احتاج الى نصيحتكم

لحوول كلنا فالهوا سواا :down:

انا عندي حساب توفير ومثلكم بعد ما يبقى فيه شي...بس الحمدالله الجمعيه نفعت معاي...

يمكن عزيزتي لحظة وداع انتي من اتحصلين الجمعيه تخرين الفلووس كلهم وانا كنت نفسج...

فا كنت من احصل الجمعيه اخذ منها مبلغ بسيط والمبلغ الثاني كنت اعطي حد من خواتي يخزنونهم لي وكنت اقولهم لا تعطوني ياهم كنت اكتب عندي انا الفلوس عطيت اختي فلانه وخلاص وانسى ان الفلووس عندهم وكنت اخذ مبلغ بسيط في الضروووووره القصوى..طبعا كنت اشتري بيهم شي ثمين ينفعني مثل ساعه ولا خاتم....على الاقل استفيد من التعب الي تعبته في تجميع هالفلووس..

وكنت احاول ادخل جمعيات صغيره جدا يعني قووم 2000 وكنت ادخل بسهمين عسب احصلهم كل شهرين ..هالنوع من الجمعيه واااايد نفعتني..

وعندي طريقه ثانيه

خليني اقوول ان هذا راتبي انا الي هوو 8000..

-اول شي اجيب ظرف مال الرسايل واكتب عليه (فواتير الاتصالات والي تشمل الانترنت والمبايل)...واضع فيه 500
-وظرف الثاني واكتب فيه (بترول السياره) وحط فيه 300
-وظرف اخر اكتب عليه( وناستي ) وحط فيه 500 او 1000
-وظرف اخر اكتب عليه(أحتياجات الشهر) وحط فيه 1000
-وظرف أخر اكتب عليه(صدقه) وحط فيه 200
-وظرف اكتي عليه(صالووون) وحطي فيه 500
(طبعا انا ما اعرف انتي في شو تصرفين فلووسج المهم الاشياء الروتينيه الي اتشوفينها اتصرفين فيها كل شهر خصصي لكلشي ظرف)

خلينا نرجع لفوق اشويه..الحين مثال شهر 1-10-2004

جت فاتورة التيلفوون 200 والانترنت 150 ..صار المجموع 350 نذهب
الا ظرف الاتصالات وشلي فقط 350 فقط والباقي 150 رديهم في نفس الظرف ولاتلمسينهم ابدا..

الظرف الثاني...كل اسبوع او اسبوعين طبعا احط بترول فالسياره ويكلف 50 او60 واخذ من ظرف بترول السياره....اذا خلصووو الفلووس من الظرف عادي لان في ظرف اخر حق الطوارئ..

وظرف المكتوب عليه وناستي...هذا حق المطاعم والسينما وخرابيطنا الي ماتخلص ولاتنفعتا :D2طبعا ماتشلين كل 1000 وتسيرين السينما خذي على قياسج كل اسبوع 100 او 50 فقط

وظرف احتياجاتي هذا خليه حق مشترايتج مثل الشيبل والنعول والمكياج والعطوور....طبعا اكيد انتي مب كل شهر بتشتريت شيله ونعال في شهوو اكيد مابتشترين فيهااا..

والظرف الي مكتوب عليه صدقه طبعا تصدقين بيهم للفقراء..
وظرف الصالووون حق الصالون طبعا ..من حمام زيت وبدكير منيكير حمام مغربي...الخ
وطبعا اذا يتي على الشهر الياي و استلمتي المعاش ماعليج الي انج اتردين اتحطين نفس المبلغ لكل ظرف ولاتنسين ان فلووس الشهر السابق موجووده فالظرف يعني الباقي من الشهر السابق مب تستانسين وااايد وتشلينهم كلهم لا سوي نفس ما كنتي اتسوين شلي من الظرف الي تحتاجينه لتسديد غرضك.......وطبعا على نهاية السنه كل ظرف بيكوون فيه اشويه فلووس على الاقل تقدرين اطلعينهم كلهم وتخزيزنهم او تشترين شي ثمين بيهم او اتخلينهم ......وكل الخطوااات الي سويناهااا من غير ما نلمس فلس من حساب التوفير :up:


هاي الطريقه وحده من صديقاتي اتسويها انا نفعت معاي وااااااايد...وماشالله عليها كل سنه امسافره وتشتري الي تباه وهي مرتاحه اوموفره عندها فالتوفير والظرووووف :smile:

واذا اي وحده من خواتي تبى اي مساعده او اي استفسار او مافهمت شي من كلامي اطرشلي رساله وانا بساعدها اكثر

زبرجدية

فعلا الخوات ما قصرن في الردود والاقتراحات

اتمني انج تستفيدين من اراء الاخوات

والله يساعدج ويهينيج في حياتج

وشكرا لك اختي العزيزه على المرور الكريم على الموضوع


اخت سهورر

شكرا على الرد والنصيحه الجميله


اخت عروس الموج

ما شالله عليج فعلا نصيحه ذهبيه

لك مني كل الاحترام

اتمني كل البنات يستفيدون من تجربتج

وانا بعد بجربها

:up:

انا اقول خبي فلوسك عند امك واذا ما قدرتي لاي سبب..........
اشتري كل شهر قطعة ذهب وبعد كم شهر بيعيهم بتطلع الفلوس كثيره راح تستخسرين تصرفين منهم مو زي الفلوس القليله الواحد يصرفها وهو يحس انه ما صرف شي........
وعلى هالحال لحد ما يطلع عندك مبلغ حلو اشتري فيه عقار ينفعك تأجرينه او حتى تسكنينه اذا ضاقت فيك الدنيا ......

wgd

شكرا عزيزتي على النصيحه

:up: