طول الشعر وكثافته للفتاة الاماراتية ؟؟

انا بعد كان سعري طويل و بديت اقصه الانه خفيف و بعدين استخدمت دهم جوز الهند مه الحلبه تقريبا شهرين و بعدين استخدمت خلطه دهوون اسويها في البيت نفعتني بس اهلي مايخلوني احطها الان فيها ريحه ثووووووووووووم


و حاليا استخدم خلطه دهن اطلبها من حرمه في عجمان و نفعتني الحمدالله شعري بدا يطول و يكثف بعد

انااا مافي زيييت مااحطييته فشعري وكاان شعري وانا فالاعداديه لين ركبي بس قصييته والحين طول لين تحت ظهري
ومافي زيت او وصفه او خلطه ماااحطها

حتى مايونيز حطيت فشعري
هههههههههههههههههههههههه

وداايما على الزيوت بكل انوااعها دابر او جوز الهند ..براشوووت ويت عافيه بالحلبه
كل شيء..........

وصراحة فادني واايد
وشعري غليظ ماشاءالله:smile:

يعطيكم العافية بنات .. بس بغيت أسألكم ما تحسون إن دابر يسود الشعر ؟ أنا أريد أستعمله بس قالوا لي أنه يسود الشعر وأنا لون شعري كستنائي وعاجبني بصراحة وما أبيه يسود .. فيدونا جزاكم الله خير

الله يهديج يا فارسة .. دهان أصغر علي في كل سوبرماركت بتحصلينه .. والله ما أدري يمكن وقفوه الحين.. لأني بصراحة من زمان ماسرت صوب زيوت الشعر ... بس أذكر قبل كل ما أسير يجابلنيه في السوبر ماركت

:clap::clap::clap::clap::clap::clap: :up::up::up::up:

:shy::confused::shy:

:clap::up::clap::up:

مراااااااااحب

تحياتي لكم بنوتات لكن احب اقول لكم شغلة أن أعرف من زمان ان زيت دابر أملا الشعر يدمن عليه ولو ما داومتي عليه شعرك يخرب ويصير أشين من أول .. إحدى قريباتي كانت التجربة

لكن عموما الشعر هبة وانا احس الشعر اذا تبغينه يطول قصي اطرافه كل شهر مبدئياً عند وحدة تكون يدها فيها بركة يعني على قصتها يطول شعرك
وإذا تبغينه يكثف اهتمي فيه يالزيت والبيض وخلي بالك من البيض جددددددددددا ممتاز واللبن الزبادي

تحياتي

والله إلي شعرها حلو . حلو من الله اما الزيوت تجميل من الخارج فقط .
واذا تبين تهتمين بشعرك او بشرتك نظمي اكلك، اشربي الكثير من المياه ،مارسي الرياضة وابتعدي عن التوتر والأنفعال......:cool2:

مرحبـــــــــــــــا بنـــــــات :smile:

أخباركم ويش مسوين ان شاء الله بخير

حبيت اسألكم عن خلطة لميس ؟؟

كيف الوصفه او من وين احصل عليها

تحياتي أريج القمر :shy:

السلام عليكم ورحمة الله وبركاته

بنات شو هذا زيت اصغر علي 555

بصراحة اول مره أسمع عنه ....اذا عندكم اي معلومات عنه وخاصه بنات عمان اتمنى انكم ما تبخلون بيها عليها

وتسلمي حبيبتي على طرح ها الموضوع الحلو




تحياتي للجميع

اختكم

malaak

سبحان الله ... سبحان الله وبحمده



طرق تنظيف الشنط ... لا تخافين كل وحده بنوعها

افكار لجعل منزلك ذو رائحة .....واااو عطره

لالالالا لا ترمي الازرار القديمة ..... تعالي شوفي كيف تستغليها

الف شكر لأخواتنا الاماراتياااات :clap:

عزيزتي بنت الخضر :

دابر أملا معروف عنه إنه يغلظ الشعر وينعمه وووويغمق لون الشعر خصوصا زيت دابر القدييييم مفعوله أقوى من الجديد المعطر...
حتى أنا نفسج لون شعري كستنائي مرااات أخاف ألتزم فيه بس عشان ما يغير لون شعري رغم إنه هو الزيت الوحيد إللي أحسه فادني..الحمدالله..

وعشان ريحته تروح بعد ما أغسله أكثر من مرة إستخدم منتج ثاني تابع لنفس الشركة إسمه "كريم دابر" (بخلاصة:اللوز - الحنا- الصبار) وهذا ريحته عكس الزيت تمااااما احلى بوااااااااايد ويرطب الشعر ويعطي لمعه ويخفف ريحة الزيت..........وبتحصلينه في كل مكان... :up:


تحياااتي..

السلام عليكم

و الله اني اعتقد انه كثافه الشعر ترجع لعوامل وراثيه مش للزيوت و الدليل انه في ناس بالمره ما يحطون في شعورهم زيوت و شعورهم ماشاء الله مثل الخيل

تسلموووووووون بنات الامارات:clap::clap::clap::clap:

السلام عليكم ورحمة الله وبركاته
مرحبا بنات أنا صراحه أشواف أنه طول الشعر وكثافته راجع لعوامل وراثيه بس حبيت أنصحكم يا بنات وعن تجربه خاصه أنا أستخدم ((زيت بو نخله )) أو زيت اصغر علي 555 هذا بتلقونه في الجمعيات أو حتى عند العطارين وتبون اصدق انا على طول استخدمه كل يوم والحمدلله الكل يمدح شعريه....... أتمنى اني أكون فدتكن بشي

عادي زيت دابر املا صح تشمي ريحته قوية بس رائع للشعر واذا حطيتيه على شعرك خليخ يتخلل على فروة الرأس وانا كنت استخدمه وريحته عادية مثل اي زيت

الله يعطيكم العافية :shy:

انا كانت امي يوم كنت صغيره قبل لا ادخل الروضه تحط لي في شعري زيت بو نخله ما اتذكر اسمه ..

و كانت من طوله قبل لا اروح الروضه تمشطني و تلف شعري من تحت عن لا يحسدونه :o .. و اتذكر يوم كان بو خليفه راد من السفر سوو في المدرسه حلفه و رحت فتحت شعري و ما قدرت اشل راسي من كثافته !!..


و الحين عقب ما كبرت وليتني ما كبرت !! اهملت شعري و صار طول على الفاضي :down:


و السموحه منكن اخواتي :shy:

دابر الجديم أحسن من اليديد..

وزيت النارجيل الاخضر أظن اسمه CBC

هذا رووووووعه:up: