تجمع امهآت مآيو لشهر ~ذي الحجه~

تفاحه
شيكي هالفيديو جميييل هههههه حبيييته ماااارررره بس ماحبيت فكرة اني اثلج اكل البيبي شهرين بس التخزين رائع
طبعا انا توني شريت chicco easy meal
الي تطبخ عالبخار وتقطع وتفك التثليج
http://www.youtube.com/watch?v=Rf5n2ph2-wg&feature=related

الحلووة ,,, جربي معاها العنب او الكمثرى او البابايا وفيه اجاص مركب يكوون اجاص مع تفاح طعمه ولا اروووع ومفيد لان هاذي الاكلات قليل يتحسسون منها ....

يعمررري النتفه ماعليه مردها بتمتن اتووقع انها طالعه يا عليك ياا على ابووها لان ميمي بجسمها علي لما كنت صغنونة كنت مدبدبة ههههههه واما الطوول علي وع ابووها واليوم شافوها اهلي يقولون ضعفااانه !

الجهااااز حلووووووووو من وييين اخذيتييه عجبببني واحسه يسهل الأمر ,,

جوووفان ماشوفها طلت عليينه مايندرى شخباارها ! ؟؟؟

بنات انا فرحانه وابي افرحكم معاااي
وحده من تجمعنا حلم الامومه صار لها ٦ سنوات متزوجه ومتاخره بالحمل
اليوم بشرتنا بحملها
حاااسه نفسي من الفرحه ابي ابشر كل الناااس
فررررحت لها هوااايه

جووفان ,, فرحتيييينه ربي يفرحك بالدنيا والآخرة ان شاء الله ... ربي يحميها ويتمم لك حملها ويفرحها بظناهااا وتشوفه بحضنها يضحك ان شاء الله ... الحمدلله كثيرا ...

وربي يكتب لك ان شاء الله وتفرحييينه يااارب ...

تفاحه
خذته من سنتر بوينت صديقتي دلتني عليه رحت 3 فروع والي حلصتها اخر حبه بس بطللل ومريح عالاخر,يبيلي اجربلها الي قلتي عنهم ونشوف
عالوزن احنا كذا ماش كم شهر بعدين تختفي الخدود وحاله , ياعمري ميمي اكيد بتنحف عالحراره تتعب احنا الكبار ونهلك منها ان شاءالله تصير احسن مامداها تطلع من الزكمه جاها التطعيم خخخ
جوفان
تدرين انا رمضان مو هذا الي قبله كنت دااايم اقرا تجمعكم وقلت لما يخلص رمضان بشترك معاهم لان كان لي 4 شهور احاول احمل تقريبا وكنت دايم ااجل ااجل لين ماعرفت اني حامل ههههههه تقريبا اعرف كل الي بالتجمع=) ام واي, بالكي,ام زينه امممممم بنت التاجر كثير كثييير بنات حتى عروس من لما كانت بلندن وجات خخخ احس اني معاكم بالاكشن الله يتمم لها ع خير يارب وان شااءالله يكون فال خير لان دايم لما تحمل وحده بالتجمع يحملو وراها اثنين ثلاث=)

ههههههههه الحلوووة ضحكتيني بسالفة فال الحماال مادري ليش صدق تصير هالسالفه ! ,,, مو تحمللين احمل وراك ترى هههههههه .... ربي يرزقهم جميع ان شاء الله ويفرحوون بخبر حملهم عاجل غير آجل يااارب ...

والله عجبتني هالمكيينة ,, الله يغربل بليسهم كلشي مسوينه للاطفال عشان الواحد يتجنن ! ...

يوووووه صدق ذكرتك ام جوجو امس شفت بسترس تي في جهاز ليزر لنزع الشعر يالله ذكرني بسالفه الليزر بالمركز هههههههه عاد قلت لزوجي يا توفر ع نفسي الروحه والجيه وتفك عمرك وتشتري لي هالجهااز ياا بتتعب مع زوجتك ومرتك ههههه ان شاء الله باخذه بس هو خوفني انه مو زين لذيك المنطقه يخليني اوسوس مع انهم قالوا لجميع المناطق ...

