طول الشعر وكثافته للفتاة الاماراتية ؟؟

ام الهواجيس

بخبرج ،،، في كل عايله تلاقين الام تبدا تحط زيت حق شعر بنتها من يوم هي صغيره وانا اذكر امي كانت تحطلنا زيوت جوز الهند من يوم نحنا صغار في الاسبوع مرتين وتقص شعرنا في الشهر شويه عشان يعتدل ولما كبرنا قمنا نستخدم زيوت ثانيه مثل زيت دابر املا اللي فعلا خلى شعري جنان طول وغلظ ونعومه ولمعان غير شكل بعدين طبعا اهملت شعري ولعبت فيه والحين رديت اهتم فيه بالزيوت يعني المسأله تكون من الصغر لين تكبرين ويباله وقت طبعا بالاضافه الى الفيتامينات وزيت كبد الحوت هالاشياء تساعد بعد

انا عن نفسي بنتي بسم الله مشالله شعرها روعه واستخدم الها زيت جوز الهند مره او مرتين في الاسبوع والكل ينشدني عن شعرها

اختى ام الهواجيس

انا عن نفسي وعن البنات بالعائله عندنا نستخدم خلطه تتكون من سبع زيوت وهى:
زيت الزيتون وزيت الخروع وزيت السمسم وزيت الجيرجير وزيت اللوز وزيت الحبة السودا وزيت جوز الهند الطبيعى ( كل الزيوت تخلط مع بعضها البعض بنفس المقدار )
وبالنسبه لزيت جوز الهند الطبيعي اذا كانت عندج خدامة فلبينة او اندونيسية فهن يعرفن كيف يسونه من جوز الهند من بعد مايبشرن الابيض الى فيه
جد اختى هذي الخلطه وعن تجربه لمجموعه من البنات تطول الشعر وتكثفه

:shy:

السلام عليكم ورحمة الله وبركاته

انا قلت جذي بعد ان السر في الزيوت والدهان ..
بس المشكلة وين نستخدمهم احين واحنا على طول بالمدارس والا الاشغال..

يعطيكم العافيه ..
في أمان الله
:shy:

عادي حبيتي انا عن نفسي موظفة واحط الزيت يوم الخميس واغسله يوم الجمعة من كل اسبوع ، بس خاطري اسال عن زيت دابر املا اريد اجربه بس شميت ريحته مره في السوبرماركت :pain: اللي جربته تخبرني عنه هل ريحته تظل في فروة الراس لاني كنت استخدم زيت جوز الهند الاصلي وكنت دايم احس فروة راسي فيها ريحه .

وانا ابغي اعرف .. لان شعري وايد يتساقط:confused:

بنات زيت دابر املا ماشي مثله والله لو استمريتي عليه روعه اول شي يتساقط الشعر وعقب يقويه ويغلظه وطبعا يطوله بس ريحته عاد :pain: بس ماعليه بتتعودين عليها عقب اقصد لما تحطينها مابتلوع جبدج مثل المرات الاولى بس اكيد لازم تغسلين شعرج بشامبو فيه ليمون وعقب شامبو ثاني عشان اتطير الريحه

دمع الليل حتى انا موظفه واحطه صراحه يوم ويوم لا لانه اغسل شعري الصبح ومااحط الزيوت الا في الليل طبعا تكون عندج فوط خاصه تحطينها على المخده في الليل عشان الدهان ريحته توصل لين سابع بيت

هلا عزيزتي ام الهواجيس

انا اخبرج زيت جوز الهند القديم ابوالقوطي الاخضر هذا اللى كانت امي الله يحفظها تحطه لنا وهالزيت وايد روعة وبعد زيت املا حلو وفيتيكا عموما الزيوت اللى تحتوي على جوز الهند رووعة

وبعد زيت ابونخلة القديم هذا بعد رووووعة بعض العوايل هنيه يحطونه يوم كانوا بنتاهم صغاار وشعورهم تخبل

واذكر كانت عندنا بنت في الجامعة شعرها يخبل كثافة نعومة طووول لحد فخوذها قالت تستعمل له كريم صانسيلك اللى بالبيض اعتقد مومتاكدة قبل السبوح وبس وقالت انها الماي اللى عندهم في البيت صحي عشان جذيه

وعلى فكرة المااي وااااااايد مهم والله يابنات الماي اللى مافيه كلووور يطلع الشعر روعة ويكثفه ويطوله ويلمعه وهذا عن تجربه وماتلاحظون شعورنا قامت تحت من الماي حتى لم سالت هنديه كان شعرها يهبل قاتلي انتوا هنيه مايكم موزين عندنا بالهند ماي طبيعي
عشان جذيه حاولوا تاخذون عندكم لم تتسبحون غرشة ماي صحي مع اخر شفطة غسلوا فيها شعوركم

:pain: انا إماراتية و شعري يلوع بالجبد ههههههههههه بعيد عنج ان شاء الله:D2 :D2 :D2

بنات شو رايكم بزيت دابر املا المعطر ؟؟

كاتب الرسالة الأصلية : خيزرانه
بنات شو رايكم بزيت دابر املا المعطر ؟؟

بصراحة انا كنت استخدمة ايام الثانوية .. وماشالله وايد فاد شعري ..:shy:

بس مشكلتي انا إني وايد اتعايز و ما اداوم على الشي :down:

مشكوره عالرد اختي Miss Wanted :up:

الف شكررررررررررر لبنات الامارات عل تجوابهم (u)

السلام عليكم ورحمة الله وبركاته:

عساكم على القوة و دوام الصحة و العافية يالغاليات
:clap::clap::clap:

و ان شاء الله يوفقكم و يعطيكم على قد نيتكم و يرزقكم الولد الصالح و الزوج الصالح اللى يخاف الله

مشكورات على الردود الرائعة و التى اسعدتني و ان شاء الله
بسوي مثل ما خبرتوني


تحياتي ام الهواجيس الحزينة

http://go.3roos.com/kx9LPDjx2Vd


ام الهواجيس دشي على هالرابط البنت سئلت نفس سؤالج بس بمنتدى حوااء

احس بفيدج

بنات اللي قالوا الماي يخرب شعرهم

لازم تستخدمون غرشة ماي معدني في اخر شطفه عشان يخلي الشعر روعه

انا بعد الحمدالله شعري وايد حلو الحمد الله البركه في امي من كنت صغيره وهي تحط لي هذي الزيوت في شعررررررررررررررري :gum: :gum: :gum:

انا كان شعري كثير مره وناعم وطويل واصل لركبتي ومايحتاج استشوار .. كانت امي دايما تحطلي حنه وزيوت

والله كانت البكلات العادية ماتجي على شعري .. اربط مطاط عليها

ولما كبرت اتنتف وطاااااااااااح من القص والصبغات :confused: :confused:

الحمدلله بس

العناية والاهتام هما سر الشعر

اختي استخدمت من المنتدى خلطة لميس للفرد الطبيعي وربي شعرها سار زي زينب العسكري باللمعه .. بس هيا شعرها بطبيعتو ناعم ويحتاج 5 دقايق استشوار .. بس كان مطفي وباااهت مافيه لمعه:up:

مررره رووعه .. وكل ما احد شاف شعرها التفت :up:

اسمها على ما اعتقد خلطة لميس .. طبيعيه 100 الــ 100

حتى ريحتها قرنفل وخرابيط :D2

سي يوو (a)

سلاااااام بنات


ممكن سؤال من فين نقدر نحصل على زيت اصغر علي 555...


ياريت الي عندها فكرة ما تبخل علينااااااااااااا:cool2:


وربي يوفقها دنيااااااااا واخرةةةةة:up: