جمعتنا ولمتنا السورية لشهر صفر 1434هـ اتفضلوا صبايا البيت بيتكم

صح نسيت اسالك غالية حبيبتي كيف بدي الغي اشتراكي من هاد المنتدى نهائيا دورت وماعرفت

اهليييين هنووودة يخليلي ياكي والله وانا بحبك وبحب كل الحلوات اللي كانو هون واللي مازالوا
والله يفرجها ياهنودة عليكم لانكم اتعبتو ويفرجها علينا لاننا بحررررقة قلب وبعد .. بدنا نخلص من هالازمة بقى وانا دائما بقول الله ينتقم ويجازي اللي كان السبب
واللي عم يقتل ويهدر دم هالعالم مين ماكان يكووون
وبخصوص التوقيع والله مابعرف شو الموضوع ... اما عن المنتدى فمافي الغاء اشتراك اللهم انك ماتعووودي تدخلي وبس

مرحبا
كيفكون يا بنات
اي شو هالكسل هاد اي عنا في تلج وبرد وكسل
انتو شوفي عندكم حتى ما عم تدخلو ع الشات

اهلين هند كيفك
انا فهمت من كلامك انك ساكنة بسوريا بايا محافظة ساكنة
ومبروك زواجك وحملك
ومعلي طولي بالك كلو بالهداوة بينحل وع قولة المتل بكرا بدوب التلج وببان المرج مافي داعي تعصبي

دمشقية شو اخبارك وينها سورية ما عادت بينت

طمنيني شموخ شو اخبارها
اخواتها عم يغارو منها

مساء الخير حبيت سلم عليكون وكتير انبسطت وقت شفت لمة لبنات بلدي

غالية مو انتي مشرفة كيف انحذفت الصورة بدون مااعرف لا وفوقها ممنوع حط توقيع يضربو غلولة حبيبتي انتي مين برايك السبب واللي وصلنا لهون شو هي حرية ليش كيف كنا عايشين اه اه شوفي وين صرنا والله شي بيقرف وبيتعب ونهاية مو مبين بتصدقي انو مابيمرق يوم الا وببكي عالبلد طيب دخيلك ياربي ليش صار هيك على ايامنا ولا قلك مو بس ايامنا بلاد العرب العين عليهن من زمان ورح تبقا هالامور ليوم القيامة

اهلا ياسمينة الله يبارك فيكي والله الحمل شغلة صعبة وممالها حلوة انا ساكنة بالشام وانتي
بعدين اي تلج بدو يددوب صرلنا سنتين ماحلنا لك شو كان فينا والله كنا ننحسد على الامان يلي عايشين. فيه تخيلي هلق سورية احتلت المركز الاول باكتر الدول الخطر العيش فيها مو حرام لك شبن الناس فجاة جنو شبن اتاثرو بالاعلام الغشاش الله يفرج هم هالبلد عاجلا عاجلا مو هي بلدي يلي بعرفها مو هيك سورية لا والله مو هيك

رزونة ماشا ء الله تزوجتي وجبتي بنوتة الف مبروك تتربى بدلالك طلعت بتشبهك ولا لاء بعدين وينو يلي بدو يورجيني صورتو هريبوووووو

هلا هنودة طلعت بتشبهني وبتشبه ابوها ...اساسا انا وزوجي منشبه بعض كتير بفكرونا قرايبين

على فكرة كنت بالشام الاسبوع الماضي قدمت امتحان والحمد لله نجحت

كيفك دمشقية شواخبارك
الف مبروك والحمدلله ع سلامتك
وكيف اختك ان شاء الله بخير

اللهم فرج الهم والغم عن سوريا

الف مبروك نجاحك بالمادة حبيبتي معناتها بنتك طلعت قمر ماشا الله يخليلك ياها

اللهم فرج الهم والغم عن سوريا

الله يبارك فيكم يا بنات بلدي الحلوات

ادعوا لبلدنا الحلو يرجع امن وتعم فيه الطمأنينة ويخلصنا من كل ظالم ومن كل خاين

دمشقية وينك