احسن مستشفى ولاده و الاسعار

مستشفى الأمريكي اللي في دبي ...

أنا اتصلت فيهم وقالولي انه الكشوفات كامله اللي قبل الولادة من بداية الجمل 3250 درهم

والولاده عندهم 7900 ويقولون لج انه اللي بتولدج هي نفسها الدكتورة اللي تراجعين عندها ..

بس عن تجربة اختي تقول اللي بتولدج اللي بتكون مداومه في الشفت ...

وقريت في الجريدة عن دكتورتهم اسمها دون تخصصها نساء وولادة ..

[glow=FF3366]انا ما انصحكم بالخاص ابدا ...... لانهم ما يتحملون المسؤولية ابدا .... لو استوى شي للام او البيبي لا سمح الله هم مالهم خص حتى لو الغلط كان منهم ..... أنا كنت حامل وفيني توام وطول الشهر السادس وانا تعبانه ورحت مستشفى دبي ( الحمرية ) ..... بصراحة وايد كانوا مهتمين فيني والممرضات كل وحدة احسن عن الثانية ويوم اكون تعبانه كانوا يخففون عني بمعاملتهم والله نفسيتج ترتاح ..... واول ما دخلت السابع ياني نزيف فجأة ...... والحمدلله الممرضات والدكاترة ما خلوني دقيقة وحدة ..... لين دخلت وسوولي عملية وطلعت بالسلامة وهم معاي ..... ويضحكون في ويهج ولا تشوفين ممرضة معصبة ولا تنازع ولا شي ..... بصراحة واااااااااااايد يهتمون بالحامل وعن تجربة وانا الحين حامل في السابع واراجع عندهم ومرتاحه وايد لهم ......


الخاص كثر ما بتدفعين بيهتمون فيج وبعدين الخاص للوافدين مب لنا نحن الحمدلله شيوخنا هب امقصرين احسن المعدات والأجهزة في المستشفيات الحكومية ..... وغير جيه قبل ما يسوون عملية ولا شي يحسبون الف حساب لكل خطوة يسوونها وما يستعيلون .....

الخاص حتى حبة الدوا الي بيعطونج اياها وانتي منومة عندهم بيحسبونها حتى لو كانت ادول .....

والله انه في مستشفى خاص في بوظبي ما بذكر اسمه .... كانت الوالدة تعبانه ووديناها عندهم وكان لازم يسوون لها عملية بسرعة ...
والله انهم ما تحركوا ابد قالوا على الاقل ادفعوا نص المبلغ مال العملية تخيلوا مع انه امي كانت واااااااااااااااااايد تعبانه ..............بس الحمدلله مر هذاك اليوم على خير

هذا رايي الشخصي
والسمووووحة منكم

أم مهرة [/glow]

حمالة الاسية
الحمدالله على سلامة الوالده وصدقيني من كثر مانسمع ونشوف قمنا نختار الخاص .....الله المستعان وربي يكتب الي فيه الخير

أفضل مستشفى بالنسبه لي ويلكير لانه اول ولاده ولدت هناك عند الدكتوره جانكي واحين ان شاء الله بعد الولاده الثانيه بتكون في ويلكير عند نفس الدكتوره ......بس يا خواتي ادعوا انه الله يسهل علي الولاده وعلى كل حامل ويرزق كل محرووووم الذريه الصالحه.....
اما عن الاسعار فتختلف الاسعار لانه عندهم مبيت ليله وحده ومبيت ليلتين وبعد على حسب نوع الغرفه اذا مزدوجه او فرديه او جناح وعندهم ثلالث انواع للجناح.... وبعد على حسب الولاده اذا كانت ولاده طبيعيه او ولاده متعسره او ولاده قيصريه

ممكن تتصلين فيهم ويقولون لج عن الاسعار او دخلي موقعهم وشوفي الاسعار وموقعهم هو www.welcarehospital.com

[QUOTE=ummsarah2002]أفضل مستشفى بالنسبه لي ويلكير لانه اول ولاده ولدت هناك عند الدكتوره جانكي واحين ان شاء الله بعد الولاده الثانيه بتكون في ويلكير عند نفس الدكتوره ......بس يا خواتي ادعوا انه الله يسهل علي الولاده وعلى كل حامل ويرزق كل محرووووم الذريه الصالحه.....
اما عن الاسعار فتختلف الاسعار لانه عندهم مبيت ليله وحده ومبيت ليلتين وبعد على حسب نوع الغرفه اذا مزدوجه او فرديه او جناح وعندهم ثلالث انواع للجناح.... وبعد على حسب الولاده اذا كانت ولاده طبيعيه او ولاده متعسره او ولاده قيصريه

ممكن تتصلين فيهم ويقولون لج عن الاسعار او دخلي موقعهم وشوفي الاسعار وموقعهم هو http://go.3roos.com/JEersiNQUfa

حبيبتي ummsarah2002 بليييزز
خبريني عن مستشفى ويلكير اكثر يعني ارتحتي لهم ..الخياطة زينة...الغرف...يعني انتي تنصحيني اخذ اي غرفة الله يخليج كل اللي تعرفينة وانا شفت الموقع بس شو الحالات اللي ممكن يزيدون فيها الاسعار...لان امي اتقولي انهم يقولون سعر وياخذون اكثر...بليييز انتي مجربة سولفي لي حبيبتي...
وجزاج الله الف خير وان شاء الله تولدين بسلامه وسهولة ....انا داخلة السابع وابغي افتح ملف وياهم ساعديني...

السلام عليكم حبيبتي انا الصراحه وايد ارتحت الهم لانه الدكتورة اللي ولدتني هي نفسها اللي كنت اراجع عندها وما شاء الله بصعوبه اتحصلين عندها موعد ....قبل ما احمل يوم كانت اتي لي التهابات مرات ما احصل موعد دوووم يقولون لي فلي بوك لين اسبوعين او شهر....انا وايد ارتحت للدكتوره وهذا اللي خلاني بعد هذا الحمل اروح واراجع عندها....الخياطه كانت اوكي وانا ارتحت من الاستاف اللي كان وقت الولاده وصبرت علي وايد يعني ما ملت بسرعه مني وولدتني قيصري بالعكس انتظرت وايد لين ما ولدتني طبيعي....انا خذت غرفه فرديه كانت اوكي والبيبي اول يوم المساء خلو عندهم عشان انام وارتاح اليوم الثاني بعد خلو عندهم بس يوم كانت اتقوم تبا حليب يابوها عندي ارضعها وبعدين ردوا خذوها... وبخصوص الاسعار الادويه اتكون عليج واذا طلبتي ابرة الظهر اتكون عليج مو من ضمن تكاليف الولاده....واذا بغيتي ممكن اعطيج اسم دكتور الاطفال اللي اعالج بنتي عنده بعد في ويلكير ما شاء الله عليه شاطر وايد وانا من اربع سنوات اعالج بنتي عنده ما عطاها مضاد حيوي اله مره ...يعني مو مثل الدكاتره اللي اول ما اتودين ولدج على طول يوصف مضاد حيوي....اسم الدكتور ايمن البيروتي الدكتور عراقي....انا ناويه ان شاء الله يوم اربي هالمره اخليه هو اللي يكشف على البيبي....
الله يسهل عليج ويقومج بالسلامه ويرزق كل محروم الذريه الصالحه امين

والله شجعتونا نربي في مستشفيات الخاصه
فديتكم حريم بوظبي اللي عندها اي معلومة عن اي مستشفى خاص بليز لاتبخلوا علينا ويزاااكم ألف خير......