احسن مستشفى ولاده و الاسعار

الحبوبة ..

خوفتيني وما رديتي !

بالنسبة لمسقط انا ارشح على المستوى الخاص مستشفى مسقط على ابني الثاني راجعت وولدت عندهم كانوا رائعين مع الدكتورة انيكا السويدية والقابلات لديهم خبره واغلبهم من بريطانيا وجنوب افريقيا ويتعاملوا بلطف 000 طبعا لنش دافعة وعندهم اسعار مختلفة يعني تريدي ولادة وملااجعة ام ولادة فقط وهل تولدي طبيعي ام عملية بالنسبة لي المراجعة والولادة 650 ريال وذا تاخذي سويت تدفعي 150 انا دفعت حوالي 900 لأني اخذت ابرة التخدير وكانت ب60 ريال . على بنتي جربيت مستشفى الشاطىء لكني مارتحت وايد مع انه موقعه على البحر وغرقة الولادة مطلة على البحر يعني تولدي في جو رومانسي اذا كان الصبح .

المستشقيات الحكومية زينة لكن انا ما اتحملها لنها زحمة ولو انه امي تفضلها اكثر لنها تقول اذا في اي شي وقت الولادة لا قدر الله كل شي موجود تحت سقف واحد واعتقد افضلها الجامعي ثم خولة ثم السلطاني خسب ما اسمع.

انشا الله يسهل ولاداتكم ويرزق الجميع

السلام عليكم ورحمة الله وبركاته

أرجو من بنات الرياض التوسع أكثر في هذا الموضوع

ضرووووووووري بسرعة اليوم قبل بكرة
إللي عندها معلومات عن هالموضوع لاتبخل لينا الله يجزاها خير....

السلام عليكم ورحمة الله وبركاته

يقولون مستشفى الوصل واحد من احسن المستشفيات المتخصصه في الولاده بس للحين انا بصراحه ماجربت

انا سامعه عن مستشفى النور اللي بأبوظبي
يمدحونه........لكن ما جربت على العموم سواء في
مستشفى حكومي ولا خاص السهالة من رب
العالمين......... :smile:

مرحبا حبايبي
من جرب المستشفى الأمريكي اللي في دبي
اللي عنده معلومات عن المستشفى وخصوصا أفضل دكتورة عندهم ؟؟؟
بعد ابغي اعرف كم لازم أدفع حق أول زيارة مع التحاليل وابغي اعرف سعر ابرة الظهر ؟؟
أرجوووكم اللي عندها معلومات أرجوكم لاتبخلون علي ترى انا واااااايد محتارة ، وأنا حاليا أراجع في مستشفى الوصل، بس مثل ماتعرفون هالأيام المستشفى عليه وااايد كلام .. واللي اسمعه يخوف

لا والله حبيبتي مستشفى الوصل الحمدلله اوكيه ...واستخيري يعني صلى صلاة الاستخارة احسن شيء في الاختيار

اما بالنسبة في الامريكي عندهم دكتورة رحاب وفية وحده ثانيه ما اعرف اسمها ...يمكن هندية او اجنبية يمدحونها
والاسعار اتصلي فيهم واذا ما عندك الرقم بطرشلك ايهاه وبيعطونك كشف بالاسعار بالتمام من البداية يعني يحسبونها بالبجت عليك ارخص تتطلع يتضمن التحاليل والاتراسواند وزيارة الدكتورة (اطلبي وحده عربية )عشان تفهمك الاسعر احسن وانا في الخدمه يالغالية

اختي اوبرا بالنسبة يالغالية لسؤالك عن مستشفى الزهراء اعتقد انهم قريب بيفتحون في دبي .....
لانه عندهم مجمع حاليا في دبي بس ما يولدون فيه ...طبعا :smile::smile:

مشكوووورة أخت طمطومة
انا بستخير واللي الله رايده بيصير

انا ان شاء الله بربي في مستشفى الزهراء عند الدكتورة نفيسة الصراحة الكل يمدحها الي ربوا عندها قبل ردوا ويراجعون عندها مرة ثانية فعشان جيه انا ارتحت لها اما عن اميرة بعد يمدحونها بس يقولون نفيسة في الولادة احسن لانها عيوز وعندها خبرة وتتريا عليج وايد ما اتسويلج القيصرية الا اذا شافت ولادتج متعسرة وايد بعيد عنا ان شاء الله

ويــــــــــــــــــــــــن بنـــــــــــــــــــــات الشرقيــــــــــــــــــة ....

