قاموس العروس القطريه 2

ممكن يا بنات قطر...

محلات أسعارها متوسطة وشغلها حلو ... للكوش والطاولات والتوزيعات

محلات أسعارها متوسطة وشغلها حلو... لفساتين الأعراس والمناسبات

وآخر الأفكار لحفلات الحنة والزفاف....

ويعطيكم العافية

السلام عليكم اختي كلثم

حبيت أفيدكم عن تجربه لعرس إختي

بالنسبة للحلويات سوت عند فوشون بس شي راقي غالي بس حلو.

بالنسبة للمكياج كان عند عبير بصراحة روعه وللشعر كان عند تهاني

بالنسبة للتصوير كان عند الدانة للتصوير بصراحة روووووووووووعه يجنن فيديو وفوتقراف شي عجيب

الكوشة من عند المناسبات بس غالي شوي

إن شاء الله اكون أفدتكم

الكاشخة

انا حجزت عند الدانه للتصوير

حق عرسي عقب كم شهر :shy:

والمصورة شكلها فنانة

وان شاء الله يطلع حلوووو :up:

لان انا اول وحده اجربه في العيلة والله يستر :pain:

السلام عليكم
بنات ياليت تفيدونا بخصوص الدي جي والزفات والليزر والتصوير والمسكات

بصارحه انا داخله عشان اعرف الاماكن العدله في قطر

انشاءالله عرسي شهر اثنين وجايه عندكم وطبعا لازم تكون عندي معلومات

عن هالسوالف لاني اكيد راح احتاجها

انا متابعه الموضوع واتمنى ان البنات يزيدون بمشاركاتهم

وتسلمين حبيبتي كلثم على الموضوع الجيد :up:

هلاااااااااااااااااااااااااااااااااااااااااااااا :smile::smile::smile::smile:

بنات معاكم مهاوي :shy:عضوة جديده وفرحت لما شفت موضوعكم تسلمين كلثم موضوعك ممتاز من كل النواحي ورااااااااااح استفيد منه شخصيااا


لاني
:D2



:D2



:D2



:D2



:D2

قولولييييييييييييييييييييييي مبروك ملجت يوم الخميس اللي فات 18-11
وانا البنت الوحيده بين 4 شباب :confused:
وماعندي خبره وتخيلواااااااااااااااااااااااااااا ماراح تصدقون
ريلي بعد ماعنده خوات هم 3 شباب :confused:

ماادري ليش عيلتنا كل شباب :confused::confused:


وخطوبتي بعد شهر حجزت تاريخ 25- 12والزواج بشهر4 بفندق الدوحه للاحتفالات لانها الارخص شي بين كل الفنادق مريت عليهم وطلعلي الارخص فحجزت على طول ودفعت عربون :up:

بس هذا اللي سويته لاني عارفه ماراح احصل حجوزات بعدين :down:

فاتمني من بنات بلادي المعرسين يقولولي شاسوي بالمهر

على فكرة طلبت 150 الف وكل شي على بالقاعه والخطوبه وليله الحنه وتجهيزاتهم بالكوشه والطق وكل مايلزم وتجهيزي وتجهيز الملحق اللي بنسكن فيه وعرس ريايل :smile:

ادري بتقولون مايكفي بس هو كان صريح معاي وقال ماعندي الا 150 الف حق كل شي واحترمت ظروفه وهو ماقصر 150 الف بالعدل بيكفي لكل شي :up::up:

لكن مصيبتي ياطويلات العمر :confused:

امس رحت مناسبات غالي ناااااااااااااااااااااار نااااااااااااااااااااااار :down:
تصويرهم ب4000 شنو هذا شبيصور :down:
المسكه وقلنا مايخالف ابقي شي جديد :cool2:
وكوش غاليههههههههههههههههههههههه :down:

طلعت رحت غردينيا :eek2:
لووووووووووووووووووووووووووعه الرخيص يلوع جبد وقديم ماعندهم شي جديد :down:

رحت الوااااااااااااااااااان الخليج نفس الكلام كوش الخطوبه كلهاا غاليه واذا رخيصه تطلع صغيره ماتناسب قاعه ومااقدر اسوي بالبيت ماعندنا حوش




فاتمني البنات اللي سوت خطوبه وعرست تذكرلي اهم الاشياء
الكوشه من وين وعلى كم وبنات اذا عندكم صور نزلوا يمكن يعجبني كوش من كوشكم واروح احجزهاا