ام جوجو
كل الي ذكرتيهم ماشالله حملوا
الفال لي ولبقيه التجمع

التفاحه
انا صراحه ماتحمل الالم ههه لان مرات مع انهم يحطون ذاك الكريم المخدر يالم شوي خصوصي المناطق الي فيها لحم مثل ذيك المنطقه خخخخ بس والله تريح شوفي انا من رمضان يمكن او قبل رمضان سويته وللحين الحمدلله
اما عالاجهزه احتااار مثل والله كل شي لجوجو اليوم سلقت لها انجاص
اممممممممم حابه انها تتعود تنام بروحها! مدري كيف بس خاطري تنام بروحها هي بالنهار عادي لو اخليها بسريرها اشغلها اللاب تنام او لعبه تنام بس باليل مستحيل لو انطنط! مدري ليه هالشي فيها احس اني خايفه من المجهوول ههههه خايفه من بعدين صراحه!
كمان الاحظ صايره اسنانها تنغز عليها وتصحى باليل تون مسكينه وادهنلها بعدين تنام بسلام بس طبعا لما يالموها يجيها اسهال مسكينه

الحللوة ,, ايي انا افكررر اخذ هالجهاز بلاا حلاوة بلا تعب ووقت وانا من النوعية اللي ماحب اشووف شعره وحده تمللني ! ...

الله يعيينها جوجو شكله صار وقت اسنانها ع عمرري ربي يسهل ظهروهم وترتاحون انتي وهييي ان شاء الله ...

ع النوومة من اللي شفته للاطفال يعايلتي من يوصل ال9شهور الى السنة ينامون بروحهم وبعد مو كلش كلش يعني يحتاجون مرضعه او شي يلعبون فييه وبعدها ياحبيب النبي فانتي خليها ع راحتها وبنفس الوقت حاولي تحقرينها بالليل اذا تحسين انها مو جوعانه ومجرد انها تبغي تلعب او تمص شي مثل ميمي وربع ساعه او اقل بتشوفينها نايمه وبحذي شوي شوي بتحس بالاستقلالية ,,, انا ماقول الا ربي يعييينه !! اشووف اولاد اختي يالله جنوووووووووووون بحق انا ماسلمت من حركاتهم ...

والله تفاحه جوجو لا مسكينه باليل تصحى مرتين ترضع ترضع بس اعرفها من بعد الساعه 5 الصباح نوو واي ترضع! عشان كذا اعطيها رضعة مويه تلعب فيها شوي ياتغفى ياتصحصح ههههه والاوقات الي مو حقة رضاعتها اعطيها مويه اعرف متى تكون جوعانه ومتى نصابه خ خ خ
انا ولد اختي الله يحفظه شيطون بس من يومه صغير اختي مشدده ع موضوع النومه وماشاءالله فطمته بسرعه يعني سنه و 3 شهور ومافطمته ع خرابيط لا حليب برضو وعصيرات واشيا مفيده ماذاق الشوكليت الا يمكن عمره سنتين هههههه والايسكريم عاد يووووه ماذاقه الا بعدين لانه حساس مره ع طول يزكم
اااه بس متى متى هههههه احس الايام ترررركض وبنفس الوقت ابي استانس بكل اللحظات واشيا تشغلني مدري كيف! الله يحميهم ويبلغنا فيهم يارب, يلا خلاص ان شاءالله نحمل انا وانتي سوا دام ببالنا نفس التوقيت هههه بس لاتسوين خيانات

يعمري ع جوجو الله يخليها وتكبر وتشوفيها عرووس يااااااارب ,,, اما سالفة اللعب احسها زادت عندهم موو ؟؟ كانهم يستغلون اي فرصة للعب ! ....

والله تصدقين فكرة اختك ممتازة ومثل تفكيرري بالضبط انه افطمها ع هالاشياا وبنفس الوقت ابتدي اعلمها ع الحمام وانتي بكرامة لان امي تقول ان البنات اشطر من الاولاد بهالأمور فيتعلمون بسرعه والآيسكريم والسبش والشووكليت انا بصراحة ما أأيده ابد !! ولكن اولاد اخواني وخواتي لاتعليق !! حتى بيبسي من عمر السنة مدمنييين عليه شهالحالة الكبد والعظام تروح فيها من بداية حياتهم !!! ...

