خبيرة التجميل تقول لكم اطلبوا اللي تبونه وهي حاضرة ... للاستشارة

susu_redrous >>> شكرا على المرور ..

عروس الدوحه ... اذا بغيتي روج شفاف ولمعته حلوه ... تعرفين غلوس لانكوم الشفاف طبعا وانا ذكرته في كذا رد من قبل درويه وبتعرفين رقمه ... حطي محدد وردي لحمي يعني طبيعي نفس لون الشفايف وبعدين حطي هذا الغلوس .... بيطلع طبيعي ويجنن ...

وشكرا على سؤالج عني ....

شكرا يا خليجيه انا موجوده وياكم وان غبت عنكم بردودي ترى قلبي وياكم ...

قطريه ... كثير من البنات يعانون من المشكله وكثير منهم ما يدرون ان البودره الحره تخفف من هذي المساله كثير ... بس اذا بشرتج دهنيه وايد لازم تختارين الفاونديشن المات ( الطافي ) وخبري المحل برغبتج علشان يعطونج اياه جربي فور ايفر وردي على ....

هلا عروس الدوحه ... اللي تقصدينه كريم الاضاءه واذا كنتي مجربه المكياج عند سعاد البحرينيه بتشوفينها تحطه للعروس ولونه ابيض اسمنتي يعني ناصع البياض ... بتلقينه عند كريولاين .... وانصحج انج تستخدمينه للاعراس فقط واذا كنتي تحت اضاءه قويه ....

بالنسبه للمذيعه مايا متري فهو كل مكياجها من فور ايفر .... اساليها او اسالي المحل وبياكد لج كلامي ... من الالف الى الياء .... وما تستخدم غير هذي الماركه ... لا تخافين انتو على قلبي مثل العسل ...

راعيه العيون ... رديت على اسالتج في رساله خاصه شوفيها والاساس اللي من هذي الماركه احلى شي بالنسبه لبشرتج ...

عروس الجنه .... الف مبروك مقدما ... الشادوهات انصحج من ماك وفور ايفر والاساس شوفي ردودي السابقه وبتلقين الرد عليهم والفرش من فور ايفر واذا كنتي تضبطين استخدام المائي خذي كريولاين او BN ... وتحياتي ...

حبيتي انا بشرتي تقريبا دهنيه ..... ابي اسألج شو احط الصبح عشان ما يبين دهني ونفس الوقت يكون ضد الشمس ويعطي اشراقه للوجه
لاني لما احط كريم الشمس يبين وجهي تعبان فأضطر احط عيه كريم الاساس والبودره بس الكل يقولي ان بشرتي بتتعب بهل الطريقه


وبعدين ابي اسال البنات محل ماركه كرولاين في دبي بعده عند دوار الساعه والا انتقل ووين انتقل لاني كل ما اطرش حد يقولون لي مو موجوووود
ومشكوووووووووورين مقدما

هلا نور عمان .... اذا تبين شي ما يخلي بشرتج دهنيه بتلقينه عند فور ايفر مستحضر جديد على شكل انبوبه يشبه انبوبه الكونسيلر ... هو شفاف تحطينه على مجهج يعطيه نعومه فائقه ويخليه ما يزيت واذا حبيتي حطي فوقه الميك اب او خليه بدون ما تحطين عليه شي ... وايد حلو وعملي ..

مشكوووره حبيبتي على الرد لكن احطه قبل كريم الشمس والا بعده

وشو الميك اب اللي يناسب فتره الصبح

السلام عليكم

سوال :) يا خبيره التجميل :)

عن الشعر

انا صبغت شعري قبل يومين يصير اليوم احط زيييت ؟؟


لان سمعت يقولون مو زيين يطيح الشعر


في انتظاار ردكي

نور عمان .... تحطينه بعد كريم الحمايه طبعا ...

moisto drop انا مو خبيره شعر بس معلوماتي وخبرتي بالميك اب فقط ...

بس اللي اعرفه ومجربته بعد ... اني بعد ما اصبغ شعري لازم مره بالاسبوع واعمله حمام زيت مره بالاسبوع ... ولا بيتقصف وبجف شعرج مع الصبغات ... وتحياتي ...

