جمعتنا ولمتنا السورية لشهر صفر 1434هـ اتفضلوا صبايا البيت بيتكم

بنوتة الشام وام فيصل وسمورة وسمفونية وتغريد ربي يبارك فيكم ويسعدكم


سمورة تؤبشي قلبي يسلموا على طوووق الياسمين يا ياسمينة سوريا انتي الله يسعدك يااارب


**************

تغريد اهلين ياقمر وحشتينا والله واكيد انتي بالقلب ربي يسعدك الف مبروووك الحمل الله يتمملك على خير وسلامة ياااارب
طمنينا عنك كيفك وشو اخر اخبارك وعلووومك ؟؟

&&&&&&&&&&&

سمفونية اهلين ياقمر تسلمي والله كلك ذوووق ربي يسعدك وانتي الف مبروووك البنوتة الله يجعلها من الصالحات يارب شو سميتيها ؟
هي جديدة البنوتة ولا في شي جديد على الطريق خخخخ ؟؟ لان شايفة توقيعك فيه شريط حمل بعده بالبداية ؟؟

مسا الخير عليكم يا أحلى بنات اتذكرتوني والا البعيد عن الشات بعيد عن العين بس والله انته ما رحته عن بالي أبدا أبدا وكنت مضايقة كتير اني بعدت بس اللي صار وعم يصير ببلدنا خلاني أبعد حتى ما اختلف مع اي حدا غالي على قلبي بس والله اشتقتلكن خيرات الله وبليز ما حدا يزعل مني أمانة برقبتكن.

اهلين بست الكل لولية والله زماااان وحشتينا ياقمر
لولية انتي حتى صداقتنا على الفيس بوك حذفتيها ؟؟!! والله لو مالي بحبك وانتي عزيزة علي مابعاتبك

مو بس انتي تركتي هالشات كتير بنات راحو وماعادوا بينوا ستي المهم الكل يكون بخير وعافية ويامية اهلا وسهلا فيكي معنا من جديد واللي عم يصير بهالبلد قدر يفرق
بين ولادها للاسف بس مامنقول غير حسبي الله على كل ظالم وابن حرام وعلى كل قوي ومتجبر وربك كبير الا ماتفرج علينا وعلى بلدنا

يسعد صباحك دمشقية يا رب والف الف مبروك على البنوتة وان شاء الله يا رب بتكون من الصالحات والبارات فيكي . معليه يا عمري بس والله اللي عم بيصير ماعاد ينفع انه الواحد يضل على الحياد يعني صار في دم وأهالينا عم يتقتلو بايدين مجرم يعني احيانا الاختفاء بيكون افضل ما تقولي وداعا - معليه هي فلسفة عالصبح - ولاني بحبكن كتير وما بدي أخسر ولا واحد فيكن حذفتكن لحتى تتبين الامور وصدقيني كل اللي بعدو متلي لانه حتى لو كنا خارج سورية بس إلنا اهل جوة عم يموتوا ويتشردو على كل ما منقول غير الله يفرجها عليهن وعلينا ويا ريت تكوني فهمتي عليي وعذرتيني .

هلا المهم شايفة كتير بنوتات جديدة بالتشات ورح عرفكن عن حالي أنا هلا من حمص وساكنة صرلي شي ١٢ سنة ببيروت وعندي ٣ بنوتات ربي يخليلي إياهن يا رب اثنين منهن اتزوجوا هالسنة وبقى وحدة مخطوبة عرسها بإذن الله السنة الجاي والمفاجأة الحلوة للي بيعرفوني أنا رح صير تيتى بإذن الله بعد ٨ اشهر بنتي الكبيرة حامل يعني أنا اكبر وحدة فيكن وهلا عرفتني عن حالكن .

يسعد صباحك لولية والله الشات انهجر فلا تتأملي كتييير بالردود عم قلك هيك منشان ماتنصدمي هههههه

وتسلميلي يارب الله يبارك فيكي ويخليلك بناتك وانتي كمان الف مبروك يا احلى ست بالدنيا وربي يتمم حمل بنتك على خير وسلامة ياااارب

وبخصوص سورية والازمة والله يالولية انا بحترم راي الكل المعارض قبل المؤيد وكل واحد هو حر بفلسفته على قولتك ... والله يجازي اللي كان السبب بالاول
والله ينتقم من كل متجبر وكل قاتل وكل ابن حرام من الطرفين الطرفين غلطوا واتمادووو كتير الله ينتقم منهم ان شالله لانهم حرئو البلد وهجروا اهلها الله يجازيهم ويورجينا فيهم عجائب قدرته ... فلا تخافي والله مالنا على الحياد بس خللي اللي بالقلب بالقلب وربك عالم وشايف


المهم اختي هربت لعندك ببيروت على منطقة اسمها عرمون اذا بتعرفيها ... .. ونحنا هون عالقين لا عاد نقدر ننزل ولا نطلع وحتى جوازي راح ينتهي مالي عارفة كيف
بدي جدده هون السفارة مسكرة بجدة ... بقى الله يفرج احسن شي

صباح الخيرات دمشقية إيه حبيبتي أنا ساكنة بعرمون وأهلا وسهلا بأختك وهرمون صايرة ملآنة سوريين ورح ابعتلك رقمي على الخاص أمانة تحسبني متل أمها هون .

مرحبا صبايا كيفكون انا صح طولت عليكم بس مو الحق علي ابدا لانو كان النت مقطوع واذا النت شغال بتكون الكهربا مقطوعة والله وكيلكون حالة
صبايا انتو هيك عم تحكو وانتو كلكون عايشين برا سوريا شو بقول انا بس اه اه على كل ظالم والله ينتقم من كل حدا ما بريد الخير لهل البلد وكل حد بيغلط بحق بلدنا لانو البلد اهم من شي تاني واهم من اي شخص
والله يفرجا علينا لانو عن جد تعبنا

اهلا سهلا ويتينا والشات ونستينا والشات اضى منك يا لولية الحبوبة ولا كبرتي وبدك تصيري تيتة الله يخليلك هالشمعات الحلوات حواليك ويخليك الون
كيفك وشو أخبارك

كيفك دمشقية وشو اخبارك وكيفا بنوتك الحلوة الله يخليلك ياها وتربى بعزك وعاشت الاسامي ما شاء الله شو هالاسم الحلو شموخ الله
الله يحميها
وان شاء الله قريبا بتجيبيا وبتجيبي اخواتها وتجي ع سوريا بركي بتكون فرجت

اول شي بحب قلكم كل عام وانتو بالف خير بمناسبة السنة الجديدة الله يجعلها خير ورحمة على هالبشر والامة العربية خاااصة

وان شالله تكون مليئة بالخير والمسرات عليكم يارب


** لولية حبيبة قلبي شكرررررررررررررررررررررررا كتير لانك عن جد مافي اغلى واطيب من قلبك الدافي الحنون وشكرررررررررررررررررررررررررررررررررررررررررررررررررررا كتير لانك كنتي لاختي البلسم وكنتي الاخت والصديقة والام ... الله يسعدك يارب مابتتخيلي اديش اختي كانت تعباااااااااااااااااانة نفسيا لانها اتغربت وبعدت عن امي وهي كتييييير متعلئة بماما وباهلي وانتي طلعتيها من هالعقدة نوعا ما .. الله يسعدك ويكرمك بللي تتمنيه ياااارب وسنة سعيدة عليكي وعلى زوجك وبناتك يارب


***********************

يامية اهلا وسهلا بالغالية سموووورة والله اشتقناااالك كووووومااااياااااات ... الله يعينكم ويفرج همكم والله حق معك اللي بعيد اد ماتعزب وتعب مو متلكم انتو ياعليي
شايفين بعينكم ... ااااااه الله المستعان ولا حول ولا قوة الا بالله العلي العظيم احسن شي

حبيبة قلبس سموورة انا الحمد لله بالف خير واولادي بخير والزعورة شمووخ مطيرة عقلي تقبر قلبي ^_^ يعني عجبك اسمها تؤبشي قلبي تحلى ايامك والله اخواتي اللي بالشامكانو معارضين بشدة لهالاسم خخخخخ بس انا كنت تنحة وماغيرته ههههههه .... المهم مقهورة عليها كتيير مابترضع الا وبعدها بتراجع العفو على طوووول
يعني ياعليي بحس ماعم تشبع وما عم يقعد شي بمعدتها وعدا انو ريحتها وريحتي صاااايرين زفرررررررررررر من الحليب وقرفه ههههههههه
والله كل يوم الي والها فوق الاربع غيارات ولحقي غسيل اذا بتلحئي


كيف مازن بيك الله يسعدك ويخليلك ياه يارب
شو اخر نهفاته وفناته وان شالله ماعم يغلبك لان الترباية صعبة كتيير وخاصة بهيك اوقات يعني الواحد ماعاد اله خلق لشي ولا حتى ضناه الله يفرج من عنده

مرحبا

أهلين دمشقية اول شي بدي كمان انا عايدك بمناسبة العام الجديد وعايد كل الصبايا وعايد لولية وان شاء الله تكون سنة خير وبركة وان شاء الله بتفرج فيها همنا وبتخلص فيها كل ازمة ورب العالمين ينصر الحق

دمشقية الله يخليلك شموخ يا رب انا عن جد عجبني الاسم حسيتو غريب ومعناتو حلو هلق يمكن يكون لفظو شوي تقيل يس مع الايام بصير كتير عادي انك تصيحيلها بهالاسم والله يعينك من شان الاستفراغ تعرفي انا عانيت نفس المشكل مع مازن الله يحمية وضل هيك لحتى صار عمرو سنة بس اي شي ياكلو العفو بستفرغو مو بس الحليب عن جد هلكني متل ما قلتي كل شوي غسيييييييييييييييييييل
حتى اني جبتلو مضاد استفراغ ما مشي الحال بس انا كنت استعملو دقونات منشان خفف تغيير لتيابو
جبتلو 40 دقونة حطلو وحدة وشيل وحدة والعمل عمال هيك بخف عليك شوي الغسيل والله يكون بعونك وليييييييييييييي ما صدقت ايمت خلصت من هالقصة
بتعرفي احيانا كون لابسة ومتقمشة يا بعدي وملبستو ومشيكتو انا شيلو مالاقي غير بقققققققققق العفو ومستفرغ هي اكتر شي كانت تقهرني

هلق اخر نهفاتو انو في قطة متسلطة علينا بتجي بتوقف ع باب الدار وابني بلعبا وبشدلها دنبا وهي بتصيح وبتولول وانا بصيح وبولول معها انا بخاف منا وبخاف انو تكون وسخة او مجرثمة خوالو بلعبو فيها هي اليفة وترباية بيت يعني ع اساس انا نضيفة بس انا كتير ما بحب الحيوانات للاطفال وابني بكيف عليها هو بشدها من دنبا وهي بتصيح وبيعطيعا خبزة وعليها لبن بطعميها مممممممممممممم بقلي ماما قطة مممممممممممم
وانا بصيح وشوي تانية بشد شعري

مرحبا ياصبايا كيفكن انا بغط بغط وبرجع بس هالحياة ومشاغلها واول ماتزوجت ماكان عندي نت فعلا يادمشقية وين الصبايا وين العالم شو هالبرود اخر مرة بتذكر قلتلكن اني تزوجت ومشي الحال اخيرا بس مو بالبيت يلي اشتروه اهله لزوجي لانو في مشاكل كتير هنيك بالريف ومستحيل ينسكن اصلا ماكان في مصاري ليكسيه انا هلق ساكنة ببيت لبابا بقلب البلد الحمد لله مؤقتا لتنتهي هلازمة ونخلص يارب
والمفاجاة الحلوة هي..................... انو انا حامل ادعولي والله يتمم حملي على خير انا لسا بالسبوع العاشر يلا باي واكيد كل كم يوم بطل عليكن لانو صار في نت

دمشقية بكرا الصبح في كلمة للدكتور بشار الاسد والله لمن اسمع كلامه برتاح والله من فرحتي كنت بدي حط الخبر عصفحتي بس الله وكيلك اهلي وزوجي خايفين علي من الجيش الكر الله لايوفقن شو عم يعملو ويساوو الله وكيلك صارو دابحين كذا واحد من حوالينا بس لانن مؤيدين او بس لانن علويين يخرب بيوتهن بدن حرية شو في سو صار فينا مشان هالكلمة يلي مابيعرفوا معناتها خربو البلد واتشردت العالم يخرب بيتهن كل مالهن عم يجين سلاح من وين طلعتلنا هل قصة لك يلي بيجنن عقل الناس يلي طار جنو وفنو بس يااختي اسرائيل هيك بدها ليش في حدا بيطلع قدها ولسا الله يحميكي انتي لانو جاية.الدور على العرب بلد بلد مشان تخرب ليكن بمصر شو استفادو غير انن فقدوا الامان الله ينتقم.منن كنا قاعدين وعايشين احلى عيشة والله البلد بتحرق القلب من ولادها العاقين

مساء الورد ع الحلوين

يسعدلي صباحكم جميييييييييييع

سمورة وانتي بالف خير وصحة وسعادة انتي واحبابك ... تسلمي لقلبي ياااارب كلك ذوووق

واي متل ماقلتي بالبداية لفظ شموخ صعب بس هينا اتعودنا عليه وسبحان ربي اللي سماها عن جد تسع شهور ونحنا ندور على اسم انا بدي اسم زين وزوجي بده جمانه
خخخخخ وبالنهاية اتسمت شموخ هههههه

يالله يعني في متل معاناتي مع شموخ بالاستفراغ اااااااااااه طفشت يوم بخف وواياااااااااااااام بيرجع صرت اخاف قول بيني وبين نفسي ان هلا ماراجعت
لاني بس قول بطلعلي ياهم دبل الله يعيني عن جد والله هلكت ... بس ربك حميد وزنها كويس الحمد لله والدكتور طمني قللي مدام الوزن كويس فخليها تراجع براحتها هههههه

لك عارفة والله بغسل ملابسها لحالهم وزومين وزوم بالكمفورت ومع هيك بتبقى ريحة الزنخ شوي ... شو اعمل حدا عنده حل لهالمعضلة

يالله منيح اللي كبر مزززون وخلصك من هالمشكلة عقبال بنوتي

وياحبيبي الله يحميه يارب ماشالله عليه شجاع اسم الله عنه ههههههههههه ضحكتيني انو بشدها من دانها الله يحميه
انتي متلي سمورة انا بكره الحيوانات مو بس للاطفال بكرهم بالبيت بشكل عاااااااااااااام

عندي ببغاء بالبيت صح اتعودنا عليه بس صدقيني بهكل همه اذا مرض او جاع وزوجي كتيييييييييير بحبه قولي ربك حميد هو متكفل فيه انا مابقرب عليه
من بعيد لبعيد حتى ولادي متلي هههههه

اهلين هنوووودة نورتي والله والف الف الف مبروك حملك الله يارب يتمملك على خير وسلامة وانتبهي على حالك منيح وكلي كتتتتير منيح ولا تسمي بدنك بللي يسوا واللي مابيسوا منشان البيبي ايواااا .... والله يخليلك ابوكي يارب وربي يفرج عليكم وعلينا يارب والله

&&&&&&&&&&&

اهلين بنت الشام اخبارك واخبار ابنك ان شالله امورك تمام

حبيبة قلبي غالية والله اني بحبك لك ولاعد اهدت ولاعطيت مع حدا تغيبت عقول الناس بس لسا في عالم كتير وعيانة الحمد لله انو اذا انهار النظام خلص راحت علينا مارح تصفا بلد اجنبي الا.هون الله يفرج علينا عن ئريب
وتؤبشيني انتيرديري بالك ع.حالك ومبروك البنوتة حبيبتي

غالية حبيبتي مين حذفلي صورة الدكتور بشار الاسد واجيت بدي حط وحدة قال ممنوع احصل على توقيع كل هالقد مجاكرهن رئيسنا

ولقيتن مساوينلي عروس متميزة شو هاد شو هالتخبيص لعما من وقت الاحداث كرهت الناس القائمين على هالموقع