تصوير من وين وعلى كم بكامير والا كاميرتين والفوتغراف كم طلع عليكم وكم صورة

الدي جي بكم قالتلي اللي بكريستال ب2500 :down:

والليزر صدق ب4000الى 8000
اللي بالوان الخليج قالي اللون ب500

تعرفون الليزر اللي ينحط بنص الصاله كبير اسود على درابزين اثنين وبنص خط مستقيم ويتحرك بروحه ينور على صاله كلهاا

ماهقيت غالي كذاااااااااااااااااااااا

فاتمني
بنات تفيدونا بخصوص الدي جي والزفات والليزر والتصوير والمسكات والمكياج على كم عند الخبيرات المشهورات اللي يسون فطاير والشاي والقهوة دزولي الارقام بالخاص


وخطوبه اشلون لبستوا شبكه شنو سيتوا للاسف بحياتي ماحضرت خطوبه ومااعرف شكلها:down: اشلون الا بتلفزيون بس:confused: احضر عروس بس


بنات علموني بكل شي مااعرف العروس شنو لازم تسوي شنو تجز من وين تشتري ترااااااااااااااااااااااني ميح ماعندي خبره كلش :confused:

عمررررررررررررررررري 20 سنه :confused::confused:

افيدوني بنات عشان احجز ماعندي خبره اخاف اروح احجز ويقصون على تراني فرحه عيله :smile:

ميمي اسمك حلوااااااااااااا :D2:smile:

ممكن رقم حفتني وحده اسمها خورشيد وسوتلي حمام مغربي بعد خلتني زبدددددددده من مره وحده

ممكن رقمهااا وخورشيد تشتغل بصالون والا تجي البيت :up:

ام ياسمينا كوشتك ب60الف وااايد غاليه ليه كذا قلبك ماعورك على ستين الف :rolleyes::rolleyes::rolleyes:

اختي عندك صورتها ودي اشوفهاا ايد فخمه

اختي مهاوي سوي خطوبه صغيره ليش التكاليف الزايد حلاه الخطوبه

بينكم بروحكم اللهم خالاتج وخالاته او المقربين جدا...وخليها بالمجلس في

البيت وحطي باقات ورد وبس وحطي زفه واكشخي وتمكيجي وماله

داعي الخساير الثانيه في قاعه وغيره ترى ال150 الف ماراح تكفيج خاصه

انج مثل ماقلتي عليج ملحق ومادري ايش...وتبين تحطين الليزر اللي

ينحط بنص القاعه وهو ماله داعي ماينحط دايما وفي واحد ببلاش تحطه

القاعه يمكن هذا اللي قصدك وفيه واحد ثاني نفسه لكن اضاءته قويه

وتدور على كبر الصاله هذا يجيكي بين 2000 و5000 وانا اشوف ماله داعي

اكتفي بالمجاني اللي تحطه القاعه .....

واذا تبين اضاءه حطي السبوت لايت اللي تدخل عليه العروس.....سعره

بين 500و800....

ونصيحه رجعي له الخمسين الف واخذي الميه وقولي له خلاص انا بتكلف

بتجهيزي وخلاص وانتوا عليكم الباقي ....ولاتنسين حتى تجهيز الطاولات

من 15000ورايح يعني شبتخلين المهر له وشبيكفيج فيه ..وواضح انج

صغيره ومهب عارفه تستغلين مهرج بشكل صحيح

وحنا بالخدمه اذاا بغيتي شي....:)

مهاوي قطر
والله الكوشة كانت ب80 الف وبطلوع الروح سواها ب60 الف بس تستاهل وان شاء الله اطرش لج الصورة على الخاص..وبقول لج فكرتها لان فيها شغل كبير وحركات...واذا عجبتج شوفي بكم بيعطيج اياها لانهااكيد رخصت

ام ياسمينا انا بعد ابغي اشوف كوشتج :shy::shy:

حتى انا ابي اشوف الكوشه

الصراحه اما مستغربه شلون تذمون الغاردينيا الصراحه يوم عرس اختي الكل النبهر من التجهيزات
لان هو قالنا طلبت لكم المفارش من الامارات لان جبنا له لون معين وسوه نفسه
ما عن باقه اختي الصراحه تمت اسبوع ماختربت لين ذبل الورد وقطيناها
لان الورد الي فيها على قولته نادر وطلبيه حتى ربطه الكراسي كانت اورجنزا مخططه بتدرجين للبرتقاليمب تور
بس مادري يمكن سوه لنا جذيه عشان معرفه خاصه وعلى فكره عطانا خصم كبير

***********************
شموخ البحرين حياج الله واذا تبين مساعده الخاص مايقول شي :cool2:
************************

مهاوي
الصراحه 150 ان شالله بتكفيج وماهان تبارك بس انتي لاتغرج المظاهر وخلي قلبج على ريلج
اما سالفه الشاشه والليزر ومادري شنو ماعليج منها
ومن ناحيه التصوير مافي احلى من الغاردينا الحين هو الي ضارب التوب وخلي عنج المناسبات
لان يوم عرس اخوي وديت له سلال يلبسها كانت الاسعار تتراوح بين 45 و75 ويوم جيت عقبها بسنه حق عرس اختي قالي السله الوحده 150 شفتي النصب
ولا بعد انا كنت رايحه لبنان وشاريه المواعين الي فيها خشي
شيت وحده كبيره في قسمين تقريبا 270 ريال قطري
والله اني شفت مثلها صغيره بالمناسبات يمكن نص الي شريتها قالي 700 وشي
والله حراميه حتى الوان الخليج مبالغين في اسعارهم وتتفقين معاهم على شي ويوم العرس يطلع شي ثاني
واذا على الدي جي روحي محل في شارع المرخيه علىاسمه التنظيم الدي جي ب 800 والله اغاني روعه نفس الاغالي في كل محل


بس انتي لا تبالغين وربي ان شالله ببارك فيج وفي عرسج واخيرا دشي موضوع قاموس قطر بتستفيدين اكثر
>>>>>>>>>>نشفت ريجي:D2

هلا اختي خفايا الروح مشكورة عيوني :clap::clap:

صحيح اختي ماراح يكفي بس شاسوي هو قالي اذا تبين باخذ قرض بس فكرت فيها ابتدي حياتي معاه بقرض عشان عرس على الاقل قرض للبيت اللي بنسكن معاه احسن

وملحق جاهز هو حمام وصاله وغرفتين
اليوم صبح مريت وشفتهم

صاله حلوة والاثاث روعه وقالي انه توه من 6 شهور اثث صاله و غرفه ثانيه حط فيه اطقم كراسي للمجلس

بس افكر اغير غرفته مع انها راقيه :up:

وعرس ريايل بيسونه بميلس بيتهم لانه كبير واااايد وهو مثل ديوانيه للريايل يعني مارح يكلف اكثر من 6000 للذباح بس هو مايبي بوفيه

وخطوبه خلاص حجزت بالفندق ودفعت فلوس وبيتنا صغير كلش شعبي مايكفي واحنا اهلنا وايد بس اا ماحضرت خطوبه كلش بحياتي فمااعرف شنو احط شاسوي اشلون البس شبكه ومن وين
يعني ابغي اللي سوت خطوبه توضحلي :confused::confused:

وماراح تكلف كثير لانها عائليه :smile: بالكثير 15 الف


والصراحه اختي ابي افرح واستانس حتي لو بسيط

وعن عرس ماابغي الا تعطوني اسماء محلات كوش احسن تصوير ماسكات الليزر على كم لان احس لما رحت الاسعار كلها نار ويكذبون على :down:
وانا بمر وبشوف


واختي قطريه غردينيا ماادري طلعولي كتالوجات تلوع جبد للكوش وقديمه المسكات عجبتني بس اللحين حاطه همي للخطوبه :D2
اتمني زيادة المشاركه من بنات

:smile: حبيبتي قطريه :smile:

مشكورة يالغلا ماقصرتي هذا من طيب اصلج

وانشاءالله اذا احتجت اي شي ماراح اتردد

اني اراسلك بالخاص :shy:

الدانه للتصوير وين مكانه ولا كم رقمة ؟؟؟

بخصوص عرسي كان فالرتز ، وان شاء الله بكمل سنه بعد شهرين ، الكوشه كانت من ماسيس وكانت على شكل 4 أعمده رومانيه ضخمه وعالأطراف مثل الشلال وكانت وايد مرتفعه لدرجة الثريات مالت القاعه نازلة عليها ومبينه كأنها ( قصر ) والكل استخف عليها وكنت أنا ثاني وحده استخدمها يعني لين الحين جديده .
أما الطاولات فكانت من المناسبات والمفرش كان يتكون من 3 طبقات أورجنزا بيج وفوقه اورجنزا مشمشي وفوقه قطعه ذهبيه اورجنزا مشكوكه ، والستاند كان مثل المزهريه القزاز الطويلة وحط فيها ماي مشمشي وورد بين البيج والمشمشي والاورانج وطالع منها عودان خشب ومنزل منها سلاسل ذهبيه ، صج يوم شفنا العودان عنده فالمحل تخرعنا وقلنا جنها قرون غزال ، بس فالقاعه طلعوا شي حلو وفخم ، وتلبيس الكراسي كان لون واحد مشمشي والربطه لونين ، يعني كرسي عليه ربطه بيج وكرسي عليه ربطه مشمشيه غامجه ، وطبعا الشموع والحلويات اللي عالطاوله كانت من عنده .
ومسكتي بعد كانت من عند المناسبات ، وكان لون الورد اللي فيها نفس لون الورد اللي عالطاولات وفيها دانتيل ونازل منها سلاسل مشكوكه .
عالطاولات حطينا بس قهوه وجبناها من عند ( نايعه ) ومن غير مبالغه ثاني يوم المدرسات اللي مع خالتي اتصلوا لها وكلهم يمدحون فالعرس والقهوه ، وعلى فكره اعتقد ( نايعه هي نفسها أم فهد اللي البنات يتكلمون عنها ، ولحد يفوتها ياعرايس ترى حتى دلالها حلوه ومب اي كلام وتبيض الوجه ، وكانت الدلال اللي اخترتها ذهبيه ، وماطلبنا من عندها شاي لأن أغلب التضيف كان بيتي فور وكافي فماله داعي الشاي ، خبركم مايصير نمحر الناس خخخخخخخخخخخ .
أما التضيف فكان من عند ( مخابز الغرافه ، روان ، لاكروازيت ، لي لو وهالمحل فالبحرين ) صج تضيفه عجيب وراقي حتى ماودج تاكلينه من كثر ماهو مرتب ، وبعد ماشاء الله الاهل والجماعه ماقصروا ترسوا مدخل البيت ومطعم الرجاجيل بستاندات التوزيعات والكافي والتضيف .
التصوير العادي كان من عند الوان الخليج مع الدي جي .
بس أنا دخلتي خليت ولد عمي يضبطها لي ، اخترت شعر ناصر القحطاني ( بنت الهوا ) + أغنية فطومه ( وقت التباشير ) وماشاء الله حط لي الزغروطه على قولة المصاروه وبعدها بكم شهر طلبت السي دي وحده من عندي عشان تحطه في عرسها ، يعني مالة الدي جي بس جات شغلة السي دي وراحت ، لاني كنت متهاوشه معاها وخفت تسوي فيني مقلب عشان جذي انا يبت الزفه من عندي خخخخخخخخخ الاحتياط واجب .
التصوير الفيديو كان من الكريستال لان كنت ابيهم يسوون لي مونتاج فطلبت كيمرتين + سبوت لايت اللي عالعروس اللي هي انا خخخخخخخخ + شاشتين عرض + فتحت شاشة الريتز الكبيره ( ملاحظه اللي عرسها فالريتز وتبي تفتح شاشتهم لازم تتفق معاهم قبلها بفتره وتدفع لهم عليها فلوس ) + 14 إضاءة ليزر ملون 12 منهم كانوا معلقين عالجسر ويلفون على كبر القاعه من اول العرس لي اخره ، لاني طلبت منهم هالشي ، لان بعض الاعوس تروحون لهم تلقونهم يفتوحونها من اول العرس ولي وصلت العروس وقعدت يوقفونها ، فأنا اكدت عليهم انها لازم تكون تشتغل لي اخره ، ولي حد الساعه 12 كانت تشتغل بس بعد ماطلعت مدري فيهم صكوها ولا ، و2 كبار كانوا عالارض موجهين عالكوشه .
المكياج كان عند عبير وحطت لي درجات الاورانج مع الاحمر ، الشعر كان عند مدام فهيمه ، الفستان عند الفراشه ، الحنايه كانت رحاب ، والحف وتنظيف الجسم كان عند سميره الباكستانيه ، وبتحصلون كل شي عن هالسميره الباكستانيه مكتوب في قاموس قطر قسم المكياج والعطور .
والفرقه كانت حليمه والغاليه وشلوا العرس على راسهم ، يعني المسرح مايبين فوق ال20 وحده يرقصون فوق وغير رفيجاتي اللي كانوا يرقصون تحت عند طاولتهم ، يعني مالكم محط ريل من كثر مالدق حلو وغنوا بالضبط من الساعه 9 وربع لين الساعه 3 الفجر .
أي صح نسيت بعد لاقول أني طلبت من المناسبات يحط لي طاولتين عند الباب وحده عليها العطور العربيه والثانيه عليها المدخن الكبير وكان حاط عليهم نفس المفرش الذهبي المشكوك اللي على الطاولات .
وبعد طلبت منه يلبس لي 60 كرسي اللي نزلتهم زياده وحطيتهم حق الفرقه والباقي خليت نصهم على يمين الستيج والنص الباقي على يساره لأن ماحبيت تكون كراسي الطاولات ملبسه والكراسي اللي عند الستيج من غير تلبيس ، خبركم الترتيب يطلع كله يوم العرس عشان محد يتكلم ويقول العرس مب حلو ومب مرتب .
نقوطي ونقوط زوجي ، حطيناه في برواز كبير يتبطل من النص وفي نص البرواز اية الكرسي ووزعنا الفلوس على اطرافه وخلينا ماسيس يزينه بنفس الورد وخلينا يحطه على ستاند حديد .
وحركه ثانيه يوم دخل المعرس خلينا شباب العيله يرزفون على اغنية محمد عبده ( السيل ) وبعدها أخوي عطاني اغنية الترف مالة محمد عبده اهداء ورقص عليها ، بس طبعا رقص ثقل بالرشاش اللي كان بيشرد الحريم من العرس والسبه هالرشاش .
أدري طولت عليكم وهذرت وايد ، بس حبيت اقول لكم كل شي بالتفصيل الممل ..

اي اي نسيت باقي شي يوم خلصت زفتي وقطوا على راسي الفلوس جابوني فالنص وغنوا اغنية فايز السعيد ( السندريلا) وكلهم قاموا يرقصون حوالي وانا اضحك عليهم خخخخخخخخ ، وبعد البطاقات كانت من مطابع رينودا وهو يتعامل مع شركه سوريه مشهوره تقريبا بطاقاتها نفس بطاقات تهاني الخليج ، وان شاء الله بحاول اجيب لكم صور حق الكوشه والطاولات والبطاقه .

والحمدلله لين اليوم الكل يتكلم عن العرس ويقولون انه مرتب وحلووووو ، وعقبال عندكم يارب .

تابعوني يابنات بفيدكم عن الاغراض اللي تاخذونها من الجمعيه والاغراض اللي تحطونها فالشنطه للعرس ..
واي خدمه انا جاهزه ...:up:

اختي قطر شكله عرسج وايد كان حلو بس حسافه ما عزمتيني :D2 على عالعموم بس حبيت اسأل كم كلفج العرس؟؟

اختي مهاوي انا اتفكرت انج انتي بتاثثين الملحق فاعذريني فهمت كلامج غلط...:)
اذا على جذيه ال150 بتكفي وبتزيد لكن احذري من المبالغات وحاولي تحسبينها صح.....
الشبكه عادي اشتري طقم ابيض او اصفر وخلي المعرس يلبسج اياها في العرس.....وطبعا خطوبه هالايام نفس الاعراس تدخلين على زفه وتقعدين لين يجي المعرس وتقصون الكيكه وتشربون بعض العصير..وبعدها يلبسج الشبكه والدبله وبس عقب صوروا:)

افا عليج بعزمج في عرسي الجاي :D2 :D2 لحد يسمعني بس ويهاوشني :o

بخصوص التكالييف الكوشه مع الطاولات والتصوير كلفوني اقصد كلفوا زوجي :D2 63000 ومن غير القاعه طبعا ...



بس افا علييج في عرس اخوي ان شاء الله بعزمج خبرج راس مالي هالاخو واكييد بسكون عرسه حلوو ان شاء الله ...