قاموس العروس القطريه 2

حطينا بس قهوه وجبناها من عند ( نايعه )

اختي قطر ممكن تعطيني رقمهاااااااااااا :smile::smile:

وماشاءالله عيني عليج بارده شكل عرسج كان كشخه اختي ماعندج صور للكوشه وعلى كم كانت ومن وين والاستاند والطاولات وكل شي الصراحه صار خاطري اشوفهم وهذا اللي فيه نقوط مافهمت اشلون والجسر الليزر ال12 لون على كم خذتيه ومن وين انتي تقصدين اللي يكون بالنص الالون ويتحركون وهو مثل الجسر على درابزين اسود مابين الستيج صح :up:

الصراااحه افكر اجهز لعرسي نفس ترتيب عرسج :up::up::up::up:

اختي اذا تقدرين نزلي الصور وحتي لو انتي موجودة امسحي صورتك بالفو توشوب اذا اعجبوني الاشياء اللي سويتها بعرسج من كوشه وفرش طاوله والاستاند وكل شي على طول بروح احجز نفسهاااا :up::up:


و63000 كلفتج كل شي التصوير واستاند الليزر مفرش وكوشه والتوزيعات كل شي كل شي اللهم فلوس القاعه على الريل

الصراحه زين :eek2::smile::smile:

انزين اختي خطوبتج اشلون كانت

اختي مهاوي قطر
انا بعد نفسج عمري مارحت خطوبه بس عروس :confused::confused:
ولا اعرف شيسون شيحطون والا كنت بفيدج حتي خطوبتي اجلتها لشهر 2 بسبب ان ريلي جاتها دورة شغل والعرس بشهر 7 وقلت ببتدي احجز حق القاعه من شهر 1 لاني هالايام كله امتحانات والا كنت بساعدج :confused:

شوفي الخطوبه على مااسمع من ربعي تدخلين عادي على زفه يجيج ريل ويلبس شبكه وتقطعون كيك وتشربون عصير بس هذا اللي اعرفه من بنات والافلام المصريه :D2:D2:D2:D2:D2:D2:D2:D2:D2:D2:D2:D2:D2:D2

اما اشلون يلبسون شبكه مااعرف :down::down:

اتمني يابنات تساعدونها لاني حاسه فيها على الاقل خوات ريلي بيساعدوني لكن هي عيلتهم كل شباب :D2:D2:D2:D2


اختي ميمي ممكن رقم خورشيد اللي تحف ورقم ام فهد :smile:

ام ياسمينا ابي اشوف كوشتج اكيد كانت فخمه:shy::shy: بس عندي سؤال اذا سمحتي قلبج ماعورج على 60 الف :pain::pain:
مشكووووووووووووووووورين بنات على تفاعلكم واتمني زياده المشاركه :up::up::up::up:

هلا حبوبتي كلثم ...

ان شاء الله بكره بروح بيت هلي ولعيونج بحمض صور الكوشه والطاولات وستاند النقوط وبحطهم لج ...

وبعد بحاول اجيب لج حركات الكوشه والحنه ...



اختي مهاوي ...
برد عليج اليوم ان شاء الله بالاشياء اللي تسوينها حق الخطوبه ...

برب بروح اكتب كل شي في ورقه وبحطه لكم :D2

لا حياة لمن تنادي

حبوبه انوثه زيدي مشاركاتج عشان البنات يقدرون يطرشون لج الرقم عالخاص ...

بهالطريقه محد يقدر يساعدج لان الخاص ممنوع عنج الا اذا وصلت مشاركاتج اعتقد 15 او 25 ...:up:

مهاوي قطر :

