قاموس العروس القطريه 2

عقبال ما جهز مثلكم :shy::shy:

امين يارب

قريبا ان شاء الله :cool2:

ان شاء الله الله يرزقج بالزوج الصااالح وتهنينه
ويرزقج باللي تتمنيييينه

وبيتج بالعيال تترسييينه :D2

ااااااامييييييييييييييييين

:shy:

امييين يارب قطريه :smile:


بنات اللي عرسها في قاعة الدوحه للاحتفالات تروح محل اكسوتيكا لان اغلب الكوش اللي عنده تصلح حق هالقاعه من حيث الشكل والحجم ...

وانا لاحظت استايل اللي يصمم الكوش في اكسوتيكا كله يعتمد عالرسم والطبيعه ، روحوا دورا عالمحلات كلها :D2 الله يعيينكم عالدواره ...


حبوبه كلثم الاسعار اللي حاطتها حق كل شي اشوفها اووكي بالنسبه حق الاسعار النار اللي موجوده في قطر ...

وبعدين والله انا نفس كل البنات قلت بجهز ب80000 الف وبخلي لي عشرين الف فالبنك استفييد منها ..
لان المهر كام لي وكل شي المعرس ادفعه حتى بطاقات العرس :D2 اللهم التصوير ال14000 كانت علي وبعد مب انا اللي دافعه امي دفعت :D2...
وقلت بيكفي المهر ومدري شنوو :down: لكن يوم درت على محلات الملابس شفت انه مايكفي ، وصج طيرت ال100000 الف عالتجهيز وماخليت لي شي بس ماتحسفت كلللللللللش لان تقريبا صرفت 45000 الف عالذهب والالماص وخذت لي ساعه راقيه ، يعني الحمدلله نص المهر راح على شي ينفع واقدر ابيعه بعديين ...


ولاتنسون بنات تسوون ميزانيه للذهب ...


والله بنات انا ودي اكتب كل شي بس اخاف اذيكم ، عشان جذي اي وحده تبي شي خل تسأل حتى لو تبون تسألون عن الذهب الثياب العطورات شكثر تاخذون سألوا لاتستحون وانا كثر ماقدر بساعدكم ...




ياله نزلوا تحت جبت لكم بعض الصور ، بس الكوشه والطاولات بنزلهم بعديين لاني وديت الصور احمضهم :down: تعبتوني بس بعد تعبكم راحه :up:

مسكتي فالخطوبه خذتها من بنت عمتي فالبحرين لان خطوبتها كانت قبلي بشهرين :D2 وقلت حق ماسيس يرشها بالذهبي وخذت السلسله اللي مسويها المصصم حق الشعر وقلت له يلفها على المسكه

كوشة الخطوبه ، وكانت تفي بالغرض

كوشة الحنه وهي من تصمييم الوالده وجارتنا كل وحده مسكت زاويه وقعدت تخبص فيها :D2 والخلفيه حطيناها فستقيه لان لبسي كان فستقي نفس لون الخلفيه :smile:






وهذي زاويه امي اللي صممتها



=-=-=-=-=-=-=-=-=-=-=-=-=

يتبع

:cool2:


بطاقة العرس بالظرف






وهذي من غير ظرف

واخترت الوانها نفس تجهيزات القاعه ...



يالله قولوا رايكم واللي ماعجبها بعد تقول لان الناس اذواق ..:up:

يالله بنات جهزوا ورقه وقلم ...

وكتبوا كل شي كاتبته وزيدوا عليه الاشياء الناقصه لان كل وحده اغراضها تختلف عن الثانيه ...


