تعالوا يا بنات شو رايكم نتبع جدول منظم علشان شعورنا تطول وتغلظ،،،تعالوا بسرعة

انا بعد يا اخت الوضيحي اول مرة استخدمه وان شاء الله عاد نحصل النتيجة اللي نبيها........ بس ترا الكل يمدحه....

السلام عليكم ورحمة الله وبركاته

الصراحه موضوعكن فناااااااااااان وايد عيبني وحسيت فيه حماس وكل وحده تشجع الثانيه :up:

تعرفن .. انا شعري وايد خفيف وتقريبا واصل لين نهاية ظهري وقصيته عشانه متقصف من تحت .. بس قصيت شويه منه و غمضني:o

ومن فترة اسبوع سابقتنكن بهالجدول بس غيرت شوي فيه

خذيت دابر املا خلطت تقريبا نص الغرشه + نص غرشة زيت الجرجير + كمية من زيت الزيتون الاصلي من سوريا يايبينه ريحته فايحه وايد

وحطيت هالخلطه في غرشه وارجها قبل لا استعملها

ومن قريت موضوعكن اشتريت زيت جوز الهند cbc بس بعدني ما حطيت ثوم وياه

امممم وبعد ناقصني زيت الخروع باخذه باجر ان شاءالله وبحطه ويا زيت جوز الهند

وحابة اسألج اختي بنت البر كيف حطيتي حلبة ويا زيت دابر؟

يعني غسلتي الحلبه وحطيتها في الزيت وبس؟

وان شاءالله بتبع جدولكن بس مع اختلاف الايام والاوقات :cool2:


ومشكوووووورات حبيباتي وانا وياكن على نفس الدرب:up:

والسموووحه

مرحبا بج اختي اعضان في موضوعنا:shy:

الحلبه طحنتها وحطيتها في الغرشة مالت دابر وبس..

ان شاء الله تشوفين النتيجة الحلوة بأتباعج جدول منظم..:smile: وانا تراني ما حطيت الموضوع الا لاني عارفة انه في بنات وايد يتكاسلن في العناية بشعورهن وانا وحدة منهن،،،، بس يوم يكون العمل الجماعي وفيه حماس وتكون كل وحدة تشجع اختها وبعدين نقعد نتريا النتائج ،،اكيد بنقدر نهتم بشعورنا ونلقى النتيجة اللي نرضاها:up:

هيه زيييييييين جيه .... الحمدلله فيه حد دخل ويانا في الجدول .... خلاص يابنت البر أنا عادي ماعندي شي ... وبمشي على يوم الأثنين ويوم الخميس ... بالخلطات إللي قلتيها ...


وبحط المايونييز بعد ...


بس تعرفيين مره كنت معزومه يعني عزيمة بنات ... فقبل العزيمه ب ثلاث أيام دهنت شعري بزيت دابر ... وخليته ليله وغسلته في اليوم الثاني بس غسله وحده ... وخليته لين ماييبس وبعديين سشورته .... لكن شو بقولج عنه ... الكل هناك كان يسألني شو حاطه في شعري وبشو داهنتنه... ولييش جيه يلمع ماشاء الله ... بس بصراحه كان شعري هذاك اليوم ... :up::up:


عاد أنتي تعرفيين البنات مايحتاي أخبرج ... الأنضار كلها موجهه صوبج وصوب شعرج...:shy:



وخلاص يابنات ننتظر نتايجكم ...

شفتي اخت حصة الحماس والعزيمة من البنات ،،تراني وايد مستأنسة:cool2:

الله يحفظ شعرج من العين.........

السلام عليكم ورحمة الله وبركاته

انا بعد ببدي معاكم بس انا ماحب انام بالزيت احطه من بعد العشا الين الساعه 1 .

تدرون احس زيت دابر املا ينشف شعري مادري ليش ؟

بحط كل الزيوت الي قلتو عنها ماعدا الثوم وماي الحنه ودابر املا ،لان ماحب ريحة الثوم وماي الحنه بعد ماحبه ودابر املا قلت لكم احسه ينشف شعري .

وماني مغسله شعري بشامبو بغسله بسدر .

مرحبا فيج اخت 3athra وحياج معنا في الموضوع،،
اختي على راحتج،،ترا كل الزيوت مفيدة،،،،بس المهم النتيجة:smile:
ياليت توافينا بالنتائج اول باول،،،

اولي النتائج بتكون بعد اسبوعين من اتباع النظام.....


ترا تعرض النتائج يوم الخميس
تاريخ 9/9


ياليت كل المشاركات يلتزمون:smile:

وأنا إن شاء الله بكوون أول الناس ...:up:

فالج طيب الغااااليه

بنجتمع ان شاءالله وبنوافيكم بآخر المستجدات المحليه والعالميه عن شعوووووورنا:D2

وعساكن عالقوة حبيباتي ^_^

:clap::clap:
يعطيج العافية

:smile::clap:

بنااات اليوم ببتدى في الزييوووت

وحبيت اقول لكم شي

كان شعري بااااهت ومافيه حيوويه يعني ميييت

ونصحتني اربيعتي استخدم شامبو كريستاس مع كريميين

والله في ثالث تجربه شعري يلمع وفيه حياااه

استخدم الشامبو وعقب احط كريم ومن اخلص سبوحي واغسل جسمي

غسلت شعري بمااي واخليه يلين ينشف واحط كريم مثل الزيت

وشووو شعريه الحين فيييه حيووويه :cool2:

واليوم بحط املا دابر يعني بستخدم نفس الخلطات وبوزعها على الاسبوع

والوعد 9/9

:smile:

مرحبا اخواتي

لقيت معلومة مهمة تساعد على منع تساقط الشعر:::::

لازم نأكل بيضة كل يوم لانها تحتوي على البروتين اللي تحتاجه فروة الراس........

انا استخدمت رزمنه من الجرجير مع قليل من الماء حطيته في الخلاط وبعدين حطيت مع الخلطة زيت الخروع

وكنت استخدمه يوم وترك واحطه في شعري ساعة ونصف

بصراحة مفعوله وايد حلو وتلاحظين الفرق

بس لازم تكونين مستمرة عليه فترة

مثلا اول شهر يوم وترك

ثاني شهر في الاسبوع مرتين

ثالث شهر في الاسبوع مرة

وخلاص استمري انك تتدهنين شعرك في الاسبوع مرة

خليها الجمعة لاني احسن انه انسب وقت قبل صلاة الجمعة

وشكرا

جياج معنا اخت احلى صدفة:clap:

أختييه بنت البر ... أنا تقريباً كل يوم أكل بيض بس مافيه فايده يعني مايخصه في تساقط الشعر ... ويمكن بعد على حسب الشعور ... والحيييين شعري قام يطييييييح أكثر عن قبل ... وقالوا لي يمكن من الماي الحار ... :down:

صح يا حصة الماي الحار يطيح الشعر وخصوصا ماينا في الامارات مب مشغله السخان والماي ضو،،،،:D2

وانا ان شاء الله بكتب النتايج بـ 9 / 9 طبعا ما رح تكون نتائج باهرة بس أكيد في تغيييير ,,,,


اذا تذكرت وما نسيت :down:د

بنات لا تنسون شرب خميرة البيرة يفيد جدا الشعر لانو يحتوي على فيتامينات والياف :smile:

تحياتي

توتة :up:

هيه والله صدقج المااااااي ضو عدنا .... وحتى نحن مانشغل السخان وجييه الماي لو نشغله مادري شو بيستوي بنحترق .... بس شو نسوي ... لأنه صدق شعري ماقام يطييح إلا من يا الصيف ولا قبل الحمدلله مافيه شي ... متى بنفتك ويخف الحر ولونه صدق الصيف عدنا طوول السنه بس شو نسوي ....:down::down:




توته الصغيرونة :up:





ولي عوده ثانيه ... :smile: