احتاج الى نصيحتكم

هلابك

انتي مثلي بالضبط ما اعرف شي بحياتي اسمه توفير انه مبذره درجه أولى.. المهم ما انحلت المشكله الا ان الوالده عسى عمرها يطول وهقتني بالجمعيه وخلت اسمي اخر من يستلم ..

وبعد عندنا بالبحرين برنامج شهادات التوفير بــــ 50دينار للشهاده ويعملون عليها سحب كل مده معينه.

وبس هيك انصلح الأمر معي وصار عندي رصيد مثل الناس:cool2:

كلام الأخت مذهلة البحرين معقوووووووووووول كتييييييييييييييييير

يعني إما إنك تشتركي بجمعية وبكون احسن انك تحطيهن ببنك (حساب توفير)

:up:

السلام عليكم ورحمة الله وبركاته

أختي...

راح أخلي موضوعك في الركن و مش راح أنقله ركن أفكار و خبرات...لأني لاحظت إنه كتير يعانوا منه..

اول شيء راتبك ينزل على حساب في البنك...

بعدين نقول مثلا راتبك 10000 درهم...

راح تحوشي منهم و ليكن 3000

و راح تصرفي 6000

و راح تخلي 1000 للطوارئ...

نيجي لل 3000 الأولى...ما تلمسيها لو إيش ما حصل...أبدا أبدا...

بالنسبة لل 6000...قسميهم على مرتين...روحي أول الشهر اسحبي 3000 و اصرفي منهم بالعقل...و في نصف الشهر روحي اسحبي ال 3000 الثانية...و خلي مصروفاتك معتدلة...

ال 1000 الطوارئ...خليها لأنه ممكن يصير أي طارئ...تصليح سيارة...شراء هدية...فستان لحفلة عرس...رمضان و مستلزماته...العيد...و هكذا....

الواحد أختي لازم يكون عنده فلوس محوشها في البنك...لأنه ممكن يصير اي شيء لا سمح الله...لذلك أحسن شيء يكون كافي نفسه...علشان ما يضطر يلجأ لأحد...

كمان فكرة الجمعية فكرة حلوة...بس المشكلة لما تاخذي الجمعية...ماذا ستفعلي بفلوسها...؟!

أتمنى أكون قدرت أوضح لك...و تذكري إن المبذرين كانوا إخوان الشياطين...

كل شيء يكون بالإعتدال...و ما تنسي تتصدقي كتير...علشان ربنا يبارك لك في الفلوس...

مشكلتك بسيطة ولها حل انشاء الله ..




اذا انتي حابة فعلاً انك توفري :

روحي للبنك .. وافتحي شي اسمه حساب توفير ...
وكل نهاية شهر حددي المبلغ اللي تبين توفريه ، وحطيه في حساب التوفير .

يعني خلي عندك حسابين .. حسابك العادي (مثلاً:الجاري) وحساب التوفير يعني : تحويل اتوماتيكي من البنك ..



هذه أحسن طريقة ..




والطريقة الثانية : اللي قالتها الأخت مذهلة البحرين : الجمعية

اختي انا انصحج مثل مذهلة البحرين احسن شي الجمعية وخليج اخر وحدة


وبعدين يوم تاخذين الفلوس حطيهم بالتوفير

السلام عليكم

الاخت مذهلة البحرين شكرا على الرد والنصيحه الحلوه وانا فعلا جربت فكره الجمعيه وسويتها لكن نفس الشي اول ما مسكتها صرفتها

الاخت susu_redrose شكرا على الرد ومثل ما قلتي انا سويت حساب توفير ونفس الشي بعد كم شهر اتجحت للفلوس وسحبتها يعني رجعنا لنقطة الصفر :smile:

الاخت مرموم اذهلني تقسيمج للراتب وطريقه حلوه للعلم انا راتبي 8000
درهم
واحب اوضح انا ما احب التبذير ولا ابذر فلوسي لكن سبحان الله رزقنا وجعلنا سبب لرزق ناس ثانيه

اشكر لك الرد الجميل

الاخت lura شكرا على الرد والنصيحه الحلوه

ومثل ما قلت انا دخلت جمعيه وصرفتها وسويت حساب توفير وصرفته بعد


:smile:

اتمني القي نصيحه في مشروع او اي فكره او استثمار
انا سمعت عن الوديعه في البنك بس مااعرف عنها وايد

لكم مني كل الاحترام والتقدير

:up:

انصحج تفتحين حساب توفير بالبنك وتستقطعين من راتبج 30% وتخلين الباجي بحيث يوفي معاج لمتطلباتج ولي اخر لاشهر:shy:

السلام عليكم و رحمة الله و بركاته

احببت ان اوضح الى الاحتياط و الحذر من الارباح او الفوائد من حساب التوفير من الناحية الشرعية و التثبت من عدم وجود ارباح او فوائد ربوية فيها .

و بالنسبة للاخت بما انه ما نفعت معك الجمعية و لا الحساب الاستثماري
فانصحك بشراء شي ينفعك على المدى الطويل كشراء شقة او قطعة ارض و ذلك عن طريق البنك و تسديد القيمة بالتقسيط و بالنهاية تجدين شي ينفعك و قيمته توازي ما ادخرتيه مع ارباح القسط الذي دفعتيه.

و لكم تقدير و احترام شوّيب

bardana

شكرا على النصيحه والرد على الموضوع



شوّيب

نصيحه قيمه الله يعيني واجربها


شكرا على النصيحه والرد

السلام عليكم ورحمة الله وبركاته

كلام الاخوات عين العقل

والأخت مرموم ماقصرت أبدااااا مشاء الله عليها

ولكم مني كل التقدير والأحترام


مملكـــة القلوب

هلا حبيبتي


انا مع فكرت الجمعيه :clap:


اهم شىء

كل شيء يكون بالإعتدال...و ما تنسي تتصدقي كتير...علشان ربنا يبارك لك في الفلوس...:up:

الاخت مملكة القلوب

اشكر لك الرد على الموضوع والمرور الكريم


الاخت soosoos

اشكر لك على النصيحه القيمه

وانا جدا اعجبتني فكرة الاخ شويب

بحاول اني اسويها

:up:

استقطاع من معاشج كل شهر 50 دينار على الاقل ...
ولازم تفكرين لج بمشروع ... تحركين فيه فلسج ومخج :cool2:

الجمعيــــــــــة هذي احسن حل للي مايقدرون يوفرون

احم احم امثالي :pain:

شوفي عزيزتي انا كنت مثلك بس اصرف راتبي كله مايجي اخر الشهر الا انا مفلسه ومو كله اسراف ولله الحمد بس كان وقت ضروف وحاجه

بعد ماخلصت التزاماتي باديت افكر

طبعا الجمعيه ما احبها لاني ما احب اطالب الناس فلوس ولا اطلب من احد شي ومافيها خصوصيه نهائيا


فقلت افتح رصيد لي بالبنك حساب توفير بدون بطاقة صراف عشان ما اتجرأ واسحب منها شي الا للضروره القصوى يعني لازم اروح للبنك لما اجي اصرف منها

وبقيت مبلغ اصرف منه بالشهر يكفي لقاتوره جوالي وباقي مصاريفي

والحمدلله حسيت اني بديت اعتدل بمصروفي شوي

سحبت منه مبلغ وقت السفر واستفدت منه كثير

ومثلك عزيزتي لازم يكون عندك العزم واذا تحبين نصيحتي يمكن لانك ماقادره تمسكين فلوسك
احسن شي لك العقار

حاولي بالبدايه تجمعين لك مبلغ نقول 50 الف بعدها اشتري شقه حليوه بمكان معقول وادفعي الباقي بالتقسيط بحيث يناسب راتبك يعني لو اخذت من راتبك شهريا 3000 حلو
يبقى لك 5000 مصروف ولاتنسى بيكون عندك شقه بعد فوق الخمسه هذي

وعشان تشتغلين بزنس في نفس الوقت اللي انتي تقسطين الشقه وانتي ساكنه عند اهلك منتي بحاجتها اجريها احسن لك

يعني كل سنه فوق راتبك بتحصلين لك مبلغ نقول 30 الف ايجار هالشقه حقتج
يعني بتنسين انك تدفعين 3000 شهريا وبهالطريقه صار عندك راتب معقول
وشقه ودخل سنوي محترم

بعدها ابدي اجمعي الايجارات والباقي من الراتب حتىىى تشترين العماره حق الشقه

وعسى الله يفتح لك ابواب الرزق

بس لاتنسيني لو جيت الاماارت بسكن بشققك:smile:

تحياتي

العيطموس

شكرا على النصيحه

المشكله المخ موقف ما عرف شو يسوي

وهذا سبب طرح الموضوع

:D2

شموخ البحرين

شكرا على النصيحه

انا ما نفعت معاي الجمعيه

:shy:

ام ميرال

شكرا على الرد والنصيحه الذهبيه

تسلم الايادي على هالكلام

وانتي فعلا فهمتي قصدي لان نفس الشي الجمعيه ما عجبتني

وعلى سالفة تسكنين في شقتي

على العين والراس وتنورين الامارات

بتكون كل العماره على حسابج وتحت امرج

:up:

الله يوفق الجميع

السلام عليكم

أنا مثلك اختي العزيزة .. بس أهلي نصحوني أول ما اشتغل ادخل في جمعية وما أحسب هذه الفلوس ابدا انها من راتبي

والحمد لله الله وفقني من أول راتب لي دخلت في جمعية بملبغ ما مقداره 40% من الراتب الإجمالي وجمعية أخرى صغيرة جدا ب 0.4 من الراتب الإجمالي وكل ما تنتهي أجددها

بس وقعت في مشكلة .. والله على الظالم .. وصارت ظروفي صعبة واللحين يا دوب أغطي على ديوني ومصاريفي الأساسية .. والحمد لله

حاليا ليس في استطاعتي أن أوفر .. لكن إن شاء الله أموري تتيسر وأرجع مثل الأول وأحسن .. وبآخذ بنصائحكم

لكم كل الشكر

:clap: انا مع اختى مذهلة الجمعية هى الحل