ايي ع هالطاري طبقت فكرة ام زوجك بسالفه اللعب وفعلا ميمي اقبلت عليهم كأنه اول مرة تشوفهم ههههههههه ماشاء الله عليهم هالامهات عيني عليهم باردة فاهمين و مثقفين بكل هالامور ...

ام جوجو ,,, انا ماقدر اسوي خيانة لان الوالدة الله يطول بعمرها مصابحة إماسية ( تحملي يابنتي لاتحملين ترى تتغربلين مع زوجك وبنتك ) لانه قاست من الولادات اللي ورا بعض مسكينه ....

نزلت دورتك لوو مصرة الأخت تلوع جبدك ؟ انا اشوفها مملتتني بالالم ولا هي راضيه تتفضل ..

تفاحه
والله مامتك زي مامتي! انا طبعا امي بين كل واحد اربع سنين بالضبط ماشاءالله ههه يعني شهرين ثلاثه بتواريخ ميلادنا هههه ودااايم تنهبني وتقولي لاتحملين الحين مو وقته وانا لما اقولها ودي احمل لما يصير عمر جوجو سنه ونص سنتين تقول لااا انتظري اقولها مااابي اصير زيك كل 4 سنين ههههههه والله ظلم صراحه! لان اخوي واختي كانو يتكاتفون علي واني مسيكينه الصغيره خخخ كانو مسويين عصابه علي حسبي الله ع ابليسهم
اما جوجو مجننتنيييييييي مافي نوووم كل ساعه ونص ساعتين تصحى صياااح وبكا باين متالمه! واليوم كمان سوت حفلللللله محترمه وقت النوم الله يصلحها جننننتنييي بس حرام باين متالمه بس وش اسوي احس اخلاقي بمناخيري ع قولة المصريين!
والحمام انا اقولك فعلا من خلال تجربه مع اختي الصغيره وولد اختي لاحظت الفرررق وكمان بنت خال امي جابت توام ولد وبنت سبحان الله البنت متطوره عن البلد وهم توام! وتعلمت عالحمام بسرعه ماتعبت امها وكان في اختلاف بواجد اشيا بينهم,
تدرين انا بنت حماي تشرب بيبسي من عمر السنه وفعلا انفطمت عليه ترا! شوفي بينها وبين بنت خال ابوها شهر هي مفروض اكبر منها فرررررررررررق فررررق هذيك تبارك الرحمن ع عمرها اما بنت حماي للحين تلبس مقاس السنتين وهي عمرها 3 سنين ونص! احس طولها ماتغير واجد! يمكن من عمر سنه ونص سنتين ماتغير طولها ولا وزنها نفس كل شي! الله يصلحهم هالامهات
الله يقوينا ويرزقنا الصبر والحكمه يارب!

ام جوجوو ,,, الله يخليك لك ماماتك ويطول بعمرررها يااااااااارب ....

ع عمري جوجووو شكله فعلااا الاسناان ذابحينها يالله ربي يسهل خرووجهم وترتاااح يااارب حسييت والله فيك لان جات فترة ميمي جذي لاتبغي تنام وساعه وتقعد تصارخ وعيونها حمرااا وخدوودها بعد مع انها مو حرانة ومن اعطيها الادوول تسهد شوويه وتنااام ,,, فانتي جربي عطيها اذا هدأت معنااه ان راسها يألمها فعلا من التسنين هذا اللي علمتني اياه اختي وفعلا نفع ...

هههههههه والله انا عرفت ان البنات شطار واذكية اكثر من الاولاد من شيئين اولهم بنت اختي ماشاء الله هي ام شهوور صغنونة وتشووف اخوانها وولاد خيلانها وين يروحون ويجون وشنو يسوون وبمجرد انها قدرت تحبي سووت اللي مايتسوى !! أخذت كااس شاااي وخذ وين يحرقك ولا تابت !؟!! ولما قدرت تتوقف شووي راحت للمطبخ والمقلى حااااااااارة زين لحقوا عليها والاخت مبااشرة سنتوووري بنص المقلة !! ماقول الا ربي يعييينه عليهم والمثال الثاني هي ريموووو اليوم جننتني ع سالفه القعده ,, اشوفها ردت حاولت تحبي شوي وتبغي تقعد عاد انا ساعدتها مرتين وقمت اصفق لها واقولها شاطرة عااد تشققت وبعدها قامت تباعد يدي كانها تقوول انا بسوي بروحي وفعلا رحت ورجعت الا اشوف وحده قاعده ومبتسمه وتهز راسها يعني يالله صفقي لي وهنيني صدق الحين ههههههههههه من جذي اتوقع انه من تكمل السنة باذن الله ببدى معاها للحمام ...

والله ع البيبسي نفس مأساة ولد اخوي ! مدممممن مثل ابوه وشوفيه هو بصف ثالث ولكن كأنه بالروضه ضعييييييييييف واوووفر أكتف ! والتركيز زيرو ! ...

متابعتكم من بعيد وسط زحام الحياة

يعمرررررري يا شهوودة وحشتييينه ووحشتنه السوالف معاك يعطيك الف عااافية ان شاء الله وربي يعطيك القوة والصحة ع تربية اولادك .... بوسي هنودتي عني ...

ام ميمي
ماشاءالله الحين جوجو اجلسها تجلس بروحها عاادي بس مرات تشوف شي بعيد تمد ايدها بتجيبه تطيح ع وجها هههههه تضحكني! امس جلستها جنبي عالسفره والا والا تبي تطول الحمضيات حقتي خخخخ عاجبها اللون الاصفر الظاهر! ياحليلها الله يحفظهم ويحميهم يااارب ويعينا لابدو يحبون ويمشون
اما عالتسنين اي والله لاعب فيها لعب! انا جبت لها جل التسنين بس المشكله انها ماتحب طعمه! اوففف وتبي تشرب اي شي بعده قلت بدو اشوف كم يبيله يتم بالفم عشان يعطي مفعلو عشان اعرف بعده بكم اقدر اشربها مويه
شهوده
ياختي وسعي صدرك وتعالي سولفي انا لو اقولك وش عندي تنهبلين انا احس بيجيني انهيار عصبي هههه بس طنش تعش تنتعش! من دوام للجامعه ومن الجامعه لدوام جوجو لين مايخلص يومي مايمديني حتى احل اجبات ولا اذاكر والاختبارا خلاص بعد اسبوعين وانا مخي عالزيرووو مااعرف اي شي!

ام جوجووو ,,, ربي يخليييييها ان شاء الله ويسهل ويخفف عليها هالتسنيييين يااااااارب بس انا افضل العضاضه اللي تنحط بالفريزر تهدأ التهييج كثيير ....

يعمري عليها هههههههه يعني شكلها اكييييد عجيب وهي قاعده وبالاخير طااااااااااااااخ وبعدها انواع الدلع والصياح هههههههه بس عطيها اسبوع لاسبوعين وان شاء الله خلص بتتعلم تقعد بروحها وتوازن نفسها بنفسها ,,,, ميمي بالبداية جيي واذا تطيح مباشرة اضحك وياهاا وتسكت واما ابوها الله يهديه ماشوف الا واحد شاهق وراكض لها هي تخاف وتصيح ! وبعدها ماشاء الله ماتبغي احد يلمسها ومنها قامت تقعد بروحها وتغير قعدتها والحبي حدث ولا حرج !! هي تحبي خفيف وجننتني ع الاغراض وخصوصي اذا شافت سلك كهربا اوو ورقه طايحة بالغلط او كلينكس يالله تمووت ع هالسوالف وع قولة امي هاذي شكلها مابتخلص هالشهر الااا مكسرة لك اشيااا والله فاصلة الكهربة هههههههه ...

والله ربي يعييينك ع سالفه الدوام ! انا جذي واويلاه مع الاخت !! والمشكلة الشهر الجاي او اللي بعده مفترض اشوف الشغله ههههههههه وانا متعايرة اقول بدري واختي مصرة الا اروح هالشهر وززوجي من صوب ثاني خخخخخ ...