انا من الشرقية الاحساء

و اتمنمى من اللي عنده فكرة عن اي مستشفى ( المانع , الموسى, الاحساء)لا تبخل علينا

انتظر ردوووووووووووووودكم

مثل ما قلت بالسابق
انا مااشجع المستشفيات الخاصة لانه معظمهم ينظروون للمادة وما تهمهم راحة المريض
وثاني شي المستشفيات الخاصة ما عندهم خبرة في المضاعفات لا سمح الله
وبعضهم ما يكونون مزودين بالاجهزة اللازمة لو طلع فيه شي او احيانا ما يكون فيه وحدة عناية للام او ا لجنين على حد سواء
احس ان المستشفيات الحكومية احسن

وانتو براحتكم

تحياتي

هلا حبيبتي

انا اول ولاده لي مع الدكتوره زينب الشنار مع انها ماتولد البكر بس انا وصلت عندها والرحم متوسع على الاخر :pain: وقالت لي اذا طلعتي من عندي بتربين في السياره وقتلها خلاص انتي ولديني انا ابغيج :cry: والحمدالله ولدتني وكانت ولادتي سهله وساعدتني وايد يزاها الله خير
:up:


واللحين انا حامل للمره الثانيه واللحين في شهري التاسع توني داشه التاسع وابغي اربي اذا الله راد عند الدكتوره نهله يمدحون ولادتها وخياطتها ويقولون تساعد الوحده وايد وربي يكتب لي الي فيه الخير ان شاءالله :shy:

انا ع ولدي ربيت عند الدكتوره أميره ... الصراحه وايد زينه .. ووايد تساعد ع الولاده و حتى خياطتها ما تحسين فيها و بسرعه تطيح الخيوط ( تسوي تجميلي ) ....

والحين حامل ف الثاني و اراجع عندها بعد ................ الصراحه وايد مرتاحه وياها

الغاليه
دكتوره اميره وين مكانها؟

بمستشفى الزهرا اللي ف الشارجه ............

اماراتيه
مشكوووووره غناتي

السلام عليييكم

خواتي انا و الله محتاااااااااااااااره و لا ادري شسوي .. ما عرف وين افتح ملف ... انا ساكنه بين بوظبي و دبي بس اغلب هليه ( لانهم ساكنين في بوظبي) يولدون في الكرنيش !! بس و الله خايفه منه يوم مرت اخوي كنت معاها و ابداااااااا عنايتهم مب شي مع انها كانت تتعالج في العياده الخاصه و غرفتها في اي بي .. بس ماكلنت معاها دكتوره بس القابلات و بعدين يتها وحده بكستانبه و كان شفتها منتهي و خاطتلها اي كلام و يوم كانت تقول يعور تقول لها ماعليه شوي و خلص و لاتريت على البنج لانها كانت بتسير و بعد الولاده خلوها تيلس في الولاده من الفجر للظهر لين مافظت الغرفه !!! و الله حسيت انه عذاب و الحين وااااااااااااااااااااااااااااااااااايد خايفه يسووبي نفس الشي :sad: :cry:

فكرة في الامريكي في دبي لاني اريد ابرة الظهر بس و الله مادري محد من هليه ربا هناك ابدا!!! و اميه تقول بعيد و ماتظمنين زحمه دبي :(

انا الحين في بدايه الثالث و بعدين ماسويت شي غير اني اراجع في الخاص عند كاميليا الي في مستشفى الامير .. هيه وايد شاطره و قالتلي الكورنيش زين لانه اجهزتهم حديثه و احسن من اي مستشفى خاص !!! مع انها مستشفى خاص الا انها ماغشتني
و بعد مدحتلي الامريكي

شسوي:sad: