تجمع الحوامل اللي ولادتهم شهر 7 " يوليو 2013 .. حيآكم

صباح الورد

معنا حامل؟؟؟

السلام عليكم بنوتات حوامل

معاكم ام دانية

حامل للمرة الثانية

وعطوني موعد 15/7/2013

الله يتمم لي ولكم على خير

للحين فيني اللوعه والترجيع وماقدر اشرب اي سوئل لانها تجيبلي اللوعه الله المستعان

ألف مبروك الحمل و الحل من بعضه

عندك ولد او بنت و شو عمر طفلك؟؟

على فكره بنات لحضتو ان مافي بكريات في القروب مشاء الله كلنا امهات من قبل

ام حسين
العام كنت بتجمع يوليو بس اجهضت
والله كريم ويرزقني بالحمل.

اذا اضايقكم ماادخل تجمعكم اسولف :(

الله يبارك فيج حبيبتي والله يتمم لنا اجمعين يارب

عندي بنوته تمشي في الشهر الثامن

ادري بنتي صغيرة بس كتبة ربج حمدلله على كل حال

جوفان اخت عززة وغالية والله يعوضج كل خير يارب وتفرحين ان شاءالله بالحمل السليم يارب يارب يرزقج عاجلا غير اجلا يارب ويفرح قلبج

بالعكس سولفيلنا وقوليلنا عن حالتج اذا تبين واحنا كلنا اذن صاغية ياقلبي

فرحت بكلامكم والله
بعرفكم عن نفسي
مزوجه من 9 سنوات
معي بنوته عمرها 8 سنوات

حملت السنه الماضيه وطررررت من الفرح وكان موعد الولاده ب12 يوليو
اول موعد عند الطبيبه كانت الصدمه الاولى قالت كيس فاضي
بعدها بان الجنين لكن متأخر في النمو الصدمه الثانيه << وكنت اقنع نفسي انه حمل مأخر لهيگ طالع اصغر من عمروه
الموعد اللي بعديه مافيه نبض :(
وحكت لي انتظري ينزل انتظرت اسبوع ورحت لها قالت انتظري كمان وحينزل

وفي الساعات الأولى من فجر 1 يناير لسنه الجديده بدأ ينزل نزيف
روحت المستشفى والنزيف اشتد ودخلت القسم ولا على بالهن الكل يهني بالسنه الجديده وأنااا ابكي
بعد ساعتين من دخولي المستشفي نزل الجنين:'(

حبيبتي جوفان ولله الله يخليلج البنوتة ويبارك فيها يارب

واحنا من اليوم خواتج اكيد

بسم الله عليج من البكاء والتعب اكيد الاحساس مؤلم ياقلبي لكن ثقي ان ربج كاتبلج الاحسن والله ومايؤخر شي الا فيه صلاح للانسان

ربي بيعوضج عن هالجنين كل خير يارب ....

بس انتي ماراجعتي طبيبتج عن الاسباب ؟؟

بقولج انا مرت حماي مرتين حملت وجهضت مره نفسج كان بس كيس خالي واجهضت مسكينة ومرة بعد اعتقد مافي نبض ومب مبين عدل والحين ربي رزقها بالحمل و ان شاءالله ربي يتمم لها وتولد وكانت نفس عندها ولد وتاخرت للحمل اللي بعده ...

قلتج القصة عشان يكون عند امل كبير بربج ان بيعوضج بشي حلووو...

هي كانت عندها مشكلة في الغدة عشان جذي ماكان يتم الحمل

انا اقول راجعي طبيبتج وتسويلج كل الفحوصات عشان مره ثانية تحملي باطمنان باذن الله والله يرززقج عاجلا غير اجلا

om huss;16365123:

ألف مبروك الحمل دانه الشوق

هل هذا أول حمل و لو لا كم عندك و شو اعمارهم؟؟

و شو حالك مع الوحم إن شاء لله احسن مني

و ربي يثبت حملنا و يرزقنا الذريه الصالحه

الله ايبارك في حياتج F:
اي حبيبتي هاي اول حمل لي :)
والوحم اها من الوحم :sick:خليه ع صوب متعب وتاعب لي نفسيتي لكن كل شئ يهون لعيون البيبي الحمد لله :L:

ووووووووووينكم بنات

الله يتمم لكم على خير وسهاله يارب البكريات واللي مب بكريات والله يرزق الجميع قولو امين

محد من البحرين بنات وماقلتلونا انتو من وين ؟؟

بنات تدرون ..... مشكلة الوحم عندي مو بس في اللوعة ونوع الأكل .... أحس بالملل والكآبة ومالي نفس ابذل اي مجهود او أقابل اي احد ،،،، او اتكلم في اي موضوع :'(

اهلين ام حسين ,
الحمدلله و الله وايد افكر فيج ,’
خلاص كنسلي الموعد ماله داعي
ما عليج الا العافيه ان شاء االله

بخصوص تثبيت الموضوع فعلا كلمت مشرفة من مشرفات القسم واللي كان دخولها اقرب دخول بس ما في رد ,
باقي المشرفات دخولهم اخر مره بعيد ,

العيون النواعس
الف مبروك الحمل
جم عمر بنتج دانيه ’ !
الله يخفف عليج ... السوايل مهمه عشان ما يصيدج مغص خصوصا ان هالفتره لازم تاكلين حديد
الحديد من غير شي يسوي مغص .
ثاني شغله انتبهي لا اتييج التهابات عالاقل " كثري من الماي " الالتهابات مع الحمل كريهه بتتغربلين اسم الله عليج
نورتي ام دانيه ولا تقطعين

جوفان
مكانج حبيبتي و لو , وين تروحين
حيآج الله تنورينآ بأي وقت ,
والله يعوض عليج ..
انتي كنتي مانعه الحمل بعد ولادتج ببنتج ,
ولا من الله ما جبتي ’
ربي يكتب لج حمل سليم ويطلعج بالسلامة انتي والبيبي

دانة الشوق
الله يتمم لج حبيبتي ’
و فعلا كل شي يهون عشآن البيبي الحمدلله رب العالمين على كل حآل

العيون النواعس;16367449:
ووووووووووينكم بنات

الله يتمم لكم على خير وسهاله يارب البكريات واللي مب بكريات والله يرزق الجميع قولو امين

محد من البحرين بنات وماقلتلونا انتو من وين ؟؟

انا من البحرين ’
و ساكنه في بو ظبي ., :adore:
هلا ببنت ديرتي ’
امبله في بحرينيآت
رسمتك داخل عيوني
و دانه الشوق
و انا و انتي
و الباقي تفاعلهم خفيف ’ ان شاء الله يرجع لهم الحماس و نتعرف عليهم اكثر

التوت البري;16367544:
بنات تدرون ..... مشكلة الوحم عندي مو بس في اللوعة ونوع الأكل .... أحس بالملل والكآبة ومالي نفس ابذل اي مجهود او أقابل اي احد ،،،، او اتكلم في اي موضوع :'(

حبيبتي الخمول و الكسل شي وارد
و تقلب المزاج وارد ..
كلنا تينا حالات..
بس طلعي روحج من هالجو
و على فكره الكسل يجر الكسل
الحركة مفيده للحامل لا تضلين منبطحه
و اهم شي خذي فيتاميناتج ..

ام حسين ’
انا اول مره اسمع عنه ’ !
انتي اهم شي دفي عيالج عدل ’ و حطي لج دفايه و خلاص ههههه هاي اللي انا اسوية ’