كم مهرك؟؟؟

مسك وورد..

اله يرزقج الزوج الصالح قريب ان شاء الله...

وااايد حلو موضوعكم :

طبعا للعلم أنا مش عائشة السويدي أنا صديقتها ودخلت بالنك مالها :

مهري كان عبارة عن 200.000 درهم مهري + طقم ألماس+ ساعة شوبارد + وخاتم ألماس = أنا رحت وأخترت وعطيته السيريل نمب وهو أشتارهم لي حك الخطوبة .

3 شنطة ثياب لأخواني + شنطة لأبوي+ شنطة لأمي + 15 شنطة ثانية كلها ثياب ونعل وقمصان نوم وقطع من أم المعرس .

والعرس كله على المعرس من الألف إلى الياء .

ماشاء الله

wowow اللي قالت انه مهرها القرآن عجبتني فكرتها وااااااااااااااايد ادل على قمه الرقي

تعرفين ان شاء الله لو اهلي ما ذبحوني راح اقول مهري يبني مسجد اصغير شو رايكم بس

بصراحه احسه قمه الرومانسيه :shy:

ماشالله عليج هنادي...الله يوفقج و تسوين هالشي :)

ويكثر من امثالج

الله يوفقكم كلكم

بس الصراحه في ناس احسهم يبالغون في كلامهم

لان المهر و الفلوووس مب كل شي في الدنيا

اشفايده المهر الوايد و الريال اللي مب زين

الناس يشترون الريال

:pain:

بصراحه فيه واااااااااااااااااااايد مبالغه في المهور

ومثل ماقالت الاخت ام اسوولة شالفايدة المهر وايد والريال ماينفع

وتقولون لييييييييش العنوسة انا بنت انصدمت من المهور فما بالكم الرجال اللي يتعب وفي الاخير يدفع كل اللي جمعه واشبقى

حق المستقبل وحق عياله

الله يهديكم يابنات

بس ترا دخلت فضول

مرحبا خوااتي


حبيت اشارك معاكم


انا مهري كان 20000




شو سوت فيه؟؟؟


قسمته علي اهل البيت بس بعدها سافرنا وتميت اصيح عليهم واقولهم يالله رجعووو لي افلوسي ماعندي شي واريد اشتري لي اغراض هناااك

:cry:

هههههههههههههههههههههههههههاي
خفايا

صج مثل ماقالت الخت المبالغة تتعب الرجال ويمكن تخليهم يتزوجون من برا
علشان بس مايكلفون على عمرهم
حرام شنو يخشون حق المستقبل
زوجي ماكلفته كثير وحتى لما يجيب هدايا انصحه انه يخشها حق المستقبل بس مايطيع يقول بكرا رزقه معاه عنيد الله يعيني عليه
انا ابوي ماطلب شي
عمي ابو زوجي اهو حدد المهر وطلبلي شقه
احنا عندنا بعايلتنا خصوصا واعتقد بعد قبيلتي وكل القبايل انه الحريم يتفقون ويقولون حق الرجاجيل عن الشروط منعا للاحراج
اما المهر محددته القبيله واهو سته والبعض يمكن يخليه خمسه اذا طلب اهل المعرس لانه التكاليف كلها عليهم
والحكومه ماقصرت الله يخليها لنا امين ويحفظ جابر الخير يعطون للمتزوج اربع الاف هديه الفين منحه والباقي قرض اذا انا مو ناسيه
وفي مشروع جديد انه الهديه تكون 6 مو اربعه
يعني مهري معقول
الله يهدي الجميع
وسوري عالاطاله بس حبيت اعرف الناس اللي برا بطبيعة مجتمعنا الكويتي

انا للحين ماجى دوري
بس استغربت من اللي دشت بنك صديقتها عاشه السويدي
شلون يعني شنط لاخوانج؟؟شنط شنو فيهم هدايا؟؟
اخبر الهدايا للعروس بس
والله يهنيج الصراحه مهرج وايد حلو
والاحلى انج اخترتي اللي تبينه بنفسج

عادي اذا الله انعم عليهم بالخير ليش لا خليهم يستانسون
انا مهري كان 100 الف وطقم الماس ودبله الماس وساعه الماس عادي هذا الستاندر بقطر عندنا
و والله انا تأنيت بالشرايه تشريت على القد وبعد ماكفت الفلوس

أنا مهري

25000

أما الشبكة والساعة عطوني

حقهم وقالو خذي اللي يعجبج

وخذ لي دبلة ذهب أبيض وأصفر

وبسكن ببيت يديد دور كامل .

بس الحمد لله البركة مطروحة فيه

تشريت منه وللحين بقى منه

وطبعاً الوالد ما بيقصر ...

انا مهري 30000 رياك

5000 للوالد.. و1500 للوالده و1500 لعمتي زوجة أبوي لانها هي اللي ربتني

وباقي 22000ريال لي...

والحمدلله كفتني والله يطرح فيها البركه

والدبله مثل مرايم قلبي ذهب أبيض وأصفر

والبيت شقه بتغرب بسكن بالرياض بدل ما كنت بجده عشان ظروف عمله

أختي بخصوص سؤالج عن الشنطة .

أنا ريلي بدوي وهذي عوايدهم يجيبون شنطة لكل أهل العروس بخصوص المهر والزهبه أنا وهو

تفاهمنا مع بعض وأنا ما فرضت عليه شي غير إني طلبته إذا يقدر يعني بيني وبينه بس والأهل

يتحسبون أنه هو إلي يبى .

مشالله تتهنين والله
وحلو التفاهم بين الزوجين

عقبالنا

مشكورة الغالية وعقبالج إنشاالله

دخلت فضول


بس مبروك للبنات اللى اتجوزت و عقبال الباقى

انا ماتزوجت

بس اشوف قريباتي

50الف وان زادو 60الف او 70 الف ريال سعووودي