سـلـسـلـة شهور الحمل التسعة: الشهـــر الثـــامن...شاركينا بتجربتك...

انا متابعه معاكم شهر بشهر

وما افوت ولا شهر



عاد عسى تذكروني لما اولد بالسلامة :smile:


بالنسبة لي انا الأسبوع هذا دخلت الثامن الحين انا 29 اسبوع
وما تتصورو كيف اتمنى الأيام تمر بسرعة البرق علشان اولد واشوف ولدي او بنتي

انا احس انه ولد ولكن الدكتورة قالت بنت والله اعلم
بالرغم انه ما تفرق معاي

الاعراض الله يسلمكم هي التالي :

قلت شهيتي للأكل

الحرقان لازال مستمر معي من الشهر الثالث وحتى الآن

إسهال (( عكس الحوامل اللي يعانو من الأمساك ))

حركات البيبي ما شاء الله تقولون كأنه يلعب كرة قدم والله مرات احس انه يعورني لكن على قلبي احلى من العسل :cool2:

النوم الحمد لله ما اعاني فيه انام مرتاحه

الحركة صارت بطيئة شوي

وبسسسسسسس


والله يتمم علينا بالخير


اشوفكم في بداية التاسع :up:

لسلام عليكم
هذه اول مشاركة لي في النتدى رغم اني متابعه له ولكن اول مره احصل شي اكتبه على العموم ما بطول عليكم

انا في الاسبوع الاخير من الشهر الثامن في حملي الثاني
وفي حملي الاول ولدت بعمليه (عمر ولدي الله يحفظه سنة و3 شهور تقريبا) علشان جذي انا خايفة من ان اربي بعملية مره ثانية وفي نفس الوقت خايفة اني اربي طبيعي ، وما نام الليل من التفكير في الام الولادة الي ما لحقت انساها.وفي صحة البيبي وخصوصا ان ولدي ما شاءالله عليه ما مقصر رفس وضرب في بطني غير صعوبة الاعتناء فيه.

اما عن الشد العضلي :confused:الي البعض ذكره فانا اعاني منه في الليل بعد بس يوم قلت للدكتورة قالت لي ان السبب نقص الكالسيوم وعطتني حبوب كالسيوم ومن بديت اتناولها بانتظام اختفى الشد العضلي.
وطبعا كالعادة ثقل رهيب خاصة اذا كنت يالسة على الارض فترة،والبقية مثل الجميع على ما اظن .


اسفة على الاطالة و شكرا:shy:


والله يقوم كل حامل بالسلامه

السلام عليكم..

شخباركم خواني جميعاً.. يا ربي يسهل علينا جميعاً نكمل شهور الحمل و نولد ان شاء الله..

استمتعت و أ،ي أطلع على تجاربكم و خبراتكم.. مشكورين حبايبي..

أني ألحين في الشهر الثامن.. باقي لي 9 أيام و أدخل الشهر التاسع..

موعد ولادتي.. 2/10/2003. ادعو لي يا ربي يسهل علي..

في هذا الشهر احسن ان عندي انتفاخ في الأطراف.. mild edema
و خشمي صار أحمر و كبير و شفاتي بعد..:D2
أحياناً ما اقدر أنام بسهولة ما أحصل الوضع المناسب للنوم.. عندي التهاب في البول أتعالج عنه حالياً.. حرقة في المعده أحيان قليلة..
قبل كم يوم نزلت مني افرازات مهبلية عبارة عن مخاط به قليل من الدم.. قرأت عنه.. يسمى بالعلامة.. و هذا دليل على ان الجسم قاعد يستعد للولادة.. حيث ان عنق الرحم ينشد الى أعلى.. خفت في البداية لما شفت الدم بس بعد ما قرأت اطمأنيت.. :up:

أحس بآلام أحياناً في الحوض مثلاً أو في الظهر.. لكن أستمتع بها.. كل ما أتذكر ان الله بيرزقنا بطفل عما قريب..

الله يساعدكم جميع و يسهل عيكم..

في أمان الله:smile:

احلى ما في الشهر الثامن هو حركته الحلوووووة ..
بس لين تضيقين عليه مثل اذا يلستي بوضعية معينة فترة طويلة يعني راحت على ضلووعك :D2


الخشم صار حجمه 3 اضعاف!! والبراطم هم بعد .. بس الايادي والأرجل عادية ما شوف فيها اي نفخ .. الله يستر.

النوم طبعاً من الشهر السادس متقطع وصعب.. والابوال تصحيني غصب غصب من النوم .

ما اقدر اقوم الا بمساعدة، وعندي تشنجات بمنطقة الحوض بس.. لكن من اروح امشي لي نص ساعة تخف هذي الالام وايد.. وهذي نصيحة انا بديت المشي من بداية الثامن .. والحمدلله الالام كلها خفت.. لاني متعودة على المشي وايد قبل الحمل وتوقفت بس عشان يثبت الجنين .. والحين رديت شوي شوي لما اوصل مثلات اول..

ايه ذكرت.. نزول مادة اللبأ بعد في هالشهر...

ومثل كل الحواااااااامل نفد صبررررررري متى اولد واشوف الغالي؟!! :shy:


عذراء القلب (u)

انا اليوم دخلت الثامن يا ربي يسهل علينا جميعاً نوم ما كو الى بعد اذان الفجر واتعب اذا نزلت راسي والحركه ما شالله عليها ما مقصره (u)

عزيزاتي الحوامل ...

الله يساعدكن وتقومن بالسلامة ,,,,, إن شاء الله ,,,,:)

بالنسبة لي أنا حامل في بداية الثامن وسمعت كثيرات يقولن إن النوم
على الظهر يضر بالجنين حيث إنه يسبب باختناقة حيث يجعل الحبل السري
يلف على العنق ..هل هذا الكلام صحيح أم لا؟؟؟

أفيدوني جزاكن الله كل خير ..:no:

السلام عليكم ورحمة الله وبركاته

أهلا بك أختي هوا العين معانا...

أختي النوم على الظهر مضر للجنين و الأم على حد سواء...

فهو مضر للأم...لأنه يجعل الرحم بكل ثقله يضغط على فقرات العمود الفقري...و هو ما يتسبب في ألم شديد أسفل الظهر...

و هو مضر للجنين...لأنه النوم على الظهر يضغط على الشريان الأورطي للأم...و بالتالي يعيق وصول الأكسجين إلى الجنين...و ممكن لا سمح الله يسبب الإختناق للجنين...

التفاف الحبل السري يكون بالتقلب الكثير أثناء النوم من اليمين لليسار دون الجلوس بينهما...يعني مفروض تنامي على جنبك...و إذا حبيتي تغيري للجنب الثاني...تقعدي الأول...بعدين تنامي على الجنب الثاني...

و وكلي أمرك لله...و إن شاء الله خير :smile:

السلام عليكم ورحمة الله وبركاته
انا الان فالثامن واسبوع احس تعب الحمل كلة فها الشهر ما قادره لا انام ولا اتنفس ولا اكل.

السلام عليكم بنات
حبيت اقولكم اني دخلت الثامن
انا الحين في الاسبوع 31
دعواتكم لي .. مع السلامـــــــــــة

انا بالنسبه لي حاليا 10 ايام من الثامن واحس بثقل في جسمي وتورم في ايدي وريولي وويهي وتتشنج عليه ريوولي خصوووصا عند النوم والنوم اساسا صار قليل جدا وبصعوووبه كبيره ...وفيني حكه في بطني وريووولي من دخلت الثامن

ان شاءالله يطوف الشهر هذا على خير ان شاءالله

مرحبا خواتي اخيراُ انا وصلت في بدايات الشهر الثامن والله يعدي الباجي على خير ان شالله ...

تقريبا انا احس بنفس الاعراض .. لكن احيانا احس بشي نفس النبض اسفل البطن يعني تحت ... فهمتوني .. ما اعرف شو هذا بالضبط ..

اللي عندها فكره اتقول لي ...

وسلامتكم

سلاااااااااام يا حواااااااامل الثامن

شخباركم ؟؟؟؟

انا صار لي يومين من دخلت الثامن والاعراض اللي احس فيها


قلة النوم وصعوبته في الليل وفي النهار انام عادي

واحس بثقل وخصوصا بطني احسه ثقيل

والحكه في بطني حدث ولا حرج ما ادري شنووووو اسوي فيها لانها من يومين بس صايره معايا ؟؟؟؟؟؟

تحية طيبة

لمراقبتنا الغالية \ مرموم

كل الشكر والتقدير
على هذا الموضوع الذى يعتبر قمة فى كل شى وهذا يدل تميزك
لك من اختك كل الشكر والعرفان

واتمنا تلبية طلبى

تثبيت الموضوع رسمى وعدم فك التثبيت لان الموضوع له طلب من الكل اتمنا ارجاع التثبيت له
كطل الاشهر تكون مثبتة
لان هذا الموضوع مطلوب من كل الاخوات كل فترة
وماشاء الله منتدانا كثر المواضيع وكثير الصفحات ومن ارداه مرة ثانية من الصعب وجودة
ياليت الادارة تاخذ طلبى وتثبت الموضوع وعدم فكة

تحياتى وتقدير

اثينا

اشحالكم يا بنات ؟؟؟؟؟؟؟؟؟؟؟؟

انا الحين في اخر اسبوع لشهر السابع واسبوع الياي ان شاء الله بدخل الشهر الثامن
ادعوا لي ربي يوفقني في حملي ويقومنا ربنا بالسلامه انا والبيبي

تحياتي

ام شجون

السلام عليكم

شخباركم بنات

على حسبة دكتورتي والأخت مرموم دخلت الثامن من3أيام تقريبن


والأعراض تقريبا نفسها
بس في شي ماذكرتوه ومعذبنييييي مررررررررررررررره

احس بألم اسفل صدري الأيمن شي ينغز بقووووه ومو قادره اتحرك منه والله يعور

إختي تقول عادي هذا التهاب من تكون الحليب

بس أنا خايفه لأنه مو بالصدر نفسه لأتحته

مين حست بنفس الشي؟وش سوت؟

هل الموضوع يستاهل إني اروح المستشفى

مو قادره اتحمل يبست :sad:

حتى إذا لفيت شوي بس يعورني وانا مو ناقصه يكفي المغص

مراحب يابنات شخباركم

الله يهون علي وعليكم ويتمم حملنا على خير ان شاءالله

انا باخر ثلاث ايام من الشهر الثامن،، الاربعاء ان شاءالله بدخل التاسع... والله هالشهر اتعب من اللي قبله الثقل زاد والام الظهر وصعوبة التنفس والزكمه ،، وبالليل وقت النوم يادوب انام ساعتين ثلاث،، انام 12 اصحى 3 ومايجيني النوم الا قريب وقت قومتي للدوام الساعه 6 يااااااااااااااه الله يعين،، والبارحه ماقدرت انام رفسات البيبي جننتني ماشاءالله،، من جد خفت كانه يبي يطلع :(

وعن التشققات بالبطن والصدر والورك زادت وصرت استخدم زيت الزيتون ليليا قبل النوم والله كانه احد مشمخني خصوصا بصدري :( وهذا غير الام اسفل البطن وكل شوي روحة الحمام تكرمون لانه الراس نزل بالحوض.. ودايما احس بضغط على المثانه ،، الله يعين.. حتى الحمام استمل مني ..

وعن اللي قالت انه عندها الم يجيها احيانا اسفل الصدر اليمين،، انا بعد نفس المشكله :( بس ماخبرت الدكتوره بكره موعدي وان شاءالله اذكر..
وجنيني بنت على ماقالوا لي بالسونار الرباعي والحمدلله،، ربي يقر عيني وعين ابوها بشوفتها سليمه معافاه ان شاءالله..

ويرزق كل المحرومات ياااااااااااااارب

أنا باقي علي يومين وأدخل الشهر الثامن وإن شاء الله راح أشارككم بتجربتي


:shy:

السلام عليكم يا اخوات
الله يسهل عليكم وعلينا انشاءالله
ما بطول عليكم
توني داشه الثامن في هالاسبوع والله يسهل ويعديه على خير انشاءالله
تدرون العوارض الي بينت معاي هالاسبوع اولها صداع توقعت انه يكون عادي لكن لما رحت المستشفى تاكدت انه عندي انخفاض بالضغط وبعدها حطولي المغذي الي محد يدانيه وبعد هذا كله تبين ان عندي فقر دم وحتى بعد المغذي ما ارتفع الضغط حتى سوولي فحصبول اكرمكم الله وقالو انه عندي رمل في البول واذا ماكثرت من
السوائل بيصير عندي حصوه في الكله(كلام الدكتورة) هذا كله وانا اشرب الماي بكثثثثثثره والله يعيني ع الي ياي
والدكتوره قالت لازم اخذ حبوب الحديد والفوليك اسيد مرتين والله يعينا ويسهل علينا
والي نساني التعب وكل الي انا فيه لين احين حركة البنوته ماشاء الله عليها الله يتمم هالحمل ع خييييييييييييير
وسلامتكم

السلام عليكم يا حوامل الشهر الثامن :salam:اني توني داخلة الثامن يعني في الاسبوع30 الثقل زاد في هالشهر اريولي دائما تالمني والم متقطع في الظهر ومنطقة الحوض ما اقدر الاكل وايد احس روحي بعدين ما أقدر اتنفس:sad: حركت البيبي فديتة احلى شي عندي :up: مغص دابحني وغازات واسهال على عكس الحوامل عدم الراحة في النوم ما اقدر انام:down: بطني صاير نفس الحجر خشن وايد الحكة حدث ولا حرج اخذت الي كريم زبدة الكاكوا بالمرز احسة نفعني اذا احطة تروح الحكة(r)احيانا احس بشي نفس النبض اسفل البطن يعني تحت ما أدري شنو:think: البول ما شاء الله كلحين الحمام:gum:

تحياتي لكم والله يسهل علي وعليكم ان شاء اللة
دلع 7:clap:

اهلييييين حبيباتي انا جايه اودعكم لاني بدخل التاسع

بعد ثلاثه ايام :)

الفال لكم ان شاء الله :)

ونلتقي مع حوامل الشهر التاسع باذن الله.

بامان الله ودعواتكم لي بتسهيل الولاده يا رب.