تعالوا يا بنات شو رايكم نتبع جدول منظم علشان شعورنا تطول وتغلظ،،،تعالوا بسرعة

مشكورة اختي توته الصغيرونةعلى ردج على سؤالي:clap:

عمق السكون كلامج يا اختي صح الجدول يباله وحدة متفيجة بس عاد انا لازم اعطي شعري بعض الاهتمام لاني صراحة وايد اهملته...

اخت قلووووب زيت جوز الهند وايد زين للشعر الجاف ينعمه ويعطيه لمعة

اما انتي يا اخت unknown صراحة خوفتيني ،،انا اسمع ان الثوم وايد مفيد للشعر،،وانا الاطباء ينصحون فيه اللي فيهم ثعلبة ،،،بس شوفي انا بعد شهر او شهر ونص راح اقوللكم النتيجة.

بنت البر




فديتج أنا بمشي وياااااااج بالجدول .... صبري عليه .... اليوم أنا دهنت شعري بزيت جوز الهند هذا إللي تطرينه مع الحلبه.... (بالصدفه ماكنت أدري أنج بتمشين على جدول وجدولج شرات جدولي ..) ويوم الأثنين بحط دابر املا ...


بس فديتج لازم أنزيد شويه من الخلطات يعني مثل زيت الخروع واللوز والزيوت الثانيه ... ولاتنسين المايونيز ولا أنتي شو رايج ...


خبريني إذا بتحطيين هالخلطات ... لأنه أنا ماعندي مانع بستخدم أي شي ... الثوم والبصل كل شي تراني مجربه قبل ... وعندي خبره في هالسوالف ...:up:





أنتظر ردج ...

مرحبا اختي حصة
انا يا اختي احط جوز الهند مع الثوم مب الحلبة الحلبة في دابر املا بس مب مهم المهم الفايدة بتنحط على الشعر...
اما بالنسبة لزيوت الثانية مثل زيت الخروع، انا ما عندي مانع بس مرة استعملت زيت الخروع وكان وايد ثقيل وبصعوبة افركه على فروة الراس ،،انا الحين استخدمه لرموشى ترا وايد زين..
اما المايونيز حق شو استخدمه يعني احطة على شعري ،،،،مستحيل
انا يا اختي ما احب احط اشياء في شعري تخليني اتلعوز يوم اغسله حتى اني يوم استخدمت الحناء بس خذت الماي ما حطيت الحناء على راسي بشكل مباشر.... بس اذا انتي متعودة عليه استخدميه عسى يكون فيه نفع...


اخت حصة انتي قلتي انج عندج خبرة في هالسوالف (الخلطات ) ،،،شفتي نتيجة حلوة منها؟؟؟؟ خبريني عن خبرتج فيها يمكن استفيد منها..؟؟؟

انا في انتظار ردج

بنات نبي بعد فترة وفترة نحط النتايج اللي لاحظناها على الشعر .. اوكي

بعد كل اسبوعين مثلا .... :smile:

نعومة طول كثافة .. شئ هيك :smile:

مرحبا اخت توته الصغيرونة

ان شاء الله وفالج طيب راح اكتب النتائج اول بأول ،،هذا الاسبوع اول اسبوع لي في استخدام الخلطة ،،ان شاء الله بعد مرور الاسبوع القادم راح اكتب ملاحظاتي على شعري،،،وكل وحدة منكم يا بنات تكتب ملاحظاتها على شعرها......:clap: والله يوفقنا ويحقق اللي في بالنا......:up:

:smile:

احرجتيني بس بحاول انشاءالله

اسمحيلي يا اخت فراق مب القصد احرجك بس لازم تنتبهين لشعرك:smile:

هلا الغاليه ...عساج بخييييييير فديتج ...

هيه مب مشكله ... أنا بحط الثوم مع زيت دابر أملا يعني بسوي بالعكس ... بس فيه عندي خلطة زيووت سويتها قبل ... وهيه (زيت الجرجير،الخروع،اللوز، السمسم،الصبار،البصل) كلهم حطيتهم على النار وحطيت فيهم فصين ثوم ويوم أحمروا عقيتهم والفايده كلها أستوت في الزيوت ... وعقب عادي أستخدمه متى مابغيت يعني يكون اسبوعي ... وحتى حطيت لها الحبه السودا مطحونه عشان تسود الشعر ... ودابر أستخدمه روحه..

وعلى سالفة زيت الخروع هيه ادريبه غلييييظ بس أنا يوم أستخدمه أخلط وياه زيت اللوز الحلو وزيت السمسم وأحطه على شعري ...

والمايونيز حبيبتي عادي ... يمكن أنا متعوده عادي عندي بس أنتي على راحتج ... بس هوه وااايد مفيد للشعر .. يعطي نعومه ولمعه فضيييييييعه ...

بس صدقيني مع التعود بيستوي عادي عندج ... هذا الشعر ولازم أسوي كل شي عشانه...

وبالنسبه للخلطات هيه فادة ويا شعري والحمدلله وطول ... بس شو بقووول بعد ماتعبت في شعري وأنا أهتم فييييه راعت الصالون قصت من وااايد والله غميضه بس شو بقووول والحين أرد أعابل فيه من أول ...


بس إذا تبين يطول شعرج وتبين نتيجته في شهر أنصحج بالبصل ... أعرف أنج مابستخدمينه ... بس مب مشكله الخلطات الباجيه إللي قلت لج عنها بعد تساعد ونفس الشي ....:up:


وإن بغيتي أي خدمه أنا حاضره .... بس أهم شي الصبر ... وطولة البال ... وأنج ماتيأسيييين ومابيي كل شي بين يوم وليله ... يعني لازم تتريين عليه ... وكل وحده على طبيعة شعرها....


وأنتظر نتايجج ... وأنتي أنتظري نتايجي ...:smile:

بس ماي الحنا أنا مابقدر أستخدمه لأنه شعري جاف وأخاف يسبب جفاف له ... مافيه ...:down:

هلا يا بنات
ابي انضم وياكم ان شاءالله بس مشكلتي ما اداوم على التزييت يمكن يوم أكون وياكم اتشجع ..
عاد انا كنت ناوية اشتري زيت الخروع وابدأ ادهن شعري كل خميس .. بس جربته قبل وحسيت انه ثقيل ما اقدر اوزعه وكان شعري ايامها طويل .. بس الحين الخوات عطوني فكرة بخلطه مع اي زيت ثاني وبشوف

انا الصراحه ما أحاتي شكثر شعري يطول كثر ما همي أنه يغلظ ويكون صحي .. من كثر ما هو خفيف ويتساقط صار لي خط في راسي جنه مسويه فرق بالمشط ومو راضي يروح يخرب على شكلي تسريحة شعري :confused: .. ابي شعري يغلظ يا بناااااااااات

business_girl



حياج الله فديتج ... خلاص أمشي ويانا بالجدول ... وإن شاء الله بيعتدل شعرج ... بس لازم تواصليييين يعني ماتهملييينه ... واستخدمي الزيوت إللي قلنا عليها أنا و بنت البر ...


بنت البر ...

هاه الحيين على شو رسيتي ... يعني إللي بتمشيين عليه بمشي عليه أنا .. خلينا نحط جدولنا هنيه من اول عشان يكون واضح ... وأي حد من الخوات تحب أنها تنظم لنا حياها الله ...

مشكورة اخت حصة على التوضيح ،،وكل وحدة منا تستخدم اللي ترتاحله والنتائج ان شاء الله تكون مرضية لي ولج ولكل الاخولت اللي بيمشون على نظام معين،،، اسمعوا تاريخ 9 /9 انا بكتب التطورات لان بيكون مر على استخدام النظام اسبوعين.....
اما بالنسبة لماي الحناء ،،،انا شعري جاف بس عند الفروة دهني ،،،وانا بعد ما اطلع من الحمام او بعد ما يجف شعري ادهنه بكريم دابر اظن بهاي الطريقة ما بيصير الشعر جاف.....
على فكرة انا يمكن اخلط الخروع مع جوز الهند واحطه في شعري على اساس استفيد من الخروع لانه يكثف الشعر.....باسير اليوم العطار وبشتري الخروع.....



مرحبا بالاخت business girl /////
يا اختي استمري على نظام معين وان شاء الله بيغلظ شعرج...

انا وياج يا اخت حصة
هذا جدولي من اول ويديد وعليه بعض التعديلات بعد ما اقتنعت بكلامج وكلام الاخوات..



جدولي كالاتي:::
يوم الاربعاء ،،احط في فروة الشعر زيت الخروع اعرف انه ثقيل بس راح اخلى امي تحطه لي وتفركه....واخليه لين يوم الخميس وما اغسل شعري..
يوم الخميس فالليل احط في شعري زيت دابر مع الحلبة
يوم الجمعة الصبح اغسل شعري من الخروع ودابر بشامبو صانسيلك وبعدين اصب فوقه ماي الحناء علشان الريحة تروح...
ادهنه بكريم دابر وهو مبلول شوي..


يوم الاثنين الظهر ادهن شعري بزيت cbc مع الثوم + الخروع وفالليل اغسله واصب على شعري ماء الحناء علشان الريحة وادهن شعري بكريم دابر وهو مبلول......

وراح احاول استعمل المايونيز مرة كل اسبوعين ،،بس ياليت اخت حصة تقوليلي كيف يستخدمونه يخلطون وياه شىء والا بروحه......؟؟؟؟؟


__________________

اخت حصة عندي سؤال....
الحبة السوداء كيف استخدمها؟؟؟ يعني احطها في الزيت واخليها؟؟؟
طيب الحبة السوداء نوعين : الحبوب الكبار والا الصغار....؟؟؟؟
اسمحيلي ثقلت عليج بالاسئلة:o

يعطيج العافيه عالموضوع الحلو

عني انا بديت ببرنامج لشعري لانه كان مقصف جدا وجاف من استخدام الصبغات وان شاء الله بستمر عليه وان وجدت بعض الاضافات راح استخدم بدأت بقص الشعر المصبوغ لما شعري الاسود طول لعند كتوفي واستخدم شامبو الصبار واستبدله باي شامبو للشعر المقصف او الجاف او المتضرر وايضا استخدم الصابون السوري (زيت الزيتون والغار) وادهن شعري بزيت دابر املا مرتين بالاسبوع واحاول ادلك فروه راسي عشان تتنشط الفره واستخدم بلسم vo5 خمس زيوت اساسيه وفي بعض الاحيان بعد ما اغسل شعري بالشامبو اشطفه بماي السدر وادلك فيه فروه راسي ومن بعده البلسم وان شاء الله راح اشتري زيت انوب او الخروع لاني اريد كثافه بالمنطه الاماميه بشعري وهم راح اشتري فيتامينات خاصه لتقويه الشعر

لاني مصره ابي اطول شعري واخليه زي اول واحسن بعد ان شاااااااااااااااااااء الله :shy: دعواتكم يا بنات

بنت البر ...


هلا فديتج ... خلاص أنا بتبع الجدول ويااااج وعلى إللي قلتييييه .... وإن شاء الله بعد أسبوعييين بنحط النتايج ... بس لازم يكون في تواصل في هالفتره ...



وبالنسبه للمايونيز: تحطينه عادي خالي على شعرج بدوون أي إضافات ... وخليه الوقت إللي يريحج ... بس أطول فتره ممكنه ... يعني أنا قبل كنت أحطه في الليل والصبح أغسله يعني أي خلطه أحطها على شعري لازم أرقد بها ...


والحبه السوداء ياطويلة العمر ... هيه صغيره شرات السمسم بس لونها أسود أتنشدي أمج عنها وهيه بتخبرج .... بس أطحنيها لين تستوي ناعمه وحطيها مع الزيت ... وكل ماستخدمتي الزيت حركيه قبل وعقب أستخدمييه ....



وزين أنج ذكرتيني بالخروع للرموش ... لأني من فتره ودرته والحين برجع له ... وكل ليله بستخدمه ...



تنبييييييه هاااااااااااااام :-

في فترة العلاج يمنع إستخدام السشوار ... وخليه يجف على راحته ....



البرتقاله


هلا الغاليه فديتج ... حياج الله في موضوعنا ... إن شاء الله يعتدل شعرج ويرجع مثل أول وأحسن بعد .... بس أنتي أهتمي فيه ولاتهملييينه ومابجوفييين إلا النتيجه إللي ترضيييييج... ويامرحبا بأهل الكويت ... :smile:

هلا فيج اخت البرتقاله،،وان شاء الله بيرجع شعرج مثل اول واحسن اذا اتبعتي اللي قلتي عليه بنظام....:smile:

مرحبا اخت حصة ،،،خلاص انا وياج في النظام وراح نكتب النتائج اول باول،وراح نكون على اتصال من خلال الموضوع،،،

مشكورة اخت حصة على المعلومات والحين رايحة اطحن الحبة السوداء علىشان احطها في زيت جوز الهند........

اخت حصة انا ما اقدر احط الخلطة فالليل وارقد فيها يوم الاثنين وهذا باين من جدولي لان عندي يوم الثلاثاء الصبح جامعة، بس يوم الاربعاء والخميس والجمعة ما عندي جامعة فعلشان جذيه انا راح احط الخلطة فالليل وانام فيها...بس انتي اذا ماعندج شىء يوم الثلاثاء حطيها يوم الاثنين فالليل وارقدي فيها.....ان شاء الله تطلع النتائج احسن:up:

وانا بجرب الخلطاات وياااكم مع تغيي بسيط في الزيوووت

وبخبركم

مرحبا اخت الوضيحي وحياج معانا:clap:

الله يزيد المشاركات في الموضوع:smile:

الله يرحب بج على فضله يالغاليه بنت البر وترى ببتدي من بااااجر

الحين وانا ظاهره من الدواام بخطف على كارفور وباخذ دابر

وتراني اول مره استخدمه