:smile:مشكووووره ثوب نشل

السلام عليكم ورحمة الله وبركاته
شكراً على الموضوع المهم بالنسبة لبنات المنتدي...:clap:

اطلب منك طلب اعرف طريقة وضع مكياج عيون أسود بسيط بس حلو

ابه بسرعة ولو اليوم يكون أحسن

وارجوا منك بعد اذا ماعليك أمر تنصحيني بماركة كحل للعيون أسود

ابى منك طلب ثاني معليش:shy: طريقة لتشقير الحواجب في البيت.. لاني بكرة عندي كلية وماأقدر اروح المشغل
لو سمحتييييييييييييييييييييييي وشكرا لكِ ...(u)

والسلام عليكم ورحمة الله وبركاتة
:z_bye:

حبيبه نفسها .... بالنسبه للميك اب الاسود يوجد نوعان بسيطان ...
وهم اولا الاسود الرمادي وطريقته سهله جدا اولا تضعين البيج على عظمه الحاجب ثم لون فاتح وردي او مشمشي او رمادي على الثنيه واذا حبيتي يكون بالاصبع لانه يعطي منظر طبيعي اكثر وبعدين بالظل الاسود من ماك تضعين ايضا بالاصبع على الجفن كامل وبتلاحظين مع استخدام الاصبع ان الالوان مدموجه مع بعض ثم بالكحل القلم الاسود تضعين خط خفيف داخب العين وتمشين بالاصبع على رموشك السفليه حتى تعطي منظر مضبب للكحل اسفل العين .... والقلم ايضا انصحك من ماك ...
الطريقه الثانيه نفس الطريقه الاولى لكن قبل وضع الشدو الاسود يجب ان تضعي شدو اسود كريمي واذا لم يكن لديك ضعي خط عريض جدا من القلم الاسود يكاد يغطي الجفن كامل ثم سيحيه بالفرشاه ثم ضعي عليه الشدو الاسود ... وهذه الطريقة تجعل الاسود حالك جدا وغامق ...
ولاتنسي الماسكرا في النهايه ...

حبيبه نفسها ... بالنسبه لسؤالك الثاني .... يوجد مستحضر خاص لتشقير الحواجب وستجديه لدى نزيه او محلات العنايه ومستلزمات الصالونات ولونه ازرق سماوى .. للاسف لا يستحضرني اسمه الان ... واذا لم يكن لديك استخدمي المشقر العادي الموجود عندك وذلك بتكحيل الحاجب المراد ضهوره اما الغير مرغوب فيه ضعي عليه المشقر من 10 دقائق الى 15 دقيقه مع المراقبه ثم اغسليه جيدا بالماء والصابون ....

راعيه العيون ....
حبيبتي بالنسبه للاساس من الواضح انج ما تحطين الاساس كامل شوفي الردود السابقه من اشجان الحلوه هي حاطه طريقه الاساس كامل اللي يخلي الاساس ثابت وما يطير بسرعه ...
بالنسبه للاساس انا دائما انصح البنات اللي بشرتهم دهنيه انهم يستخدمون الفاونديشن المات من فور ايفر فهو مصنع خصيصا لهذه البشره وانا استخدمه باستمرار ...
بالنسبه للشدو البرونزي اللامع عندج فور ايفر الشدو الباودر فهو برونزي ولامع جدا وجميل ورقمه 914 واسمه poudre irisee star powder >>>
وعذرا على التاخير ...

هلا حبيبتي ثوب النشل ابغي اشتري فراشي بشنو تنصحيني بس ماابغي فراشي غاليه وااايد واذا تعرفين اسعارهم احسن اذكريهم لي ؟

انزين حبيبتي انا بروح سوق وابغي اشتري اساس يناسب وجهي فقررت اشتري ماك وكنيبو كرميل لانه وااايد حلوا ويصغر وجه :shy:

شوفي وجهي مختلط الجبهه والذقن والانف مدهن بس خشمي مب دوم مدهن اوكي وخدود جافه
لكن بعض الاحيان لمااحط اساس يتقشر خشمي مايبين الاساس مرتب يبين خصوصا عند الخشم مقشر حتي لما استخدمت بودرة ماكس فاكتر كل مكان اوكي لكن خشم متقشر

ابغيك تنصحيني اي كريم اساس اخذ من ماك يعني شنو اقول لها ؟
ابغي جاف والا مدهن

السلام عليكم الأخت اشجان

عندي طلب وارجو المساعده

عندي حفل زواج هالأسبوع وابغي احط ميكب لونه وردي ويكون حلو وبارز

عيوني صغيره ولوني ابيض على اللون الأصفر وويهي (بيبي فيس) والفستان بيكون (اوف وايت) وفيه شرايط لونها وردي فاتح وبطيخي

