سـلـسـلـة شهور الحمل التسعة: الشهـــر الثـــامن...شاركينا بتجربتك...

:salam: اشكرك من جديد

مرحبا خواتي ..

أنا من زمان متابعتكم .. بس أول مره اشارك وياكم ..

الاعراض تقريبا مثل باقي الخوات ..

الحركه واضحه جدا..

أحس ساعات انه في شئ بيطلع ..من كثر الضغط على الجلد..

مافي نوم بالليل ..

ماكو نفس..معدوووووووووووم ..ساعات .. اقعد اسوي شهيق زفير.. حصوصا في الصلاه وعند السجود..

يالله.. كل هذا احلى من العسل.. على قلبي ..

والله يقومنا بالسلامه...

تحياتي..

انا ماشية الان في الاسبوع الثاني من الشهر الثامن

نفس اعراض اخواتي


دوخة ، والنوم الله بالخير ،، ما اقدر انام ،، وإذا تقلبت يمين او يسار لازم اقوم وبعدين اتقلب على الجه إللي ابيها ،،و أحس بعد تشنجات في سيقاني و خصوصا أثناء النوم و الم في منطقة الحوض
واحس بضيق في صدري وكتمة


والله يهون على ،،

=

تشنجات في الساق ،،، وغذا قمت الصباح ما اقدر احرك رجلي ،، تتشنج لمده 10 دقايق ،، واخاف احركها ويجيني شلل،

:cry: انا بعد في السبوع الثاني من الثامن....
الحمدللة من بداية حملي ماحسيت بأي شي بس من دشيت الثامن حسيت اني كلا ابي انام:angry:
طبعا غازات واحس بثقل في بطني
بس الشي اللي تعبني من دخلت السابع كلا اصيح افكر حالتي النفسية مو اوكية خايفة
اول تجربة لي
زوجي من يكلمني في الموضوع على طول اسكتة واصير ابكي :cry:

آآآآآآآآآآآه يابنات .. الله يعدي هالفترة على خير ونولد كلنا بالسلامة ياااااااارب

أنا الحين توني داخلة بالاسبوع الثاني من الشهر الثامن

طبعا كل ما ذكر يصير معاي الحين ..
تشنجات في القدمين خصوصا بالليل .. ألم في المفاصل وبالذات اذا اجلس على الارض بالراحة احتاج احد يمسكني بس عشان اقدر اقوم .. منكسر خاطري على روحي :"(
النوم ألم قبل النوم وألم أول ما اصحى من النوم .. وايد الاقي صعوبة عشان انقلب من جهة للثانية .. بالذت اذا اصير على ظهري لو ثانية احس ظهري يبي ينكسر من الوجع والضغط

ساعات اذا اكون جالسة لفترة وابي امشي مسافة لو قصيرة احس بشد في بطني للأسفل كأنه بيطييييح على الارض واظل ماسكته من خوفي يطيح ههههههههههههههههههههههه

حركة البيبي حدث ولا حرج .. ماشاء الله عليه مسوي مهرجان ببطني ساعات احس بطني يبي ينبط من جهة السرة والبيبي يبي يطلع .. وياويلي اذا انام مايلة على بطني ألقي انواع الترفس كأنه يقول وخري عني فقصتيني
الشهية .. احس بجوع بسرعة عكس البنات ........ غريبة والله
فرحتي تزيد لاني متشوقة اشوف البيبي ياربي اشلون بيكون شكله <<< مخبولة هههههههههه

لأقل مجهود اتعب واصير اخذ نفس بسرعة بالذات اذا اركب الدرج ياربيييييييييي كنه احد فاقصني من بلعومي
رجولي ويديني منتفخين لا واليسار انفخ من اليمين ... حتى الدبلة وداعية لين بعد الولادة

اصابع يديني يألموني بشكل مو طبيعي .. خصوصا لما اصحى من النوم لدرجة ما اقدر اثنيهم احتاج لماي دافي انقع فيه اصابعي بس عشان اقدر اثنيهم .. وتعالو شوفي حالي اول ما اصحى اموت بس عشان اقدر ارفع شعري عشان ادخل الحمام الله يعزكم ... الم فضييييييييييييييييع

فيني سكر بس احاول قد ماقدر اخفف من الحلويات والنشويات والله يعييييييييييين

مادري اشبسوي لين ادخل التاسع الله يعييييييييييين يارب

انا الحين بالثامن بداية الاسبوع الثالث والجنين راسه فوق مانزل وخايفه واايد بس الدكتورة طمنتني لانه عندي ولدين قبل وكانوا عادي من السابع راسهم تحت وولدتهم طبيعي شو رايكم انتوا بينزل الراس انشالله؟

وعليكم السلام وحمة الله وبركاته ..

مثل ما قالو اخواتي صعوبة النوم في اليل و الشعور بألم في اسفل البطن ..

الله يسهـل على جميع الحوامـل ..^__^..

انا في الاسبوع الثاني من اللثامن

وزني زايد 18 كيلو من بداية الحمل

البابي وزنه كيلو و نص فقط!!!!

مع اني اكل عادي و ما ازيد الدهون

ودي انام بس ما اقدر

عندي الام في الظهر و منطقة العانه احسه بتفكك من الألم

و احس بتشنجات في السيقان خاصة الصبح

بعدني اسير الداوم و دوامي للخمس المساء الله يسامحهم ما يعطونا اجازة لين نربي :(

و في المساء اكون مع ابني و زوجي

تعبانه حدي

و الله يستر

مرحبا ياحوامل انا بعد دخلت الاسبوع الثاني في الثامن الايام بطيئة جدا مثل ما قالوا بنات الآلم في كل مكان اخت ظبيانية عندي مثلج الام في الظهر و منطقة العانه احسه بتفكك من الألم
و احس بتشنجات في السيقان خاصة الصبح نفس شئ والله ....

هلا علوجة يابسة الله يقومنا بالسلامة يا رب

انا احاتي وزن البابي توقعته يكون أكثر من كذا انتي سويتي سونار للبابي قريب؟

خبروك كم الوزن ؟؟

اخاف اجيب البابي صغير :(

انا الان بداية الشهر الثامن طبعا النوم اكثر شى مضايقنى وصعوبه فى التنفس والم بالظهر ومغص غير طبيعى وحركة البيبى كثيره وبالاخص باليل والله يهونها راح الكثير وان شاء الله نولد جميعا بالسلامه

التعب زاد علي في ها الشهر آلام في الحوض مع صعوبة في الحركة اثناء النوم شد في رجلي اليمين وحكة في البطن سرعة التنفس عند القيام باقل حركةالله يتمم لنا بخير

بسم الله الرحمن الرحيم

تسلمين اختي مرموم وجزاج الله خير
وجعله في ميزان حسناتج ..

انا حاليا برابع يوم من الشهر الثامـن ..
للحين ماطلعت العوارض بشكل ملحوظ
بس احس بنزيف بلثه وسألت دكتور الاسنان قال مافي التهاب وهذا طبيعي
واحس بأسفل بطني شي ينبض يجي مابين ساعه وساعه ...؟!
بس الحمدلله كل شي طبيعي ..

شكرا لج

اهلين كروشااات

انا الحين في الاسبوع الثالث من الثامن

انا والنوم متخااصمين

البيبي ماشاء الله حركته احسن من السابع بكثير

حرقاان على طول وشهيتي لاكل موذاك الزود
ضلوعي الي في اليمين ذابحيني احس انهم بينكسرووون
والشد العضلي اكثر شي يجيني وانا نايمه ذبحني

وجهي نحف مادري ليش وارجولي تنفخت
ومعاي التهاب في البول وعطتني الدكتوره مضاد وتحاميل وغسول

وحاسه ان البيبي في العرض ماحس ان راسه نزل تحت

وان شاء الله بسوي سونار علشان اتاكد من وضع البيبي

مرحبا يا خواتي انا بعد اسبوعين بدخل التاسع
وحالياً حمدالله مااشتكي من شيء من اول الحمل ولين الحين وربج سهل علي

واتمنى اربي بسلامه مه البيبي ودعواتكم

اختي سما نسيان
عاد بهالشهرين يطلع اثار الزلال وتنتفخ الرجل
ديري بالج دايما رفعي رجلج عشان الدم ينزل لان الحين الثقل على الرجل
لا ان شاء الله راسه تحته :) وربي يسهل عليج :)

والله انا الحمدلله كل شي تمام بس وقت النوم تتسلط علي هالبنوته وتقعد ترافس وتتحرك
واذا نمت على جنب احسها كلها تصير بجنب واحد ماني عارفه انام
بس الحمدلله على كل حال

امبيه مادري اشفيني نسيت الحسبه لووول
قاعده احسب متى ارجع الكويت ونسيت اشلون احسب الاسابيع
انا بالاسبوع 34 يعني اي اسبوع من الثامــن ؟؟

وناسه شكلي صار حامل طلع لي بطن ^__^ وقام يبين

انا بعدني في بداية السابع بس مشكورة على المعلومات الحلوة

مرحبا بنات انا حاليا في نص الثامن..

اعاني من كثرة التبول الله يعزكم كل دقيقه والثانيه في الحمام..

صعوبه في التنفس ..

حكه في البطن ..

وعذاب عند النوم ...يعني ما اخذ راحتي في وضعيه معينه..

واحس بحركه منتظمه كل شوي وهي تنيجة الفواق الو بوشاق او الزغطه وسمعت انها زينه للبيبي في بطن امه سبحان الله..

وبعض الاحيان حركة البيبي تؤلم خاصه لما يتمدد يحسب ارض الله وسيعه ومدرى انه في قرقور...الله يطلعه بالسلامه..

جزاكي الله خيرا غاليتي وبارك فيكي