ايي صدق جربتي الجهاز لتحضير الطعام ؟؟ انا وصيت زوجي الا يقوول ماااااااافي اعندنا !!!

التفاحه
تصدقين فرحت لما طاحت هههههههه كنت خايفه مااشهد اول طيحه لها الحمدلله ماتم شي بخاطري خخخ اليوم جالسه عالكنبه جنب ابها ادفها بشويش ابيها تطيح ع ورا عالكنبه وهي توخر ايدي وتصيح هههههه ماشاءالله فعلا يوم عن يوم التوازن يقوا عندها بس مسكينه بنتي كانت تبي احد يعطيها فرصه بس خخخ
هههههه خلاص بادليني بالنطيطه واعطيكي الاله لووول كل وحده مو لاقيه شي فينا الله يعين بس! طيب جربي نوع ثاني اتوقع تلقين
مشكلة العضاضه الي تنحط بالفريزر احسها تحتر بسرعه وتذووب ماتمسك البروده مدري ليش! الظاهر هي مفترض كذا والله مدري
اليوم انقهرت حددددي رحت محل هنا عالسريع عشان اجيب قوالب السيليكون وبعد ربع ساعه فرفره عليهم لقيتهم طفو الانوار عشان صلاه وجوجو تخاف اذا مافي انوار يووووه انبطت كبدي عدددل ههههههه وقطيت الي بايدي وقلت لزوجي خلنا نروح بس حفظت مكانهم بروح لهم بالويك اند ان شاااء الله بس يارب يكون مكتب عليهم السعه بالضبط زي ماقالت بالفيديو كل مكعب واحد اونس بالضبط

يعمررري ع الشطوورة ههههههههه ,, عاد انتي مجررررمة البنت تبغي توازن عمرها وانتي من وراها ههههههههه ذكرتيني ببرنامج الحصن ع ايام زماان نشووفه ههههههههههههههههه ....

النطيطة اذا تآمرين عليها توصلك ولا يهمك وجديدة بعد كلشي ولا جوجوو الحلووة ,,, بس فعلا ع الجهاز انبطيت ! بس فكره اسووي واحط بهالقوالب ان شاء الله اذا بكره او اللي بعده رحت السوق ع الله اتذكرهم !! انا المشكلة مخليه كل اشغاالي والتسووق كله بيوووم السنة الهجرية مادري هل بقدر اسويها كلها او لا ....

عندك يوم السنة الهجرية روحي اخذيه وان شاء الله انا بعد القى !

اشووف ميمي هاليومين تجنني بالنووووومة يالله !! واليوم عضتني عضه خلتني اقوم من محلي حسبي الله ع بليس واهله وفوقها تعالوا خلوني اوقف بروحي ع ظهوركم والعبوا معاي ؟؟! وامي الله يطول بعمرها تقولي ليش موقفتها توها بدري عليها لاتعورين ظهرها وكل ماقولها هاذي هي اللي تبغي جيي مو مصدقتني >>>> دايما مظلومه ! بالنهاية الاخت سووت الحركة قدامها ووقفت ع ظهر جدتها ههههههههههه ....

ام جوجو كنت بسألك تعطين جوجو ثلاث وجبات ؟؟ لان ميمي اهم شي عندها الريوق والغدى واما العشا حتى لو عصير عادي وشي خفيف بس اخاف مايشبعها محتارة

ام ميمي
جوجو الصباح لما تقعد ماتحب ترضع ولا تاكل لازم ساعتين بعدين ترضع وتنام شوي ترد تصحى تاكل خضار
وبعدين رضاعه بعدين يكون جا الليل سيريلاك وبعده بساعه وشوي تنام خخخخ الله يعينا عليهم انا جوجو هبلت فيني بالنوم بس امس يادوب عدلت نومتها شوي ولا الثلاث ليالي الي قبلها جننننننننننننتننننني ههههه تصحى 3 الفجر يلا بنلعب خ خ خ متامله مره وكل شوي تصحى
من كثر قلقي حلمت انها سننت خلاص هههههه