ممكن اتقولي كيف احط الميكب الورد على ويهي او اتحطين صوره وعقب اتعلميني كيف اسويه

انتظر ردج

اختي ثوب نشل سمعتي عن هالكريم الاساس

deborahعند جنيد

هلا وغلا حبيبتي ثوب نشل والله يعطيج العافيه على متابعتج لنا :up:



مشكوره عيوني على أجوبتج الكافيه والوافيه :clap:




وبالنسبه للماكينه ياريت موجوده :D2 .................وتراج طلعتي مثلي :shy: كسووووله :o

ابي منج طريقة وضع الآي شدو بألوان غامجه وطريقة اخرى بألوان فاااتحه

ورا ادعي لج من كل قلبي يالغاليه

ويعطيج الف عافية :smile:

عندي

سؤال

انا ماخذه كونسيلير عشان اخفي به البقع

اول شي احط الكونسيلر وبعدين اوزع الاساس

بس لما اوزع الاساس ينشال الكونسيلر ويضهرون البقع

مع ان المكياج ماركه شو الحل:pain:

هلا حبيبتي ثوب النشل شريت من ماك كريم اساس قتلها عطيني مات بس ماادري شنو عطتني هذا اسمه

select spf 15 foundation fond de teint fps 15

اختي هذا حق اي بشره يناسب

انزين اختي البودرة بيضه اللي تنحط حق الظل لين تنثر على الخد من وين هذي وتصلح اي بودرة بيضه ويصلح فودر

انزين اختي بقولج طريقه وضع مكياج ابيج بس تقولين صح او خطأ :up:
اول شي كريم الاشراقه للوجه او اي كريم
ثانيا كريم اساس
ثالثا بودرة حره
رابعا احط بودرة مضغوطه مع الماء بعدين احط مكياجي يصير هذي طريقه لاني احب احط مكياج بعد بودرة

ادري بتقولين بعد بودرة حرة احط الظل والحل مايصير طريقتي :down:


بودرة خشم اللي يلمع اشلون احطه طوالي خشم على الجنب تحت العيون اشلون ويكون خفيف بالفرشاه
وابشرك شريت اللي عند فور ايفر روووووووووووووووووعه
لونه فضيع ابيض على ذهبي :shy:


انزين اختي عندي ظل كريمي من شسيدو او كريستين دور نسيت ماركه
اشلون احطه لان اول مرة استخدم كريمي :pain:

يعطيك عافيه حبيبتي :smile:

هذا اهداء لك:shy::shy:
الثلج هدية الشتاء .. والشمس هدية الصيف .. والزهور هدية الربيع .. وأنت هدية العمر .
اللهم إني أحب عبدك هذا حبا خالصا فيك .. فاجمعني وإياه في رياض الجنان .

اخواتي بنات وعرايس المنتدى ..... اني احبكم في الله ...

واسمحوا لي بالانقطاع الغير مقصود ... وللاسف ربما يطول هذا الانقطاع .... ربما لن يكون دائما .... ولكن بين الفتره والاخرى سوف ادخل المنتدى للاطمئنان عليكم ... ولاني لا استطيع الاطاله .... سوف اقوم بالرد المختصر على بعض الاسئله الجديده ... اما الاسئله المكرره فاعذروني .... لضيق الوقت ....
وهذه دعوه مني لاي خبيره تجميل تجد لديها الخبره المناسبه والتي تفيد البنات في المنتدى .... ان تقوم بالرد نيابه عني ....
وكما قلت لكم سوف اقوم بالرد ربما مره في الاسبوع على بعض الرسائل السريعه والتي لا تحتاج الى شرح مفصل ....

لذا يرجى منكن عزيزاتي عندما توجهن الاسئله ان تكون مختصره ومحدده ومفهومه حتى استطيع ان ارد عليها جميعا .....

واعذروني مره اخرى ..... ولم يمسكني عنكم سوى الظروف التي امر بها حاليا والتي لا تسمح لي بالاطاله اما الكمبيوتر ....

اني احبكم في الله .... فاعذروني ....

(u)(u)(u)(u)(u)(u)(u)(u)(u)(u)(u)(u)(u)(u)(u)(u)(u)(u)

((انا بعد احبج في الله)) :shy:


رااااااااااااح توحشيني واااااااااايد يالغاليه :o




ومسموحه عيوني لان كل شخص عنده ظروف :up:


تحياتي لكِ