أول شي تسوينه تحجزين للمكياج والشعر وتتفقين معاهم عالوقت اللي يجون فيه ...
وتشوفين لج فستان حلو سواء جاهز او تفصيل + الجوتي ( الله يعزج ) .
بعدها اتصلي للحنايه وحجزي بس لاتقولين لهم خطوبه ، لأنهم يزيدزن فالسعر مع أن نفس النقشات يسوون ااعادي والخطوبه ، وروحي لهم الصالون وتحني قبل الخطوبه بيومين ، يعني لو كانت خطوبتج الخميس تحني يوم الثلاثاء الصبح وحفي يوم الاثنين ..
وأحسن مكان للحنه روحي صالون رحاب نقشاتهم حلوه وناعمه وخل تسوي لج في قاعة الرجل نقش ورود يطلع احلى من انها اتغطي قاعة الرجل بالحنه نفس أول ..
حف الجسم روحي صالون الماجده او اي صالون يعجبج ، والمعروف في 3 انواع للحف ، الحف بالحلاوه المصريه والهنديه والواكس ( الشمع ) وأفضل الواكس لانه يسوي اليد ناعمه بعد الحف ومايخليها جافة .
وحف الحواجب اوتشقيرها روحي عند فيروز في صالون استديو 1 صج ان سعرها دبل بس شغلها حلوو ومرتب ومضمون وماعمري شفت وحده توس يعند فيروز ولقيت حواجبها غلط ...


=-=-=-=-=-=-=-=-=-=-

يتبع :cool2:

مهاوي قطر :

نجي للكوشه :
اختاري كوشع تكون حلوه وناعمه ومايزيد سعرها عن ال2000 ريال وشرط تختارين لون الورد نفس لون فستانج والورد اللي فالمسكه سويه بعد نفس اللون ...
شوفي ماسيس للكوشه واذا حصلتي اسعارهم مرتفعه روحي شارع بن محمود او فريج بن محمود كله محلات كوش رخيصه وتصلح للخطوبه ويكون اغلب الشغل اللي فالكوش بالحديد ...
بس يبيله حد يوقف على راسهم ويأكد عليهم دايما بالاشياء اللي مختراها عشان مايجيبون اشياء على كيفهم ...

الطاولات : شوفي محل يرتبهم ترتيب بسيط وحلو ومايكون مبالغ فيه عشان تحسين بالفرق بين طاولات العرس والخطوبه ..

التضييف : اخذي صنيتيين ووديهم عند محل لاكروازيت خل يزينهم لج بعد بنفس الوان فستانج ويحط فيهم التضييف ...
وبعد صينيتيين ووديهم مخابز الغرافه ...
وبعد صنيتيين حطي فيهم فطاير صغيره ...

واذا تبين سوي نفس انا وديت كل الصواني عند لاكروازيت وقلت له يزينهم لي كلهم نفس الشكل وخليته يحط لي في بعضهم التضييف وخذت الصواني الباقيه ووديتهم حق محلات ثانيه عشان احط فيهم باقي التضيف ، عشان ماتكون الصواني عندج مرقعه وكل صينييه تزيينها غير ...

وخلي عالطاولات بس قهوه لان من رايي اشوف الشاي ماله داعي لان اغلب التضييف بيكون سويت فلازم بعده قهوه مو شاي ، ولاتنسين القاعه بينزلون لج عصاير فماله داعي الشاي ...
وانتي بكيفج :up:

=-=-=-=-=-=-=-=-=-=-=-=-=-

يتبع :cool2:

مهاوي قطر :


ولاتنسين تحجزين دي جي ، عندي رقم وحده شاطره اسمها اميره بدزه لج عالخاص شغلها حلوو وزفاتها حلوه ...
وبعد بسأل لج عن سعرها ..

وكالعاده اول شي انتي تدخلين وبعده خطيبج ويلبسج الشبكه وبعدها تشربون العصير وتقصون الكيكه وكل واحد يأكل الثاني :o ...
بس ملاحظه : في بعض الرجاجيل يستحون ومايحبون هالسوالف فأنتي لمحيله قبلها بفتره عشان ماينصدم يوم الخطوبه :eek2: :s2 ...

الكيكه حجزيها من السويسريه اللي في تاون سنتر او شارع النصر ...
وشتري صينيه صغيره مع كاساتها ووديها ( سويت هارت ) اللي في شارع النصر خل يزينها لج ...

وفالاخير ارجع واقول لازم كل شي يكون مرتب ومتناسق مع بعض عشان تطلع الخطوبه حلووه ...
والله يوفقج ويهنييج يارب ...
واي خدمه انا حاضره ...

اختي كلثم الرقم بيبه اليوم من الوالده :up:


=-=-=-=-=-=-=-=-=-=-=-=-=-=-

بس خلاص مافي يتبع :D2

ماشاء الله عليج ياقطر شييييييييييييي عرسج ياريت اشوف الصور:up::up::up::up::up:

ان شاء الله حبيبتي ولا يهمج

مشكورة

:up: قطــر :up:

انا مثل ماقلت لكم متابعه ابي استفيد منكم لين اجي

وبصراحه شوقتيني لعرس قاعده اتخيله :D2 :D2

شكله يجنن :eek2: :eek2:

يالله تابعي انا قاعده اسجل كل شي اتوقع انه بيفيدني :shy:

تسلميين ياعمري ميمي بيبي ...

انوثه : العفوو ولا شكر على واجب ...


اختي كللثم الكوشه من ماسيس وكانت ب14000 وبعد انا ماكاسرته لو مكاسرته جان سواها ب 12000 بس والله والله يوم شفت ضخامتها قلت سعرها فيها ، حتى الكل استغرب ان ماسيس عنده مثل هالسوالف ...

بس نصيحه اذا تبين كووش لاتفوتيينه لانه الحين هو طالع طلعته بالكوش الحلووه والراقيه ...



الطاولات من المناسبات وحسب لي الطاوله الوحده على 600 ، بعضكم بيقول واييد بس الصراحه احسن شي شفته لان درت محلات وايد وكلهم قالوا لي بنحسبها على 750 وانا في عرسي كنت منزله 50 طاوله يعني لو تحسبونه بيطلع علي السعر دبل فخذت من المناسبات ومثل ماقلت حسبها ب600

يعني المجموع الكلي للطاولات بس يطلع 30000
والكراسي اللي عالمسرح حسب لي الكرسي الواحد ب 5 ريال يعني كلهم يصيرون 300 ريال
المسكه بعد طلعة روح ب500 ولو انه مفروض يعطيني اياها مجانا :D2

الطاولتين اللي عليها العطورات هو جابهم من عنده من المحل وزينهم وحسبهم ثنتينهم على 600


يعني كله يطلع على بعضه 31400 ...


التصوير اذكر حق كل محل دفعت 7000
الوان الخليج 4000 عالتصوير العادي + البوم العرس ...
والدي جي حق ليلة الحنه والعرس طلع علي ب 3000 لان الليله تحسبها ب1500 ، بس نصيحه لاتيبون دي جي من الوان الخليج ...
واذا تبون لاتتعاملون مع الوان الخليج اللي فالنصر لانها بطلع لكم قرون عن تجربه وفي كذا عرس من عرس رفيجاتي واهلي كلهم يشتكون منها ...


الكريستال ...
اذكر الفيديو مع مونتاج كان ب1800
السبوت لايت 500
والباقي مدري كم طلعوا علي اللي هم الشاشتيين + اضاءات الليزر ..
بس المهم انهم خذوا 7000 ، واعتقد اعتقد اضاءات الليزر ال14 كانوا ب4000


انتي روحي حبوبه وشوفي اسعارهم لان اكييد الحيين الاسعار تغيرت واكييد لي عرسج بيتغيرون بعد ..

لكن اكييد للاعلى :down:

تسلمييين حبوبه شموخ البحريييين ...

والفال حق عرسج يااااااارب يطلع حلوووووو :up: واحلى من الحلوووو ...
واذا عرسج بيكون فالبحرين هاتي جمال التميمي لانه التوب عندكم فالبحرين ، وقريت في قاموس البحرين عن وحده تسوي كيك اسمها ام حسام اخذي رقمها من البنات شكله شغلها حلوووو وراقي وعلى كلامهم اسعارها حلوووه ...

:smile: قطر :smile:

الله يسمع منج يارب

وهذاني احاول قد مااقدر اخذ كل شي حلو عشان يطلع العرس حلو نفس عرسج

اما بالنسبه للفرقه ناويه اجيب فرقه ودي جيه

اما بالنسبه للميك اب عندي اللي تمكيجني

وعرسي اكيد بيكون في البحرين بس طبعا اكيد راح اسوي حفل استقبال عندكم

وبصراحه مااضمن اللي يكتبون في قاموس البحرين لانه من كتاباتهم ماتوقعهم نفس اللي في بالي فأحب اسوي اللي احس انه توب :cool2: :cool2:

انشاءالله يارب اتوفق في اختياراتي

ادعي لي حبيبتي

وانتي ماقصرتي كل شي كتبتيه عن اللي في قطر :shy:

اختي قطر والله بصيح من فرحه confused::confused::confused::confused::confused::confused:
:confused::confused::confused::confused::confused::confused:
:confused::confused::confused::confused::confused::confused:

مشكورة اختي مشكورة الصراحه موعارفه شنو اقولج جزاج على عيني وراسي ماتقصرين يالطيبه والله يهنيج مع ريلج ويرزقج بالذريه الصالحه

ظاهر انا وكلثم بنسوي نفس عرسج :D2:D2:D2:D2

ماشاءالله شكله كان راقي ومرتب :up:

ننتظر صور:D2 وكوشتج صار خاطري اشوفهااا :cool2::cool2::cool2:
اختي طرشيلي كل الارقام ورقم اميره اللي تسوي دي جي
وراح امر على كل محلات وبكتب بالورقه واشوف الارخص واللي عجبني
وبشوف الارخص والاحلى :up:

تدرين فكرت الغي خطوبه بس خلاص انا دفعت وكلمتهم قالوا ماعندنا مانع بس بناخذ 3000ريال عن حجز اللي حجزتيه وريلي عصب وقال بتسلف مايسوي علينا مانستانس وقعدنا وفكرنا انا نخلي للخطوبه بالكثير 15000 ومانعزم الا اهل بس واهلنا تري شوي مايتعدون بالكثير 80 وشبكه هو شارها من زمااان اول ماملجنا امه عطته 35 الف قالت له هذي هديتي للعروس شبكتها

بس بنات اشلون احط شبكه عاديه والا البسها ومن وين مااعرف :confused

اختي تعرفين محلات تفصيل لفساتين خطوبه ابغي واحد يصمللي ويخيط بنفس الوقت :up:


اختي كلثم مشكورة ماتقصرين والف الف مبروك على الملجه والله يهنيج

وشكلنا انا وانتي بنسوي نفس عرس الاخت قطر :D2:D2:D2:D2
ومشكورة كلثم موضوعك واايد استفدت منه بعد ماكنت ضايعه مااعرف وين اروح ومن وين اجي :confused:


مشكورين بنات كلكم والفال لكم واللي عرسوا الله يهنيهم :smile:

شاركوا يابنات الكل بيستفيد وخصوصا اللي مثل حالتي ماتعرف راسها من ريولها :down::down:

مشكورة حبيبتي قطر على مساعدتك لمهاوي :clap::clap::clap::clap:

مهاوي مثل ماقتلي انا وانتي بنسوي نفس العرس :D2:D2:D2

واختي زين 14000 هذا سعر مناسب لي حق كوشه :smile:

وننطر الصور عشان اروح احجز على طول :cool2::cool2::cool2:

انا بعد نفسكم عرسي قريب :pain::pain:

رحت ماسيس وشفت كوشاتهم وطاولاتهم

بس تخيلووو يوم حسب لي الطاولات مع الكوشة طلع لي 53000 :eek2::eek2:

الصراحه وايد غالي

صج الكوشة فخمة وحلوة بس خسارة الصراحه انج تخسرين كل فلوسج على ليلة وحده ... في اشياء ثانية اهم



والحين استقريت على اكسوتيكا
صمم لي الكوشة والطاولات والاكل اللي على الطاولات والاضاءة والليزر والمسكة والدي جي حق الزفة

هدا كله تعرفون بكم؟؟؟؟؟؟؟؟




























:eek2:









27700


:up::up:

ماشااااااااااااااااااء الله



الصراحه استانست من السعر
والكوشة كانت مثل ماابغي مافيها دفاشة وايد وفخمة

:up:



انصحكم بنات روحو القو نظرة على شغلهم

:up:


يالله ان شاء الله نعرس كلنا بسرعه ونفتك :pain::pain:
الصراحه توتر وتفكير مب حاااااالة :mad2: :mad2: :mad2:


الله يسهل امورنا ان شاء الله :sad: :sad: :cry:

هلا هلا بنات العفوو ولا شكر على واجب ...

وبخصوص الكوشه مدري عنج كلثم شوفي السعر اللي يريحج ...
بس اللي عجبني في كووشتي انها ضخخخخخخخمه ومرتفعه هاي اللي محليها اكثر مع ان هي مافيها اشياء وايد ...

بكره او اللي بعده بنزل الصور وراح تشوفون ان الشرح اللي كاتبته نفس اللي في الصوره يعني مازيدن ولانقصت :up:


والله يهنييكم ان شاء الله ويرزقكم بالذوريه الصالحه يارب ...



يالله برب تصبحون على خيير تعبتوني اليوم وانا اكتب :confused: بس تعبكم راحه :smile:

وبكره انا بروح عرس واذا شفت الكوشه والطاولات حلوه بجييب لكم اسم المحل عشان تاخذون فره عليه :D2

الله يعيينكم على دوارة العرس :down:

قطر :sad: :sad: :sad: :sad:


امين الله يسمع منج
والله يعينج علينا وعلى اسألتنا :pain:

يعطيج العافية
وننتظر كوشتج بفاااارغ الصبر

واحلام سعيدة ان شاء الله :cool2:

اختي نور الدوحه ماسيس معروف حرااااااااااااااااامي ومستحيل اتعامل معاه والصراحه حرام احط 53000 بليله وبقعد اقل من ساعتين :confused:

ومحل ثاني والله زين 27 الف سعرواااايد حلوا :s2:up::up::up::up:


تدرون بنات على لفتي على محلات اشوف بعض الكوش نفس اللي في محل الثاني بس اسعار غير ماادري ليش ؟؟؟؟؟؟؟؟:down::down:


اول شي كنت مشتطه ابي عرس عرس ماصار ولا استوي بعيلتنا:shy: بس بعد ماكنت اروح وماسكه هالدفتر والقلم :D2:D2وريلي قله قاعد فشلتينا خشيهم بالشنطه:D2:D2:D2:D2:D2:D2:D2 وانا ارد عليه ماللك خص هذي سوالف حريم :D2:D2:D2:D2:D2:D2:D2


الصراحه ادش هالمحل اشوف كل شي اقول خلاص بتفق ويعطوني السعر :down::down:

اقول لا خل اشوف غيره


اختي قطر انتظر صورة الكوشه بفارغ الصبر وسعرها معقول بالنسبه لي واااايد

واروح والف والله تعبت من الاسعار ومن اللي يعجبني ومايعجبني :down::down::down::confused::confused::confused::confused::confused::confused::confused::confused::confused::confused::confused:


وبعد مااحسب الفلوس الصراحه قلبي يعورني :down::confused:


قرررررت اني اخذ اشياء بسيطه ومعقوله
يعني مثلا الطاولات بالاكل والاستاند والفرش وكل اللي عليه مايتعدي 35الف بس على شرط يكون مرتب وحلوا :smile:

الكوشه من 15 الف ونازل اللي بلاقيه فخم وعاجبني باخذه :smile:

الليزر والتصوير والزفه والدي جي ولوازمه من 20000 ونازل :smile:

المهم مااحط فلوسي وبعد عرس قلبي يعورني واتضايق ومااسوي شي رخيص ولوعه :down::down::down::down:

وبس سلامتكم


بس تدرون بنات كل اللي عرسوا بعد عرس ينصحوني اني ماابالغ كلهم قالوا تحسفنا لو حاطين نص مبلغ بحسابنا ومستفيدين فيه كان زين :down: