدت أنا من عندي 50 ألف درهم ، ومصاريف العرس كلها كانت على أهل المعرس ، اما الصباحية فكانت ساعة من إحدى الماركات العالميه+ 10 آلاف درهم
بالنسبه لمشترياتي فمعظمها كانت من دبي + أبوظبي + بوسطن في أمريكا + لندن + بيروت + مصر
وبصراحه بعد الزواج ندمت على المشتريات لآن مشترياتي كانت كثيره ، وبالبنت بعد الزواج جسمها يتغير فمعظم الملابس أصبحت مقاساتها ماتناسبني ، لذلك أنصح كل عروس أنها ما تكثر في المشتريات لأن الجسم يتغير والموضه تتغير

السلام عليكم
نحن عدنا المهر ما نصرف منهّّ!!!!!!!
وفلوس التجهيز تكون بروحها..

انا كنت مب راضيه وتمتيت زعلانه

لاكن عقب .. الملجه ريلي شرالي كل شي ابيه وزياده وكل تجهيزات العرس كانت عليه

بصراحه دللني وايد :o

انا مهري مب وايد .......

بس الحمد لله مرتاحة وااااااايد و اهم شيء ان خطيبي وااااااااااااايد طيوب وملتزم

السلام عليكم ورحمة الله وبركاته

يابنات في حديث عن الرسول صلى الله عليه وسلم
ماني متذكرته نصاً بس معناه
كلما كان المهر يسير كلما كان الزواج مبارك
عشان كذا انا انصح كل وحده انه ما تثقل على خطيبها بالمهر
عشان ربي يباركلها
وهذي والله عن تجربه...

وبعدين في نصيحة مررررره استفدت منها
وهي ان نفتتح المهر بصدقه
يعني اول مايجيك المهر خذي منه مبلغ بسيط وتصدقي فيه
يوووووه شوفي سبحان الله كيف بتتبارك الفلوس حتى بتحسين انها عيت تخلص

بالنسبه للمهر كيف يتقسم
احس هذا الشي يختلف من بلدة لبلدة لان الاهتمامات والعادات والتقاليد تختلف من بلدة لبلدة


الله يوفقنا ويسخر لنا رجالنا ويديم علينا النعمه


مشكووووووووره حبيبتي على الموضوع الحلووو

امممممممممممممم انا احسه شي خاص لأن لكل بلد ولكل مجتمع ولكل عايله عادات تختلف حتى في المهور .....

بس ولله الحمد أنا مهري كفاني عدل لين آخر درهم :smile:

45000

وزودت عليها حدوووود ال


2000

مهري كان 8000 دينار + طقم الماس + طقم ذهب أصفر + دبله الماس + ساعه الماس

والحمدلله كفاني وزياده مع اني كنت ابي اقل من هذا بس عادات اهل زوجي جذي

والحمدلله على كل حال :)

انا مهري كان محدد على المهر اللي حددته القبيله وهو معقول بالنسبه للكويت وغلاها
بس لو اطلع برا واجهز من برا وهذا اللي حاطته ببالي بيصير راهي بالنسبه لبرا طبعا
مهري 6 الاف دينار
وشكلي راح ازيد عليه فلوس من اللي خاشتهم للليوم هذا
بس نصيحه بنات
لا تكثرون لانه بعدين راح يزيد عليج وتملين من الاشيا اللي عندج لانه على مايجي عرسج الا تقريبا نازله موضه جديده
وبعدين راح تقعدين تتحسرين
انا لين الحين عرسي تو الناس عليه
بشهر 2 الجاي انشالله
والحين قاعده اشتري شهريا من راتبي اللي تعطيني اياه الجامعه للطالب
اخش نصه مصروف ونصه اشتري فيه شغلات خاصه علشان ماضغط على نفسي اخر شي
بس التقسيمه راح تكون 3الاف ونص يمكن تزيد شوي حق الذهب
والباقي حق الفستان العرس
وفستان الصباحيه والمصوره ولدخله العروس للصاله
وللصالون اول ليله ضروري 200
وللصباحيه 70
هذا غير العطورات والمكياج مخصصه 500 لهم
وغير الملابس اللي اكثر مهري بروح عليهم
اللله يعين
ادعولي بالتوفيق:smile:

مشكورات يا حلوات على المشاركه في موضوعي........

و اللي بعدها ما عرست الله يوفقها ويرزقها بولد الحلال