تأكدي ان هالاشياء تاخذينها معاج الفندق وهي :
فستان العرس ومستلزماته :
فستان العرس + الطرحه + الجوتي (الله يعزكم) + الملابس الداخليه (كورسيه + الستيان ) والافضل تاخذينهم من الصالون الازرق :up: وترى اسعاره اووكي + طقم العقد اللي بتلبسينه + الدبلة اذا كانت تمشي مع الطقم واتوقع اغلبكم بتلبسون طقم ابيض + الساعه + خواتم زياده ( يعني عالاقل لبسي في هاليوم 3 او اربع خواتم :D2 لانه يطلع حلوو فالتصوير ...
المكياج والشعر ( تأكدي انج تدفعين لهم العربون قبلها بفتره وقبل العرس بأسبوعين عالاقل اتصلي واكدي عالوقت وذكريها بالحجز ، وقبل العرس بيوم بعد اتصلي واكدي عالوقت اللي تجيج فيه ، ويوم العرس اول ماتوصلين الفند اتصلي لها وعطيها رقم الغرفه وبعد ذكريها بالوقت :D2 ، ولي عرسها في قاعة الدوحه او الجيوان بعد تتصل اتأكد عليها عشان مايتأخرون وطبعا قبلها اتصلي في مالة الشعر وقولي لها مالة المكياج بتييني الساعه الفلانيه وابيج انتي تجيين قبلها عشان اتسشورين شعري ...
يعني الله يعيينكم عالاتصالات في هاليوم ...
وبعد اتصلي للمصوره والمحل اللي مسويه عندهم المسكه وعطيهم رقم الغرفه وقولي لهم ابيكم الساعه الفلانيه عندي ، ولازم المسكه توصل قبل المصوره عشان من توصل المصوره تكونيين جاهزه وتبديين تصوير ..

واهم شي لاتنسون المناكير :cool2: عشان تحطونها عالانامل الحريريه :cool2:


=-=---=-=-=-=-=-=-=-=-=-=-=

فستان الصباحيه ومستلزماته :
فستان الصباحيه + الجوتي + الشنطه + الملابس الداخليه + الطقم اللي يركب مع افستان سواء كان ذهب او الماص ابيض +الساعه ( اللي هي بتكون الصباحيه الهديه من زوجج واتوقع اغلبكم بتجيهم هديتهم ساعه ، بس احتمال تكون بيضه وعقدج ذهب او العكس ، فأنتي حطي ساعه احتياط تركب مع العقد ولي رحتي بيت هلج اخذي معاج الهديه عشان تورينها هلج ...
وعادي الزوج مراح يزعل لو انج مالبستيها لانج اصلا بتودينها معاج وعاد تعرفون بنات بكلمتيين منككم بيقتنع :shy:
+ خواتم زياده + العبايه والشيله ...

:D2تجهيزات القاعه :
الكوشه ( دفعي العربون قبلها باسبوع او 10 ايام ، ولي رحتي تدفعيين راجعي معاهم كل شي ، وقبل العرس بيوم اتصلي واكدي عليهم كل شي مختارته )
الطاولات ( بعد نفس الكوشه اكدي ودفعي )
الإضاءه ( واقصد فيها اضاءة القاعه يعني تبين في وقت زفتج يصكون الليتات ولا يقصرون عليها ، وعشان تتفقين معاهم لازم يكون عندج رقم مسؤول او مسؤولة القاعه ، لان اي شي بتحتاجينه هم بيساعدونج ، فضروري بنات يكون عندكم رقمهم ...
الفرقه ( اذا يحتاج عربون دفعيه وقبل العرس باسبوع اتصلي واكدي علييهم وقولي لهم مايتأخرون عن الساعه 9 ...
الشاشات ( تأكدي من حجمهم والمكان اللي تبين تحطينهم في فالقاعه )
الشاشه الكبيره ( وهي اللي تجي من الفندق الرتز وقاعة الدفنه في الشيراتون ، وهذي لازم تكونيين متفقه معاهم قبلها بفتره وعن الرتز لازم تدفعين 750 لكن الشيراتون مدري عنهم )
التصوير العادي والفيديوو ( بعد لازم العربون ومثل ماكتبت فوق اتصلوا للمصوره عشان تجيكم الغرفه فوق ، ولي جاتكم تأكدوا منها انها صورت تجهيزات القاعه قبل مايجون الناس يعني الكوشه والطاولات ..
عشان تكون عندج صور خاصه لهم من غير ماتكونيين قاعده عالكوشه ..
العطورات + المدخن ( ويكونون عند المدخل عشان اطيبون الناس ، ولاتنسون تاخذون عود من الزين :up: )


بطاقة عرس الرجاجيل والحريم ( وهالبطاقتيين تودينهم المحل اللي بيسوي لج الالبوم عشان يحطهم لج في البومج وبجذي الالبوم بيكون شامل على كل شي وحللووو للذكرى )

اضاءة المكياج ( والمقصود فيها اذا كان عرسج فالرتز تطلبين منهم اضاءه عشان تنور الغرفه اكثر وهذي تطلبنها من مسؤولة القاعه ، واعتقد هالشي موجود بعد فالشيراتون ) انت سئلوا وبتعرفون ...


التضييف ( وتأكدوا انكم تاخذونه من المحلات قبل العرس بيوم والافضل تاخذونه منهم الصبح )

المظله ( واقصد فيها اذا لمعرس دخل ومعاه اخوانه عشان تتغطون عنهم ، عن نفسي سويت مظله ولبستها خله تور وشرايط وكريستالات ، وكل وحده تشوف اللي يريحها سواء مظله او عبايه او اي شي يعجبها )


صينية العصير ( يمكن الاستغناء عنها ) وودوها محل عشان يزينونها نفس تزيين العرس والطولات ..

الدي جي ( واتفقوا معاه عالدخله )


=-=-=-=--=-=-=-=-=-=-=-=-=

وبسسسسسس بعد تبوني اكمل ولا اوقف :D2

كاتب الرسالة الأصلية : نور الدوحه
امين يارب

قريبا ان شاء الله :cool2:

ان شاء الله الله يرزقج بالزوج الصااالح وتهنينه
ويرزقج باللي تتمنيييينه

وبيتج بالعيال تترسييينه :D2

ااااااامييييييييييييييييين

مشكورة اختي قطر ويعطيك العافيه حبيبتي وجزاج الله خير ويسعدج ويهنيج مع ريلج ومع اعيالج ويخليلج امج ويطول بعمرهاا يارب اللهم امين :clap::clap::clap::clap:

تسلمين وماتقصرين اختي وهذا مايدل الا على طيبج :up::up:

ومسكتج روعه وغريبه :s2:s2

وفستانك مع انه مايبين بس شكله كان رااقي اختي وين فصلتيه ومن وين خذتي الخلق :s2:s2

ابغي افصل لي وحق خواتي مرة وحده:up: بس مااعرف خياط يصمم ونفس الوقت يفصل :down:ومحلات رااقيه وين :down:بس ابغي افصل فستااان رووووعه وبسيط ومايكلف :up::up:


وانتظر صور الباقي تراني طماعه :D2:D2:D2:D2:D2:D2:D2

تسلميييين حبوبه عالكلام الحلوو اللي يفرح القلب ...
اممين ياااااااااارب والله يخلي لج حبايبج ...

بس اول شي قولي لي سجلتي المكتوب ولا :rolleyes: عشان ارد عليج :D2

واذا ماسجلتي مراح اقول لج ولا راح اكمل باقي اللسته :D2

يالله انتظر ردج ...

هلا اختي :smile::smile:

حفظتهم بالكمبيوتر بمجلد سميته عروس قطر وقلت حق خواني الصغار ان شفت حد امسحه علقته على شجرة بيتنا :D2:D2:D2:D2

بعدين خفت :eek2:اعرف سوالفهم :pain::pain::pain:

جبت قرص ونسخته :cool2::cool2::up:

حبيبتي لاتحاتين كل اللي كتبتيه بينفعني ويعطيك العافيه :up:

يلا كملي :D2:D2:D2:D2:D2:D2

ههههههههههههههههههههههههه زين تسوييين حبوبه ...


واذا عالقطعه الشك خذتها من البحرين من محل اسمه الصديق او شي هالشكل ...
بس هالقطع الشك مليانه قطر منها ...

والشيفونات خذتها من قطر ثلاث الوان العنابي والاخضر الزيتي والاخضر الفاتح ...

وسويته عند البرنسيسه ، والصرااحه كل بنات العيله تقريبا مسوي عندهم وشغله حلووو ...
مري ليه وشوفيه وقولي له يسووي لج 3 تصامييم واختاري اللي يعجبج .
وبعد شغله حق اليهاااال رووووعه بس عيبه يصمم بنفس القيمه حق اليهال والكبار ...
واسعاره تبتدي من 1300 او 1600 هالشكل يعني ..

ودوري على باقي المصممين بس نصيحه ( برنسس فاشن + بنتويت ) اللي موجودن فالسد لاتروحين لهم تراهم يشفطوون الفلوس عالفاضي ...



وبكره او بعد اشوي بكمل لكم باقي اللسته بس شكلي بنطر لي بكره عشان اشوف اسألت البنات ...


اي بعد فستاني مال الصباحيه سويته عند البرنسيسه ...

واذا عندج حد يودييج الخبر او الدمام روحي عشان تاخذين قطع من عندهم ، والله كلنا خذنها من هناك القطعه الشك مالة الصدر + شيفونات لونيين وكل لون يعطييج مترين ونص + البطانه ب 500 ريال :eek2:


والله والله انا قطعي كلفتني 1100 ريال بسسسسسسسسسسسسس
ولكن حلويين والكل استخف عليهم :up: يعني مايبين انهم رخااص ، ولايغرج قطر يجيبون نفس القطع بس اشكال موحلوه ويحطون السعر دبل عليها ...

والله زين اختي تعرفين محلات اللي بالخبر والدمام وااايد بنات نصحوني قالولي نفس القطع اللي هني بس اللهم قيمه تختلف بس مااعرف المحلات عطيني اساميهم وخلاص بكلم ابوي او اخوي يودونا عالاسبوع الجاي وتفصيل هني :smile::smile::smile:

مشكورة حبوبه تعبناج معانا :smile::smile:

قطر تبين الصج قطر غاليه
الصراحه اختي مهرها 80 الف ماكفت زادتها 60 الف من غير الي تكفلت فيه امي من غير الي عطوها اخواني
ولا بعد هي مدرسه يعني الراتب والبيان كلو راح :down:
تدرون في فستان شاريته من لبنان 1000 ريال لقيته في المتحجبه 2800
ويوم سالت اللبنانيه الي تشتغل هانك قالتي ووصفتي نفس المحل الي دوم ناخذ منه شفتوا النهبه
وباديات ماركه انديانا روز لقيتهم في جلامور السعر دبل
وجوتي كرمكم الله ماخذه ب 320 لقيته بمحل في السيتي ب 700 وشي
وتنوره ماخذتها من اس اوليفير ب 600 لقيتها في كالتوجات الطلبيه 335
والله انصحكم بالملابس الطلبيه تاخذ بس اسبوعين وحللوه وارخص
ومحد يبلس مثلج وايد :cool2:

كلثم في محل في الحسا اسمه الفارسه عنده قطع حللوه وارخيصه
اما الخبر في محل في الخبر في فؤاد سنتر اسمه كوب كوبين عنده باديات حللوه وعمليه
ومحل اجنر في فؤاد سنتر في الخبر تقدرين تاخذين شنطه كشخه حق العرس احلى من الي في الصالون الازرق بوايد
وبعد في شارع سويكت محلات عبي حللوه وارخص بوايد من الدوحه انا سويت عبايه تينن ب 600 بس
المحل اسمه الملكه
وروحي بعد المحلات الي يمه عندهم تشكيلات حلوه وبعد في محل يبيع قطع مالت عروس كله بشارع السويكت في الخبر
محل جلابيات في الجمعه سنتر اسمه الفوزان عنده تشكيله حلوه

ام ام ام اذا تذكرت بعد بقولج

اي والله صدقتي قطر غاليه وماتكفي ، وهذا بعد انا مجهزه من السعوديه والبحرين والامارات وقطر عشان جذي طار المهر :D2

بس صج ماحسيت اني قطيت فلوسي في شي ماينفع ...


وطبعا غير اللي امي زااااااااااااااااااادته :down:


بروحه الذهب يبيله ميزانيه الصراحه ...

انا استغرب اذا يعطون العرس مهر ويقولون لها الكوشه والطاولات علييج :down: ضد هالشي الصراحه ، لان المهر حق العروس نفسها ومحد يشرط عليها شتاخذ منه ، وهي لها الحق تتصرف فيه تحرق الفلوس تشققها :D2 تضيعها عاللي تبي كيفها هي ومهرها ...

حبوبه كلثم ، قطريه ماقصرت كتبت لج اسامي المحلات ...

وبعد روحي الخبر مول والخبر بلازا ، واحد من هالمجمعيين كله قططططع فضيعه ، وشارع السويكت بعد افظع وافظع وبعد لي الدمام ، اعتقد الشارع اسمه شارع الحب :o والله مادري مب متأكده بسأل وبرد علييج ...


بس الاماكن اللي كتبتهم عن الخبر هي المضمونه :up:


بس والله رووحي وماتندميين اشكاال غريبه عجيبه وفخمه :up: