تجمع امهآت مآيو لشهر ~ذي الحجه~

تفاحه
يمكن حراره او شي بس خففي ملابسها وطفي المكيف
ههاي عبالك انا اشوف تلفزيون اذا هي صاحيه؟ فيه فلم كرتون ماااتسكت الا اذا شغلته له ولا تاكل الا اذا شغلته لها واذا كنا برا لازم اغنيلها اغنية المقدمه هههه حفظتها بسبتها! تسسسكت من تسمعني اغنيها وتاااكل بكل روواق على ديزني جونيور صرت اسجلها اياه البلاي لست صار كله لها ولما سافرنا من تصحى اشغله عالاب توب تروق,الحمدلله هي صدق تصحى مرتين او مره لما كنا مسافرين كانت تصحى مره بس مدري من التعب ولا وش هههه
مالاحظتي ع ميمي شي جديد؟ انا ملاحظه جوجو جايتها حالة عشق لايديها تجلس تتمقل بايديها وبابهامها بالذات وتحركهم تضحكنيي سبحان الله كيف احسها تتعرف ع نفسها لما اخليها لحالها او تكون بكرسي السياره تجيها هالحاله لوول

ههههههههههه ام جوجو ضحكتيني ع سالفه تأمل الايادي يعمرري اتخيل شكلها حبيبي ربي يخليها ويحميها يارب ...

امممم ميمي من قبل تسوي هالحركة بس زادت الحين انه تتلمس في وجهه ابوها ووجهي وتقعد تناغي معاه هههههههه ولما اقولها يله بنبدل حفاظتنه ماشوف الا وحده ماسكه لي رجايلها ومجهزة عمرها ههههههه هاذي الحركة اعتقد من الرابع صورتها لها ,,, الحين الجديد انه صارت تفهم لكلمه لااا وتقلد علي ببعض الحركات والاخت اليوم بالذات تبغي الا تقعد معانه على السفرة ولحد يمسكني وتلقط الاشيا منها !!! امممم بعد شنووو تمووت ع الكرتوون مثل ماقلتي وخصوصي شوون ذا الشيب هههههههه وبلوتو >>> ع امها بالضبط ...

صح ام جوجو شريتي ملابس شتا لجوجو ؟؟ وشنو المحلات اللي عجبتك ملابسهم ؟؟

فديتج والله انتي اكثر واحشتني ابد والله عيدنا في دبي غيرنا جو قبل الدوامات والكراف وهنوده تمام تسلم عليكم باديه تتفاعل مع خوانها مع صراخهم تصارخ هههههههه
والله يا ام جوجو مانتبهت لرابط

شهوودة ,, عليكم بألفييين عافية والحمدلله ع السلااامة يعني انتي وام جوجوو نوورت دبيي هههههه .. شريتي شي من هناك للشتا لو للحين ؟؟ ... وهنووودة بوسيها عننني يعمري عليها ...

بوستج وصلت يالغاليه والله بالنسبه لملابس الشتاء خذيت لاخوانها من دبي لان اعمارهم واحتياجاتهم واضحه عندي بس هنوده احترت فيها خذت لها بس اوفر اولات قطنية وامس كنت فالسوق احترت شاخذ لها تعبت وحيرت البياعه معاي اخذ لها سويتر خفيف والا جاكيت بعدين قلت الجاكيت يمكن يلعوزها او يضايقها قالتي البياعه اذا جا برد كثير ماراح يكفي السويتر روتني اوفر اول شغل تريكو وصوف خفت منه لان بشرت هنوده حساسه قلت يمكن يقرصها واحترت واحتار دليلي خليتهم ورجعت بخفي حنين ههههههههه اخرتها قلت يمكن البرد ماراح يدخل علينا الا بعد شهر اوشهرين تكون كبرت وكبر مقاسها وطلعت شفتي الحوسه

شهووود
نفسسسسي بالضبط احترررت خذت لها سويتر وجاكيتين خفاف كلش مقاس من 9 ل12 احتياط! حتى لو كبار بالطقاق خخخخ بس باقي اشيا شتوي لاااا الاغلبيه ربيعي مرره يعني كم طويل خفيف
تفاحه
والله قلت لك جوجو ودوامي ودوام ابوها مايسمحلي بالفرفره كلللللللش عشان كذا المحلات محدوده الي اشتري منها غالبا مذركير لينديكس اتش&ام عندهم اشيا مررره حلوه ترا الباقي غالبا بطلبه من النت في كذا بياعه عاجبيني عندهم اشيا بس انتظر البرد يعطينا وجه ههههه
على تلمس الوجه جوجو تمسك بايدينها الثنتين وتلف وجيهنا عليها يعني طالعوني كلموني لاتسفهوني خ خ خ خ خ انا طبعا قلت لك ماتجلس معنا ع وجبات الا بالويك اند جننتني ببيت اهلي يم الجمعه طبعا عملت حسابي وسويت لها اكل ع اساس تجلس تاكل معنا ماتبي الا بملعقتي يعنني تاكل نفس اكلي ضحكتني ههههه
بس بسئلكم ماميز الحين انا سويت كمية خضار وهرستهم وحطيتهم بالثلاجه يكفون ليومين بس احترت كيف اسخننننننننهم @_@ اي افكار؟

شهوودة ,, ملبوس الهنا ان شاء الله ... انا ميمي ع حسب الماركات فيه اللي يناسب عمرها وفيه الاصغر او الاكبر ... فالافضل اني قمت اقايسهم عليها او اخذ واحد من المشابك معاي ع اساس اتذكر الطول لان بنتي كل مالها تضعف وتطول فقط !! والاشياا تلاقينها طولها بالضبط بس وييييييع عليها يعمري !

ام جوجو ,,, طريقة بسيطة سوي له ريفريز بالمايكرويف اووو خلي الوجبة برى الثلاجة لمده نص ساعه الى ساعه تصير كوويسة من نفسها انا اسوي جي لميمي او الحل الآخر خليه بحمام مائي ....

حبيت فكرة الحمام المائي لان هي الي كانت ببالي!
اي تذكرت ترا بعد gap ونيكست اشيائهم حلوه اليوم كنت قاعده البس جوجو وتذكرت سؤالك خاماتهم حلوه وبارده وقطنهم جميل

ام جوجو ان شاء الله بروحهم ,, المشكلة مافي وققت الف شي ابغي اسوويه لريمي وعندي جولة تنظييف عاامه وعمييييقة بالبيت وفوقها صارت لي حساسية فظييعه وكنت انظف الغبار حتى شكيت بعمري فيني شي !!! ههههههه والاخوان بنتي وزوجي ولا كأنه عندهم شي !!! وانا ع عمري صارت حالة بانك عندي حتى الليل مانام عدل هههههههههه ...

ام جوجو مافي ملاامح سنوون بيطلعون لجوجو ؟؟ انا ميمي امس ترضع واحس بعضه بس اشووف لثتها مافيها شي واليوم مو راضيه امسك واشوف خخخخ ...

هلا أمهات
شلونكم وشلون بيبياتكم
بغيت أسألكم عن الدورة وياكم شلون منتظمة ولا لأ وهل ترضعون طبيعي
وشنو تسوون لمنع الحمل

سامحوني سألت وايد

والله تفاحه ابد ابد ماشيك! ولا احب احط ايدي بفمها هههههه بس احس ان تفصيلة مكان الاسنان محدده صارت مدري كيف الله يطلعهم ع خير بس!
ام الوليد
انا اول شهر اترك الحبوب ودورتي خبر خير متاخره 10 ايام هههههه

ام الوليد ::: انا ارضع طبيعي والدورة جاتني بعد تقريبا 3 الى 4 اشهر ( فاقدة الذاكرة معليش ههههه ) اممم اللي اشوفه انها رجعت مثل لما كنت بنت خصوصي الشهر اللي فات وفعلاا انا متعودة تأخر كل شهر يومين ثلاث وانا استخدم مانع طبيعي لانه ما اايد الحبوب والابر والخ وزوجي بعد رافض هالسالفه والحمدلله ماشييين ...

ام جوجوو ,, وحده من قرايبي بنتها اكبر من كتاكيتنه بشهر وماشاء الله صار عندها سنون اثنين ماشاء الله تبارك الله ربي يخليها من جذي سألتك ,, انا خايفه من بنتي تعضض فيني اذا طلعوا لها وهي مستانسة بهم هي جذي و مو مخليتني من حركاته التشمخ والتقرص والعض وع قولة الدكتورة ماتسبيها تلعب بيييهم مش ده بتاعها !!!!!

ههههههههه ام جوجو فحصتي منزلي ؟؟ لااااا شكله حامل وبتجيبين لجوجووو اخ ان شاء الله خخخخخ .... امزح امممم انزين انا اتوقع انه لانه تركتي الحبوب من جذي تأخرت يعني قاعده تعييد ضبط الهرمونات مرة ثانيه من جيي تأخرت ....

يعني وش بتسوين نصيبك تحملي خخخخخخخخ كله اجر ان شاءالله
انا الي اعرفه لما تطلع اول سن الثانيه وراها بعدين فتره يطلعو الباقي بالتدريج البطئ خخخخخخخ
اما للهرمونات انا اصلا دورتي وهرموناتي من قبل ملخبطين مررره

والله ربي يعييينك مزززززعجة اللخبطة اليوم اختي تشكي لي سالفة الدورة ومو عارفة خلص دم النفاس لو لا ! ذكرتني بمعاناتنه هووووووف الحمل كوووم والولادة والتربية كوووم ثااااااني .... وامس وحده من صديقاتي توها والده ومسكينه خلصت الاربعين بصوب وحملت بصوب ثاني مع انها تشرب حبوب وبلاوي بس الله كاتب !! سبحان الله وتقولي ابغي اسوي حل نهائي خلص ماعاد احمل !! ....

امممم بكرة تطعييم ميمي ربي يعييينه واتمنى اشووف وزنها زااد لانه احس بنتي ضعفااااانه وانا خاطري تكون طبووشة شووي واما ع الاسنان يالله لاحقين على بلاويها .... اليوم ميمي ضحكتني تشوفني غافلة عنها تتقعد بروحها وماشوف الا وحده قاعده وتطالع فيني هههههههه وظليت بالكاميرا عشان اصورها شلون تقعد عيييت ماتبغي تقعد ولا احد يلمسني تخاف ع عمرها!!!! ولما انطفت الكاميرا ماشفت الا وحده تضحك وهي قاعده ! طالع بالله عليكم تقهر لو لا ...

هلا

أنا المانع الطبيعي ما ينفع معاي لأنه يصير معاي حمل مع المانع الطبيعي وعلى قولة الدكتورة انه مب امن
ما ادري شسوي
الدكتورة تقول أحسن شي اللولب
على ولدي الاول كنت بس ماشية ع المانع الطبيعي وكنت ارضع ولدي والحمد لله ما صار حمل بس بعد السنتين ولما فطمت ولدي صار معاي حمل مع أني كنت ماشية ع المانع الطبيعي ونفس الشي تكرر معاي على بنتي كنت ماشية ع المانع وصار معاي حمل عشان جذي ابي شي ثاني غير المانع الطبيعي لانه ما ينفع الاعتماد عليه وفي النهاية ترى هي إرادة ربنا لما يكون كاتب شي بيصير

تفاحه
يوووووووووه الله يعينك صديقتك الي حملت ماساه صراااااحه ماتخيل احمل وجوجو كان عمرها شهرين ههههههههه الحين لا احس يمقن عادي خ خ خ خ
ام الوليد
طيب ليه مايستخدم زوجك واقي؟ في خيارات كثير اللولب مااحبه لانه يايتقبله جسمك ميه ميه يا يحوسك فوق تحت

ام الوليد ::: ناس يناسبهم اللولب ونااس يصير لهم تحسس منه والعدد كبييير !! انا ما اؤيد اللولب الا اذا وصلتي للطفل الخامس وبعد ما أأيده لانه يأثر ع الجسم ويملل ويا كثر سيئاته ! ... فمثل ماقالت ام جوجو خلي زوجك يستخدم وااقي اوو حتى حبوب منع الحمل للرجل ( كلشي ع الرجل هههههه ) وربي يخلي الكتااكييت الحلووين اللي عندك ان شاء الله ...

الحلوووة ,,, بالنسبة لي ماقدر لان احس ميمي دلووووعه بزيااادة وع قولة ابوها خلها تشبع دلاااعه وتحصل كل الدلع لها بروحها بعدين اوووكي وبعد خايفه لان حتى مني ومن ابوها نفس اللي تغار اذا قعدنا مع بعض بروحناا لازم هي بالنص ههههههههههه وقعدوا دلعواا فيني ...

ام جوجوو تتوقعين نهاية هالشهر نقدر نعطي كتاكيتنه بروتينات مثل السمك وهيك ؟؟! انا الوالدة ربي يخليها تقولي اذا باقي لها اسبوع ع نهاية هالشهر اعطيها بيض نص سلقه بس مادري اذا اقدر شنو ؟! ,,,, وديتي جوجو للتطعيم لو للحين ؟! ... وايي تذكرت امس تقولي اختي عن تطعيم ضد الزكام !؟! اعطت بنتها ذيك السنة لانها صار لها ربو خفيف قالوا لك عنها ؟؟

تفاحه
تصدقين انا ابوها يقوللي لاتحلمي تحملي الحين مابعد تشبع دلع جويل بس انا احس اني ابي صراحه كانت احلى ايام وانا حامل وانصدمت من نفسي اني فعلا اشتقت اكون حامل! خخخ مجنونه صح! بس اصلا بوضعي الحين صعب جداااا السنه الجايه باذن الله تخرج وجامعه وشغل وجويل صعبه صعبه كاني البهلوان الي يلعب بالكور ههههههه الف شي بنفس الوقت!
لا لا لا انا الي اعرفه تو النااس مو قبل الثامن! خصوصا البيض ومشتقات الحليب قبل السنه مو اوكي كذا قريت لان اغلب الاطفال يتحسسو منه والله اعلم
ماتوقع بتهور واسويها هههههه جوجو توووها بدت تتقبل الخضار والسيريلاك وانا لي كم معها
اليوم طعمتها الله المستعان ابره بكل فخذ ونقطتين بالفم بس صراحه الي ماعندهم تامين كيف يعيشووون عاد انا اذبحيني ولاتوديني حكومي اكررررررهم تخيلي بدون التامين مفروض ندفع تقريبا 800 مع التامين ولا حصلت 20 ريال حتى الحمدلله^_^ يلا التطعيم الجاي بعد 3 شهوور الله يسهلها باقيلنا 4 تطعيما حق 9 شهور حق السنه وحق السنه ونص و السنتين اتوقع هع<<<اهون ع نفسي ههههههه متى بس يصير التطعيم نقاط بالفم بس اوففف اتعذب وهم يغززونها خخخ
والله تطعيمة الزكام قريت كذا ام هنا بالمنتدى يتشكون منها! ان تخلي البيبي حرارته ترتفع وحوسه كانها ضرته اكثر مانفعته لان اغلب اطفالهم يمرضو مده بعده فـ مدري! انتي بتعطين ميمي

الحللللوة ,,, ربي يعطيييييك ماتتمني وان شاء الله تكمل جوجو السنة وبعدها تحملين جذي بيصيرون مثل التواءم حلوووو انا مقررة جييي والتربية وحده واحس تحصل ليها ونيييس هههههه ...

عن الاسماك توني اشووف في كتيب المشفى انه منتصف الشهر السابع ! يعني 7 ونص نبتدي ندخل اللحوم بأكلهم ....

والله هالتطعيمة دوخت ميمي عدل احس مسكينه ما الحق اقيس حرارتها الا بعدها بربع لو نص ساعه ترتفع عدل !! صرت اخاف انام بالليل هاليومين كلحين اشيك والزين في بنتي ان اذا حرارتها ارتفعت تقعد بروحها من النووم وتشوفينها تزنزن مع نفسها او تقعدني ... اما ابرة الزكام نوو وييي اعطيها ايااه !! انا اصلا ماعترف فيها بكل صراحة لان درست هالامور وفايروس الزكام لو تسووين له الف عقار راح يجي يعني يجي !! و لان اختي وضعها غير بنتها كانت ربوو فعشان يخففون عنها عطوها عن لايجيها زكام مرتبط بالربو فقط الربو ....

والله يا اختي التأمييين حلوووو وانا افكر ابتدي من الحين اسووي لميمي كارت لان اناا عادي عندي يعني مو من النوع اللي يروح المشفى لانه ماطيق وزوجي عنده فقلت ان شاء الله افتح لها واحد او الشغله الجديدة يكون فيها تأمين ...

تعالي صدق اخذتي النطاطة لجوجو ؟؟؟ انا افكر الشهر الجاي او اخذ لها مشاية الاخت كله تبغي تمسك ابوها وتوقف بروحها وتتمشي حواليه هههههههههههه ...

ع الاكل انا جربت معاها الحين البروكلي مع الكوسا والرز المطحون ( حبته موووت ) ,, واليوم قلت بسوي لها كوسا وقرع ,,, واما السريلاك صار اساسي لفطورها تزنزن عليه هههههه وماشاء الله احسه يسسسمن يعني وزنها كنت خايفه انه نزل بس ماشاء الله اكثر من توقعاتي استااااااانست بس باقي عليها تسمن شكليااا >>>> وحده تحب المتختين ...

ام ميمي
ماحصلت النطاطه عندنا جبت لها زي الجلاسه ع شكل سياره هههه تستانس فيها طبعا لان بنتي النتفه مافي مشايه ع مقاسها! كلش لاتطول الارض ولا حتى الفرشه! بنتظر شهر ونشوف,اما عالوزن بنتي زادت يمكن 700جرام توقعت اكثر من كذا!
الاكل انا اسويلها رز وكوسا وبطاطس ومرات جزر وتاكلهم والسيريلاك اوكي تعودت عليه خلاص بس ابي تاكل فواكه وهي معدتها ماتتحمل التفاح جربته لها عصير وجربته مسلوق كلللش ماتحملته ومحتاره وش اذوقها فاكهه
سلامتها ميمي ماتشوف شر انا امس طول الليل اوسوس ان فيها حراره خصوصا نامت وطولت وكل شوي اشيك عليها بس الحمدلله مارتفعت مره لان من قبل لا اطعمها عطيتها الادول وصرت ع كلام الدكتور كل 4 ساعات فمامداها الحراره ترتفع واجد يادوب شوي بس طبعا كل شوي فجاه تصيح الظاهر التطعيمات تعورها