خبيرة التجميل تقول لكم اطلبوا اللي تبونه وهي حاضرة ... للاستشارة

غاليتي أشجان


يالله حضري نفسك عشان بعطيك سؤال صعب



ألاحظ قبل ما يسووون الماكياج اللبناني فيه كريم

من ( سيسلي ) تقريبا يحطونه ع الوجه وعلى ما أعتقد إنه السر

في ماكياجهم ..


شفت الماكييره كم مره تحط هالكريم بس اللئيمه ماخلتني أقرا إسمه

وخفت أسألها تفشلني ..


كمان سؤال ثاني ...


كيف ممكن أخلي تدريجات الظل تبين ..

لأني أسوي كذا لون وأخلط ألون وأستخدم أحيانا ماء مع الإي شدو

لكن مايطلع زين ..


ياريت تساعديني .. كمان بسأل أيهم يثبت أكثر الأي لاينر اللي أحطه

بالفرشاه أو بحقت الأي لاينر نفسها ..


معليش كثرت عليك الأسئله حياتي

اااااااااااااااااسسسسسسسففففففففففففههههههههههههههههههههه
على التاخير والانقطاع وانشاء الله معوضين
خييييييير


عروس الدوحه ....
بالنسبه للفراشي روحي زهور الريف عندهم فراشي حلوه وناعمه وتعيش ورخيصه ....
بالنسبه للانف حاولي تسوين تقشير مرتين في الاسبوع بالليمون والسكر
وبعدين قبل البودرة المغوطه لاااااااااااااازم تحطين اساس سائل علشان ما تطلع عندج القشور ويحمي بشرتج من البودرة المضغوطه لانه حاااااره على البشره ...


جرناسه اسفه على التاخير .....
بالنسبه للمكياج اذا تشوفين المذيعه رزان مكياجها يناسب البيبي فيس
طريقتها سهله...
تحطين وردي لماع على عظمه الجاجب وعلى الجفن المتحرك كله وبعدين باللون البرتقالي اللي يميل على الوردي تحطينه على الثنيه طلعينه شوي لبره .... حطي كحل قلم ازرق داخل العين ومسكرا زرقاء .. وانتهى الموضوع .... شفتي شلون سهل ...

عروس الدوحه ..... لا ما سمعت عن هذا الكريم اللي عند جنيد بس لين رحت له باشوفه وبارد عليج ....

خليجيه ...... الطيور على اشكالها تقع ..... يا هلا

ترنيمه حب .... شوفي اذا تبين الشدو غامق لازم تحطين تحته شدو كريمي اسود او كحل قلم اسود وتسيحينه وبعديت تحطين اللون اللي تبينه فوقه ( شوفي الرود السابقه فيها شرح وافي عن الموضوع )
والالوان الفاتحه تحطين تحتها اللون البيج النايلون اللي عند ماك اذا تبين تفتحينها .... والشرح بعد موجود ولكن بطريقه اخرى ...

قمر عمان .... بالنسبه للكونسيلر اعقد ان الكونسيلر اللي تستخدمينه كريمي ... اخذي السائل وما راح يروح ... او اذا تبين الكريمي حطي عليه الفاونديشن بس ةانتي تحطينه تربتين على ويهج يعني مو تمسحينه لا تقعدين تطبطبين على ويهج بالاسفنجه لين توزعين الاساس ...

عروس الدوحه ...... بالنسبه لماك السائل ما يحضرني اسمه الحين
وبالنسبه للحره اذا تبين تحطين تحت عيونج عن الرتوش اللي تحصل اثناء وضع المكياج اخذي اي بودرة رخيصه من بودي شوب او زهور الريف او حتى بيبي جونسن وما راح تاثر على المكياج لانج بتثبتينه بالاساس والحره الثانيه والمضغوطه ...
بالنسبه لطريقتج صحيحه بس المضغوطه ما تحطينها بالماي ابدا
وبالنسبه للسؤال اللي بعده .... يصير ولا تزعلين بس بعد حطي طبقه اخيره من المضغوطه بعد ما تخلصين من عيونج لانها تنظف لج المكياج
بالنسبه للشدو الكريمي حطي منه بصبعج بس طبقه خفيفه علشان ما يقطع واذا كان ممكن تحطين فوقه شدو نفس اللون احسن ... على فكره هو مصنع علشان نستخدمه بهذي الطريقه ...
بالنسبه للبودرة البيضاء لتصحيح الانف تحطينها بصبعج من ارنبه الانف لين توصلين وسط الحاجبين وبعدين توزعينها على فوق شوي وعلى جنبين الانف شوي بس علشان تخف الحمره اللي بتحطينها على الجنبين
وشكرا على الاهداء ...

