تجمع أمهات مايو لشهر ذي القعدة ,,, حياكــم

تفاحه
والله بنتي عندها مرجيحه وجلاسه! المرجيحه اول يوووه تعشقها وعادي تجلس فيها تشوف التلفزيون ومرات حتى تنام! الحين من اجي احطها فيها يووه الصياح بس تبيني اجلسها عالكنبه واسندها بالمخدات يعنني كبيره مثلكم!
اتوقع كلامك فعلا صحيح لما كانت عيني ملتهبه جوجو ماصارت تقوم واجد باليل! كانها تبي تريحني حتى كنت اقلق عليها! والحين نفسيتي مضروبه من الحبوب قررت بوقفهم خلاص كل الاعراض الجانبيه جاتني هههههه صداع غثيان عصبيه اكتئاب كل ابو كل شي!
اختك متى اصلا المفروض موعد ولادتها؟

الحلوة ,, ربي يعييين بس ويعطيك العافية بعد انتي شاربة الادوية عشان تتعالجين عشانها ! بس شيسوي الواحد ! ...

اختي الله يسلمك مفترض تاريخ 25-9 دعوواتكم لهاا

تفاحه
ماطليتي اليوم عسى تكون اختك قامت بالسلامه وانشغلتي معها=)
جوجو معذبتني بهالصياح الفجاه وامي مصره تسنين او ان اللثه تتهيأ عشان تسنن والله يعين

الحلووة ,, دعوواتك بالتساهيل حبيبتي مسكينه جاها طلق وكلنا قلنه خلص بتولد بالنهاية وقف فجأه !! عطوها فرصة وبعدها بيبتدون الصناعي معاها ... والله كاني اناا اللي بوولد من زود لاانام لا ليل وبالي كله مشغول عليها على عمري ربي يسهل لهاا وييسر لها ولادتها ونشووف المعررس اللي متغلي عليينه ...

انا موجودة بس توقعت انتي اللي مشغووله مع جوجوو هههههه والله ربي يعييينك مابتطلع هالاسنان الااا انتي غشيانه من التعب !! انزين انتي تفحصي لثتها بصبعك وشوفي منتفخ ؟؟ وعلى قولة ام زوجي بس شوفيه شووف ولاتقعدين تحوسين بلثتها هههههه ,, يالله غمضي عين فتحي عيين بتشوفين موعد تطعيمها قرب !! ماشاء الله دخلوا بالسادس كتاكيتنه ...

والله من احط صبعي تنهبل من الصياح قلت خلاص عاد مالي خلق هالسالفه
والله جوجو راعية مقاااااااالب قلت لك اول ماتقرب تتم اي شهر تصير تناام وتطول بالنوم ماشاءالله يومين ثلاثه وترد زي اول تصحى مرتين ثلاثه باليل تلعب فيني وباعصابي هههههههه بديتي بالسيريلاك لريمي؟ انا جوجو جربت لها القمح مع الفواكه وكانه سبب لها امساك نوعا ما بس واعطيتها عصير السنطر عجبها وساعد بطنها كمان^_^ الحمدلله طلعت ماتحب التفاح بس تقبلت البرتقال بانواعه ههههههه
اي والله قرب التطعيم اوففف رعب رعب! متى بتصير التطعيمات نقاط بالفلم بس تعبنا ويا هالابر بس هانت هانت مابقى شي عالسنه مرت الايام بسرعه=)

ههههههههه الحلووة اعتبريها فتررة نقاهه واستجمام تقدمها لك جوجو فاخذي راااحتك طوول بعرض !! السيريلاك مابديته للحين انتظر لهالاسبووع عشاني برووح اغراض واشيا جذي لهاا ومرة وحده ابتدي معاها يعني بتكون خلصت اسبوع من السادس ومنها اتأكد ان بنتي مافيها حساسية ,, واما اليوم ياختي سووت فيني مسلسل شوي وبيوقف قلبي الاخت قعدت من نومها وانا مادري فيها وتمت تحك وتحك وتحك ببالبقعه الي تصير بالرقبة واظافرها توها كبرانه وبالاخيرر طلعت الدم !!! لما شفت والله على بالي مضروبه شي لان صار على ثيابها وشمخ شطوله !! عقب ما اتهولت واتصلت لابوها اشتغل عقلي وانها نايمة بمكان آمن ومافيه شي غير المخدات !! جننتني فعلاا ...

والله انتظر نهاية هالشهر بفاارغ الصبر على الاقل يكبرون شووي ويقدرون يتقعدون بروحهم وينامون ويخلونه ننام بسلام ومايدخل شهرهم السابع الا هم متعودين على الاكل ومريحينه شووي ...

ابشرك اختي ولدت ولله الحمد اليوم المغرب وجابت احلى كتكووت شامسكينه تعبت يوومين من الطلق والطلق الصناعي وبالاخيير مارضى يفتح عندها وتعب البيبي واضطروا للعملية .... ان شاء الله تدخل جوووفان وتشووف الخبررر ...

الف الف الف الحمدلله على سلامتها
دايماً انا بالجوار بس على الصامت
وانتظر خبر ولادتهااااا
مبروك ماجاهم يتربى في عزهم البطل
واموااااااااه للنونو

حبيبتي جووفان تسلمييين ودعووواتك عسل ياكل العسل ... انتي اخبارك ؟؟

الحمدلله رب العالمين على كل حال
نزلت الدوره

اللللللف مبرووووك كل التعب يهووون لجل العسوول الحمدلله ع سلامتهم وش سموووووه ههههههه اهمم شي
جوفان
الحمدلله ع كل حال حبيبتي وربك له حكمه بكل شي الله يرزقك عاجلا غير اجل يارب

جوجو امس خشمها مسدود وحووسه واكتشفت فعلا تحس فيني وبقوه وانا احس فيها ههههه إحساس غريب لأني كان مشغول بالي بشي ولاااا عرفت أنام الله وكيلكم وهي معي كل ماصحيت صحت

جوفان حبيبتي ان شاء الله ربي يكتب لك الحمل السليم المعافى قررريب باذن واحد احد ويفرحك ويفرحنه بهالخبر ياااااااااااااارب ولاتيأسي ....

الحلووة ,,, الله يبااااااااارك فيك يااااارب ويخليلك جوجووو القمررر .... سمووه الله يسلمك احمدااني ( أحمد ) على اسم جده الله يرحمه اولا ولأن عندنا بالبيت محمد ومحمود ماباقي الا الأحمد والحمدلله وصل بصحة وسلامة ... عاد امس لما شفته يااااااااعمري يااااعمري جنني ماشاء الله تبارك الله عليه حسيت كأني اشووف مرايم صغنوونة وصوت صيااحه ياقلبي علييه يخلي القلب يررقع من حلاوته بس شوفي سبحان الله كبروا عيالنه ولا حسينه !! يعني ميمي صياحها الحين 180 درجة غييييييير شلوون تغيرر من غير ما احس بهالشي سبحانه الخالق فعلاا ... ع جوجوو شفتي ماشاء الله ربي يخليها حنونة على امها دووم ان شاء الله وعلى الخشم المسدود الاحظ ميمي جيي الحين بس المشكلة ماتقدر تعييش بدون مكيف شسوي فأنظف لها خشمها وخلص,, واعتقد انه من تغيير الجوو خصوصي ان الحين البرد قاعد يدخل وحتى أحمداني مسكيين اكوو مزززكم حده على عمرري ...

شنو تطورات جوجو هالشهر ؟؟ وبديتي معاها الاكل المالح لو للحين ؟؟ انا الوالدة الله يطول بعمرها طايحة فيييني زن عطيها وعطيها وحرام عليك تجوعينها وليش مانعتها من الرزق اللي ينعطى لها هههههه عااد قلت لها وعد هالاسبوع بعطيها بس صراحة خايفه ماتتقبل ! وشنوو رايك بالخضروات المعلبة يعني بتاعت الاطفال الجاهزة آخذه احسن واسرع لي ؟

تسلمون حبايبي على الدعوات

ام ميمي
لا ايتعدي عن المعلب ماانصح فيه ابد
خليه كل شي فرش حتى ماتتعب معدتها خصوصاً انها ماترضع صناعي

جوووفان ,, شورش وهداية الله كلامك مثل كلام امي بالضبط خلص فرش ان شاء الله ,, انا جربت معاها البطاط المسلووق وشفتها حبته ماشاء الله على جدها هههههه ... يسلمووو حبي وربي يعطيك ويرررررررضيك ياااااارب وايي قبل لا انسى امس توها تسألني اختي تقوولي انتي ماقلتي فيه وحده قلتي ادعي لها ( اقصد انتي )؟ اقولها ايي تقوول هاذي مانسيتها ياسبحان الله الااا تقوولي هاا حملت ؟؟ ههههههه اقول مامداه حشى مو دعووة هاذي بيوم وليله ...

بعد عمري ام احمدي هههههه ان شالله دعواتها مستجابه ولا اشوف الدوره ثااانيه

جوفي خليج على البطاط المسلوق وبعد اسبوع دخلي جزر معاه
ان شالله راح تحبه

ان شاء الله ياااااااارب وتبشرييينه واهم شي الحلاووة خخخخخ ,,, انزين جوفان اقدر احط لها رز وياه بعد يومين جيي ؟؟ لو بيصير ثقيل ؟؟ >>> ماتنعطى وجهه البنت ترىه ههههه ...

تفاحه
هههههههههههه ضحكت ع سالفة اختك امداها تصير الدعوه حشى خ خ خ الحمدلله ع سلامتها عاااشت الاسامي<<على اسم باباتي الله يرحمه وكان ودي لو ربي كتبلي توام اولاد واحد ع اسم ابوي وواحد ع اسم عمي هههههه الحمدلله
جوجو الله يسلمك امي امس صدمتني-مو فاجئتني- رجعت من الدوام الا اشوف مشاية الاطفال والاخت جويل جالسه مستانسه تلعب وتحوس انا عيوني صارت كذا@_@ خخخخ طبعا رجولي ماتوصل للارض اصلا في طبقه كذا محطوطه مدري وش للاطفال الي ماتوصل رجولهم للارض
ياقلبيييي امداه يزكم احمدي حياتي الله يعينه جا بوقت صعب لاهو برد ولا هو صيف الله المستعان, انا خالتي ارسلتلي قطره من لبنان جربتها مع جوجو امس واليوم وجات بوقتها الصراحه ممتاااازه حتى جوجو مالاعت كبدها منها العاده القطره ام بطه ههه سالينوز يصير وجه بنتي اشكال خ خ خ خ
جوفان&تفاحه
مايسبب امساك البطاطس؟! مدري احس محتاره افكر اعطيها كوسى من خوفي من البطاطس, اما بالنسبه للمعلب كللل الناس حذروني وخوفوني منه وقالو اصلا مابتتقبله خخخ لهيك ماتهورت, ان شاءالله ببدا معها بعد اسبوع لاني توني باديتلها بسيريلاك القمح والفواكه=) وعصير البرتقال طبعا اكتشفت بنتي حبت البرتقال مثل خالتها خ خ خ خ باذن الله الاسبوع الجاي نشوف الموالح والله يستر!

جوفان
خليك معانا عشان تحدثين معلوماتك هههههههه كذا تبقى فرررش وان شاءالله ربي يرزقك بالحمل قريب يارب

ام ميمي لا رز ثقيييل لاتعطيها حالياً قد يسبب لها امساااك

ام جوجو
بسم الله ماشالله
العروسه ركبت المشايه ههههه
سمعي اذا بدأتي مع بنتك من الخضار بالكوسا ترا بتكره الخضار كلها هههه
بدأي بالاشياء المقبوله البطاطا والجزر واشوي اشوي دخلي الكوسا

الحلوة ,, ماشاء الله على جوجوو ربي يخليها ويبعد عنها كل عين يااارب ... انا اليوم اسأل الوالدة لان خايفه على ريمووه الاخت كله وقافي اوو قعدوني معاكم !! فخفت على ظهرها او رجايلها تتقوس الا تقولي امي مافي خووف بس المشاية خليها لنهايات السادس احسن خصوصي ميمي احسها حركية بزوده يعني الله لايقوله تطيح لان تحب القفز العالي هههههه ...

عن البطاط تصدقين اني عطيتها الصبح وماشاء الله نزلت وعين الله عليها ! بس اذا خايفه يسبب لها امساك عطيها الوجبة اللي بعدها تكوون عصير السنطر او العنب وبجذي تضمنين انه مايصيدها .. وكلااام جوفان عين العقل لان امي قالت نفس الحجي انه اول شي بطاط بعده جزر وهيك وبعدها خليه مكس ....

ايي حلوو اسم احمد انا عاجبني احسه بسيط و ورزة ههههههه ,, الله يرحمه ويغمد روحه الجنة ان شاء الله ...

شنو اسم القطررة ام جوجو ؟؟ ..

جوفاان ,, صح كلامها الحلووة خليش وياانه عشان تسوين فررش للمعلومات ماتدرين الشهر الجاي تنقبل دعوة اختي وتبشررينه بحملك عااد هاا مالي خص سوي لي ورق عنب وكششري >>> متنسية المرة ..

جوووفان وام جوجوو شخباركم ؟؟ ماشووف لكم طله عليييينه ... ام جوجوو شفت لعبة عجيييبة للي كبر بيبياتنه وحتى يستخدمونهم من الشهر الرابع الا وهي النطاط عجييييييييب ههههههه قلت باخذه لميمي لانها تحب تناطط ...