اللي تبي افكارلدروس الرياضيات او العلوم للمرحلة الابتدائية

حبيبتي اناهيد اكيد تقدرين تدمجين الدروس مع بعض .. لا وبعد تقدرين تقدمين درس على درس حسب نظرتج للمنهج ....:up::up:

أنزين الحبيبة متى بتكملين باقي الدروس ؟؟؟

اناهيد حبيبتي عطيني ربع ساعه بارد على بعض المواضيع والرسائل وبارجع لج لان موضوعي معاج طويل شوي ويبيله فراغة .... انتظريني..حبوبة :up::up::up:

شوفي بريدج الخاص اقري الرسائل لين ارجع لج

حبيبتي اناهيد رجعت لج ولبنات المنتدى وباعطيج بعض الافكار

حاولي انك دائما تستخدمين اسلوب اللعب في حل المسائل مثلا ...
1- لازم تسويينهم مجموعات وتجعلين قائد لكل مجموعة وتسمينه باسم معين مع تعليق لوحة على الحائط باسماء المجموعات...

2- علقي لوحة طويله عليها رسمة عمارة مكونة من مثلا عشرون طابق واكتبي عليها من يملك هذه العمارة ونهاية كل اسبوع ضعي اسم المجموعه على الطابق وهكذا حتى تنتهين من جميع الطوابق ثم تحسبين كل نجموعه كم طابق تملك وتقدمين لهم الهدايا ..

3- في حصص المراجة او حصص حل التمارين اعطي لكل مجموعة سلة بها بطاقات صغيرة وكل طالب يجاوب على سؤال حتى ولو كان السؤال تافه ياخذ بطاقة ثم تحسبين من اللذي سوف يفوز في اخر اليوم او على مدار الاسبوع ...

3- اذهبي الى مركز التعليم المبكر وسوف تجدين بساط مرقم عليه رسمة خطوات ضعيه اسفل السبورة بحيث ان الطالب عندما يذهب لحل السؤال يقوم بالمشي على الخطوات ....

4- اليك هذه اللعبة الجميلة ... ضعي ست اكواب منثورة على طاولتك من جهة وست اخرين من جهة ثانية واكتبي مسالتين مختلفتين او متشابهتين على السبورة واطالبي من الطلاب ان يذهبوا الى اخر الصف حتى يتسابقو بالجري الى السبورة لحل المسالة والذي ينتهي تاكدي من حله الصحيح ثم يقوم بترتيب الاكواب عبى شكل هرم 3-2-1 والذي يكمل هو الفائز ..... صدقيني سوف يتنشطون ويطلبونها منك كل يوم ....

ها عجبتج الافكار والا تبين بعد ....
:shy::shy::shy::shy::shy::shy:(u)(u)(u)(u):shy::shy::shy::shy::shy::shy:

أكيد عجبتني الأفكار و أكيد أريد بعد...

يمكن أكون أحد أسباب دخولج الجنه شدراج...

طولي بالج عليه و خبريني عن دروس الضرب

بتلاقين قائمه طويله في الصفحة الأولى...


شكراً أستاذه

اناهيد حبيبتي ما اقدر اشرح لج الدروس كلها كاملة لانها بتاخذ وقت طويل مني انا ممكن اعطيج نبذه عنها وكيفية شرحها . اما منهج كامل ما اقدر حبيبتي لاني اقعد ساعتين بس في اليوم عند الانترنت وعندي كذا منتدى مشاركه فيه علشان جذي ارد عليج بشكل مختصر فياليت تكتبين لي موضوع واحد وتحددين بالضبط شو تبين فيه ... وبعد ما ارد عليج تكتبين لي عن موضوع ثاني ...... اتفقنااااااااا:up::up:

:flower: :flower: :flower:مشكوره ما قصرتي :flower: :flower: :flower:

هـــــــــــــــــــــــــلا

لقيت ألعاب عن الترتيب التصاعدي و التنازلي

لعبة حبل الغسيل أشارت لها أم عبد الملك في ألعاب تعليمية

و لعبه ثانية أقسم الطلاب إلى مجموعيتن و أطلب من كل وحد فيهم

يأخذ أي رقم و خليهم يدورون بشكل عشوائي و هم ماسكين الأرقام و

أطلب منهم يوقفون حسب الأرقام اللي معاهم تصاعدياً أو تنازلياً و

المجموعه اللي بتخلص بسرعة هي الفائزه...

لعبة للمضاعفات

أطلب من الطلاب يعطوني مضاعفات الخمسة مثلاً

يبدأ الطالب يقول 1 و الثاني يقول 2

و هكذا و اللي يوصل عند الخمسة يصفق ما يتكلم

و اللي يوصل عند العشرة يصفق بعد و هكذا

يعني اللي يوصل عند أي مضاعف يصفق بس ...

noofe1

علميني عن مفهوم 1000 - 10000 - 100000 - 1000000

يعني كيف اشرحها ؟

حلوة يا اناهيد ابيج تكونين متفاعلة كذا معاي يعني تفيديني وافيدج .....بس حبوبة ما فهمت يعني ايش 10000 و...... الخ في اي درس بالضبط....

شوفي حبوبه هذه وحده في الصف الرابع تتكلم عن الأعداد و العد

حتى ( 9999999)
و الدروس اللي فيها عن :

مفهوم الألف
مفهوم العشرة آلاف
مفهوم المئة ألف
مفهوم المليون
و منها أن الطلاب يتعلمون القيمة المكانية للرقم في العدد و مقارنة الأعداد و ترتيب الأعداد تصاعدياً و تنازلياً...

وبس

يا رب أكون وضحت شيء...

انا باعطيج يا اناهيد مقتطفات عن كيفية الشرح وانتي رتبيها باسلوبج الحلو .... اوكي ...

اولا القيمة المكانية اشريحها بهذي اللعبة ......
مثلا .. اخذ خمس بطاقات وكل بطاقة اكتبي عليها رقم مختلف ... وعطيها خمس طالبات .... وطلعيهم على السبورة وقوليلهم اصطفوا مثل ما تبون .... مثلا 78543 فقولي لهم الحين كل وحده حافظة اي رقم عندها والرقم اللي باقوله تتم واقفه وباقي الارقام يجلسون على الرض ... فتقولين مثلا .... 5 فتبقى الخمسة واقفه والباقي يجلسون .... ونرمز للجالسين بالصفر .... ونعبر عنهم بالسبورة 00 5 00 وطبعا اصفار الشمال تلغى وهكذا يبدلون اماكنهم ثم تختار الطالبة رقم وطالبة اخرى تعبر عن قيمته المكانية .... ونصيحة اخوية ... دائما اتبعي نفس اللعبة لشرح المفهوم الواحد ...

شي اخر في التريب التصاعدي واتنازلي لازم اول شئ يحسبون عدد الارقام ثم يرتبونها .... وتسطيعين ان تستخدمي عدة العاب مثلا ترسمين لهم قطارين واحد عدد عرباته خمسة وواحد عدد عرباته سبعة وتضعين في كل عربة رقم وتقولين لهم من عدد عرباته اكثر ... اذا هو الاكبر واذا اردتيها ان تكون حركية تعطين كل طالب رقم وتعملينهم على شكل قطارين وتخلينهم يدورون في الفصل وانتي تضعين اغنية توت توت هذا قطاري لهدى حسين او تغنينها الافضل معهم وصدقيني بيستانسون وايد ... غنيلهم توت توت انا القطار السريع .. امشي ولا استريح ... وبعدها يلاحظون الطلاب ان القطار ذو الاعداد الكثيرة هو الاكبر ......

حبيبتي لا تخرعين من كثر الكلام لو نفذتية ما ياخذ خمس دقايق ... بس انا اشرح لج بالتفصيل الممل علشان توضح الؤيا عندج .... اوكي .... :up:

على فكرة نسيت شي لمقارنة الاعداد دائما لعبيهم لعبة الباص وهو انج تعملين لوحة كبيرة من الفلين على شكل باص ... ثم تعلقين عل كل شباك كليب ... مثل راس الصنارة وتعلقين كذا بطاقة على كل كليب ... وبعدين تطلبين من كل مجموعة تقول اكبر ولا اصغر وبعدين تقلبين البطاقة واذا طلعت صح تعطينهم نقطة ... طبعا تناقشينهم في الغلط والصح على جنب السبورة .....:clap::clap::clap:

و الله أنج مبدعه بكل ما تحمل الكلمه من معنى ...

بالنسبة للعبة الباص أخلي الطلاب يقارنون بين كل الأرقام اللي على كل شباك و شو اكبر رقم و أصغر رقم ... ( بس جذية )

و لا ... بس أخليهم يقارنون بين شباكين فقط ؟؟؟

الحين علميني على الضرب و الدروس هي

الضرب في 10 و الضرب في 100

و مضاعفات كلاً منهما

الضرب في عدد مكون رمزه من رقم واحد ...
الضرب في عدد مكون رمزه من رقمين ...
الضرب في عدد مكون رمزه من ثلاث أرقم ...


و لكِ جزيل الشكر حبوبه

حبوبة اناهيد ..... سالفة الباص الله يسلمج اولا البطاقات تكون مقلوبة كلها وبعدين تفتحين اول بطاقة وتسالينهم الباطقة الثانية اكبر ولا اصغر من الاولى .. ويخمنون بعدين تروينهم الاجابة يا اما يربحون او يخسرون .. ثم المجموعة الثانية تخمن البطاقة الثالثة هل هي اصغر من اللي قبلها ولا لا ... وجذي لين تخلصين من البطاقات كلها وكل ما تقارنين وحده باللي قبلها تشيلين اللي ما تحتاجين لها .... لين يخلصون ...

حبوبه حاطة اسكار موقع لتحضير الدروس و هذا رابط لتحضير دروس الرياضيات للصف الرابع الفصل الدراسي الأول
http://go.3roos.com/Gmg0ilISzk0

توني قارية رسالتج وعلى فكرة انا درست صف اول وصف ثاني .. بس لاني تخصص رياضيات الحين من سنتين ادرس خامس وبعد بنين .... ايش رايج .... على شان جذي احب العبهم وايد وعلى فكرة انا على طول العب معاهم حتى في الفسح وحصص الاحتياط ....

حبيت اعطيج معلومة بعد تفيدج انا طرقتي اني ما اعطيهم على طول الاسبوع دروس لا .. اذا حسيت ان نشاطهم فتر وقل ... اخصص حصه من الحصص لعمل اللوحات اوزع عليهم لوحات واقلام واقولهم كل مجموعه تصمم لي لوحة افتحوا على اي موضوع من الكتاب وسوو لي لوحة ... واحيانا اخليهم يكتبون عبارات تشجيعية علشان اذا فاز احد من فريقهم يهتفون له ويرفعون اللوحات ... وبعدين في كل حصه اعطي طالب من كل مجموعه صفاره علشان لين جاوب فريهم يصفر له المشجع ويصفقون باقي الفريق .... يموتون على هذي السوالف ( صبيان شنسوي فيهم حتى احنا صرنا صبيان مثلهم واصفق وياهم وازعق مثلهم :D2:D2:D2)

حلو و الله

بس الحين خبريني عن الضرب يا حلوه