خليجيه هذا انا رجعت لكم ....

برا الطابور .... اسمحيلي ما اعرفه بس لين رحت حق سيسلي باشوفه وبارد عليج انشاء الله ..

بالنسبه للتدريج اذا ما تعرفين تستخدمين الفرشاه جربي بصبعج قبل وشوفي بتطلع لج نتيجه حلوه بعد ....
انا اعرف وحده مكياجها حلو وما تستخدم الفرشاه ابدا ....
كلا النوعين ثابتين بس اهم شي ان الاي لاينر البودرة يكون اسود حالك ومن ماركه لان الماركات الصغير يميل الاسود عندهم الى الرمادي ويطير بسرعه ...

اهاااااااا

فهمت

شكرا:smile:

:confused:اختى الغاليه لو سمحتى تعطينى عنوان احسن خبيره مكياج فى قطر او اى صالون يكون مكياجه راقى لانى لين هل:confused:حين ما حص:confused:لت صالون الى ارتاحله وجزاج الله الف خير:confused :confused: :confused:

حياتي رافى .... بصراحه انا ما اروح اي صالون علشان اتمكيج علشان جذيه ما اعرف الصالونات اللي تمكيج حلو بس شفت صالون لينا شغلهم ناعم ... وبالنسبه للخبيرات عندج كذا وحده .... بس ترى المكياج حظج نصيبج ممكن تحط لج حلو واختج مش حلو مع انكم ممكن تكونون اتوام .... فهمتيني ..... وتحياتي ...

قمر عمان ..... الحمد لله اللي قدرت اوصلج المعلومه ...

ثوب نشل ................هلا وغلا بحبيبتي ونور عيني :flower:


شاكره مرورج وردودج على البنات مع إنج مشغوله :clap:



والله يعطيج العافيه :up:

شكرا لج يالغاليه يا خليجييييييييييييييييييييه ....

يعطيج الف عافيه ثوب نشل على ردودج ومشاركتج الاكثر من رائعه والله يجعله إن شاء الله في ميزان حسناتج :smile::clap::clap::up::up:

اختي ثوب النشل ابغي اعرف هذا كريم اساس يصلح لاي نوع بشره
وهو نوعه مات او لا

هذا صورته



ابغيكي تقوليلي كيف ادمج الوان ظل بعيوني واشلون انقي الوان واعرف انها متناسقه :cool2:

وهذا اللي مكتوب عليه
select spf 15 foundation fond de teint fps 15

وقريت ردودك للبنات عن بودرة بيضا اللي تنحط عشان ظل
اختي كيف احطها اليوم صبح حطيتها بخدودي الله لايوريكي طاح من خدودي وتنثر على اقل حركه لوجهي تلعوزت ثيابي ولاعرفت احط ظل عدل وبعد تلعوزت خدودي :down::down:

حبيبتي الفاونديشن SLA من اي ماركه لاني دورت عليه مالقيته

لو سمحت اختي الغاليه بغيت ماركة كونسيلر يخفي الهالات السوداء تحت العيون........... ومشكووووووووووورة وااااااااااااااااااايد

يعطيج العافيه ماقصرتي بغيت اسألج جم سؤال
انا بشرتي جافه ومو اي فاونديشن يلوق عليها
جربت كلينك اول ماحطيته كان حلو بس بعدين حسيت انه مبقع مارتحتله
فا ابي فاونديشن خفيف ويصلح للبشره الجافه
وانا محتاره في بدله عندي شحط عليها مكياج فا ابي استشيرج
اهي عنابيه مشكوكه بالذهبي والشذري شرايج ؟؟
ويعطيج الف مليون عافيه :up:

وينك يا ثوب نشل

السلام عليكم ورحمة الله وبركاته
اختي الغاليه اشجان الله يعطيك العافيه انا عندي موضوع عن المكياج في الكليه باللغه الانجليزيه وحابه اعرف بعض المواقع عن الموضوع اذا تقدرين تفيديني عن اللي ابيه
1_اضرار المكياج على البشره على المدى البعيد
2-انواع المكياج المائي والعادي
3-مكونات المكياج القديم والحديث
ادري اني مثقله عليك بطلبي بس الله يعطيك العافيه ابيه ضروري (u)

مرحبا اختي
انا عاد نويت اشتري الفاونديشن من فور ايفر بس عاد ابغي اعرف سعره بكم؟؟؟؟؟

هلا كلثم .... حياتي انا صح استخدم هذي الماركه بس مو كل شي عندهم اعرف رقمه واللي اعطيكم ارقامهم هذي اشياء انا استخدمها وانفعت معاي ... علشان جذيه انتي لما تروحين المحل اسالي اللي هناك وهي بتقولج عن نوعه وبتشوف بشرتج ولونها انا ما شفتج ولا شفت نوع او لون بشرتج علشان اعطيج الرقن والنوع بالضبط ... حبيبتي انتي فاهمتني طبعا ....
وبالنسبه للشدو الابض اي واحد تقصدين لان انا نصحت بكذا واحد وكذا ماركه ياليت تذكرين لي بالضبط اي واحد .. وتحياتي ..

abc >>> حبيبتي هذا اختصار للماركه ودوري في الردود السابقه اللي في الصفحات الاولى بتلقين الاسم كامل وهي مانو يبيعونها عندنا عند الهي لاند بس الحين اشوفهم ما يبيعونها ما ادري ليش يمكن اخذ وكالتها محل ثاني ....

omm ahmad ... حياتي عندج كونسيلر القلم الكريمي من بودي شوب وايد حلو ... وعندج كونسيلر فور ايفر السائل في انبوب بعد حلو بس خفيف وعندج الكونسيلر من زهور الريف بعد حلو ويغطي وسعره 55 ريال

بالنسبه للفاونديشن عندج فور ايفر خفيف وحلو بس لما تشترينه قولي لهم بشرتي جافه يعني ابي اللي فيه نسبه من الزيت علشان ما يجفف بشرتج زياده ...
وبالنسبه للشدو حطي اسود دخاني مع البيج الغامق او الذهبي والروج خليه مات بيج بيصغر ويهج وعمرج وايد

ماريا توتو ... حبيبتي ابحثي فيgoogle ... يمكن تلقين او روحي حق محلات المكياج واخذي نشرات وكتيبات من عندهم ...

بنت البر .... والله ما اذكر سعره بس اكيد ميه وشوي

السلام عليكم ورحمة الله وبركاته


ممكن مساعدة

1-اولاً أنا ما عرف احط مكياج :down::down::down:

2-أنا بشرتي طبيعية ولونها أبيض ولله الحمد

3-ممكن توصفين لي الأشياء الي الازم استخدمه قبل المكياج من كريمات و غيرة و أنواعها مع ذكر الماركة لو سمحتي

4-انواع كريمات الأساس و البودرة و هل أفضل أنواع البودرة هي البودرة الحرة و عطيني أسم الماركة

5- السموحة:o:o:oمنو أفضل شي من هاذي المجموعة

نينا ريتشي ولا استيه لودر ولا ماك ولا روشاس مع ذكر لماذا؟؟؟؟؟؟؟

أخيراً ممكن تردين علي بسرعة لو سمحتي :o:o

اختي مشكور على ردك :smile:
بغيت تشرحيلي اشلون اسوي شدو للعيون اسود دخاني عندي اسود بس غامق كيف اخليه لونه دخاني بمعني ان لو ارسم عيوني بكحل يبين الكحل

مرة شفت نوال الزغبي حاطه الاسود الفوشي وقالت ان خبيره تحط تحت وردي وفوقه اسود

ممكن تشرحيلي اشلون

وابغي اعرف اشوف ممثله الهام فضاله بمسلسل الحريم تحط ظل اسود على رمادي ويكون لونه ضبابي على اسود
عجييييييب

اختي شريت لمعه الخشم اللي كاتبه عنها عند فور ايفر

بعد الميكب اخر شي احطها بس ماتبين وااايد شوي و5 دقايق ويصير لونه طافي :down:

:o بغيت استشيرج فستان ملجتي لونه فضي على رصاصي وفيه مثل خرزات على اللون الاخضر والوردي
شو تنصحيني احط لون الشدو (اكيد بسير الصالون)؟؟؟؟
:confused::confused::confused: ردي عليي بليييييييييز